Ester 10:3 - Bible in Tzotzil de Chamula

³ Yu'un ti Mardoqueo ti jun judio vinique, ac'bil yabtel ti c'otem ta its'inal yu'un ti ajvalile. Cajal c'otem ta stojol scotol ti judioetique. Lec x'ile yu'un scotol ti svinquileltaque. Laj sva'an sba ta sa'bel slequilal ti steclumale. Laj spas tsatsal ta sa'bel yutsil slequilal ti svinquileltaque.

Bible in Tzotzil de Chenalhó with Deuterocanon

³ Yu'un li Mardoqueo judá vinique ja' banquilal jpasmantal yu'un li ajvalil Asueroe. Lec c'anbil, xchi'uc lec ich'bil ta muc' yu'un scotol li xchi'iltaque, yu'un la sa' c'u x'elan lec oyic li xchi'iltaque, xchi'uc laj yac' persa la scolta.

Ester 10:3 Iomraidhean Croise

Génesis 41:40

Vo'ot ta xaventainbun ti jnae. Ta ave ta ati' ta xapas ta mantal scotol ti jteclum cu'une. Ja' no'ox un, vu'un ti ich'ob-c'opun avu'une, yu'un ajvalilun.

Génesis 45:10

La' naclan li' ta yosilal Gosén jmoj xchi'uc ti anich'nabe, ti amamubtaque, xchi'uc scotol ti chon bolometic avu'une, yo' jech mu xa nomuc bu nacalot.

Génesis 45:11

Li' ta xcac'bot ave'elic xchi'uc ti anich'nabtaque, xchi'uc scotol ti c'u yepal atsoboje, yo' jech mu xchamic ta vi'nal. Yu'un sc'an to vo'ob jabil ta x'ech' ti vi'nale.’

2 Crónicas 28:7

Ti banquilal j'ac'-leto yu'un Efraín ti Zicri sbie, laj smil ti Maaseías xnich'on ti ajvalile, ti Azricam banquilal jchabiej na yu'un ti ajvalile, xchi'uc ti Elcaná banquilal j'opisial yu'un ti ajvalile.

Nehemías 2:10

Ja'uc le' une, ti c'alal laj ya'i ti Sanbalat ti oy ta Horone, xchi'uc ti Tobías jun j'opisial amonitae, ep soc sjolic ti laj ya'iic ti oy xa buch'u c'ot ta stiq'uel sba ta scoltael ti israeletique.

Ester 2:5

Ta muc' ta lum ti Susae, nacal jun judío vinic sbiinoj Mardoqueo, xnich'on ti Jaire, snitilul ti Simei xchi'uc ti Cise, ta sventa jvoc' snitilultac ti Benjamine.

Ester 3:2

Scotol ti jtuneletic yu'un ti ajvalil ti oy ta snae, ta snijan squejan sbaic ta stojol ti Amán c'alal ta x'ech'ic ta sts'elique, mi ta xc'otic ta stojolique, yu'un ja' jech yaloj mantal ti ajvalile. Ti Mardoqueoe mu jechuc laj spas.

Daniel 5:16

Ac'o mi jech un, ca'ioj ac'oplal ti xu' avu'un ta xajambe smelol ti c'usi mu na'baje, xchi'uc ti c'usitic juteb ta o'ntonal ti tsots sc'oplal ta xich' na'ele. Ti mi xu' avu'un yavtael ti c'opetic ti vi s'elan le'e, ti mi ta xavalbun ti c'usi smelol ta xac' ta na'ele, ta xcal mantal ti ac'o yaq'uic alap ti yax'elan xela c'u'ile, ti ac'o yaq'uic avuin carina ti meltsanbil ta oroe, ti ta xac'ot ta yoxibal ajvalil yo' ta xaventain ti bu c'alal ventainbil cu'une.”

Daniel 5:29

Laj taj une, ta yorail no'ox, ti ajvalil Belsasare laj yal mantal ti ac'o yich' lapbel yax'elan c'u'il ti Daniele, ti ac'o ac'batuc yuin jlicuc carina ti meltsanbil ta oroe. Laj yal ta jamal xtoc ta stojol scotol ti ta xc'ot ta yoxibal ajvalil ta sbainel ti c'u yepal sbainoj to ox ti ajvalile.

Daniel 6:3

Ta ora no'ox vinaj ti ja' lec xtojob ti Daniele, ti ja' mu sta ti yan banquilal yu'unic ti yan xchi'iltac ti co'ol cajal yabtel yich'ojique, xchi'uc ta stojol ti banquilaletic ti c'u s'elan xu' yu'unic ta sbainel ti jujun slumalique. Jech o xal ti ajvalile laj snop ti ja' no'ox stuc ta xc'ot ta banquilal ti ta spas mantal ti ta muc' ta lume.

Romanos 10:1

Jchi'iltac, ti jc'opojel jti'inel ta stojol ti Diose, ja' ta sventa ti israeletique, yu'un oy ta co'nton staicuc ti scolelique.

Romanos 14:18

Ti buch'u jech yac'oj sba ta tunel yu'un ti Cristoe, lec x'ile yu'un ti Diose, xchi'uc lec ta x'ile yu'un ti buch'uuc no'oxe.

1 Samuel 18:16

Ja'uc le' une, scotol ti Israele, ti Judae, yac'oj xc'uxulic ta stojol ti Davide, ja' jtojobtasvanej yu'unic ti c'alal ta xloc' ta xbatic ta ac'-letoe.

1 Samuel 23:17

Xi laj yalbee: —Mu xaxi', ti Saúl ti ja' jtote, mu xastaot ta sa'el. Yu'un ta xa'och ta ajvalil yu'un ti Israele. Ta xi'och ec un, ti ich'bil ta xic'ot ta muc' ta ts'acal toe. Taje, sna' lec ti Saúl ti ja' jtote.