Efesios 3:8 - Bible in Tzotzil de Chamula

⁸ Ta scotol ti buch'u c'otemic ta yu'untac ti Diose, ja' slajeb xa peq'uel ti jc'oplale. Ja'uc ti Diose laj yac'bun cabtel ta yalel ti lequil ach' c'op ta stojol ti jyanlumetique yo' jech ta xcalbe ya'iic sc'oplal ti Cristo ti mu no'ox albajuc yutsilal ti sc'ulejale.

Tzotzil Zinacantan

⁸ Li voꞌone más mu cꞌu jtu chcaꞌi, mu xicoꞌolaj xchiꞌuc li yan xchꞌamaltac Rioxe. Ta slequil noꞌox yoꞌon listꞌuj ti Rioxe ti chcal avaꞌiic voꞌoxuc ti maꞌuc juriooxuque, ti mu noꞌox albajuc chiyacꞌbotic bentisyon ti Cristoe mi chquichꞌtic ta muqꞌue.

Bible in Tzotzil de Chenalhó with Deuterocanon

⁸ Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

Tzotzil San Andres

⁸ Li joꞌone mu cꞌu xitun o chcaꞌi, mu xicoꞌolaj jchiꞌuc li yan snichꞌnabtac li Diose, yuꞌun muc onoꞌox bu lecun. Pero li Diose ta slequil noꞌox yoꞌon laj yacꞌbun cabtel ti chitun ta atojolique, joꞌoxuc li maꞌuc jꞌisraeloxuque. Jaꞌ cabtel ti chacalbeic ti toj echꞌem slequil yoꞌon li Cristoe ti mu xa xlaj caltic o li slequil yoꞌone.

Tzotzil de Huixtán

⁸ Ti ho'one más biq'uitun. Scotol yantic ti oyic ti stojol ti Diose ja' más muc'. Manchuc mi más biq'uitun, yutsil yo'nton laj yac'bun cabtel ti Diose yu'un chajcholboxuc ava'yic ti lequil ach' c'ope, ho'oxuc ti yanlum crixchanooxuque. Ja' ti jchol ti jelaven yutsil yo'nton ti Cristoe ti mu xlaj ti na'el c'u x'elane.

Efesios 3:8 Iomraidhean Croise

1 Crónicas 17:16

Va'i un, ti ajvalil Davide xi laj yal ti och batel ta c'opojel ti'inel ta stojol ti Diose: “Cajval Dios, ¿buch'uun ya'yel, buch'uic ya'yel ti jtot jme' ti vi to bu livul avu'une?

Salmos 31:19

Mu albajuc slequil yutsil avo'nton ta stojol ti buch'u ta xayaq'uic ta ich'el ta muq'ue. Achabioj lec jech c'u cha'al jun c'ulejal ti toyol stojole, ti ta sba ta satic ti viniquetic une, ta xavac'be yich' ti buch'u spatoj yo'ntonic ta atojole.

San Lucas 14:22

Ts'acal to sutic talel ti jtunele, ti xi c'ot yale: ‘Cajval, jech laj jpas jech c'u cha'al laj avale. Ja'uc le' une, oy to xocol ti chotlebale.’

San Juan 1:16

Laj xa quich'tic jcotoltic ti smuc' ta c'ulejal ti Xnich'on Diose, ti mu'yuc spajeb ta yaq'uel ti slequilal yutsilale.

Hechos 5:41

Ti jcholc'opetique xmuyubajic xa loq'uic batel ta stojol ti jchapanvanejetique ti jech c'ot ta nopel yu'un Dios ti laj yac' c'otuc ta stojolic ti vocole, ti ilbajinel ta sventa ti Jesuse.

Hechos 9:15

Xi laj yal ti Cajvaltique: —Batan, yu'un laj xa jt'uj ti vinic taje yo' ta xalbun jc'oplal ta stojol ti jyanlum jnaclejetique, ti ajvalil yu'unique, xchi'uc ti israeletique.

Romanos 11:33

Bats'i mu albajuc yutsil yo'nton ti Diose. Mu stac' alel bu to c'alal spajeb ti sbijile xchi'uc ti c'usi ta snope. Mu'yuc buch'u xu' ta xal ti c'u s'elan snopoje. Mu jna'tic bu c'alal ti c'usi snopoj spase.

Romanos 12:10

Lecuc xavil abaic ta jujun tal ta sventa ti co'ol achi'il abaique. Co'oluc xavil abaic. Ich'o abaic ta muc' ta jujun tal.

Romanos 2:4

Ti yutsilal slequilale xchi'uc ti sts'iquemal xcuchemal yu'un ti Diose, ta xabaj ta xajip ti c'alal ja' ta sventa yutsilal slequilal ac'o asutes aba talel ta stojol.

1 Corintios 1:30

Yu'un ti Diose laj spasoxuc ta jun xchi'uc ti Cristo Jesuse, ti c'ot ta pasel yu'un ti ja' jbijiltic ti Cristoe. Ta sventa ti Cristoe, laj jtatic ti lec xij'ilee, lijc'ot ta yu'un, laj jtatic pojel colel.

