Efesios 4:10 - Bible in Tzotzil de Chamula

¹⁰ Ti Buch'u yal talel ta banomile, ja' ono'ox ti Buch'u muy batel ta vinajel ti bu slajeb toyol oye, yu'un laj yich' ta venta scotol.

Tzotzil Zinacantan

¹⁰ Ti muchꞌu iꞌaye jaꞌ onox ti isut echꞌel ta vinajele. Jaꞌ iscuentain vinajel balamil, xchiꞌuc cꞌotebal.

Bible in Tzotzil de Chenalhó with Deuterocanon

¹⁰ Li boch'o iyal c'alal to ta olone, ja' noxtoc ti imuy batel c'alal to ta sba yac'ol vinajele, jech icom ta yolon sc'ob scotol li c'usitic oye.

Tzotzil San Andres

¹⁰ Li Cristo li iyal talele, jaꞌ onoꞌox li isut batel nojtoque, ti la sventain scotole, li vinajele, li balumile, schiꞌuc li cꞌatinbaque.

Tzotzil de Huixtán

¹⁰ Ja' Cristo ti iyal tale. Ja' ono'ox ti icha'sut muel ti vinajele yu'un hech laj sventain scotol, balumil, c'atimbac, vinajel.

Efesios 4:10 Iomraidhean Croise

San Mateo 24:34

Ta xcalboxuc ava'iic ta melel, scotol ta xc'ot ta pasel c'alal mu to ta xcham ti jnaclejetic li'e.

San Lucas 24:44

Ts'acal to un, xi laj yale: —Ti c'usi c'ot ta pasel ta jtojole, ja' jech c'u cha'al ti xi laj calboxuc ava'iic c'alal jchi'inojoxuc to oxe, ti tsots sc'oplal ta xc'ot ta jtojol jech c'u cha'al ts'ibabil ti oy c'usi tsots sc'oplal albil yu'un ti Moisese, xchi'uc ti ts'ibabil ta jujupoc vunetic yu'un ti yan j'alc'opetique, xchi'uc ti ts'ibabil ta Salmoe.

San Juan 1:16

Laj xa quich'tic jcotoltic ti smuc' ta c'ulejal ti Xnich'on Diose, ti mu'yuc spajeb ta yaq'uel ti slequilal yutsilale.

San Juan 19:24

Xi laj yalbe sbaic ti soldadoetique: —Altic ta jatic ta chanch'ac. Jq'ueltic yorail buch'u junucal ta xich' cu'untic. Ti jech laj spasic ti soldadoetic taje, ja' c'ot ta pasel jech c'u cha'al ti xi ta xal ta ch'ul c'ope: ‘Laj xch'acbe sbaic ti jc'u'e. Ta yorail laj sq'uelic buch'u junucal ta xich'ic ti jcotone.’

San Juan 19:28

Laj taj une, ti sna'oj xa lec Jesús ti scotol c'ot xa ta pasel ta stojole, xchi'uc yo' ta xc'ot ta pasel jech c'u cha'al ta xal ta ch'ul c'ope, xi laj yale: —Taquin xa ma' ti co'nton une.

San Juan 19:36

Ti jech c'ot ta pasel taje yo' ta xc'ot ta pasel jech c'u cha'al ti xi ta xal ti ts'ibabil ta ch'ul c'ope: ‘Mi junuc sbaquil laj sc'asbeic.’

Hechos 1:11

Xi laj yalic ti cha'vo' viniquetique: —Galilea viniquetic, ¿c'u cha'al ch'ayal xa avo'ntonic va'aloxuc ta sq'uelel muyel ti vinajele? Ti Jesús ti li' imuy batel ta atojolique, ja' no'ox jech ta xcha'sut talel jech chac c'u cha'al laj avilic muy batel ta vinajele.

Hechos 1:9

Ti jech laj yal taj une, c'alal jech va'al sq'uelojic to oxe, ti Jesuse ic'bil bat ta vinajel ti volibil muy ta toc ti ch'ay batel ta satique.

Hechos 2:33

Laj taj une, iq'ue muyel ta vinajel ta sventa smuc'ul stsatsal ti Diose yo' ta xc'ot chotluc ta sts'el stuq'uil ti sbats'i c'ob xchi'uc ta yich'el ti Ch'ul Espíritu ta sventa ti Stot ti yalojbe ono'ox sc'oplal ta xac' talele. Jech ti stuc ec une, laj stac talel ta jtojolcutic. Ja' ti vi s'elan yacal ta xava'iic ta xavilic avi tana li' une.

Hechos 3:18

Ti jech taje, ja' c'ot ta pasel yu'un Dios ti xi ono'ox laj yalic comel ti j'alc'opetique: ‘Ti Cristo Jcoltavaneje ta xich' svocol.’

2 Corintios 12:2

Xcojtiquin jun vinic ti c'otem ta yo'nton ta xch'unel ti Cajvaltique, ti oy xa ta xchanlajunebal jabil ti iq'ue muyel ta yoxcojal ti vinajele. Ja' mu jna' un mi iq'ue muyel xchi'uc sbec'tal stacopal mi mu'yuc, ja' no'ox sna' stuc ti Diose.

Efesios 3:19

Ta jc'anbe ti Diose ti ac'o yac'boxuc ava'iic ta avo'ntonic ti syail xc'uxul yo'nton ti Cristoe, ti mu bisbiluque, ti mu xa no'ox c'usi xtaun ti yutsil slequile, yo' jech oy ta atojolic stalel ti Diose.

Colosenses 1:19

Scotol stalel yutsil ti Diose, loc' ayan ta yo'nton stuc ti yich'ojuc c'ot ti Cristoe,

Colosenses 2:9

Yu'un scotol stalel ti Diose oy ta stojol ti Cristoe.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

Hebreos 4:14

Ti Jesús Xnich'on ti Diose ja' xa ti Muc'ul Banquilal Pale cu'untique, ti och xa batel ta vinajel bu oy ti Diose. Jech o xal un, staojuc yav co'ntontic ta xch'unel ti c'u s'elan jch'unojtique.

Hebreos 7:26

Ti Jesús taje, ja' ti tsots sc'oplal ta xtun cu'untic ta Banquilal Palee, yu'un ja' jun ch'ul vinic. Mu'yuc c'usi chopol laj spas. Mu xco'olaj yo'nton jech c'u cha'al ti jsa'muliletique, yu'un x'ech' to cajal sc'oplal ta vinajel.

Hebreos 8:1

Ja' jech stalel ma' ti Banquilal Pale cu'untic ti chotol xa ta sts'el sbats'i c'ob Dios ti oy ta vinajele, ti cajal sc'oplal laj calboxuc ava'iic talel ti sc'oplale.