Efesios 5:2 - Bible in Tzotzil de Chamula

² Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

Tzotzil Zinacantan

² Tscꞌan chacꞌuxubin abaic chac cꞌu chaꞌal lixcꞌuxubinotic ti Cristoe yuꞌun iyacꞌ sba ta milel ta scoj jmultic. Ti xꞌelan ispase, jaꞌ smoton iyaꞌi ti Rioxe, lec iyil.

Bible in Tzotzil de Chenalhó with Deuterocanon

² C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Tzotzil San Andres

² Scꞌan ti chacꞌuxubinan abaic jech chac cꞌu chaꞌal liscꞌuxubinutic li Cristoe yuꞌun iyacꞌ sba ta milel ta jcojtic. Ta sventa ti jech la spase, lec iyil li Diose, coꞌol schiꞌuc smoton iyaꞌi. Jaꞌ noꞌox jech eꞌuc mi ta jcꞌuxubinan jbatique, jaꞌ lec chil li Diose.

Tzotzil de Huixtán

² Tsc'an ti chac'uxubinvanic hech chaj c'u che'el chc'uxubinvan ti Cristoe. Yu'un ti Cristoe muc xc'uxubin sba. Ja' laj xc'uxubinucutic hech laj yac' sba ti milel cu'untic. Hech lec yo'nton ti Diose yu'un ti laj xc'uxubinucutic ti Cristoe.

Efesios 5:2 Iomraidhean Croise

Génesis 8:21

C'alal jun yutsil smuil c'ot ti matanal ta stojol ti Diose, xi laj yale: “J'ech'el xa, mu'yuc c'usi ta xcal ta soquesel ti banomil ta scoj smul ti vinique. Yu'un ta xch'iebal no'ox talel ti vinique, ja' no'ox ta snopilan ta spasel ti c'usi chopole. Ja' jech xtoc mi ja'uc xa ta jtubbe sts'unubal scotol ti chon bolometic jech c'u cha'al laj jpas avie.

Éxodo 29:18

Ja' jech xtoc ti chije, ac'o ta sba ti altare yo' jech ta xich' chiq'uel ta stojol ti Diose, ti jun yutsil ti smuile.

Éxodo 29:25

Mi laj taj une, tsacbo sutel ti oy ta sc'obique, chic'o ta altar, ti ja' jun muil matanal ti lec ta xa'i ti Diose. Yu'un ja' jun matanal ti ta xich' chiq'uel ta sventa yich'el ta muc' ti Diose.

Levítico 1:13

Va'i un, ti buch'u ta xac' ti chiq'uel ti chon bolome, tsots sc'oplal ta xich' sapbel lec ta vo' ti sbel xch'ute, xchi'uc ti yo'taque. Jech ti palee ta xchic' scotol ta sba ti altare, ti ja' jun chic'bil matanal ti jun yutsil smuil ta xich' ac'bel ti Diose.

Levítico 1:17

Mi laj une, ta sjav ta o'lol ti mute. Ta stsacbe ti jujujot xiq'ue, ti mu xtuch' yu'une. Ta slajeb un, ta xchic' ti mut ta sba si' ti oy ta altar sventa matanale, ti ja' jun chic'bil matanal ti jun yutsil smuil ta xich' ac'bel ti Diose.

Levítico 1:9

Ti buch'u ta xac' ta chiq'uel ti matanale, ac'o sapbe lec ta vo' ti sbiquile, xchi'uc ti yo'tac ti chon bolome. Jech ti palee ta xchic' scotol ta sba ti altare, ti ja' jun chic'bil matanale, ti jun yutsil smuil ta xich' ac'bel ti Diose.

Levítico 3:16

Mi laj taj une, jech ti paleetique ta xchiq'uic scotol ta sba ti altare, ti ja' sc'oplal jun matanal ve'lil laj yich' chiq'uele, ti jun yutsil smuile. Scotol ti xepu'ale, ja' yu'un ti Diose.

Amós 5:21

Xi ta xal ti Diose: “Yu'un chopol ta xquil, mi ja'uc xlaet co'nton yu'un ti q'uin ta xapasic ta sventa ti oy c'usi ach'unojique. Mi ja'uc lec ta xquil ti ch'ul tsoblej ta xapasic ti avalojique.

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

San Juan 13:34

Xi ta xcalboxuc comel sc'oplal ti ach' mantale: J'ech'el c'uxuc xava'i abaic ta jujun tal jech c'u cha'al laj c'uxubinoxuque. Jechuc c'uxuc xava'i abaic ta jujun tal.

San Juan 6:51

Vu'unun ti cuxul pan liquem talel ta vinajele. Ti buch'u ta sve' ti pan taje, ta xcuxi o sbatel osil. Ti pan ti vu'un ta xcaq'ue, ja' ti jbec'tal jtacopale. Ta xcac' ta c'abal yo' jech ta sta xcuxlejal scotol ti jnaclejetic ta banomile.”

