Efesios 4:5 - Bible in Tzotzil de Chamula

⁵ Mu'yuc xa yan, jun no'ox ti Cajvaltique, jun no'ox ti Buch'u c'otem ta avo'ntonic ta xch'unele, jun no'ox ti ich'ob vo'e.

Tzotzil Zinacantan

⁵ Jun noꞌox cajvaltic ta jcotoltic. Coꞌol jchꞌunojtic ti icham ta scoj jmultique, coꞌol quichꞌojtic voꞌ.

Bible in Tzotzil de Chenalhó with Deuterocanon

⁵ Jun no'ox Cajvaltic, jun no'ox li xch'unojel co'ntontique, jun no'ox li ich' vo'e,

Tzotzil San Andres

⁵ Schiꞌuc jun noꞌox Cajvaltic jcotoltic, jun noꞌox li cꞌusi jchꞌunojtique, jun noꞌox ti cꞌu sba iquichꞌbetic svinajebe, jaꞌ li ichꞌ joꞌe.

Tzotzil de Huixtán

⁵ Jun ti Cajvaltique, jtos ti c'op ti jch'unojtique, jun no'ox ti ich' ho'e.

Efesios 4:5 Iomraidhean Croise

Zacarías 14:9

Ti jech c'ac'al taje, ta xlic sventain scotol banomil ti Diose. Ja' no'ox Ajvalil ti stuque. Ja' no'ox stuc biiltasbil ta banomil.

San Mateo 28:19

Batanic ta stojol scotol ti jnaclejetic ta banomil ti oyic ta jujun muc'tiquil lum ta sjoylej banomile. Ba pasic ta cajchanc'optac. Ac'beic yich' vo' ta sventa ti Dios Totile, ta jventa ti Nich'onilune, ta sventa ti Ch'ul Espiritue.

Hechos 10:36

Ti Diose laj yac' ta a'yiel sc'oplal ti ta sventa Jesucristo ta staic ti ch'abal sc'opic xchi'uc Dios snitilul ti Israele, yu'un ti Jesucristoe c'ot ta Ajvalil yu'un scotol.

Hechos 2:36

“Sna'icuc scotol ti jteclum Israele, ti Jesús ti Buch'u laj avaq'uic ta milel ta curuse, ti Diose laj xa sva'an ta Ajvalil ta Jcoltavanej.”

Romanos 3:30

Jun no'ox ma' ti Dios ti oy ta scotole: Yu'un ja' stuc ti Dios taje ta xal ti ta staic ti lec ta xquil jbatic xchi'uc Dios ti buch'utic ta xc'ot ta o'ntonal yu'unic ta xch'unel ti Jesucristoe, ti mu'yuc ta alel mi quich'ojtic ti circuncisione, mi mu'yuc quich'ojtic.

1 Corintios 1:13

Ti jech taje, ¿mi yu'un oy jayvo' xch'acoj sba ti Cristo avalojique? ¿Mi yu'un ja' laj yich' jipanel ta curus ti Pablo ta sventa ti acolelique? ¿Mi yu'un ja' ta sventa Pablo laj avich'ic ti vo'e?

1 Corintios 1:2

ta jts'ibaboxuc talel ta atojolic jlic vun ti vo'oxuc jch'unolajeloxuc yu'un ti Diose, ti nacaloxuc ta jteclum Corintoe. Ta sventa ti Cristo Jesuse, lac'otic ta steclumal, lac'otic ta yu'untac Dios xchi'uc ti yan buch'utic xvocoletic ta sc'anbeic vocol ti Cajvaltic Jesucristo cu'untique, ti ja' Ajvalil yu'unic ec jech c'u cha'al ti vo'otique.

1 Corintios 12:13

Manchuc mi israel, mi jyanlum, mi mosovinbil, mi ma'uc mosovinbil, ja'uc c'alal laj quich'tic ti vo'e, lijc'ot ta jun jcotoltic ta sventa ti jun no'ox ti Ch'ul Espíritue. Ja' jech xtoc jcotoltic laj quich'tic ti Ch'ul Espíritue.

1 Corintios 12:5

Yalel toyol ti c'u s'elan ti jtuneltic ta xijtune. Le' une, jun no'ox ti Cajvaltic ta xijtun yu'une.

1 Corintios 8:6

Ti ta jventatique, c'ajomal no'ox oy jun Dios ti c'otem ta Totile, ti Buch'u laj spas scotol ti c'usitic oye xchi'uc ti laj spasotique ta sventae. Jun xtoc ti Cajvaltique, ja' ti Jesucristoe, ti ja' ta sventa lic ayanuc scotol ti c'usitic oye, xchi'uc ti vo'otique.

2 Corintios 11:4

Yu'un ti vo'oxuque lec ta xava'iic ti oy buch'u ta xc'ot ta atojolic ta yalbel sc'oplal ti Jesuse ti mu xco'olaj xchi'uc jech c'u cha'al laj calcutic ava'iique. Sjunul avo'ntonic ta xavich'ic ta muc' stalel no'ox jun vinic ti mu xco'olaj xchi'uc jech c'u cha'al ti Ch'ul Espíritu ti laj avich'ique. Ta xavich'ic ta muc' yan c'op ti mu xco'olaj xchi'uc jech c'u cha'al ti colebal lequil ach' c'op ti laj calcutic ava'iique.

