Ester 10:2 - Bible in Tzotzil de Chamula

² Scotol ti yip yabtel laj spas ti ajvalile, jech c'u cha'al sc'oplal ti laj yac'be yich' tsots yabtel ti Mardoqueoe, ts'ibabil com ta jpoc vun ti bu ta xich' ts'ibael ti c'usitic ta xc'ot ta pasel yu'un ti ajvaliletic yu'un ti Media xchi'uc ti Persiae.

Bible in Tzotzil de Chenalhó with Deuterocanon

² Scotol li c'usitic ivu' yu'un la spas ajvalile xchi'uc ti c'u x'elan laj yac' ta ich'el ta muc' li Mardoqueoe te ts'ibabil ta svunal c'usitic c'otem ta pasel yu'un li ajvaliletic ta Media xchi'uc ta Persiae.

Ester 10:2 Iomraidhean Croise

1 Reyes 11:41

Ti c'u to yepal sc'oplal slo'iltael ti sbijile, xchi'uc scotol ti c'usitic laj spas ti Salomone, ts'ibabil ta jpoc vun ti bu ta xal ta xc'otan ta pasel yu'un ti Salomone.

1 Reyes 14:19

Ti sc'oplal ya'yejal yabtel ti Jeroboame, ti tsacvan ta letovajele, ti c'usitic yan laj spas ti c'alal tiq'uil ta yabtele, ts'ibabil sc'oplal ta jpoc svunal yabtel ti ajvaliletic yu'un ti Israele.

1 Reyes 22:39

Ti sc'oplal ya'yejal ti Acabe, xchi'uc ti c'usitic laj spase, ti sna ti meltsanbil ta c'upil sba saquiquil baxtone, ti jteclumetic ti laj sva'anane, ts'ibabil com ta jpoc svunal yabteltac ti ajvaliletic yu'un ti Israele.

Ester 2:23

Lic yich' t'unel ti c'op taje. Vinaj ti melel ono'oxe. Loc' mantal ti yich'uc joc'anel ta te' ti chib j'opisialetique. Ta sba ta sat ti ajvalile, laj yich' bejanel ta jpoc vun ti bu ta xich' ts'ibael slo'il ya'yejal ti jteclume.

Ester 6:1

Ti ta yac'ubalil taj une, mu x'och svayel ti ajvalile. Jech laj stac mantal ti ich'batuc talel svunal bu ts'ibabil ti c'usitic c'otem ta pasel ta sjunul ti muc' ta lume, ti avtabatuc ya'ie.

Ester 8:15

Ti Mardoqueoe slapoj loc' ech'el lo'in c'u'il sventa ajvalilal ti yax'elan xyaxal xchi'uc saquile, xchi'uc jun muc' ta ronail jolal ti meltsanbil ta oroe, xchi'uc jlic xela mochib c'u' ti yax'elan stsajale. Xmuyubajic lic avanicuc scotol ti jnaclejetic ta muc' ta lum Susae.

Ester 8:2

Va'i ti ajvalile laj sloq'ues ti yixtolal c'obal ti laj xcha'ich' sutel ti laj yac'be to ox ti Amane. Laj yac'be yich' ti Mardoqueoe. Ta sventa ti Estere, laj sva'an ta sq'uelel scotol ti c'usitic x'ayan to ox yu'un ti Amane.

Ester 9:4

Yu'un ti Mardoqueoe ja' xa jun vinic cajal yabtel c'otem ta sna ti ajvalile, ti puc xa batel sc'oplal ya'yejal ta scotol ti lumetique, ti jujun c'ac'al ta xich' yip ti yabtele.

Salmos 18:35

Ta xatic' aba ta xchabielun ta spojelun, avicojun ta abats'i c'ob; ta sventa yutsil avo'nton une, cajal c'ot ti jc'oplale.

Daniel 2:48

Laj taj une, jech ti ajvalile lic yac'be cajal yabtel ti Daniele. Spajeb xa no'ox yutsiquil ti matanaletic laj yac'bee. Ma'uc no'ox taje, yu'un laj yac'be yabtel ti c'ot ta its'inal ajvalil yo' ta sventain yosilal ti jteclum Babiloniae, xchi'uc c'ot ta banquilal jpas-mantal ta stojol scotol ti buch'utic bijil viniquetic ta muc' ta lum taje.