Romanos 15:16

Vu'un yajtunelun ti Jesucristo ta sventa slequilal yutsilalic ti jyanlumetique. Ja' cabtelinoj ta yalel ti lequil ach' c'op yu'un ti Dios ta sventa ti c'otuc ta pasel ta stojol ti jyanlumetic ti junuc yutsil c'otuc sva'an sbaic ta stojole, ti ventainbiluc yu'un ti Ch'ul Espíritue.

Romanos 4:25

Aq'ue ta milel ta scoj ti jmultique, xchi'uc cha'cuxesat yo' jech ta jtatic ti lec xij'ile yu'un ti Diose.

Romanos 8:3

Ta scoj ti mu'yuc yip ti lum ach'ele, mu'yuc xc'ot ta ch'unel ti oy c'usi tsots sc'oplal albil yu'un ti Moisese. Jech o xal ti Diose laj spas ti xi s'elan c'ot ta pasel yu'une: Yu'un co'ol s'elan jun jsa'mulil laj stac talel Xnich'on ti Diose. Laj yich' svocol ta stojel ti mulile yo' jech tub sc'oplal ti mulil ta sventa ti laj yich' ti sbec'tale.

Romanos 8:37

Ta scotol taj une, tsalbil ta xc'ot cu'untic ta sventa ti Buch'u mu xijtuch' ta yo'ntone.

1 Corintios 16:14

Scotol ti c'usi ta xapasique, pasic ta syail xc'uxul avo'ntonic.

1 Corintios 5:7

Jech o xal un, jipic loq'uel ti spajubtasobil pan ti ta soquesoxuque. Jechuc a'elanic jech c'u cha'al ti ach' pan ti ta xich' ve'el ta q'uin Colebale, ti pasbil ta ach' vots'bil jarina ti mu'yuc yich'oj ti spajubtasobile. Taje, ja' ac'oplalic vo'oxuc, yu'un ti Cristoe ja' c'ot ta ch'iom chij cu'untic ta sventa colebal ti laj yich' svocol ti cham cu'untique.

2 Corintios 2:14

Coliyal ti Diose ti scotol c'ac'al ja' j'ic'vanej cu'uncutic ti Cristoe yo' jech xu' cu'uncutic ta yalel ti lequil ach' c'op yu'une, ti jun yutsil smuil ta xtanij batel ti buyuc no'oxe.

2 Corintios 2:15

Ti vu'uncutique, co'ol j'elancutic jech c'u cha'al smuil pom ta xac' ti Cristo Jesús ta stojol ti Diose, ti xpaq'uet smuil ta xtanij batel ta stojol ti buch'u ta xcolique xchi'uc ti buch'u ch'ayel ta xbatique.

2 Corintios 8:9

Yu'un ti vo'oxuque xana'ic lec, ta sventa ti oy yutsilal slequilal yo'nton ti Cajvaltic Jesucristoe, joybij ta me'un c'alal jc'ulej ono'oxe, yo' jech c'ulej ta xac'otic ta sventa sme'unal ti Cajvaltique.

Gálatas 1:4

Ti Cajvaltic Jesucristoe laj yac' sba ta milel ta scoj ti jmultique, yo' jech tal spojotic loq'uel ta scoj ti toj chopol ti sba banomil avi tana li'e, ti jech ono'ox oy ta yo'nton ti Jtotic Diose.

Gálatas 2:20

yo' mu cu'unuc xa jba jtuc ti jech cuxulune, yu'un ja' xa cuxul ti Cristo ta jtojole. Ti jech cuxulun xchi'uc ti jbec'tale, cuxulun xa no'ox ta sventa ti c'ot ta co'nton ta xch'unel ti Xnich'on Diose, ti laj xc'uxubinune, ti laj yac' sba ta milel cu'une.

Efesios 1:4

C'alal mu'yuc to ox meltsajem ti banomile, t'ujbilotic xa ono'ox yu'un ti Dios ta sventa ti Cristoe yo' jech mu'yuc jmultic ta xijc'ot ta stojol.

Efesios 3:17

yo' jech ti Cristoe ta xnaqui ta avo'ntonic, ti jech c'otem ta ch'unel avu'unique. Ta jc'anbe ti Diose ti ja'uc yipal avu'unic ti oyuc ti syail xc'uxul avo'ntonique, yo' jech mu'yuc c'usi xana'ic ti jech li' cuxuloxuque,

Efesios 3:19

Ta jc'anbe ti Diose ti ac'o yac'boxuc ava'iic ta avo'ntonic ti syail xc'uxul yo'nton ti Cristoe, ti mu bisbiluque, ti mu xa no'ox c'usi xtaun ti yutsil slequile, yo' jech oy ta atojolic stalel ti Diose.

Efesios 4:15

Ja' ta sc'an ti oyuc syail xc'uxul o'ntonal ta yalel ti c'usi ja' melele, ti tsotsuc sc'oplal jmojuc ch'icutic batel ta stojol ti Cristoe, yu'un ja' c'otem ta jolil cu'untic.

