Esdras 4:9 - Bible in Tzotzil de Chamula9 Jmoj sjolic xchi'uc ti Rehume, ti jchapanvanejetic ti ja' xchi'il sbaic ta abtele, ti its'inal ajvaliletique. ti j'opisialetique, xchi'uc ti yajval lumetic ta Persiae, ti ta Ereque, ti ta Babiloniae, xchi'uc ti ta Susae, Faic an caibideilBible in Tzotzil de Chenalhó with Deuterocanon9 Jech la staquic batel carta li Rehum ja' li banquilal soldadoe, li Simsai ja' li jts'ibajome, xchi'uc li yantic xchi'iltaquique, ja' li jchapanvanejetic, jpasmantaletic, xchi'uc li j'abteletic ta Persia, ta Erec, ta Babilonia, xchi'uc ta Susae, ja' li elametique. Faic an caibideil |
Ti ajvalil yu'un ti Asiriae laj yic' batel jnaclejetic ti oy ta Babiloniae, ti ta Cutae, ti ta Avae, ti ta Hamate, xchi'uc ti ta Sefarvaime. Bat yac' naquiicuc ta yosilal ti Samaria, ti c'otic ta xq'uexol ti israeletique. Ja' jech laj yu'ninic ti jteclum Samariae, xchi'uc lic nacliicuc ta jteclumetic yu'un.
Ja'uc le' une, ti Tatnai ajvalil yu'un yosilal ti uc'um Eufrates ti oy ta smaleb c'ac'ale, xchi'uc ti Setar-boznaie, xchi'uc ti xchi'ilic ta abtele, xi bat yalic ya'i ti j'abteletique: “¿Buch'u laj yac' ye sti' ya'yel le' une ti lic xa avu'unic ta xcha'meltsanel ti ch'ulnae, ti lamal xa avu'unic ti ste'eltaque?
Ti li'e, ja' sloc'ol ti vun laj smeltsan ti Tatnai ajvalil yu'un yosilal ti uc'um Eufrates ti oy ta yelov smaleb c'ac'ale, xchi'uc ti Setar-boznaie, xchi'uc ti xchi'iltac ta abtele, xchi'uc ti yaj'opisialtac ajvalil ti oyic ta yelov smaleb c'ac'al yu'un ti Eufratese, ti laj staquic batel ta stojol ti ajvalil Daríoe.
Va'i ti ajvalil Darío une laj stac batel mantal ta stojol ti Tatnai ajvalil ta yosilal uc'um Eufrates ti oy ta yelov smaleb c'ac'ale, xchi'uc ta stojol ti Setar-boznaie, xchi'uc ti xchi'ilic ta abtele, xchi'uc ti j'opisialetic yu'un ti bu taje, ti xi xcholet ti mantal laj stac batele: “Mu xa xba atic' abaic ti c'usi sc'an pasel ta Jerusalene.
Xi lic yalilan ta stojol ti xchi'iltac ta abtele, xchi'uc ta stojol ti soldadoetic yu'un ti Samariae: “¿C'u xa ya'yel ta xa'iic ti jlajel ta vi'nal judaetic le'e? ¿Mi yu'un xac'toicuc ch'an x'utatic ta yaq'uel ti milbil matanal yan veltae? ¿Mi xac'toicuc la ta stsuts yu'unic ta jun c'ac'al ti abtel le'e? ¿Mi yu'un xac'toicuc la ta ach' tonetic ta staic loq'uel ti busul slilijemal tonetic ti laj yich' chiq'uele?”
Sva'ananuc jtunel viniquetic ta scotol bu c'alal smacoj ta sventainel ti ajvalile, ti sbainojuc ta yiq'uel talel scotol ti tsebal antsetic ta sna ti ajvalil ta muc' ta lum Susae, ti bainbil c'oticuc yu'un ti Hegai jun vinic ti co'ol yo'nton xchi'uc ti ajvalile, ti sbainoj ta xchabiel ti antsetique. Sbainojuc c'otuc ti Hegai ta yalel mantal ti yich'ic jaxbel muil poxil sventa sc'upiltasel ti xch'alet no'ox ta q'uelele.
“Le' oy ec ti Elame, volol tal ta spat xocon ta muclej xchi'uc scotol ti yajsoldadotaque. Chamic lajic ta leto scotol ma' le'e. Talic ta muquel ec un ti buch'u yan yajvalic ech'ique. Ti yajsoldadotaque laj yac'beic xi'el ti buch'u cuxulic ta banomile. Laj c'op ma' ti ich'bil ta muc' ti vulic xa ta muquinal ti bu muculic ti yan tana une.