1 Corintios 15:9

Ti vu'une x'ech' to peq'uelun yu'un ti yan jcholc'opetique. Mi ja'uc jc'otebal o ti jbiinoj jcholc'ope, yu'un laj quilbajin ti jch'unolajeletic yu'un ti Diose.

1 Corintios 2:9

Le'e, ja' c'ot ta pasel jech c'u cha'al ti xi ta xal ti ch'ul c'ope: “Ti c'usi mu'yuc to ilbile, ti c'usi mu'yuc to a'yinbile, ti c'usi mu'yuc to nopbile, chapal xa yu'un Dios ta sventa ti buch'utic c'ux ta xa'ie.”

Gálatas 1:16

Laj yac'bun cojtiquin ti Xnich'one yo' jech ta xcal batel ti lequil ach' c'op yu'un ta stojol ti jyanlumetique. Mu junuc oy buch'u laj jac'be razon ti c'usi ta jpase,

Gálatas 2:8

Ti Buch'u laj stac batel ti Pedro ta yalel ti lequil ach' c'op ta stojol ti israeletique, ja' ono'ox ti Dios taje ti laj stacun batel ta yalel ti lequil ach' c'op ta stojol ti jyanlumetique.

Efesios 2:7

Ja' jech laj spas ti Diose yo' jech ta xac' iluc batel ti oy syail xc'uxul yo'nton ta jtojoltic ta sventa ti Cristoe.

Efesios 3:1

Ti jech taje, xiquejelet, ta xic'opoj xiti'in ta stojol Dios ti vu'un Pablo tiq'uilun ta chuquel ta sventa yabtel ti Cristo Jesuse, ta sventa alequil avutsilalic ti vo'oxuc jyanlumoxuque.

Efesios 3:16

Ta sventa ti mu no'ox albajuc xch'ul c'ulejal ti Jtotic Diose, ta jc'anbe ti ac'o yac'boxuc yip avo'ntonic ta sventa ti Ch'ul Espíritu yu'une,

Efesios 3:19

Ta jc'anbe ti Diose ti ac'o yac'boxuc ava'iic ta avo'ntonic ti syail xc'uxul yo'nton ti Cristoe, ti mu bisbiluque, ti mu xa no'ox c'usi xtaun ti yutsil slequile, yo' jech oy ta atojolic stalel ti Diose.

Efesios 3:2

Ava'binojic xa nan, ti ta slequil yutsil yo'nton ti Diose, laj yac'bun cabtel ti ja' sventa alequilal ti vo'oxuque.

Filipenses 2:3

Biq'uit xavac' abaic, mu ta toyobbailuc, mu ta soquemaluc ajolic ti c'usi sc'an pasele. Nopic ta jujun tal ti x'ech' to yutsil c'usi ta spas ti yane, ti ja' mu sta ti stuque.

Filipenses 4:19

Ja' yu'un un, ti Dios cu'une ta xac'boxuc scotol ti c'usi ta xtun avu'unique, co'ol xchi'uc ti lequil c'ulejal ti oy ta stojol ti Cristo Jesuse.

Colosenses 1:27

Ti stuquique ac'bat sna'ic yu'un Dios ti c'usi mucul to ox ti c'otem ta sventa yutsil sc'ulejal ti muc'tiquil lum jyanlumetique, ti ja' tey xa oy ta avo'ntonic ti Cristoe, ti ja' ta sventa amalojic ti c'usi toj jun yutsil ta to xataique.

1 Timoteo 1:13

manchuc mi lichopol-c'opoj ta stojol ta vo'nee, ti laj quilbajine, ti laj jsa'be smule. Ja'uc ti Diose laj xc'uxubinun, yu'un mu jna' ti c'usi ta jpase, yu'un ma'uc jch'unolajelun to ox.

1 Timoteo 1:15

Scotolicuc, c'otuc ta yo'ntonic ta xch'unel, yu'un ja' melel: Yu'un ti Cristo Jesuse tal ta banomil yo' tal spoj scolta ti jsa'muliletique, Ta scotol taje, vu'un ti banquilal jsa'mulilun to oxe, ja' mu sta ti yane.

1 Timoteo 2:7

Yo' ta xich' albel sc'oplal taje, li'ac'bat cabtel, li'och ta jcholc'op ta yac'bel sna'ic ti jyanlumetic ti c'otuc ta yo'ntonic ta xch'unel ti Cajvaltique, xchi'uc ti bu melel ti c'ope. Ti c'usi ta xcale, jbel sc'oplal ja' melel, mu xilo'lavan.

2 Timoteo 1:11

Ti Diose laj yac'bun jbain ta yalel ti lequil ach' c'ope, ti tacbilun ta jcholc'op yu'une yo' jech ta jchanubtas ti jyanlumetique.

Apocalipsis 3:18

Ta jbijubtasot ava'i un, mano ta jtojol ti lequil oro sts'ayayet lec ti ch'ulbil ta c'oq'ue yo' jech ta xac'ot ta jc'ulej. Mano ta jtojol ti asaquil-c'u'e yo' ta xamac aba ti q'uexlal sba t'analote. Mano spoxil asat ta jtojol xtoc yo' ta xpoxtaj ti asate.