Efesios 4:12 - Bible in Tzotzil de Chamula

¹² Ja' jech laj yac'be sbijil ti yu'untaque yo' jech ta xtunic ta sventa ti yabtele, xchi'uc yo' ta x'ayan yipic ti jch'unolajeletic ti c'otemic ta sbec'tal stacopal ti Cristoe.

Tzotzil Zinacantan

¹² Scotol leꞌe, jaꞌ yoꞌ xachanic o acotolic uc cꞌu xꞌelan chatunic yuꞌun ti Cristoe, voꞌotic ti coꞌol spat xoconotic yaꞌele.

Bible in Tzotzil de Chenalhó with Deuterocanon

¹² Jech la xchapan ta sventa li yu'untaque, yu'un jech xu' tspas li yabtelique, yu'un jech lec chch'i batel sbec'tal li Cristoe.

Tzotzil San Andres

¹² Jech ispas li Cristoe yoꞌ acꞌo tsatsubuc yoꞌonic li snichꞌnabtaque jech chtuneic o. Jech jcotoltic coꞌol ta stsatsub coꞌontic, joꞌotic li sbecꞌtalutic yaꞌel li Cristoe.

Tzotzil de Huixtán

¹² Hech laj spas ti Diose yu'un hech chich' coltael ti much'utic t'ujbil yu'une yu'un hech chac' sbaic ti abatinel yu'un ti Diose. Hech stsac yip ti sc'op ti Cristoe.

Efesios 4:12 Iomraidhean Croise

San Lucas 22:32

Ja'uc ti vu'une, lic'opoj liti'in xa ta aventa yo' mu xch'ay xch'unajel ti avo'ntone. C'alal mi lasut ta jtojole, xu' avu'un ta scoltael ti achi'iltac yo' mu stsic' ti yo'ntonique.

Hechos 1:17

Ti Judase, ja' jchi'ilcutic, jmoj quich'oj cabtelcutic.

Hechos 1:25

yo' ta xtun ta jcholc'op ti ta xich'be yabtel ti Judas ti ch'ay yabtel ta scoj ti smule, ti bat ono'ox ti bu loc' ta sa'el yu'une.

Hechos 11:23

C'alal c'ot ti Bernabee, laj yil ti sva'anoj sba ti Dios ta stojol ti jyanlumetique, ti xmuyubaj xa ta j'ech'ele. Laj sbijubtasan scotol ti junuc yo'ntonic sts'acliicuc batel ti Cajvaltique.

Hechos 20:24

Jechuc un, yavil ti ma'uc jventainoj jtuc ti jcuxlejale, ximuyubaj xa ti tsotsuc sc'oplal jtabeuc spajeb ti cabtel laj yac'bun ti Cajvaltic Jesús ta yalbel ya'iic ti jnaclejetic ti lequil ach' c'ope xchi'uc ti syail xc'uxul yo'nton ti Diose.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

Hechos 9:31

Va'i un, ti jch'unolajeletic ti oyic ta Judeae, ta Galileae, ta Samariae, lamaj ti sc'oplalic ta ilbajinele. Ta sventa ti xi'taojic ti Cajvaltique, laj yich' yip yo'ntonic xchi'uc ta sventa ti coltabilic yu'un ti Ch'ul Espiritue, yacal ta x'epajic batel.

Romanos 12:5

Jech ti vo'otique, ac'o mi yepal oyotic, jun no'ox c'otemotic ta stojol ti Cristoe. Junotic ta jcotoltic jech c'u cha'al ti jbec'taltic ti oy c'usi ep ta tos oy yu'une.

Romanos 12:7

Mi ja' laj yac'botic jbijiltic yo' ta xijtun yu'un ti yane, lecuc tuncutic ta stojolic. Mi ja' sbijil ac'bat ti ta chanubtasvaneje, ac'o yabtelan o ti chanubtasvaneje.

Romanos 14:19

Jech o xal un, jpastic tsatsal ta sa'el batel ti bu ta xac' jun o'ntonale, xchi'uc ti ta jcoltaan jbatic ta jujun tale.

Romanos 15:14

Jchi'iltac, jna' lec ti oy yutsilal slequilal avo'ntonique, ti xana'ic c'usi sc'an ti Dios ta atojolique, ti xatojobic c'u s'elan lec ta xabijubtas abaic ta jujun tale.

