Efesios 5:3 - Bible in Tzotzil de Chamula

³ Ti jech yu'unoxuc xa ti Diose, j'ech'el lajuc ta alel sc'oplal avu'unic ti mulivajele, ti c'usitic yan ta soquesvane, ta yu'ninel ti c'usi oy yu'un ti yane.

Tzotzil Zinacantan

³ Yechꞌo un mu xa me xasaꞌ avantsic, mu xa me xasaꞌ avajmulic. Scotol li cꞌusitic chopole mu xa me xapasic. Mu xa me cꞌusi xpichꞌ avoꞌonic. Jꞌechꞌel xachꞌay ta ajolic yuꞌun xchꞌamaloxuc xa ti Rioxe.

Bible in Tzotzil de Chenalhó with Deuterocanon

³ Ja' yu'un li vo'oxuque, mu me xalo'iltaic, mu xa me xavalbeic sc'oplal li mulivajele, li c'usitic yan chopole, xchi'uc li xpich'etel avo'ntonique. Yu'un mu xa jechuc tsc'an tspas li yu'untac Diose.

Tzotzil San Andres

³ Joꞌoxuc li snichꞌnaboxuc xa li Diose, mu xa me xamulivajic, mu xa me xapasic li cꞌustic yan chopole, mu xa me cꞌusi xapichꞌ o avoꞌonic. Scꞌan nojtoc ti mu xaloꞌiltaic la achiꞌilique yuꞌun mu jechuc smelol.

Tzotzil de Huixtán

³ “Chmulivajic, chopol ti c'usi tspasique, chbic'taj yo'ntonic”, mu me xchiuc ac'opilalic, ho'oxuc ti oyoxuc xa ti stojol ti Diose.

Efesios 5:3 Iomraidhean Croise

Salmos 10:3

Ti buch'u mu'yuc xch'ulel xa'i sbae, chi' xa no'ox ta xa'i ta yac'bel sba c'usi ta sc'an ti yo'ntone; ti bic'tajem yo'nton yu'un ti c'usi ta sc'ane, ta sbis ta cotol chaval, ta sjip ta sten ti Diose.

Salmos 119:36

C'otuc ta pasel avu'un ti lecuc ya'i amantaltac ti co'ntone, ma'uc me xjelav ti sujel yu'un ti sc'upijel co'ntone.

Éxodo 18:21

Va'i un, ti vo'ote, ja' avabtel ta scotol ti ta xat'uj viniquetic ti oy sbijilique, ti sna' xi'taic ti Diose, ti jamal ye sti'ique. T'ujo viniquetic ti ma'uc batem ta yo'nton ta spasel ti c'usi lec ta xa'iique. Ti jujunic ti ta xat'uje, ac'bo yabtelic ta sbainel jmiluc (1,000) ta vo' xchi'ilic ti jujune, vo'vinic (100) ta vo' ti yane, lajuneb yoxvinicuc (50) ta vo' ti yane, lajunvo'uc (10) ti yane.

Éxodo 20:17

“Mu xc'upij avo'nton yu'un sna ti achi'ile. Mu xc'upij avo'nton yu'un ti yajnile, mi ja'uc ti smosov vinique xchi'uc ti smosov antse, mi ja'uc ti xvacaxe, ti sburroe, mi ja'uc jtosuc ta scotol ti c'usi ja' yu'untaque.”

Éxodo 23:13

“C'otuc ta pasel avu'unic scotol ti va'i s'elan laj cale, xchi'uc xtoc j'ech'eluc me lajuc sc'oplal avu'unic ti tey no'ox ta ave ta ati'ic ta yalilanbel sc'oplal ti yan diosetique.

Proverbios 28:16

Ti jbainvanej ajvalil ti mu xa'ibe xchiquinale, ta x'epaj vocol yu'un; ti buch'u mu'yuc sbic'tal yo'ntone, ta xil lec ti xch'iel sc'opojele.

