Efesios 4:1 - Bible in Tzotzil de Chamula

¹ Ja' yu'un un, ti vu'un tiq'uilun ta chuquel ta sventa ti Cajvaltique, ta jc'anboxuc vocol ta atojolic, ti tuc'ulano abaic jech c'u cha'al laj snop ac'oplalic ti Dios c'alal laj staoxuc ta iq'uele.

Tzotzil Zinacantan

¹ Lavi liꞌ tiqꞌuilon o ta chuquel ti chitun yuꞌun ti Cajvaltic Jesuse, oy cꞌusi chacalbeic. Ti layiqꞌuic ti Rioxe, jaꞌ tscꞌan ti naca lec li cꞌusitic chapasique.

Bible in Tzotzil de Chenalhó with Deuterocanon

¹ Ja' yu'un chacalboxuc, vu'un ti li' tiq'uilun ta chuquel ta sventa Cajvaltique, avocolicuc ja' me pasic batel li c'usi sc'oplal tsc'an chapasic ta sventa ti ic'biloxuc xae.

Tzotzil San Andres

¹ Ta sventa ti toj cꞌuxutic ta yoꞌon li Cristoe, oy cꞌusi ta jcꞌan ti acꞌo xapasique, joꞌon li liꞌ tiqꞌuilun ta chuquel ta sventa ti chitun yuꞌun li Cajvaltique. Jaꞌ me scꞌan ti naca lec li cꞌustic chapasique yuꞌun yacꞌojoxuc xa ta scꞌob li Diose.

Tzotzil de Huixtán

¹ Ho'on ti li' tiq'uilun ti chuquele yu'un chi'abtej yu'un ti Cajvaltique, hech chacalbeic. Yu'un ti laj xa yic'oxuc ti stojol ti Diose hech yu'un tsc'an ti toj me chapas abaic li' ti balumile.

Efesios 4:1 Iomraidhean Croise

Génesis 17:1

C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

Génesis 5:24

Ti jech jun yo'nton cuxi xchi'uc Dios ti Enoque, oy jun c'ac'al, sac ch'ay batel, yu'un iq'ue batel yu'un ti Diose.

Jeremías 38:20

Ti Jeremiase xi laj staq'ue: “Mi ja'uc xa'och ta yoc ta sc'obic, Jcuch abtel. Avocoluc, Jcuch abtel, ch'uno ti c'usi laj yalbun ti Dios ti ja' yacal ta xcalbote. Lec ta xc'ot ta atojol. Mu xavac' ajol abaquil xchi'uc.

Hechos 9:31

Va'i un, ti jch'unolajeletic ti oyic ta Judeae, ta Galileae, ta Samariae, lamaj ti sc'oplalic ta ilbajinele. Ta sventa ti xi'taojic ti Cajvaltique, laj yich' yip yo'ntonic xchi'uc ta sventa ti coltabilic yu'un ti Ch'ul Espiritue, yacal ta x'epajic batel.

Romanos 11:29

Ti c'u s'elan loc' ayan ta yo'nton ti Dios ta xaq'ue, mu spoj sutel, mi ja'uc laj xa xcha'na' ti buch'utic laj yic' talele.

Romanos 12:1

Ja' yu'un un, Jchi'iltac, ta sventa syail xc'uxul yo'nton ti Dios ta jtojoltique, ta jc'anboxuc vocol, cuxul ac'o abaic ta tunel jech c'u cha'al ti matanal ti c'otem ta sventa ti Diose, ti jun yutsil slequil ta xich' aq'uel ta stojole. Taje, ja' jech ta ich'el ta muc' ti Diose.

1 Corintios 4:16

Jech un cha'e, ta jc'anboxuc vocol ta atojolic, pasic jech c'u cha'al ta jpase.

2 Corintios 10:1

Ta sventa xc'uxul yutsil yo'nton ti Cristoe, ti vu'un Pabloe, ta jc'anboxuc vocol ta atojolic ta scoj ti oy bu ta xavalique, c'alal oyun ta atojolique, ximach'et ta jpas jba, ja'uc ti c'alal oyun ta nome, ta xavalic ti cajal que xca'i jbae.

