Esdras 4:2 - Bible in Tzotzil de Chamula

² xi c'ot yalic une c'alal bat sc'oponic ti Zorobabele, ti Josuee, xchi'uc ti banquilaletic yu'un ti jujuchope: —Ac'o ave ati'ic ti xu' ta jtic' jbacutic ta scoltaeloxuc ta abtel. Yu'un ti vu'uncutic jech c'u cha'al ti vo'oxuque, nabaluncutic ta yich'el ta muc' ti Diose. Laj ono'ox cac'becutic milbil matanal c'alal yorail tiq'uil ta ajvalilal ti Esarhadone, ajvalil yu'un ti Asiriae, ti laj yic'uncutic talel li' to c'alale.

Bible in Tzotzil de Chenalhó with Deuterocanon

² ibat sc'opanic li Zorobabel, li Jesúa, xchi'uc li banquilaletic ta jujuchop sbiique. Jech c'ot yalbeic: —Ja' lec co'ol ta jpastic li ch'ulnae, yu'un ja' xa quich'ojcutic ta muc' ec li Dios avu'unique. Ja'o no'ox te lic jmilbecutic tal smoton ec ti c'alal la stacuncutic tal ta naclej li' ta avosilalic li ajvalil Esar-hadón ta Asiriae —xutic.

Esdras 4:2 Iomraidhean Croise

Génesis 10:11

Ta osil taje, ayan talel ti Asure, ti buch'u laj sliques ti jteclum Ninivee, ti Rehobot-Ire, ti Quélahe,

2 Reyes 17:24

Ti ajvalil yu'un ti Asiriae laj yic' batel jnaclejetic ti oy ta Babiloniae, ti ta Cutae, ti ta Avae, ti ta Hamate, xchi'uc ti ta Sefarvaime. Bat yac' naquiicuc ta yosilal ti Samaria, ti c'otic ta xq'uexol ti israeletique. Ja' jech laj yu'ninic ti jteclum Samariae, xchi'uc lic nacliicuc ta jteclumetic yu'un.

2 Reyes 17:41

Va'i un, mu'yuc smelol ti c'usi lic spasique. Jliquel ta spasbeic stoyel xi'el ti Diose. Ta ono'ox snijan xchiman sbaic ta yich'el ta muc' ti c'usitic loc'tabil yu'unique. Ti snitilulique staoj to o yav ta spasic avi tanae jech c'u cha'al laj spasic ti smolmuc'totique.

2 Reyes 19:37

Oy jun c'ac'al, ti c'alal yacal xc'opoj xti'in ta stojol ti Nisroc ti ja' sdiostac ti ta ch'ulnae, ti Adrameleque xchi'uc ti Sarézer, ti ja' xnich'nabtaque, batic ec ti laj smilic ti stotique. Jatavic ech'el ta yosilal Ararat. Ts'acal to un, och ta cuch abtelal ti Esarhadón ti ja' xnich'one.

Esdras 1:5

Ti banquilaletic yu'un ti jujuchop snitilultac ti Judae, ti jujuchop snitilultac ti Benjamine, ti paleetique, xchi'uc ti levitaetique, ti xcaltique, scotolic ti buch'utic ac'bat yip yo'ntonic yu'un ti Diose, lic xchapan sbaic yo' ta xbatic ta Jerusalén, yo' jech ta xlic xcha'meltsanic ti ch'ulna yu'un ti Diose.

Esdras 2:2

Ti jvolvanejetic yu'un ti jujuchop ti loc' talele, ja'ic ti Zorobabele, ti Josuee, ti Nehemíase, ti Seraíase, ti Reelaíase, ti Mardoqueoe, ti Bilsane, ti Mispare, ti Bigvaie, ti Rehume, xchi'uc ti Baanae. Ti li'e, xi s'elan ti c'u yepal sutic batele:

Esdras 3:12

Yepal ti paleetique, ti levitaetique, xchi'uc ti ch'iem c'opojemic banquilaletic yu'un ti jujuchop taje, ti laj yilic ta sba ta satic ti ba'yel ch'ulnae, tsots lic oq'uicuc c'alal laj to yilic ta xlic xcha'meltsanel ta ach' ti ch'ulnae. Ta yorail, yepal ti x'avlajetic ta muyubajele.