Jeremías 22:17

“Le' une, ma'uc ta achic' ta ava'lel ti avac'ojbe yipal ta stael ti c'usitic ta xtun avu'une. Muts'ul sba sat laj avac' ta milel ti buch'u ch'abal smule. Laj avilbe svocol ti smeyoj yoc sc'ob ta xcom avu'un ti ateclumale.”

Jeremías 6:13

“Yu'un scotolic, manchuc mi ich'bil ye sti'ic, mi mu'yuc, c'ajomal no'ox batem yo'ntonic ta stsobel ti oyuc no'ox c'usi x'ayan yu'unic ti mu'yuc laj ya'iic c'uxi ta tojele. Yu'un ti j'alc'opetique xchi'uc ti paleetique, naca j'eleq'uetic scotolic.

Jeremías 8:10

Jech o xal un, ta xc'ot ta pasel cu'un ta xbat ta yan vinic ti avajnilique. Ta x'och yan yajval ti avosilique. Yu'un acotolic, mi ich'bilic ta muc', mi ma'uc ich'bilic ta muc', yac'ojbe yipal ta sa'el ti c'usi ta xtun yu'un ta sventa ti c'usi chopol ta spase. Scotolic naca lo'lael ti c'usi ta spasic ti j'alc'opetique, ti paleetique.

Ezequiel 33:31

Ti jteclumale ta xtalic, xchotiic xa vulel ta ats'el jech c'u cha'al liquem yu'unic ta ya'yiel ti ac'ope. Ti c'usi ta xaval une, mi jutebuc ta yo'ntonic ta spasic. Cacal ta yeic ta yalel jech c'u cha'al sq'uejimol jun lecombail, yu'un naca taq'uin ti ic'bil yo'ntonic xchi'uquique.

Levítico 15:18

“Mi laj sta sbaic ta xchi'inel ti jun vinic xchi'uc ti jun antse, ti xchibalique, tsots sc'oplal ac'o spoc sbaic ta vo'. C'otuc ta o'ntonal ti ta smalil to c'ac'al ta xch'ay ti sbolile.

Miqueas 2:2

C'upijem yo'ntonic yu'un ti osil banomile, ta xlic yu'ninic un. Xuj xutic no'ox loq'uel xchi'uc yalab xnich'nab ti yajval naetic ti bu c'upij yo'ntonic yu'une. Poj xutbeic xrextoic ti c'u yepal smacojique.

Números 25:1

C'alal joc'tsajic ta naclej ta Sitim ti israeletique, ti viniquetic yu'unique lic soquesbe sbaic sc'oplalic xchi'uc ti moabita antsetique.

San Mateo 15:19

Yu'un ta sjol ta yo'nton ta x'ayan talel ti chopol snopbenale, ti milvaneje, ti yanijem jolile, ta sa'el ti yantsique, ta slo'labe sjol viniquetic ti antsetique, ti elc'ajele, ta sjutel ti c'ope, ta sliquesel ti c'ope.

San Lucas 12:15

Xi laj yal xtoque: —Bijanic, q'uelo abaic yu'un ti sbic'tajel avo'ntonique. Yu'un ma'uc ta sta o xcuxlejal ti vinic mi yepal oy c'usi x'ayan yu'une.

San Lucas 16:14

C'alal laj ya'i ti fariseoetic ti va'i s'elan laj yal ti Jesuse, lic slabanic yu'un batem yo'ntonic yu'un ti taq'uine.

Hechos 15:20

Ja' no'ox, jtacbetic batel jlicuc vun ta yalbel ya'iic ti mu soques sbaic xchi'uc ta smoton ti c'usi meltsanbil ta c'abale, ti mu slo'labe sba sjolic ti vinic antse, ti mu sti'beic sbec'tal ti chon bolometic ti mich'bil snuc' ta xchamique, ti mu stun slajesic ti ch'ich'e.

Hechos 20:33

Mi junuc oy buch'u bic'taj co'nton yu'un ti staq'uine, mi ja'uc ti sc'u' spoc' yo' ta xtun cu'une.

