Esdras 4:10 - Bible in Tzotzil de Chamula

¹⁰ xchi'uc jlom yajval lumetic ti tsobbil talel yu'un ti Anaspar ti jelavem ich'bil ta muq'ue, ti laj yac' naquiicuc ta jteclumetic yu'un ti Samariae, xchi'uc ta osiltic ti oy ta smaleb c'ac'al yu'un ta jot uc'um Eufratese.

Bible in Tzotzil de Chenalhó with Deuterocanon

¹⁰ Ja' co'ol la staquic batel xchi'uquic li yanlumetic ti te tacbilic batel yu'un Asnapar ja' li muc'ul ajvalil ti lec ich'bil ta muq'ue, ti te laj yac' naquiicuc ta Samaria xchi'uc ta yantic lum ta smaleb c'ac'al yu'un li uc'um Eufratese.

Esdras 4:10 Iomraidhean Croise

Esdras 4:1

C'alal vinaj ti sutic talel ti bec'bil to ox loc' ta slumalique, xchi'uc liquem xa yu'unic xcha'meltsanel xch'ulna ti Ajvalil Dios yu'un ti Israele, ti yajcontratac ti Judae xchi'uc ti Benjamine,

Esdras 4:11

Xi ta xal sloc'ol vun ti laj staquic batele: “Ajvalil Artajerjes, chabanucot xayalbe ti avajtuneltac ti nacalic ta jot sti'il uc'um Eufratese.

Esdras 4:17

Va'i ti ajvalil Artajerjes une xi xcholet laj stac sutel ti stac'obil yu'une: “Banquilal soldado Rehum, jts'ibajom Simsai, xchi'uc achi'iltac ta abtel ti oyic ta Samariae, ti oyic ta yeloval smaleb c'ac'al yu'un ti uc'um Eufratese, xi ich'ic chabanuque:

Esdras 7:12

“Ti banquilal ajvalil Artajerjese, chabanuc xalbe ti pale Esdrase, ti ja' jun jchanubtasvanej ti chanubtasbil lec ti oy c'usi jbel tsots albil yu'un ti Dios yu'un ti vinajele.

Nehemías 4:2

Xi lic yalilan ta stojol ti xchi'iltac ta abtele, xchi'uc ta stojol ti soldadoetic yu'un ti Samariae: “¿C'u xa ya'yel ta xa'iic ti jlajel ta vi'nal judaetic le'e? ¿Mi yu'un xac'toicuc ch'an x'utatic ta yaq'uel ti milbil matanal yan veltae? ¿Mi xac'toicuc la ta stsuts yu'unic ta jun c'ac'al ti abtel le'e? ¿Mi yu'un xac'toicuc la ta ach' tonetic ta staic loq'uel ti busul slilijemal tonetic ti laj yich' chiq'uele?”

Nehemías 9:32

“Jech un, Ch'ul Dios cu'uncutic, ti jelavem amuc'ul atsatsale, ti xi'bal abae, ti staoj yav mu xch'ay ta be avu'un ti atratee, ti syail xc'uxul avo'ntone, ma'ucuc ti oy juteb ta ajol ti c'usitic chopol laj spasic ti ajvaliletic cu'uncutique, ti banquilaletique, ti paleetique, ti caj'alc'opcutique, ti jtot jme'cutic laj ech'uc ta ba'yele, xchi'uc scotol ti jteclum ti lic talel ti c'alal laj ech'uc ti ajvaliletic yu'un ti Asiriae, ti jech to xyaquet avi tanae.

Romanos 13:7

Ich'o ta muc' ti c'u s'elan yabtel jujuchope. Tojic me ti patan ti ta sc'anboxuque. Tojic me ti sloc' ti ta sc'anboxuque. Ich'ic ta muc' ti buch'u ich'bil ta muq'ue. Ti buch'u lec x'ilate, lec me xavilic ec.