2 Corintios 5:20

Ja' yu'un un, c'otemuncutic ta yajva'lej ti Cristoe, co'ol s'elan ja' stuc ti Dios ta sc'anboxuc vocol ta atojolic ta sventa ti vu'uncutique. Ta jc'anboxuc vocol ta atojolic un, ta sventa ti Cristoe, c'otuc ta avo'ntonic ti lec xa xayilic ti Diose.

2 Corintios 6:1

Ti jech jchi'il jbatic ta abtel ta sventa yabtel ti Diose, ta jc'anboxuc vocol ta atojolic ti mu xabaj xatenic yutsil slequil yo'nton ti Dios ti laj yac'boxuc avilique.

Gálatas 4:12

Mu'yuc c'usi chopol apasojbeicun. Ta jc'anboxuc vocol ta atojolic ti co'oltaso abaic jech c'u cha'al ti vu'un ti mu'yuc chuculun yu'un ti mantale, yu'un laj jco'oltas jba jech c'u cha'al ti vo'oxuque.

Efesios 2:10

Yu'un yabtelotic Dios ti jech oyotic ta stojol ti Jesucristoe yo' ta jpastic ti c'usi leque, ti jech ono'ox snopoj ti Dios ta vo'nee.

Efesios 3:1

Ti jech taje, xiquejelet, ta xic'opoj xiti'in ta stojol Dios ti vu'un Pablo tiq'uilun ta chuquel ta sventa yabtel ti Cristo Jesuse, ta sventa alequil avutsilalic ti vo'oxuc jyanlumoxuque.

Efesios 4:17

Jech un cha'e, xi s'elan ta xcalboxuc ava'iic ta sc'ubanbeloxuc ta stojol ti Diose: Lajuc sc'oplal avu'unic ta spasel jech c'u cha'al ta spasic ti buch'utic yan yajvalique, ti ja' no'ox cuxulic ta spasel ti c'usi mu'yuc smelol ta snopique.

Efesios 4:4

Yu'un jun xa oyoxuc ta stojol ti Cristoe. Jun no'ox ti Ch'ul Espíritu avich'ojique, jech c'u cha'al jun no'ox ti spatobil avo'ntonic la'ac'batic ti c'alal laj staoxuc ta iq'uel ti Diose.

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

Filipenses 1:27

Xi ta xcalboxuc ava'iic xtoque: cuxianic ta yac'bel yipal ta spasel co'ol xchi'uc jech c'u cha'al ta xal ti lequil ach' c'op yu'un ti Cristoe. Mi bat jq'ueloxuc, mi mu'yuc, ja' no'ox ta jc'an ta xca'i ac'oplalic mi jmoj vololoxuc avac'ojbeic yipal ta xch'unel ti colebal lequil ach' c'ope.

Filipenses 3:14

Yu'un ta jc'an ta xic'ot ti bu oy ti spajebe yo' jech ta xquich' ti jmoton ti jech ic'bilun yu'un Dios ti oy ta vinajele, ta sventa ti oyun ta stojol ti Cristo Jesuse.

Colosenses 1:10

Yu'un ja' to jech xu' avu'unic ta spasel jech c'u cha'al ti buch'utic ja' yu'untac ti Cajvaltique, ti yacaloxuc ta spasel ti c'usi lec ta xile, ti yepal no'ox oy ep ta tos slequil yutsil avo'ntonic ta spasel ti c'usi leque, xchi'uc ta yojtiquinel ti Diose.

Colosenses 2:6

Jech o xal un, jechuc me cuxianic batel jech c'u cha'al c'alal c'ot ta avo'ntonic ta xch'unel ti Cajvaltic Jesucristoe, ti c'otemoxuc xa ta yu'untaque.

Colosenses 4:12

Chabanuc xayalboxuc ti Epafrase, ti ja' jun achi'ilic ta xtun yu'un ti Cristoe. Ti stuque ta ono'ox sc'opon Dios ta atojolic yo' jech jun avo'ntonic, yo' jech avac'ojbeic yipal ta spasel ti c'usi ta sc'an yo'nton ti Diose.

1 Tesalonicenses 2:12

Yu'un ic'biloxuc ochel yu'un Dios ti bu ta xventainvane xchi'uc ta yich'bel ti slequil yutsilale. Jech o xal laj jc'ubanboxuc ti jechuc me xapasic jech c'u cha'al ti buch'utic ja' yu'untaque.

