Esdras 4:12 - Bible in Tzotzil de Chamula

¹² Ta xcac'cutic ana', Jcuch abtel, ti ta ave ati', Jcuch abtel, talic ta Jerusalén ti judíoetic ti vul ta jtojolcutique. Yacalic xa ta xcha'va'anic ti j'ac'-vocol toyobba jteclume. Lic xa sliquesel ta smeltsanel ti smocale. Lic xa ta yabtelanel ti sliqueb yoctaque.

Bible in Tzotzil de Chenalhó with Deuterocanon

¹² “Ja' ta xcac'cutic ana' c'usi tspasic li judaetique. C'alal laj atac sutel tal yo' bu oyuncutique, bat xa sliquesic xcha'pasel li Jerusalene, li jtoyba lume, li chopol lume, laj xa sliquesic spasel li coraltone yac'ojbeic xa li snaclebtaque.

Esdras 4:12 Iomraidhean Croise

2 Reyes 18:20

¿Mi yu'un ta xanop ti jelavem yip ti jun yutsil chapbilal c'op avaloje, ti ja' mu sta yip ti buch'u lec sna' xtojob ta letovajele? ¿Buch'u apatoj avo'nton yu'un ti ta xatoy aba ta jtojole?

2 Reyes 24:1

C'alal tiq'uil ta ajvalilal ti Joacime, ti Nabucodonosor ajvalil yu'un ti Babiloniae, laj sbec' ta u'ninel ti muc' ta jteclume ti oxib (3) jabil sjalil pasbil ta mantal ti Joacime. Ts'acal to un, lic sjol ta scontrainel ti ajvalile.

2 Crónicas 36:13

Ma'uc no'ox taje, lic stoy sba ta scontrainel ti ajvalil Nabucodonosor ti buch'u albat ta jamal ti ac'o yal ta sba ta sat Dios ti xu' ta xcom ta yajcoltaobbae. Jbel yo'nton mu sc'an sbic'tajes sba ta stojol ti Ajvalil Dios yu'un ti Israele.

Esdras 4:11

Xi ta xal sloc'ol vun ti laj staquic batele: “Ajvalil Artajerjes, chabanucot xayalbe ti avajtuneltac ti nacalic ta jot sti'il uc'um Eufratese.

Esdras 4:15

yo' jech ac'o licuc yich' chajel ta q'uelel avu'un ta sq'uejobil vunetic ti c'u s'elan albil comel yu'unic ti amolmuc'totac laj ech'icuc ta vo'nee, Jcuch Abtel. Va'i unbi, Jcuch Abtel, ta xlic ana' un, ti ja' jun toyobba jteclume, xchi'uc toj xi'bal sba ti ajvaliletic yu'un ti jujun lum ti c'u yepal smacoje. ta xana' xtoc un, ti tsob xa no'ox yajval yu'unic ti c'ot ta lilijel ti jteclum ta vo'nee.

Esdras 4:19

laj cal mantal ti yich'uc t'unel lec ti sc'oplale. Vinaj ti jech ono'ox laj yich' tabel sc'oplal ti jteclume, ti laj svol sbaic ta scontrainel ti ajvaliletique, ti xvoletic no'ox ta sa'el c'op ta contrainvaneje.

Esdras 5:3

Ja'uc le' une, ti Tatnai ajvalil yu'un yosilal ti uc'um Eufrates ti oy ta smaleb c'ac'ale, xchi'uc ti Setar-boznaie, xchi'uc ti xchi'ilic ta abtele, xi bat yalic ya'i ti j'abteletique: “¿Buch'u laj yac' ye sti' ya'yel le' une ti lic xa avu'unic ta xcha'meltsanel ti ch'ulnae, ti lamal xa avu'unic ti ste'eltaque?

Esdras 5:9

“Laj jac'becutic ti jva'lej judioetique, buch'u laj yac' ye sti' ti jech lic xa yich' cha'va'anel ti ch'ulnae, xchi'uc ti laj xa xcha'lamtaic ta tenel-te'e.