Romanos 15:2

Ta jujun tal ti vo'otique, la' jpastic ti bu oy stu ta xil ti yane yo' lec oyic, yo' jech ta stsac lec yip yo'nton ta stamel sbaic liquel.

Romanos 15:29

C'alal ta xc'ot jvu'lanoxuque, ta xca'i ti sva'anoj stec'anoj sba ti Cristo ta jtojole yo' co'ol ta jtatic ti slequilal yutsilale.

1 Corintios 12:27

Jech ti vo'oxuque, sbec'tal Cristo c'otemoxuc, yu'un ta jujun tal yu'unoxuc ti Cristoe.

1 Corintios 12:7

Ja' stuc ti Dios ta xac' iluc yabtel ti Ch'ul Espíritu ta jtojoltic ti jujun tale yo' jech ta jcoltaan jbatic.

1 Corintios 14:12

Jech o xal un, mi juteb ta avo'ntonic ti jbijiltic ti ta xac'botic ti Ch'ul Espíritu ta jujun tale, ja' c'ano abijilic ta yac'bel yip yo'nton ti jch'unolajeletique yo' jech ta xch'iic.

1 Corintios 14:14

Mi oy bu ta xic'opoj xiti'in ta yan c'opetique, melel un, ti jch'ulel canimae ta xc'opoj xti'in. ¡C'u stu un! mi ja'uc xca'ibe smelol ti c'usi ta xcale.

1 Corintios 14:26

Ti co'ol jchi'il jbatique, ta xcal ava'iic ti xi s'elan sc'an xapasic jech c'u cha'al li'e: Lec mi oy jlom avu'unic ta xq'uejinic, ta xchanubtasvan, ta xal ti c'usi ta x'ac'bat sna' yu'un ti Diose, ti oy c'usi ta xal ta yan c'opetique, ta svinajesbel smelol ti c'usi laj yich' alel c'alal tsoboloxuque, ti ja'uc ta sventa yo' ta xch'i ti jch'unolajeletique.

2 Corintios 12:19

Xu' nan ta xanopic ta jc'an jpoj jbacutic ta atojolic ti c'u s'elan ta xcalcutique. Bu xata ti jeche, c'ajomal no'ox jamal ti que jti'cutic ta sba ta sat ti Diose jech c'u cha'al ti buch'u c'otemic ta yu'untac ti Cristoe. Scotol ti va'i s'elan laj calboxuc ti co'ol jchi'il jbatique, ja' sventa yo' ta xach'iic ta stojol ti Cajvaltique.

2 Corintios 13:11

Ti slajeb ta xcalboxuc ti co'ol jchi'il jbatique, junuc avo'ntonic cuxianic. Sa'ic batel slequilal yutsilal ti Diose. Patbo aba avo'ntonic, tsotsanic. Ti Dios ti oy syail xc'uxule, ti ta xac' slamajemal o'ntonale, oy ta atojolic.

2 Corintios 13:9

Jech o xal un, ximuyubajcutic xa c'alal ta xca'icutic ti mu'yuc yipal cu'uncutique, ti ja' tsots sc'oplal ti oyuc yipal avu'unique. Jech o xal un, ta ono'ox jc'oponcutic Dios ta atojolic yo' jech ta xatambeic smelol stuq'uil.

2 Corintios 3:8

ja'uc xa van x'ech' to jelavem yutsil ta j'ech'el ti cuxlejal ta xac' ti Ch'ul Espiritue.

2 Corintios 4:1

Ti jech ta xc'uxul yo'nton yac'ojbuncutic cabtelcutic ti Diose, jech o xal un, mu xichibajcutic ta spasbel ti yabtele.

2 Corintios 5:18

Ti jech taje, ja' laj spas ti Diose xchi'uc ta sventa Cristo c'ot ta pasel yu'un ti lec ta xquil jbatic xchi'uque. Yu'un laj yac' cabtelcutic ta yalbel ya'iic ti jnaclejetic ta banomile ti lec xil sbaic xchi'uc ti Diose.

2 Corintios 6:3

Jech o xal ta jchabi jbacutic yo' jech mu'yuc buch'u junuc chopol ta xc'opoj ta stojol ti cabtel ac'biluncutique.

2 Corintios 7:1

Ti co'ol jchi'il jbatique, ja' jech albil ma' ti jc'oplaltic taje. Jech o xal tsots sc'oplal, la' jq'uel jbatic lec, mu jsoques ti jbec'taltique, mi ja'uc ti co'ntontique, jxi'tatic ti Diose yo' lec ta q'uelel ti jcuxlejaltique.

