Efesios 4:4 - Bible in Tzotzil de Chamula

⁴ Yu'un jun xa oyoxuc ta stojol ti Cristoe. Jun no'ox ti Ch'ul Espíritu avich'ojique, jech c'u cha'al jun no'ox ti spatobil avo'ntonic la'ac'batic ti c'alal laj staoxuc ta iq'uel ti Diose.

Tzotzil Zinacantan

⁴ Yuꞌun junotic xa ta jcotoltic. Jun noꞌox ti Chꞌul Espíritu tal xchiꞌinotique. Coꞌol jpatoj coꞌontic ti chicuxiotic ta sbatel osile. Yuꞌun onox jaꞌ yech snopoj ti Rioxe, yechꞌo ti liyicꞌotique.

Bible in Tzotzil de Chenalhó with Deuterocanon

⁴ Yu'un jun no'ox lijc'ot jcotoltic. Jun no'ox li Ch'ul Espíritu quich'ojtique, jech chac c'u cha'al jun no'ox li c'usi jmalaojtic chc'ot quich'tic ta sventa ti co'ol xa yic'ojutic li Diose.

Tzotzil San Andres

⁴ Yuꞌun jmojutic xa jcotoltic. Jun noꞌox li Chꞌul Espíritu li quichꞌojtique, jech jun noꞌox li jcuxlejaltic li chcꞌot quichꞌtic jcotoltique, yuꞌun coꞌol yacꞌojutic xa ta scꞌob li Diose.

Tzotzil de Huixtán

⁴ Yu'un jun no'ox nijc'otucutic jcotoltic ti ho'ucutic ti jch'unojtique. Jun ti Ch'ul Espíritu ti quich'ojtique. Hech ono'ox uc jun no'ox ti jcuxlejaltic ti chc'ot quich'tique yu'un co'ol ic'bilucutic ti stojol.

Efesios 4:4 Iomraidhean Croise

Salmos 122:8

Tana une, ta sventa ti jvinquileltaque, xchi'uc ti buch'utic lec xquil jba xchi'uque, xichi ta xcale: “Lamajuc ti c'op ta atojole.

Jeremías 14:8

Jpat-o'ntonal yu'un Israel, jcoltavanejot cu'uncutic ta yorail ti chopol ta xvul ta loq'uele, ¿c'u cha'al yan ta xapas aba ta stojol ti jteclume, ti co'ol a'elan jech c'u ch'al junuc j'ech'el-be naca ta x'ech' yu'un ti ac'ubale?

Jeremías 17:7

“Yan yutsil ti buch'u spatoj yo'nton ta jtojole, ti j'ech'el smalaoj ta sta ti spojel ta jtojole.

San Mateo 28:19

Batanic ta stojol scotol ti jnaclejetic ta banomil ti oyic ta jujun muc'tiquil lum ta sjoylej banomile. Ba pasic ta cajchanc'optac. Ac'beic yich' vo' ta sventa ti Dios Totile, ta jventa ti Nich'onilune, ta sventa ti Ch'ul Espiritue.

Hechos 15:11

Bu ono'ox la xata ti jech une. Yu'un ti stuquique xchi'uc ti vo'otique, c'otem ta co'ntontic ti ta matanal laj jtatic ti jpojel jcoleltic ta sventa yutsil slequil yo'nton ti Cajvaltic Jesuse.

Romanos 11:29

Ti c'u s'elan loc' ayan ta yo'nton ti Dios ta xaq'ue, mu spoj sutel, mi ja'uc laj xa xcha'na' ti buch'utic laj yic' talele.

1 Corintios 10:17

Ac'o mi jun quepaltic, jun no'ox ti pan ta jve'tic ta jcotoltique. Ti jech taje, ja' svinajeb ti junotic jcotoltic ta stojol ti Cristoe.

1 Corintios 12:20

Manchuc mi ep ta tos stsacanojan sba, jun no'ox c'otem ti jbec'taltique.

2 Corintios 11:4

Yu'un ti vo'oxuque lec ta xava'iic ti oy buch'u ta xc'ot ta atojolic ta yalbel sc'oplal ti Jesuse ti mu xco'olaj xchi'uc jech c'u cha'al laj calcutic ava'iique. Sjunul avo'ntonic ta xavich'ic ta muc' stalel no'ox jun vinic ti mu xco'olaj xchi'uc jech c'u cha'al ti Ch'ul Espíritu ti laj avich'ique. Ta xavich'ic ta muc' yan c'op ti mu xco'olaj xchi'uc jech c'u cha'al ti colebal lequil ach' c'op ti laj calcutic ava'iique.

