Ester 1:4 - Bible in Tzotzil de Chamula

⁴ Yu'un c'ajomal no'ox ta xac' ta ilel ti sc'ulejale, ti cuchem yu'un ti ochem ta ajvalilale, ti stuc xa no'ox ti jelavem stsatsal ta j'ech'ele. Jalij o'lol jabil ti q'uine.

Bible in Tzotzil de Chenalhó with Deuterocanon

⁴ Yu'un ta xac'be yil c'u x'elan li sc'ulejale xchi'uc c'u x'elan smuc'ul li yabtele, ti mu'yuc boch'o jech yan toj muc' yabtele. Li q'uin la spase ijalij o'lol jabil.

Ester 1:4 Iomraidhean Croise

1 Crónicas 29:25

Ti Diose, c'ot ta pasel yu'un ta stojol ti Salomone, ti spajebal xa no'ox lec x'ile ta sba ta sat scotol ti Israele, ti jun no'ox yutsil slequil laj yac'be sta ti tiq'uil ta ajvalilale ti mu junuc ajvalil yu'un Israel laj sta jech c'u cha'al laj sta ti stuque.

Ester 1:3

Ta yoxibal jabil stic'lej ta ajvalilal une, ti ajvalil Asueroe lic spas q'uin sventa yich'el ta muc' scotol ti yajtuneltaque, xchi'uc ti xchi'iltac ta abtel sventa ti ajvalile, ti banquilal soldado yu'un ti Persia xchi'uc ti Mediae, ti its'inal ajvaliletique, xchi'uc ti banquilaletic yu'un ti jujuchop bic'tal lumetique.

Ester 1:5

C'alal laj taje, laj to spas yan q'uin ti ajvalil ti jalij vucub (7) c'ac'al ta yamaq'uil sna bu ts'unul ti nichimetique. Scotolic c'u yepal nacalic ta slumal Susae, ic'bilic ti buch'utic tsots yabtelique, xchi'uc ti buch'utic mu tsotsuc yabtelic yich'ojique.

Job 40:10

Ch'alo aba unbi ta avabtel ta amuc'ul atsatsal, ti tixetan xa yu'un ti alequil avutsile.

Salmos 145:5

Ta xich' alel ti jun avutsil ti jcuch-abtelote, ta xcalbe sc'oplal ec un ti c'usitic ch'ayal ta xc'ot o'ntonal yu'un ti ta xapase.

Salmos 21:5

Colavalbe ti laj acoltae, cajal c'ot ti sc'oplal ta j'ech'ele; laj sta ich'el ta muc' avu'un, laj avac'be slequilal.

Salmos 45:3

Tsatsal vinic, chuquino xch'a ti avespadae. Tixil to ta xac'ot xchi'uc.

Salmos 93:1

Ajvalil ma' ti Diose. Xojobin no'ox ta yutsilal ma' ti Diose, xchi'uc joyobtabil ta smuc'ul stsatsal. Laj yac'be yic ta smeltsanel ti banomile yo' lec chotol.

Isaías 39:2

Ti Ezequiase xlaet xa yo'nton laj ya'i ti jech c'otique. Lic yac' iluc ti sc'ulejale, ti platae, ti oroe, ti muil poxiletique, ti lequil aceitee, ti squejlebtac ti abtejebaletique, xchi'uc ti c'usitic naca q'uejajtic ta yaviltaque. Ti c'usitic x'ayan ti bu ta spas mantale, laj yac' iluc scotol.

Ezequiel 28:5

Ti xatojob ta bolomajele, yepaj no'ox ti ac'ulejale, laj atoy aba yu'un ti c'ulejal une.

Daniel 4:30

ti xi lic yalbe sbae: “C'u xa no'ox yutsil ta xilic ti q'ue smuc'ul bat ti jteclum Babiloniae. Yu'un ta jmuc'ul jtsatsal, meltsaj cu'un ti jech muq'uib ta j'ech'ele yo' jech c'ot ta jtsobvanej jteclum ti bu ta jpas-mantale, yo' jech ta xquicta comel jna'obil ti oy jmuc'ul jtsatsal li'ech'e.”

Daniel 4:36

“Ta yorail no'ox ti c'alal jech c'ot ta pasel taje, lic cuxiuc talel ti snopobil cu'une. Vul ti jch'ulele. Lic ayanuc yutsilal ti c'u s'elan ta jpas-mantale, ti cajal c'ot ti jc'oplale, ti jelavem xu' cu'une. Jech ti jtojobtasvanejetic cu'une, xchi'uc ti buch'u cajal yabtelic cu'un ti ta spas mantale, tal sq'uelicun. Va'i un, lic jva'an jba ta pas mantal yu'unic ta stojol ti jteclumale. Lic quich' quip ta ventainvanej ti xjelav to laj jtae, ti ja' mu sta ta ba'yel to oxe.

Daniel 5:18

“Yu'un ti Dios ti oy ta toyole, laj yac' ochuc ta ajvalil, laj yac'be ti jelavem xu' yu'une, ti yutsilal slequilale, ti cajal ich'bil c'ot ta muc' ti Nabucodonosor ti ja' atote, Jcuch abtel.

San Mateo 4:8

Ti pucuje laj yic' batel xtoc ta jun toyol vits ti bu laj yac'be yil scotol yutsilal slequilal ti muc'tiquil lume.

San Mateo 6:13

Mu xavac'uncutic ta lajeltsael, pojuncutic ta yoc ta sc'ob ti pucuje. Yu'un jelavem amuc'ul, oy alequilal, ta xapas mantal sbatel osil. Jechuc.’

Romanos 9:23

Avi tana li' une, ti Diose sc'an ta xac' ta na'el ta jtojoltic ti smuc'ule, ti yutsilal slequilale, yu'un laj xc'uxubinotic, xchi'uc chapal yu'un ti ta jchi'intic ta slequilal yutsilale.

Efesios 1:18

Ta jc'anbe ti Diose ti ac'o sjamboxuc ti snopbenal avu'unique yo' jech ta xana'ic c'u s'elan ti spatobil yo'ntonic ta x'ac'batic ti buch'utic ic'bilique, xchi'uc ti oy jun c'ulejal rextoil ti mu albajuc yutsil ta xac' ti Dios ta stojol ti ch'ul jteclumetic yu'une.

Colosenses 1:27

Ti stuquique ac'bat sna'ic yu'un Dios ti c'usi mucul to ox ti c'otem ta sventa yutsil sc'ulejal ti muc'tiquil lum jyanlumetique, ti ja' tey xa oy ta avo'ntonic ti Cristoe, ti ja' ta sventa amalojic ti c'usi toj jun yutsil ta to xataique.

Apocalipsis 4:11

“Cajval Dios cu'uncutic, ac'otebal o ti ich'bilot ta muq'ue, ti ta xa'albat ti yan avutsile, ti oy amuc'ul atsatsale, yu'un vo'ot laj apas scotol ti c'usitic oye, yu'un loc' ayan ta avo'nton ti jech oy scotol ti c'usitic laj ameltsane.”