Gálatas 5:6

Yu'un ta stojol ti Cristo Jesuse, ma'uc tsots sc'oplal mi ich'bil circuncisión, mi mu'yuc. Ti tsots sc'oplale, c'otuc ta o'ntonal ta xch'unel ti Cajvaltique, ti vinajuc oyuc ti syail xc'uxul o'ntonal ta sventa ti yacal ta x'abtej ti oy c'usi c'otem ta o'ntonal ta xch'unele.

Efesios 4:13

Ti ja' jech taj une, yo' jech jcotoltic ta jtatic ti jmoj ta xc'ot ta co'ntontic ta xch'unele, xchi'uc ta yojtiquinel Xnich'on ti Diose, yo' ta xc'ot ta pasel ta xlic jamuc ti jba jsatique, ja' to mi laj jtatic jech c'u cha'al ti Cristoe.

Filipenses 2:11

Scotol jamal ta xalic ti ja' Ajvalil ti Jesucristoe, yo' jech ich'bil ta muc' ta xc'ot ti Dios Totile.

Filipenses 3:8

Ti jech ech'em xloc' venta laj ca'i ta yojtiquinel ti Cajval Cristo Jesuse, ta jech yepal, laj, tub sc'oplal ta co'nton ta sventa Cristo ti c'usi tsots sc'oplal laj ca'i sc'an pasel to oxe. Yu'un laj xa jbis ta c'a'ep scotol yo' jech oyun ta stojol ti Cristoe,

SUN TITO 1:1

Vu'un Pablo, yaj'abtelun ti Diose xchi'uc yajcholc'opun ti Jesucristoe. Tacbilun yu'un yo' jech ta xquic' talel ti buch'utic t'ujbilique, ti c'otuc ta yo'ntonic ta xch'unel ti Diose yo' jech ta xojtiquinic ti ja' melel ti c'usi jch'unojtique,

SUN TITO 1:4

Ta xajts'ibabot talel ti jvun li'e, Tito, ti co'ol s'elan jnich'onot ya'yel ta sventa ti co'ol c'otem ta co'ntontic ta xch'unele. Ta jc'an ti ac'o yac'bot ta atojol ti slamajemal yo'ntone, ti ac'o xc'uxubinote, ti ac'o yac'bot ti slequil yutsilal ti Jtotic Diose xchi'uc ti Cajvaltic Jesucristo Jcoltavanej cu'untique.

Hebreos 13:7

Mu xach'ay ta avo'ntonic ti buch'utic laj xchanubtasoxuque, ti laj yalboxuc ava'iic ti sc'op Diose. Nopic lec c'u s'elan ti xcuxlejal ech'ique. Chanbeic yo'nton ti c'u s'elan c'otem ta ch'unel yu'unique.

Hebreos 6:6

mi ta xch'ay ti xch'unajel yo'ntone, mu xa cha'bel c'usi stac' utel yo' ta xnopaj talel ta stojol ti Diose, yu'un ja' stuquic ta xcha'jipanic ta curus Xnich'on ti Diose, ti ta xaq'uic ta labanel ta sba ta sat scotol ti jnaclejetique.

Santiago 2:18

Xu' nan ti xi xcaltique: “Ti vo'ote, c'otem ta avo'nton ta xch'unel. Ti vu'un eque, oy c'usi lec yacalun ta spasel.” Xichi ta jtac'be: “Mu xquil mi c'otem ta avo'nton ta xch'unel mi mu'yuc lec c'usi ta xapas. Ti vu'une ta xcac'bot avil ti c'otem ta co'nton ta xch'unele ta sventa ti oy c'usi lec ta jpase.”

1 Pedro 3:21

Ti nojel ta vo' taje, ja' ta xac' ta na'el sc'oplal ti ich' vo'e, ti ja' senyail ta xijcole. Yu'un ti ich' vo'e, ma'uc ta sventa ta spoc ti jbec'taltique, yu'un ja' no'ox ta sventa ac'o jc'anbeticuc spoquel jol co'ntontic ti Diose, yo' jech ta xijcolotic ta sventa ti cham cha'cuxi ti Jesucristoe.

2 Pedro 1:1

Vu'un Simón Pedro, yajtunelun, yajcholc'opun ti Jesucristoe, ti tacbilun yu'une. Ta jts'ibaboxuc ti jvun li'e ta sventa ti vo'oxuc ti laj xa ataic ti jun yutsil c'otem ta avo'ntonic ta xch'unel ti Cajvaltic jech c'u cha'al ti vu'uncutique, yu'un ti Dios cu'untique, xchi'uc ti Jcoltavanej Cajvaltic Jesucristoe, oy slequil yutsil yo'ntonic.

Judas 1:20

Ti vo'oxuc ti c'uxoxuc ta co'ntone, Jchi'iltac, ja' ac'o stsatsubtas avo'ntonic ti ch'ul c'op ach'unojique. Ta sventauc ti Ch'ul Espíritue, c'oponic ti Diose.

Judas 1:3

Ti jech c'uxoxuc ta co'ntone, Jchi'iltac, oy ox ta co'nton ta jts'ibaboxuc talel ta jvun sc'oplal ti coltael ti oy ta jtojoltique. Ja'uc avi tana li'e, oy c'usi yan tsots sc'oplal ta xca'i ta jts'ibaboxuc talel yo' ta jc'anboxuc vocol ta atojolic, ti ac'beic yipal ta xchabiel ti sc'op Dios ti lij'ac'bat comel ti vo'otic yu'unotic ti Diose.