Efesios 1:18

Ta jc'anbe ti Diose ti ac'o sjamboxuc ti snopbenal avu'unique yo' jech ta xana'ic c'u s'elan ti spatobil yo'ntonic ta x'ac'batic ti buch'utic ic'bilique, xchi'uc ti oy jun c'ulejal rextoil ti mu albajuc yutsil ta xac' ti Dios ta stojol ti ch'ul jteclumetic yu'une.

Efesios 2:16

Ti jech taj une, laj sc'oplal ti contra ta xil sbaic ti israeletic xchi'uc ti jyanlumetic ta sventa cham ta curus ti Cristoe. C'otic ta jun ta sventa ti Cristoe. Sutic talel ta stojol Dios ta sventa ti Cristoe.

Efesios 2:18

Ta sventa ti Jesucristoe, ac'o mi israel mi ma'uc, jcotoltic xu' xijnopaj ta stojol ti Jtotic Diose, yu'un jun ti Ch'ul Espíritu quich'ojtique.

Efesios 2:22

Ja' jech ti vo'oxuc ti oyoxuc ta stojol ti Cristoe, co'ol a'elanic jech c'u cha'al jun pac'obal ti xlatset ta xmuy batel jmoj xchi'uc ti yan jch'unolajeletique, yo' jech ta xmeltsaj ti jbej na ti bu ta xnaqui ti Dios ta sventa ti Xch'ul Espíritue.

Efesios 4:1

Ja' yu'un un, ti vu'un tiq'uilun ta chuquel ta sventa ti Cajvaltique, ta jc'anboxuc vocol ta atojolic, ti tuc'ulano abaic jech c'u cha'al laj snop ac'oplalic ti Dios c'alal laj staoxuc ta iq'uele.

Efesios 5:30

Yu'un c'otemotic ta sbec'tal stacopal ti Cristoe.

Colosenses 1:5

Ti jech taje, yu'un apatoj avo'ntonic ta smalael ti oy c'usi q'uejbiloxuc ta vinajel ti ja' avu'unique, ti ja' o laj ava'iic c'alal lic ava'iic sc'oplal ti colebal lequil ach' c'ope.

Colosenses 3:15

Oyuc ta atojolic slamajemal yo'nton ti Cristoe, yu'un ja' jech oy ta yo'nton ti Dios ti laj yic'oxuc ta stojole yo' jun ta xacomic. Colaval, utic ti Diose.

2 Tesalonicenses 2:16

Ti Jtotic Dios cu'untique laj xc'uxubinotic, laj yac'botic spatobil co'ntontic sbatel osil ti oy c'usi ta jmalatic ta jtatic ta sventa ti slequilal yutsilal yo'ntone. Ti Dios taje xchi'uc ti Cajvaltic Jesucristoe, ac'o yac'boxuc yip avo'ntonic ta spasel ta yalel ti c'usi leque.

1 Timoteo 1:1

Vu'un Pablo, yajcholc'opun ti Jesucristoe, tacbilun, xchi'uc pasbilun ta mantal yu'un ti Jcoltavanej Dios cu'untique xchi'uc ti Cajvaltic Jesucristoe, ti ja' spatobil co'ntontique.

SUN TITO 1:2

ti ja' spatobil yo'ntonic ta stael xcuxlejalic sbatel osile. Ti Diose mu sna' sjut c'op, yu'un c'alal mu'yuc to ox meltsajem ti banomile, yaloj ono'ox ta xac' ti cuxlejale.

SUN TITO 2:13

ti jech to li' yacalotic ta smalael ti muc' ta c'ac'al sc'ac'alil ti spatobil co'ntontic ti xi s'elan ta xc'ot ta pasele: ti jun yutsil xojobin no'ox ta xcha'sut talel ti Jcoltavanej Dios cu'untique, xchi'uc ti Cajvaltic Jesucristoe.

SUN TITO 3:7

yo' jech ta sventa xc'uxul yo'nton ti Diose, lec ta xijyilotic yo' jech ta xquich'tic ti cuxlejal sbatel osil ti jmalaojtique.

1 Pedro 1:21

Ta sventa ti Cristoe, teq'uel c'ot ta avo'ntonic ti Dios ti laj xcha'cuxes c'alal cham ti Jesucristoe, xchi'uc ti laj yac'be yich' ti slequilal yutsilale. Jech o xal ti vo'oxuc une, teq'uel c'ot ta avo'ntonic, xchi'uc amalaojic ti oy c'usi ta xa'ac'batic yu'un ti Diose.

1 Juan 3:3

Scotol ti buch'utic spatoj yo'ntonic ta smalael taje, ta sq'uel stuc'ulan sba stuc, jech c'u cha'al ti Jesucristo oy stuq'uil slequil yo'ntone.