Romanos 1:29

Me'inem ta yo'ntonic ta j'ech'el ti c'usitic toj ech'em chopole, bolinebic, ta xu'nin ya'iic ti ma'uc yu'unique, me'muliletic, j'it'ix o'ntonetic, jmilvanejetic, jsoquesej c'opetic, jlo'lavanejetic, jti' o'ntonetic,

Romanos 16:2

Ta sventa ti Cajvaltique, ich'beicun ta muc', yu'un ja' jech cabteltic sc'an ta jpastic ti vo'otic jch'unolajelotique. Coltaic me ta sventa ti c'usi ta xtun yu'une, yu'un ep laj xa scolta ti jch'unolajeletique. Ja' jech xtoc laj scoltaun ec.

Romanos 6:13

Mu xavaq'uic ta tunesel abec'talic yu'un ti mulile, ta spasel ti c'usi chopole. Ja' lec, ac'o abaic ta tunel yu'un ti Diose, yu'un cha'cuxiemoxuc xa ti chamemoxuc to oxe. Ja' yu'un un, ac'o abaic ta tunel yu'un ti Diose yo' jech ta xapasic ti c'usi lec ta xile.

1 Corintios 10:8

Ma'uc xbat co'ntontic yu'un mulivajel jech c'u cha'al laj spasic jlom ti jmolmuc'totcutic ta vo'nee. Yu'un un, ta jun no'ox c'ac'al, chamic oxib xcha'vinic ta mil (23,000) ti jmolmuc'totcutique.

1 Corintios 5:1

Oy bu vinajem ac'oplalic ti oy jun vinic ta atojolic ti yic'oj ti xcha'me'e. Ti jech taje, toj ech'em tsots mulil, ti mu ja'uc tey no'ox sq'uelojic ti buch'utic mu xojtiquinic ti Diose.

1 Corintios 6:13

Oy bu ti xi ta xale: “Ti ve'lile ja' sventa ti ch'utile. Ti ch'utile ja' sventa yavil ti ve'lile.” Jech ono'ox ta melel, ti xchibal taje ta xc'ot ta tsutsel yu'un ti Diose. Ja'uc ti jbec'taltique c'otem ta sventa Dios, ma'uc sventa mulivajel. Jech ti Diose sventainoj ti jbec'taltique.

1 Corintios 6:18

Lajuc sc'oplal avu'unic ta j'ech'el ti mulivajele. Yu'un ti mulivajele ta soques ta j'ech'el ti jbec'taltique. C'usiuc no'ox ti yan mulile, ja' mu sta.

2 Corintios 12:21

C'alal ta xtal jq'ueloxuque, ta xixi' ti xu' van ta xiyac'un ta q'uexlal ti Dios cu'un ta acojique. Xu' van ta xiyac' ta oq'uel ti buch'u vo'ne xa sa'oj talel ti smulique, ti mu'yuc to bu yictaoj ti c'usi chopol ta spase, ti staoj to yav ta xmulivaje, xchi'uc yan ti c'usitic mu'yuc smelol ta spase.

Efesios 5:12

Yu'un ti c'usi ta spasic ta mucul ti buch'utic taje, mu stac' alel, toj q'uexlal sba.

Efesios 5:5

Ti buch'utic yac'ojbeic yipal ti mulivajele, ta spasel ti c'usi chopole, ta yu'ninel ya'i ti c'usi oy yu'un ti yane, (taje, co'ol s'elan ja' xrioxinoj ti c'usi meltsanbil ta c'abale), ti buch'utic jech taje, xana'ic lec ti mu xu' ta x'ochic batel ti bu ta xventainvan ti Cristoe xchi'uc ti Diose.

Filipenses 1:27

Xi ta xcalboxuc ava'iic xtoque: cuxianic ta yac'bel yipal ta spasel co'ol xchi'uc jech c'u cha'al ta xal ti lequil ach' c'op yu'un ti Cristoe. Mi bat jq'ueloxuc, mi mu'yuc, ja' no'ox ta jc'an ta xca'i ac'oplalic mi jmoj vololoxuc avac'ojbeic yipal ta xch'unel ti colebal lequil ach' c'ope.

