Esdras 10:3 - Bible in Tzotzil de Chamula

³ Ta xcal que jti'cutic ti xu' ta jlequil-taccutic loq'uel xchi'uc yalabic ti jyanlum antsetic ti quic'ojcutique. C'otuc ta pasel ti c'usi oy jbel tsots albil jech c'u cha'al ta xaval ta stojol ti buch'utic sna' xich' ta muc' smantaltac ti Dios ti ja' ta xisbijubtasotique.

Bible in Tzotzil de Chenalhó with Deuterocanon

³ Ja' lec jchapantic ta stojol Dios ti ac'o yich' taquel sutel li antsetic xchi'uc yalabic jech chac c'u cha'al chaval vo'ote xchi'uc li boch'otic chich'ic ta muc' mantaletic yu'un Diose. Ja' ac'o jpastic c'usi chal li mantaletique.

Esdras 10:3 Iomraidhean Croise

2 Reyes 11:17

Ts'acal to un, ti Joiadae laj sliques jun trate ta stojol ti Diose, ta stojol ti ajvalile, ta stojol ti jteclume, ti ta xc'otic ta steclumal ti Diose, xchi'uc ta stojol ti ajvalil xchi'uc ti jteclume.

2 Crónicas 29:10

Li' une, laj xa jnop ta jpas jtrate xchi'uc ti Ajvalile, Dios yu'un ti Israele, yo' jech ta x'ech' ti sc'ac'al yo'nton ta jtojoltique.

2 Crónicas 30:12

Ti Dios eque laj stijbe yo'nton ti jnaclejetic ta Judae, ti ta xch'unbe smantal ti ajvalile, xchi'uc ti yaj'opisialtac ti albilic yu'un ti Dios ti jech laj yalique.

2 Crónicas 34:21

—Ba jaq'uicun ca'itic ta stojol Dios ti c'u s'elan ti jc'oplale, c'u s'elan sc'oplal ti jnaclejetic ti comem ta Israele, xchi'uc ti oyic ta Judae. Jaq'uicun ca'itic c'usi smelol slo'il ya'yej ti jpoc svunal laj yich' taele. Yu'un capem xa nan sjol ti Dios ta jtojoltique, yu'un ti jmolmuc'totique mu'yuc laj sts'etan xchiquinic ta ya'yiel ti c'usi laj yal ti Diose. Mi ja'uc laj yabtelanic ta spasel ti c'u s'elan ts'ibabil ta svunale.

2 Crónicas 34:27

La'och ta at-o'nton yu'un. Laj axi'taun c'alal laj ava'i c'u s'elan laj calbe sc'oplal ti jteclum li'e, xchi'uc ti jnaclejetic yu'une. Laj abic'tajes aba ta jtojol. Laj ach'i' ta jatel ti ac'u'e. Xa'oc'olet xa ta jtojol. Jech o xal ti vu'une laj ca'i ma' ti ac'op une.

Esdras 10:11

Ja' yu'un un, ta sba ta satuc ti Ajvalil Dios yu'un ti atot ame'ic ta vo'nee, na'o abaic lec ti oy amulique. C'otuc ta pasel avu'unic ti c'usi oy ta yo'nton ti Diose. Mu xaco'oltas avo'ntonic xchi'uc ti jnaclejetic ti yan c'u s'elan cuxulique, xchi'uc ti jyanlum antsetic ti oy ta atojolique.

Esdras 10:44

Scotolic taje, ja'ic ti laj yiq'uic ti jyanlum antsetique, ti c'ot ta pasel laj slequil-taquic loq'uel xchi'uc ti yalabique.

Esdras 10:9

Ja' yu'un un, scotol ti viniquetic yu'un ti Judae, xchi'uc ti Benjamine, laj stsob sbaic ta Jerusalén ta jtob (20) c'ac'al yu'un ti sbalunebal (9) ue, ti xcaltique, ja' ti bu ta xc'ot ta tsutsel ti oxib c'ac'al albile. Scotolic taje, chotiic ta yamaq'uil xch'ulna ti Diose. Xniclajetic ta xi'el ta scoj ti va'i s'elan taje, xchi'uc ti ja' o xchajet ti vo'e.

Esdras 9:4

Scotol ti buch'utic bec'bil to ox loq'uic ta slumalic ti ta xi'taic ti sna' xac' taluc vocol ta scoj mulil ti Dios yu'un ti Israele, chotol xa no'ox licom ti c'alal vulic ta jtojole. Yoquel mu x'ech' o ta xca'i c'alal laj sta yorail ta xich' aq'uel ti milbil matanal sventa mal c'ac'ale.

Nehemías 10:1

Xi s'elan ma' ti c'u quepalcutic xcholet laj cac' ti jpirmacutic ta ts'ibabil vune: ti vu'un ajvalilun Nehemías xnich'onun ti Hacaliase, xchi'uc ti Sedequiase.

Nehemías 8:14

Ts'ibabil laj staic un, ti yaloj comel Dios ta sventa ti Moisés ti tsots sc'oplal ta xalbeic ya'i ti israeletique, ti ta xcux yo'nton ta yolon lambil yanalte' axibal na ti c'u sjalil ta spasic q'uin ta yucubal ue.

Nehemías 9:38

Ti jech taj une, jbel co'ntoncutic ta xcac' que jti'cutic ti ts'ibabil comuc ta vune, ti yaq'uicuc seyoic spirmaic ti banquilaletic cu'uncutique, ti levitaetique, xchi'uc ti paleetic ti ta jpoc vune.

Salmos 119:120

Ti jbec'tal jtacopale ta xnic yu'un ti xi'elal ta aba ta asate, ja' yu'un un, nijil chimilun ta spasel ti c'usitic nopbil avu'une.

Salmos 119:59

Ta co'nton jtuc lic jnijan jba lec ta snopel, lic jch'un ti amantaltaque.

Isaías 66:2

Yu'un vu'un laj jmeltsan scotol taje, ja' jech lic ayanuc talel. Ti vu'un Diosune, mu lo'iluc ta xcal. “Ti oyun ta stuc'ulanele, ja' ti me'un mu'nate, ti buch'u ta snijan xchiman sbae, ti ta xich' ta muc' ti jc'ope.

Isaías 8:20

yo' jech ta staic tojobtasel, mi ja' ti oy c'usi xu' ta x'albatique?” Ta j'ech'el jeche' ono'ox ti ta xc'opojique, ti c'usi ta xalique, jeche' no'ox lo'il a'yej.

Ezequiel 9:4

Xi albat xtoc une: “Xani o sjunul ti jteclum Jerusalene. Ac'bo senyail ta sti'ba ti buch'u ta xa'i ti at-o'ntone, xchi'uc ti toj vocol ta xa'i ti c'usitic mu stac' q'uelel ta xc'ot ta pasel ti ta stojolique.”

Deuteronomio 29:12

Li' tsoboloxuc yo' jech jamal ta xaval ta yaq'uel ave ati' yu'un strate ti Dios ti ta xac' ta atojolic tana li'e.

Josué 9:6

Xi laj yalic c'alal c'otic ta Gilgal ti bu lamalic ta naclej ti Josuee xchi'uc ti israeletique: —Ta namal banomil liliccutic talel. La' jnupin jbatic ta c'op, jpastic lec junuc jtratetic.