Esdras 3:2

Va'i ti Josuee, xnich'on ti Josadaque, xchi'uc ti xchi'iltac ta paleale, ti xcaltique, ja' ti Zorobabel xnich'on ti Salatiele, xchi'uc ti yuts' yalaltaque, lic smeltsanic yaltar ti Dios yu'un ti Israele, yo' jech ta xaq'uic chic'bil matanal ta sba jech c'u cha'al ti oy c'usi jbel tsots albil yu'un ti Moisés yajtunel ti Diose.

Nehemías 9:32

“Jech un, Ch'ul Dios cu'uncutic, ti jelavem amuc'ul atsatsale, ti xi'bal abae, ti staoj yav mu xch'ay ta be avu'un ti atratee, ti syail xc'uxul avo'ntone, ma'ucuc ti oy juteb ta ajol ti c'usitic chopol laj spasic ti ajvaliletic cu'uncutique, ti banquilaletique, ti paleetique, ti caj'alc'opcutique, ti jtot jme'cutic laj ech'uc ta ba'yele, xchi'uc scotol ti jteclum ti lic talel ti c'alal laj ech'uc ti ajvaliletic yu'un ti Asiriae, ti jech to xyaquet avi tanae.

Salmos 73:8

Spajebal xa no'ox ye sti', toyobba xa'i sba, pimuneb sat xchi'uquic, oy sujelal yu'unic ta spasel ti chopole xchi'uc ti ilbajinvaneje.

Isaías 37:37

Va'i un, ti Senaquerib ajvalil yu'un ti Asiriae laj stots batel ti yaxibal nae, sut batel ta Ninive jteclum.

Isaías 37:38

Oy jun c'ac'al ti c'alal ja' o ta xc'opoj xti'in ta xch'ulna ti Nisroc ti ja' yajdiose, ti Adrameleque, xchi'uc ti Sarezere batic ec. Laj smilic comel ti stotique. Jatavic batel ta yosilal Ararat. Ts'acal to un, ja' lic xcuch abtel ta ajvalil ti Esarhadón ti ja' xnich'one.

Oseas 14:3

Ti jteclum Asiriae mu xa xu' yu'un xispojuncutic. Ja' jech xtoc mi ja'uc xu' ta jpat co'ntoncutic ti ja' ta xicolcutic ti oy jca'cutique. Ti c'usi meltsanbil no'ox yu'un ti coc jc'obcutique, laj ta alel ti ‘diosot’, xcutcutique jech c'u cha'al ‘Diosot Ajvalilot cu'uncutic’, ti xichicutic ta atojol ti bu ta staic xc'uxubinel ti me'un mu'nate.”

Gálatas 2:4

C'alal jech tsoboluncutique, melel, oy buch'u laj stic' sbaic ochel ta mucul, ti jch'unolajel spas sbaic yilele, yo' ta xpa'ivanic ta ya'yiel sc'oplal ti colel ta xcalcutic ta sventa ti oyotic ta stojol ti Cristo Jesuse, yu'un oy ta yo'ntonic ta stsatsal sujvanic ta xch'unel ti oy c'usi tsots sc'oplal albile.

2 Timoteo 3:8

Jech c'u cha'al laj spasic ti j'iloletic Janese xchi'uc ti Jambrese ti laj scontrainic ti Moisese, ja' jech ti viniquetic taje ta scontrainic ti bu ja' melele, soquem ti sjolique. Mi ja'uc juteb xc'ot ta yo'ntonic ta xch'unel ti Cajvaltique.