Ester 1:12 - Bible in Tzotzil de Chamula

¹² Ti me' ajvalil une mu'yuc laj xch'un iq'uel yu'un ti ajvalil ti tacvan ta iq'uel ta sventa ti viniquetic ti co'ol yo'ntonic xchi'uque. Va'i ti ajvalil une ilin ta j'ech'el, ti sbic' xa sc'ac'al yo'nton xchi'uque.

Bible in Tzotzil de Chenalhó with Deuterocanon

¹² Li Vastie muc xch'un iq'uel yu'un smalal ta sventa li vucub viniquetique. Ja' yu'un li ajvalile i'ilin, bats'i tsots ilic sc'ac'al yo'nton.

Ester 1:12 Iomraidhean Croise

Génesis 3:16

Xi albat ti antse: —C'alal ta x'ayan ti avalabtaque, ta xquepajes ti avocole. Ja' jech xtoc ta xava'ibe xc'uxul ti c'alal ta xavoq'ues ti avole. Manchuc mi jech un, mu no'ox xu' avu'un ta xava'i, tsots sc'oplal ta xava'i ti amalale, pasbilot ta mantal yu'un.

Ester 1:11

Laj yalbeic mantal ti yiq'uicuc talel ta stojol ti me' ajvalil Vasti ti c'upiluc sba xchi'uc ti sronail sjole, yo' jech ti jteclume xchi'uc ti buch'utic cajal yabtel yich'ojique, ch'ayaluc c'otuc yo'ntonic yu'un ti xtixet no'ox yutsil ti me' ajvalile, ti c'upil sba ta j'ech'el ti me' ajvalile.

Ester 1:13

Jech laj yich'be ye sti' un ti buch'utic xojtiquinic lec ti oy c'usi tsots albil ta sventa taje. Stalelic ti ajvalil ti ta sbainic yu'un ti buch'utic xojtiquinic ti oy c'usi tsots albil ta sventa ti c'usi sc'an pasele.

Ester 7:7

Xcapet xa sjol va'i loq'uel ti Asuero ta yut na ti bu xyaquet ti ve'el uch'ubajele. Bat ta yamaq'uil na ti bu ts'unbil ti nichime. Ja'uc le' une, c'alal yil ti Amán ti jbel sc'oplal ta x'aq'ue ta milel yu'un ti ajvalile, com ti bu oyic ta sc'anbel vocol ti me' ajvalil Estere, ti mu x'ac'bat stoj ta sjole.

Salmos 74:1

Ch'ul Dios, ¿c'u cha'al j'ech'el laj ajip laj atenuncutic comel? ¿C'u cha'al j'ech'el lic ti sc'ac'al avo'nton ta stojol ti avuni chijtac xlamet ta yaxaltique?

Salmos 79:5

Ch'ul Dios, ¿mi staoj to yav ilinemot un? ¿Mi co'ol s'elan c'oc' staoj yav xtiltun ti sc'ac'al avo'nton une?

Éxodo 32:19

Va'i un, c'alal nopaj batel ti Moisés ti bu lamalic ta nacleje, jech ti cha'pech tone, laj sjip ta lum ta sc'ac'al yo'nton, stuc slilijemal busul com yu'un ta yoc vits ta scoj ti laj yil sloc'obbail ti ch'in tot vacaxe, xchi'uc ti xnic no'ox ti ac'ote.

Éxodo 32:22

Ti Aarone xi laj staq'ue: —Yojtot, mu xaviltaun, yu'un xana' lec ti jteclum li'e, ja' me'inem xa'iic ta spasel ti c'usi chopole.

Proverbios 19:12

Scapemal ti ajvalile, co'ol s'elan jcot león xloquet no'ox ti snuq'ue, ja'uc ti slequilal une, co'ol s'elan sts'ujulal job ac'ubal ta xvul tal ta momoltic.

Proverbios 20:2

Co'ol s'elan jcot león xloquet no'ox snuc' c'alal capem sjol ti ajvalile; ti buch'u ta sa'be sjole, yu'un ta'lo xa'i ch'iel c'opojel.

Daniel 2:12

C'alal jech laj ya'i ti ajvalil taje, lic socuc sjol ta j'ech'el. Laj yal mantal ti ac'o yich'ic milel scotol ti bijil viniquetic ti tey ta jteclum Babiloniae.

Daniel 3:13

Calal laj ya'i ti Nabucodonosore, lic socuc sjol ta j'ech'el. Laj yal mantal ti ac'o yich' iq'uel talel ta stojol ti Sadraque, ti Mesaque, xchi'uc ti Abed-negoe. C'alal va'alic xa ta stojole,

Daniel 3:19

C'alal jech laj ya'i ti Nabucodonosor ti va'i s'elan tac'bate, chacpochan no'ox liquel sat ta spucujil ta scontrainel ti oxib querem viniquetique. Va'i un, laj yal mantal ti x'ech'uc to vucub velta yich'uc tic'bel sc'ac'al ti jorno jech c'u cha'al liquem ono'oxe.

Nahúm 1:6

¿Mi yu'un la oy to buch'u va'al to ta xcom ti c'alal lamal ta xvul ti sc'ac'al yo'ntone? ¿Mi yu'un la oy buch'u ta xcuch yu'un ti c'alal lamal ta xvul ti sti'emal sjole? Co'ol s'elan c'oc' ta scolta talel ti sti'emal sjole, ta xjav ti ch'en vitsetic yu'une.

Efesios 5:22

Antsetic ti vo'oxuc nupul ts'acaloxuque, ich'ic ta muc' ti amalalique jech c'u cha'al ta xavich'ic ta muc' ti Cajvaltique.

Efesios 5:24

Jech c'u cha'al ti jch'unolajeletic ta xich'ic ta muc' ti Cristoe, ja' jech ac'o yich'ic ta muc' snup xchi'ilic ti antsetique.

Deuteronomio 29:20

Ta j'ech'el mi ja'uc ta xch'aybat smul scolo' yu'un ti Diose. Yu'un c'ajomal no'ox ta xcajanbat ta sba ti sc'ac'al soquemal yo'ntone. Jech mu xnel mu x'ech' xa'i yu'un ti mu'yuc stuq'uil ta spas ti vinic taje. Yu'un cajal ta xc'ot ta sba scotol ti bac vocol ti albil xa talel sc'oplal yu'un ti jpoc vun li'e. Lamal ta xc'ot ta sba scotol. Ta xtubbat sc'oplal yu'un Dios ti snitilultac ta banomile.

1 Pedro 3:1

Ja' jech ti vo'oxuque, antsetic ti nupul ts'acaloxuque, co'oluc avo'ntonic xchi'uc ti amalalique. Yu'un mi oy buch'utic mu xc'ot ta yo'nton ta xch'unel ti lequil ach' c'op ti amalalique, c'alal ta xilic ti oy c'usi lec ta xapasique, mu xa ta epal c'opuc ta xc'ot ta yo'nton ta xch'unel.