Esdras 4:3 - Bible in Tzotzil de Chamula

³ Ja'uc ti Zorobabel une, ti Josuee, xchi'uc ti yan banquilaletic yu'un ti jujuchop israeletique, xi laj staq'uique: —Mu xu' ma' ti jmoj ta jchi'in jbatic ta xcha'meltsanel xch'ulna ti Dios cu'uncutique. Tsots sc'oplal ti jtuccutic ta jcha'meltsancutic sventa ta xtun yu'un ti Ajvalil Dios yu'un ti Israele. Jech albiluncutic mantal yu'un Ciro ajvalil yu'un ti Persiae.

Bible in Tzotzil de Chenalhó with Deuterocanon

³ Pero li Zorobabel, li Jesúa, xchi'uc li banquilaletic ta jujuchop sbiique jech itac'ovic: —Mu xu' co'ol ta jpastic ch'ulna yu'un li Dios cu'uncutique. Ta jcha'pas jtuccutic ta sventa li Muc'ul Diose, ja' li Dios yu'un Israele, yu'un jech albiluncutic tal mantal yu'un li ajvalil Ciro ta Persiae —xutic.

Esdras 4:3 Iomraidhean Croise

2 Crónicas 36:22

Ti sba sjabilal yochel ta ajvalilal ti Ciro, ajvalil yu'un ti Persiae, yo' ta xc'ot ta pasel sc'op Dios ti laj scaj'al ti Jeremiase, ti Diose laj stijbe yo'nton ti Ciroe, ti xi laj stac batel mantaletic ta ts'ibabil vunetic ta jteclumetic ti bu c'alal smacoje:

Esdras 1:1

Ti sba jabil yochel ta ajvalilal ti Ciroe, ajvalil yu'un ti Persiae, yo' ta xc'ot ta pasel sc'op Dios ti laj scaj'al ti Jeremíase, ti Diose laj stijbe yo'nton ti Ciroe, ti xi laj stac batel mantaletic ta ts'ibabil vunetic ta jteclumetic ti bu c'alal smacoje:

Esdras 1:2

“Xi xcholet ta xal ti Ciro ajvalil yu'un ti Persiae: Ti Ajvalil Dios yu'un ti vinajele, ti laj yac'bun ta coc ta jc'ob scotol ti ajvaliletic ti oy ta banomile, laj yac'bun jbain ta sva'anel jun ch'ulna ta Jerusalén ti oy ta yosilal ti Judae.

Esdras 1:3

Buch'uuc no'ox steclumaloxuc ti Diose, ac'o xa scoltaoxuc ti Diose, batanic ta Jerusalén ti oy ta Judae ta sva'anbel xch'ulna ti Ajvalil Dios yu'un ti Israele, ti Dios ti ta xnaqui stuc ta Jerusalene.

Esdras 3:8

Ti Zorobabel xnich'on ti Salatiele, ti Josué xnich'on ti Josadaque, jmoj xchi'uc ti xchi'ilic ta paleale, ti levitaetique, xchi'uc scotol ti sutic talel ta Jerusalén ti bec'bil to ox loq'uique, lic sliquesic xcha'meltsanel xch'ulna ti Dios ta xchibal u yu'un xchibal jabil ti sc'otelic ta Jerusalene. Sbainoj c'ot abtel yu'unic ti levitaetic ti x'ech' xa ta jtob (20) jabil yich'oje.

Nehemías 2:20

Xichi laj jtac'bee: —Ti Dios ti oy ta vinajele ta sva'an sba cu'uncutic yo' mu xch'ay ta be ti abtele. Ti yajtuneluncutique ta jliquescutic ti abtele. Ti vo'oxuque mu'yuc stunel avoc ac'obic. Mi ja'uc stac' xatic' abaic ta Jerusalén.

Isaías 44:28

Xi ta xcalbe ya'i ti Ciroe: ‘Vo'ot cajq'uel-chijot ta spasel scotol ti c'usi ta jc'ane.’ Xi ta xcalbe ya'i ti jteclum Jerusalene: ‘Ta liclejal ta jcha'va'anot.’ Xi ta xcalbe ya'i sc'oplal ti ch'ulnae: ‘Ta xcac'bot avicobtac.’ ”

Isaías 45:4

Ta sventa ti oy to ta co'nton ti Jacobe, ta sventa ti lum Israel ti t'ujbil cu'une, laj sbiiltasot ti c'ot ta pasel laj avich' avabtel ti ich'bil lac'ot ta muc' avi tana le'e, ti c'alal mi ja'uc xavojtiquinune.

San Mateo 10:16

“A'yio ava'iic, co'ol a'elanic jech c'u cha'al chij ta jtacoxuc batel ta stojol ti jti'vanej-oq'uiletique. Bijanic ec un, jechuc abijilic jech c'u cha'al ti jti'vanej-chone. Ti atalelic une, jechuc jech c'u cha'al ti palomae.

San Juan 4:9

Xi laj stac' ti samaria antse: —¿C'u cha'al ta xac'anbun vo' avuch' ti vo'ot israelot c'alal vu'un samaria antsune? Ja' jech laj yal ti antse, yu'un ti israeletique mu lecuc xil sbaic xchi'uc ti samariaetique.

Hechos 8:21

Mi jutebuc c'otem ta aventa ta yich'el. Mu'yuc stuq'uil yutsil avo'nton ta sba ta sat ti Diose.