Colosenses 3:5

Jech un cha'e, j'ech'el tubuc chamuc ta avo'ntonic scotol ti naca sventa sba banomile, ti mulivajele, ti mu'yuc smelol ta q'uelele, ti c'usi ta soquesvane, ti sc'upijel o'ntonale, ti c'usi chopol ta nopele, ta yu'ninel ti c'usi ma'uc avu'unique, (taje, ja' co'ol xchi'uc ta xrioxinel ti c'usi meltsanbil ta c'abale).

1 Tesalonicenses 4:3

Ti c'usi ta sc'an ti Dios ta xapasique, ja' ti junuc avo'ntonic tunanic yu'une, ti mu'yucuc buch'u xmulivaje.

1 Tesalonicenses 4:7

Yu'un ti Diose laj yic'otic ta spasel ti c'usi leque. Ma'uc laj yic'otic ta spasel ti c'usi chopole.

1 Timoteo 2:10

Ti antsetique ja'uc c'otuc ta xch'alobil ta sventa ti oyuc c'usi lec ta spasique, ti yalojic ta xtunic yu'un ti Diose.

1 Timoteo 3:3

Sc'an ti ma'uc jun jyacubele, ti ma'uc jun jliquesej c'ope, ti ma'uc c'upijem yo'nton yu'un ti taq'uine, ti lecuc ti yo'ntone, ti lamajem ti yo'ntone.

1 Timoteo 6:10

Ti sc'upijel o'ntonal yu'un ti taq'uine, ja' me'mulil ta scotol. Yu'un oy jlom laj xa xrioxinic ti taq'uine. Jech o xal laj xa yicta sbaic ta xch'unel ti Cajvaltique, ti yepal no'ox ti svocolic ti li' cuxulic ta banomile.

2 Timoteo 3:2

Ti jujun jnaclej ta banomile stuc no'ox ta xc'uxubin sbaic, c'upijem yo'ntonic yu'un ti taq'uine, stoyoj sbaic. Stuc xa no'ox lec oy ta xa'i sbaic. Ta xchopol-c'optaic ti Diose. Mu xch'unbeic smantal ti stot sme'ique. Mu sna' xalic colaval. Mi ja'uc ta xich'ic ta muc' ti oy c'usi ch'unbile.

SUN TITO 1:11

Taje, sc'an pajesel yo' ta xmac ti ye'ique, yu'un sbejel ta na ta syanijesbe sjol yo'ntonic ti c'alal mi ja'uc jutebuc oy stuq'uil ti c'u s'elan ta xchanubtasvanique, yu'un naca pas canal taq'uin ta sc'anic.

SUN TITO 1:7

Yu'un ti buch'u ta x'och ta jventainvaneje ja' ta sbain ti c'usi ja' yu'un ti Diose. Jech o xal un, tsots sc'oplal ti lecuc ta q'uelel ti xcuxlejale, ti mu jbeluc ta c'ope, ti mu jtoyobbauque, ti ma'ucuc jun jyacubele, ti jun ti ma'ucuc jun jsa'letoe, ti ma'ucuc jun jyacvanej ta lo'lavanej ta stael ti staq'uine.

SUN TITO 2:3

Jech xtoc ti yayiletique, albo ya'iic ti lecuc ta q'uelel ti xcuxlejalique, ti ma'ucuc yesic ta lo'iltavaneje, ti ma'ucuc ti yacubel ta spasique. Yu'un tsots sc'oplal ac'o yaq'uic ta q'uelel ti c'usi lec ta pasele,

Hebreos 12:16

Mu'yucuc buch'u junucal avu'unic ta xmulivaj. Mu'yucuc buch'u junucal avu'unic ta sbaj ti c'usitic ja' yu'un ti Diose jech c'u cha'al laj spas ti Esaue, ti ta jun no'ox sets' ve'lil laj sjel ti oy c'usi ta x'ac'bat ti jech banquilal nich'onile.