Nehemías 1:3

Xi laj stac'beicun une: “Ti buch'utic cuch to yu'un spojel sbaic ti c'alal bec'bil to ox xloq'uique, naquiic ta yosilal ti jteclume, ti oyic ta vocole xchi'uc ti c'otemic ta j'ac'-lo'il-maxile. Ja'uc ti Jerusalene, laj slilinbeic ti smocale, xchi'uc laj sculbeic sc'ac'al ma' ti sti'taque.”

Nehemías 6:6

ti xi ta xal une: “Xpuquet lo'il yu'un ti jnaclejetique, xchi'uc ta xal ec ti Geseme, ti vo'ot xchi'uc ti judaetique, yacal xa la ta xavol avinictac ta contrainvaneje, ti jech o la xal yacaloxuc ta xacha'meltsanic ti moque. Ti jech xpuquet ti c'op taje, vo'ot la ta xa'och ava'i ta ajvalil yu'unic,

Ester 3:8

Va'i un, ti Amane xi laj yalbe ti ajvalil Asueroe: —Ta scotol ti jteclumetic c'u yepal smacoj ti Jcuch abtele, oy jun mu jechuc ta spas jech c'u cha'al ta spas ti yane. Yan o ti mantaletic oy yu'une. Mu xco'olaj xchi'uc jech c'u cha'al ti yan jteclumetique. Mu xich' ta muc' c'u s'elan yaloj mantal ti Jcuch abtele. Ch'ayel xal o ti q'uelbil no'ox nacalic ti jteclum bu c'alal smacoj ti Jcuch abtele.

Jeremías 52:3

Jech o xal ti Diose lic sc'ac'al yo'nton ta stojol ti jteclum Jerusalene, xchi'uc ti jteclum Judae. Laj sten loq'uel ta stojol. Ts'acal to un, ti Sedequiase lic stoy sba ta stojol ti ajvalil yu'un ti jteclum Babiloniae.

Daniel 3:8

Oy jun chib caldeoetic ti ja' o xa lec jamal be laj staic ta sa'bel smul ti israeletic ta stojol ti ajvalil Nabucodonosore,

Daniel 9:25

Tsots sc'oplal sc'an xana' xava'ibe smelol ti xi x'ale li'e: Yu'un ti c'alal ta xloc' ti mantal ti ta xlic lecubuque, ti ta xlic yich' cha'meltsanel ti jteclum Jerusalene, ja' ta x'ech' vucub (7) xemuna c'alal mu to bu ta xvul ta loq'uel ti banquilal Buch'u t'ujbile. Ti smocaltaque xchi'uc ti scayealtac ti jteclum Jerusalén ti lec meltsanbile, naca no'ox lajcheb xchanvinic (72) xemuna ti mu'yuc c'usi chopol ta xc'ot ta stojole, ja' yorail xtoc ti mu no'ox albajuc ti vocole.

San Lucas 13:34

“Jerusalén, Jerusalén, ti naca smilel no'ox avu'un ti j'alc'opetique, ti naca xapujbeic no'ox ton ti buch'utic tacbilic tal yu'un ti Diose, ep ta velta ta jc'an jtsoboxuc ca'i jech c'u cha'al ti me' alac' ta stsob yuni alab ta yolon xiq'ue. Ja'uc le' une, mu xac'anic.

Hechos 24:5

Ja' xchamel jteclum ti vinic li'e. Buyuc no'ox ta xanav ta sjoylej banomil, ta sliques c'op ta syanijesbel sjol ti jchi'ilcutic ta svoq'uel sbaique. Ja' jun banquilal xa'i sba ti buch'utic c'otem ta yo'ntonic ta xch'unel ti sbiinoj nazarenoe.

1 Tesalonicenses 5:22

Scotol ti c'usi chopole, ch'aco abaic loq'uel ta stojol.