Efesios 4:8 - Bible in Tzotzil de Chamula

⁸ Jech o xal un, ti ch'ul c'ope xi ta xale: “C'alal muy batel ta vinajele, yic'ojan batel ti jchuqueletique xchi'uc laj yac'be sbijil ti jnaclejetique.”

Tzotzil Zinacantan

⁸ Jaꞌ onox yech tsꞌibabil ta scꞌop Riox chac liꞌi: Chtal xchꞌaybe syuꞌel ti totil pucuje yoꞌ xcolic o loqꞌuel ti muchꞌutic ch-ichꞌon o ta muqꞌue. Tsꞌacal to ta sut echꞌel ta vinajel. Stosoltosol cꞌusi chacꞌbe spasic, xi tsꞌibabil.

Bible in Tzotzil de Chenalhó with Deuterocanon

⁸ Yu'un jech ts'ibabil ta sc'op Dios: “Imuy batel ta toyol, la xchuc muyel scotol li boch'otic la stsale, laj yac'be tal smoton li cristianoetique”, xi ts'ibabil.

Tzotzil San Andres

⁸ Yuꞌun jech onoꞌox tsꞌibabil scꞌoplal li Jesucristoe ta scꞌop li Diose: Chtal schꞌaybe stsatsal yabtel li banquilal pucuje yoꞌ jech ta scolta loqꞌuel li snichꞌnabe. Tsꞌacal to ta sut batel ta vinajel. Chlic yacꞌbe smoton li snichꞌnabe, xi tsꞌibabil.

Tzotzil de Huixtán

⁸ Yu'un hech albil sc'opilal ti Cristoe ti sc'op ti Diose: Tsjimbe yabtel ti pucuje yu'un hech tscolta loc' tal ti snich'one. Patil tsut batel ti vinajel. C'alal te xa oy ti vinajel chlic yac'be yal tal sp'ijilic ti xnich'nabe, ti xchie.

Efesios 4:8 Iomraidhean Croise

Ester 2:18

Ta jech yepal un, lic yac' jun muc' ta ve'el uch'ubajel ti ajvalil sventa ta scajtsanbe sc'oplal ti Estere. Laj staan talel ta iq'uel scotol ti its'inal ajvaliletique, xchi'uc ti xchi'iltac ta abtele. Lic syales ti patanetic ta stojic ti bic'tal jteclumetique. Epal matanaletic laj xch'ac ti loc' ayan ta yutsil yo'nton ti ajvalil ta yaq'uele.

Salmos 68:18

Ta toyol lamuy ech'el un, Ch'ul Dios, avic'ojan ech'el ta chuquel ti jchuqueletique; laj avich' ac'bel matanal yu'un ti viniquetic une. Ti jtoyobbaetique laj sbic'tajes sbaic ta atojol un, Dios.

Proverbios 30:4

¿Mi yu'un la oy buch'u muy batel ta vinajel, ts'acal to yal talel? ¿Mi yu'un la oy buch'u ta sc'ob no'ox xu' ta spajes ti iq'ue? ¿Mi yu'un la oy buch'u ta smochib c'u' no'ox xu' ta svol ti nabe? ¿Buch'u laj yac' bu c'alal ta xpaj talel spajeb ti banomile? Mu xalo'laun ma' ti xana'be sbie, ti xana'be sbi ec ti xnich'one.

Efesios 4:11

Jel tos laj yac'anbe sbijil ta jujun tal. Yu'un oy jlom laj yac'be sbijil yo' jech ta x'och ta jcholc'op. Oy jlom laj yac'be sbijil ta yalel ti c'usi ta x'ac'bat sna'ic yu'un ti Diose. Oy jlom laj yac'be sbijil ta yalel ti lequil ach' c'ope. Oy jlom laj yac'be sbijil yo' ta x'och ta sbainel jch'unolajeletic xchi'uc jchanubtasvanejetic.

Colosenses 2:15

C'alal cham ta curus ti Cristoe, tsalbil c'otic scotol ti buch'u tsots xu' yu'unic ti mu xvinaj ta q'uelele. Ja' aq'ueic ta q'uexlal ti mu'yuc xa bu c'alal xu' yu'unique. Ic'bil batic jech c'u cha'al junuc jchuqueletic c'alal jech tsalbil c'otique.

Jueces 5:12

“Mu teyuc no'ox xach'ayet un, Débora, mu teyuc no'ox xach'ayet, mu teyuc no'ox xach'ayet, lic q'uejinta o junuc q'uejimol. Jech ti vo'ote, Barac xnich'onot ti Abinóame, va'lan. lican, ic'o batel ti avajchucbolaltaque.

1 Samuel 30:26

C'alal c'ot ta jteclum Siclag ti Davide, jaych'ac ti c'usi laj spojique, laj stac batel ta stojol ti moletic yu'un Judae, ja' ti buch'utic lec xil sbaic xchi'uque, ti xi laj yal ech'el ti c'ope: “A'yio ava'iic, jujuti'uc ti uni matanal ti laj jpojbecutic ti yajcontratac ti Diose.”