Josué 7:21

Laj quil ta scotol ti c'usi laj jtamcutic ta Jericoe, ja' jlic poc' ti c'upil sba ti liquem talel ta Babiloniae, lajunvinic (200) ta sep plata taq'uin, xchi'uc jtel oro ti x'ech' jutuc ta o'lol kilo ti yalale. C'upij co'nton yu'un ti jaytos taje. Laj quich' comel. Laj jombe xch'enal ta yut caxibal na, laj jmuc ti taq'uine.

1 Pedro 5:2

Jechucoxuc jech c'u cha'al junuc lequil jq'uel-chij ta sq'uelel xchijtac Dios ti ac'biloxuc ta abaique. Ta sjunuluc avo'ntonic, pasic jech c'u cha'al oy ta yo'nton ti Diose, ti ma'uc ta sujele, ti ma'uc no'ox oy ta avo'ntonic ta stsaquel ti taq'uine. Ta yutsiluc avo'ntonic xapas ti avabtelique.

2 Pedro 2:10

Yu'un ti Diose jbel sc'oplal ta stsits ti buch'utic ta xac'be sbaic ti c'usi chopol ta sc'an ti yo'ntonique, ti ta sbajic ti yich'oj tsots yabtel ti Cajvaltique. Yu'un tsots yo'ntonic, mu tabaj ye sti'ic ti c'usitic ta xalique. Mi ja'uc xi'ic ta xchopol-c'optael ti buch'u tsots yich'oj yabtelic ti oy ta cajal toyole.

2 Pedro 2:14

Laj to c'op ma' ti mu'yuc ta yo'ntonic ta sc'upinel ti antsetic ti c'alal ta xilique. Mu x'ech' yo'ntonic ta sa'el ti smulique. Naca svosesbe no'ox yo'nton ti antsetic ti buch'uc naca xa quiquil xa'i sba eque, yu'un sna'ic lec c'u s'elan ta xyacvan xchi'uc ti sc'upijel yo'ntonique. Yu'un ch'ayel sq'uelojic batel.

2 Pedro 2:3

Ti jech tsacbil lo'labil yo'nton yu'un ti taq'uine, ta xilboxuc avocolic ta yilbajineloxuc ta slo'laeloxuc ti c'usi ta xchanubtasvanique. Manchuc mi jech un, jbel sc'oplal ta stojic. Laj to c'op ma' ti ta xcolique, yu'un vo'ne xa chapal sc'oplalic.

Apocalipsis 2:14

Oy jaytos ti xi s'elan mu lecuc ta xquil ti oy ta atojole: yu'un oy jlom avu'unic mu sc'an ta xictaic comel c'u s'elan chanubtasvan ti Balaam ti c'alal laj sbijubtas ti Balaque, ti laj sta smul yu'un ti israeletic c'alal laj slajesic smoton ti c'usi meltsanbil ta c'abale, xchi'uc ti laj sbolomalin sbaic yu'une.

Apocalipsis 2:21

Jmalaoj ora ti sutuc talel ta stojol ti Diose. Mu jechuc oy ta yo'nton, yu'un mu ono'ox xicta comel ti ta sbolomalin sbae.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”

Apocalipsis 22:15

Ja'uc ti jchopol-joletique, ti j'ac'-chameletique, ti buch'u ja' no'ox batem ta yo'ntonic ti mulivajele, ti jmilvaneje, ti ta xich'ic ta muc' ti c'usitic meltsanbil ta c'abale, ti buch'utic lec xa'iic ti lo'lavaneje, scotolic taje ta xcomic ta spat ti jteclume.

Apocalipsis 9:21

Mi ja'uc laj yicta sbaic ta milvanej, ta ac'-chamel, ta mulivajel, ta elc'ajel.

1 Samuel 8:3

Ja'uc le' une, ti xnich'nabe mu jechuc yo'ntonic loq'uic jech c'u cha'al ti stotique. Yu'un c'ajomal no'ox bic'tajem yo'ntonic yu'un ti matanale, ti lec xa'iic stsaquel ti mich'ob c'abale, ti mu xa sventaicuc ta xchapanvanic leque.