Efesios 1:23

Yu'un ti jch'unolajeletique yich'ojbeic sbec'tal stacopal ti Cristoe, yu'un ta staic ta maquiel stalel ti Cristoe, yu'un scotol ti c'usitic oye, ja' sventa ti Cristoe.

Efesios 4:16

Ta sventa ti Cristoe, ti jujunotique jmoj ta jvol jbatic jcotoltic ta sventa jun ti jol o'ntonale, mu sjip sten sbaic c'alal lec ti c'usi ta spasic ta jujun tale, scotolic ta stsac yipic, ta stsatsubic ta sventa ti oy syail xc'uxul o'ntonale.

Efesios 4:29

Ictaic ta yalel ti chopol c'opetique. Ti c'usi ta xloc' ta aveique, lecuc ta a'yiel yo' jech ta stsatsubic, ta staic lequilal ti buch'utic ta xa'iic ti ac'opique.

Efesios 4:4

Yu'un jun xa oyoxuc ta stojol ti Cristoe. Jun no'ox ti Ch'ul Espíritu avich'ojique, jech c'u cha'al jun no'ox ti spatobil avo'ntonic la'ac'batic ti c'alal laj staoxuc ta iq'uel ti Diose.

Colosenses 1:24

Manchuc mi ta xquich' jvocol ta aventaic yo' jech lec oyoxuc ta sventa ti cabtele, mu'yuc c'usi xal ti co'nton yu'une, ximuyubaj xa yu'un. Yu'un ta sventa ti jech ta xquich' jvocole, ta sts'aquij cu'un ti quechel mac to svocol ti Cristo ta sventa ti jch'unolajeletic ti vololic ta stojole.

Colosenses 1:28

Ti jech ac'bil jbijilcutique, yacaluncutic ta yalbel sc'oplal ti Cristoe, ta sventa atojobtaselic achanubtaselic acotolic yo' jech ta xava'ibeic ti smelole, yo' mu'yuc c'usi quechel macal avu'unic ta xc'ot jva'anoxuc ta stojol ti Cristoe.

Colosenses 4:17

Xi xavalbeic ya'i ti Arquipoe: “Tuc'ulano la me lec ti avabtel la'ac'bat yu'un ti Cajvaltique.”

1 Timoteo 1:12

Col no'ox yalbun ti Cajvaltic Jesucristoe ti laj yac'bun quipe, ti laj yil jun co'nton ta stojole, laj yic'un ta yajtunel un

2 Timoteo 4:11

Ja' xa no'ox li' jchi'inoj ti Lucase. Sa'o ti Marcose, ic'o talel, yu'un bal xca'i ti ta xiscolta ta abtele.

2 Timoteo 4:5

Ja'uc ti vo'ote, staojuc yav oyuc ti stuq'uil snopobil avu'une, ti cuchuc avu'un ti vocole. Paso tsatsal ta yalel ti colebal lequil ach' c'ope. C'otuc ta pasel avu'un ti avabtele.

Hebreos 13:17

Ch'unic pasel ta mantal yu'un ti buch'u ta sbijubtasoxuque, ti buch'u ta xchanubtasoxuque. Yu'un ti stuquique sbainojic ta xchabiel ti ach'ulel avanimaique, ja' ti sna'ic lec ta x'ich'bat ye sti'ic yu'un ti Diose. Mu yauc c'uxuc xava'i ta spasel ti lequil abtele. Yan mi mu jechuque, mu'yuc c'usi ta xataic unbi.

Hebreos 6:1

Jech o xal la' cac'betic yipal ta snopel ti c'usi lec ta pasele yo' ta stsac lec yip ti snopbenal cu'untique. Mu staojuc yav ta xcalilantic sc'oplal ti c'u s'elan chanubtasvan talel ti Cristoe. Ma'uc ti jmojel no'ox staoj yav ta xcalilantic ti c'u s'elan laj ca'itic talel ta ba'yele, jech c'u cha'al sc'oplal jeluc ti snopbenale, jech c'u cha'al sc'oplal ta xicta ti c'usi chopol ta pasel ti chamebal sq'ueloj batele, jech c'u cha'al sc'oplal ti c'otuc ta o'ntonal ta xch'unel ti Diose,