Esdras 4:4 - Bible in Tzotzil de Chamula

⁴ Va'i ti jnaclejetic taj une lic xchibajesbeic yo'ntonic svinquileltac ti Judae, ti mu xa xac'beic stsutses ti abtele.

Bible in Tzotzil de Chenalhó with Deuterocanon

⁴ Ja' yu'un li yanlum cristianoetic te nacalique la sibtasic, la xchibajesbeic yo'nton ta abtel li judaetique.

Esdras 4:4 Iomraidhean Croise

2 Samuel 4:1

Xnich'on ti Saúl ti Is-boset sbie, ti c'alal laj ya'i ti laj yich' milel ta Hebrón ti Abnere, tsic' ti yo'nton ta j'ech'ele. Scotol ti Israele mu x'ech' ta xa'iic ti xi'el ta j'ech'ele.

Esdras 3:3

Lec nopbil ti laj smeltsanic ti altare, yu'un oy xi'el ta stojol ti jnaclejetic teye. Ta jujun sob, ta jujun mal c'ac'al, ta xaq'uic chic'bil matanal ta sba sventa yich'el ta muc' ti Diose.

Esdras 4:5

Ma'uc no'ox taje, laj svosesbeic yo'nton ta mich'ob c'abal jun chibuc yajtuneltac ti ajvalile. Lic soquesbeic sc'oplal ti abtel ti staoj yav yo'ntonic c'u sjalil tiq'uil ta ajvalil ta Persia ti Ciroe, ti c'alal och ta ajvalil yu'un Persia ti Daríoe.

Nehemías 4:11

Ti cajcontracutique laj snopic ti xac'toicuc ti ch'ayal co'ntoncutique, ti mu xvinaj ta xch'ic sba ochel ta jtojolcutic yo' ta xismiluncutic ti ta spajesel ti abtele.

Nehemías 4:2

Xi lic yalilan ta stojol ti xchi'iltac ta abtele, xchi'uc ta stojol ti soldadoetic yu'un ti Samariae: “¿C'u xa ya'yel ta xa'iic ti jlajel ta vi'nal judaetic le'e? ¿Mi yu'un xac'toicuc ch'an x'utatic ta yaq'uel ti milbil matanal yan veltae? ¿Mi xac'toicuc la ta stsuts yu'unic ta jun c'ac'al ti abtel le'e? ¿Mi yu'un xac'toicuc la ta ach' tonetic ta staic loq'uel ti busul slilijemal tonetic ti laj yich' chiq'uele?”

Nehemías 6:9

Ti stuquique oy ta yo'nton ta xisibtasuncutic ti ta snopic ta xischibajesuncutic yo' jech quechel ta jcomtsancutic ti abtele. C'ajomal no'ox toyel laj ca'i ta yac'bel yipal ti abtele.

Jeremías 38:4

Va'i un, ti j'opisialetique xi laj yalbeic ya'i ti ajvalile: “Sc'an milel ti vinic le'e. Ti c'usi ta xloc' ta yee, ta stsiq'uesbe yo'nton ti c'u to yepal oy ti soldadoetic li' ta jteclume, xchi'uc scotol ti jnaclejetique. Ti vinic le'e, ma'uc ta sa'be slequilal ti jnaclejetique. C'ajomal no'ox ta xac'be ti svocole.”

Daniel 10:13

C'u stu un, ti jun ánjel ti tsots xu' yu'un ti sventainoj ti jteclum Persiae, loc' xa jun xcha'vinic (21) c'ac'al ti contra xiyilune. Ja' no'ox un, ti Miguele, ti ja' jun banquilal ánjel ti x'ech' to jelavem xu' yu'une, tal stic' sba ta scoltaelun. Jech ti vu'une, jtuc xa licom xchi'uc ti ajvaliletic yu'un ti jteclum Persiae.

Daniel 10:20

Jech xtoc un, xi laj yalbune: “¿Mi xana' c'u cha'al ti tal jq'uelote? Yu'un avi tana li'e, ta xisut batel ta stsaquel ta leto yan velta ti banquil ánjel ti sventainoj ti jteclum Persiae. C'alal mi tsuts cu'un ta stsaquel ta letoe, ta xtal xtoc ti banquil ánjel yu'un ti jteclum Greciae.