Efesios 4:2

Nijetan chimetanic no'ox. Oyuc slequilal avo'ntonic. Oyuc smuc'ul syail xc'uxul avo'ntonic ta sts'icbel abaic ta jujun tal.

Efesios 5:15

Ja' yu'un chae, q'uelo abaic lec c'u a'elanic ta x'ech' avu'unic ti jujun c'ac'ale. Oyuc abijilic. Mu me teyuc no'ox xach'ayetic.

Efesios 5:25

Viniquetic ti vo'oxuc nupul ts'acaloxuque, c'uxubino ti avajnilique jech c'u cha'al ti Cristo ta xc'uxubin ti jch'unolajeletique, yu'un laj yac' sba ta milel ta sventaic.

Deuteronomio 27:6

ti sbejequiluc ta ton ta xich' meltsanel yaltar ti Ajvalil Dios avu'une. Ti ta altar taje, ta xlic achic'beic smoton ti Ajvalil Dios avu'unique.

Filipenses 4:18

Yu'un laj xa quich' scotol. Mu'yuc xa c'usi xal co'nton. Ti c'u yepal laj atacbeicun talel ta stojol ti Epafroditoe, xiloc' o lec xchi'uc, oy to com scomilal. Ti c'u yepal laj atacbeicun talele, co'ol smuil pom ta xich' chiq'uel ta stojol Dios ti lec ta xile.

Colosenses 3:14

Ti tsots sc'oplal ta j'ech'ele, oyuc syail xc'uxul avo'ntonic, yu'un ja' yip c'op ti jech jun avo'nton acotolique.

1 Tesalonicenses 4:9

Ja'uc ti sc'oplal syail xc'uxul o'ntonal ta sventa ti achi'il abaique, mu xa tsotsuc sc'oplal ta xcalboxuc talel ta vun. Yu'un ja' stuc Dios laj xa yac'boxuc ana'ic c'u s'elan ta xac'uxubin abaic ta jujun tal.

1 Timoteo 2:6

Yu'un ti Jesucristoe laj yac' sba ta milel yo' jech ta stojbe spojel scolel scotol ti jnaclejetic ta banomile, ti sta xa yorail laj yac' ta na'el ti Dios avi tana li'e.

1 Timoteo 4:12

Ac'o iluc ti oy stuq'uil ta xac'opoje, ti oy stuq'uil ti c'usi ta xapase, ti c'otem ta avo'nton ta xch'unel ti Diose, ti oy syail c'uxul avo'ntone, ti lec ta q'uelel ti acuxlejale. Mi jech ta xapase, manchuc mi queremot to, mu xasbajic ti jch'unolajeletique.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

Hebreos 8:3

Scotol ti banquilal paleetique va'anbilic ta yet'esel, ta xchiq'uel smoton ti Diose. Jech ti Jesús eque, tsots sc'oplal oy c'usi laj yac' jelavel.

Hebreos 9:14

Ti mi ja' jech taj une, buc xa la xch'ich'el ti Cristo ti ja' x'ech' to jelavem ti yip xu' yu'une. Ti jech coltabil yu'un Ch'ul Espíritu ti sbatel osil cuxule, ti Cristoe laj yac' sba ta milel ta stojol Dios ti c'ot ta jun matanal ti mu'yuc xchopolale, yo' ta xcac' jbatic ta tunel ta stojol ti Dios ta sventa ti tun ti xch'ich'el ta spoquel stusel ti sbolil jol co'ntontic ti naca ch'ayel jq'uelojtic batel yu'une.

Hebreos 9:23

Ti xcaltic taj une, tsots sc'oplal laj yich' poquel tusel ta ch'ich' scotol ti c'usitic naca sloc'obbail no'ox ti c'usitic oy ta vinajele. Ja'uc ti c'usitic oy ta vinajele, x'ech' to yutsil ch'ich' ta sc'an.

Hebreos 9:26

Ti jechuque, ta sliquebal no'ox banomil lic ono'ox yaq'uilan sba talel ta milel. Le'e, c'alal slajebtic xa batel ti c'ac'ale, ja' o vul ta loq'uel ti Cristo ta yaq'uel sba ta milel yo' ta xch'ay ti mulile.

1 Pedro 4:8

Ma'uc no'ox taje, tsots sc'oplal ti yepaluc oyuc ti syail xc'uxul avo'ntonic ta jujun tale. Yepal no'ox mulil ta xch'ay yu'un ma' ti syail xc'uxul o'ntonale.

1 Juan 3:16

Jna'tic lec c'u s'elan ma' ti c'uxul o'ntonale, yu'un ti Jesucristoe laj xa yac' sba ta milel cu'untic. Jechuc me co'ntontic ta scoltael ti jchi'iltique, manchuc mi ta xcac' jol jbaquiltic yu'un.

1 Juan 3:23

Ti smantale, ja' ti c'otuc ta o'ntonal ta xch'unel ti Jesucristo ti ja' Xnich'one, xchi'uc ti c'uxuc xca'i jbatic ta jujun tal jech c'u cha'al laj yalbotique.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.