2 Tesalonicenses 1:11

Ja' yu'un un, mu xquicta jbacutic ta c'opojel ti'inel ta aventaic. Ta jc'anbecutic ti Diose ti lecuc xayiloxuc ti jech laj staoxuc ta iq'uele, ti ta sventauc smuc'ul stsatsale, ac'o c'otuc ta pasel yu'un ta atojolic ti c'usi lec anopojique, ti yacaloxuc ta spasel avabtelic ti jech c'ot ta avo'ntonic ta xch'unel ti Cajvaltique.

2 Timoteo 1:9

Ti ta vo'ne ti c'alal mu'yuc to ox meltsajem ti banomile, oy ono'ox jc'oplaltic yu'un Dios ta scoltaelotic, ta yiq'uelotic ta stojol yo' jech ta xijtun yu'un c'alal mi ja'uc jutebuc oy c'usi lec laj jpastique. Yu'un jech ono'ox snopoj stuc ta slequil yutsil yo'nton ti laj xc'uxubinotic ti jech oyotic ta stojol ti Cristo Jesuse.

SUN TITO 2:10

ti mu x'elc'ajique, ti yaq'uicuc ta ilel ti oy slequil stuq'uil yo'ntonique yo' jech ta xvinaj ta xcuxlejalic ti yan yutsil ti chanubtasel yu'un ti Jcoltavanej Dios cu'untique.

Hebreos 13:21

Ti Dios taje, ti ta xac' jun o'ntonale, ac'o xastojobtasoxuc yo' jech ta xapasic scotol ti c'usi lec ta xile, ti c'otuc ta pasel yu'un ta jtojoltic ti c'usi lec ta xa'i ti stuc ta sventa ti Jesucristoe. Ich'biluc ta muc' sbatel osil ti Jesucristoe. Jechuc.

Hebreos 3:1

Ja' yu'un un, Jchi'iltac, ti ic'biloxuc yu'un Dios yo' jech ta xac'otic ta yu'untaque, oyuc ta avo'ntonic sc'oplal ti Cristo Jesús ti ja' jun jcholc'ope, ti ja' c'otem ta jun Banquilal Palee. Col no'ox yal ti ja' sventa ti oy c'usi jch'unojtique.

1 Pedro 2:11

Ti jech j'ech'el-beoxuc li' ta banomile, Jchi'iltac, ta jc'anboxuc vocol ta atojolic ti mu xavac'be abaic ti c'usi ta sc'an ti sc'upijel avo'ntonic ti contra xil sbaic xchi'uc ti ach'ulelique.

1 Pedro 3:9

Mi oy buch'u oy c'usi chopol laj spasbote, mu jechuc xapacbe sutel ec. Mi oy buch'u oy c'usi chopol laj yalbote, mu jechuc xapacbe sutel ec. Ja' lec c'anbo slequilal Dios ta stojol. Yu'un ti Diose laj yic'oxuc ta stojol ta yich'bel ti slequilale.

1 Pedro 5:10

Ta ts'acal to un, mi ech' cuch avu'unic c'u sjalil ti vocole, jech ti Diose ta xac'boxuc alequilalic, ta xac' avipic yo' ta xats'inan abaic ta stojol. Ja' no'ox stuc ti Diose, ta sventa ti yutsil slequil yo'ntone, laj staoxuc ta iq'uel yo' jech ta xavich'ic ti yutsil slequilal sbatel osil ta sventa ti junoxuc xchi'uc ti Cristoe.

2 Pedro 1:3

Ta sventa smuc'ul stsatsal ti Diose, laj xa yac'botic scotol ti c'usi ta xtun cu'untique, yo' ta jtamtic batel ta spasel ti c'usi ta sc'an ti Diose, ta sventa ti laj yac' cojtiquintic ti Buch'u laj yic'otic ta sventa ti smuc'ul stsatsale, xchi'uc ti xch'ul abtele.

2 Juan 1:5

Ti jech c'uxoxuc ta co'ntone, Jchi'iltac, ta jc'anboxuc vocol ta atojolic, ti x'ech'uc to me c'uxuc xca'i jbatic ta jujun tal. Ti jech ta jts'iba talel ti jvun ta atojolique, ma'uc jun ach' mantal; ja' ono'ox ti mantal laj ava'iic talel ta sliquebale.