Esdras 4:5 - Bible in Tzotzil de Chamula

⁵ Ma'uc no'ox taje, laj svosesbeic yo'nton ta mich'ob c'abal jun chibuc yajtuneltac ti ajvalile. Lic soquesbeic sc'oplal ti abtel ti staoj yav yo'ntonic c'u sjalil tiq'uil ta ajvalil ta Persia ti Ciroe, ti c'alal och ta ajvalil yu'un Persia ti Daríoe.

Bible in Tzotzil de Chenalhó with Deuterocanon

⁵ Jech noxtoc la slo'labeic ta taq'uin j'abteletic yu'un li ajvalile. Jech te la smaquilanic o abtel ti c'u sjalil tiq'uil ta ajvalilal ta Persia li Ciroe, ja' to c'alal i'och ta ajvalilal li Darioe.

Esdras 4:5 Iomraidhean Croise

2 Crónicas 22:4

Ti c'usitic lic spas ti Ocoziase, mu lecuc laj yil ta sba ta sat ti Diose. C'alal chamem xa ox ti stote, lec laj ya'i c'u s'elan ta sbijubtasat yu'un yuts' yalal ti Acab ti ta xc'ot ta ch'ayel xchi'uque.

Esdras 4:24

Ti jech taj une, quechel o c'ot ta xcha'meltsanel xch'ulna Dios ta Jerusalén c'alal to xchibal xa jabil yochel ta ajvalilal ti Darío ta Persiae.

Esdras 4:4

Va'i ti jnaclejetic taj une lic xchibajesbeic yo'ntonic svinquileltac ti Judae, ti mu xa xac'beic stsutses ti abtele.

Esdras 4:6

Ti jsa'-c'opetique lic sva'an sbaic ta stic'bel smul ti jnaclejetic yu'un Judá xchi'uc Jerusalén ta sliquebal yochel ta ajvalil ti Asueroe.

Esdras 5:5

Manchuc mi jech un, ta sventa ti chabibilic yu'un Dios ti jventainej abtel judioetique, mu'yuc xquechi comel abtel yu'unique, ja' ti mu to ya'yiojicuc c'usi ta xtac'batic yu'un ti Daríoe mi laj xchapbeic lec ya'i xchi'uque.

Daniel 10:13

C'u stu un, ti jun ánjel ti tsots xu' yu'un ti sventainoj ti jteclum Persiae, loc' xa jun xcha'vinic (21) c'ac'al ti contra xiyilune. Ja' no'ox un, ti Miguele, ti ja' jun banquilal ánjel ti x'ech' to jelavem xu' yu'une, tal stic' sba ta scoltaelun. Jech ti vu'une, jtuc xa licom xchi'uc ti ajvaliletic yu'un ti jteclum Persiae.

Nahúm 1:11

Ti ta atojole, jteclum Nínive, loc' talel ti chopol xi xvulvunet ta scontrainel ti Diose: le'e, ja' jun chopol jbijubtasvanej.