Efesios 3:4 - Bible in Tzotzil de Chamula

⁴ C'alal ta xaq'uelic ti jlic jvune, ta xlic avilic ti xcojtiquin ti mucul to ox sc'oplal ti Cristoe.

Tzotzil Zinacantan

⁴ Ti cꞌalal xaqꞌuelic li jvun liꞌi, chavilic ti liyalbe xa ti Rioxe ti cꞌusi mu toꞌox bu svinajesoje.

Bible in Tzotzil de Chenalhó with Deuterocanon

⁴ C'alal chaq'uelic li jcarta li'i, xu' te chana'ic o ti laj xa jna' li c'usi snopoj ono'ox li Dios ti mu'yuc to'ox vinajeme.

Tzotzil San Andres

⁴ Cꞌalal chaqꞌuelic li carta liꞌi, naꞌic me ti jaꞌ laj yacꞌbun jnaꞌ li Diose jaꞌ li cꞌusi muc onoꞌox bu vinajem ta voꞌone ti chacolic eꞌuc ta sventa li Cristoe.

Tzotzil de Huixtán

⁴ Hech yu'un ti c'alal chaq'uelic avi to, hech chana'ic ti ja' laj yac'bun jna' ti Diose ti co'nton ja' ti mu'yuc much'u i'ac'bat sna'ic ti vo'onee, ja' ti ac'opilalic ti chascoltaoxuc uc ti Cristoe.

Efesios 3:4 Iomraidhean Croise

San Mateo 13:11

Ti Jesuse xi laj staq'ue: —Dios ta xac'boxuc ana'ic smelol ti ventainel yu'un Dios ti mu xvinaj to oxe, ja'uc ti yane mu x'ac'bat sna'.

San Lucas 8:10

Xi laj yal ti Jesuse: —Ti vo'oxuque, Dios ta xac'boxuc ana'ic smelol ti chucul ta a'yiel ti ventainele. Ja'uc ti yane, ta babac'op ta xcalbe ya'iic yo' mu xilic, ac'o mi sq'uel xa ya'iic, yo' mu xa'iic c'uc cha'al mi ts'etel xchiquin ta ya'yiel.

Romanos 11:25

Ti jech jchi'il jbatique, ta jc'an ta jvinajesboxuc ava'iic ti c'usi snopoj ta spas ti Dios ti mucul to oxe, yo' mu xabis abaic ti bij xava'i abaique: Mi c'ot ta ts'aquiel ti c'u yepal ta sta scolelic ti jyanlumetique, mu jechuc ta xcom o ti yijubtasbat yo'ntonic ti israeletique.

Romanos 16:25

Calbetic slequil Dios ti Buch'u xu' yu'un ta yaq'uel yip avo'ntonic jech c'u cha'al ta xal ti colebal lequil ach' c'op ti vu'un ta xcale, ti ja' sc'oplal ti Jesucristoe. Taje, co'ol xchi'uc ti c'u s'elan snopoj talel ti Dios ti mucul to ox yu'un c'alal mu'yuc to ox meltsajem ti banomile.

1 Corintios 13:2

Manchuc mi xu' cu'un ta yalel ti c'usi ta xiyac'bun jna' ti Diose, manchuc mi jna' yalel scotol ti c'usi mucul yu'un ti Diose, manchuc mi ven ti jbijil ta j'ech'ele, manchuc mi jch'unoj ta j'ech'el ti xu' ta jloq'ues batel ta yavil bu oy ti vitse, mi mu'yuc ti syail xc'uxul co'ntone, mu'yuc c'usi balun o.

1 Corintios 4:1

Bisuncutic no'ox ta yajcoltaobba Cristo, ti oy ta jventacutic ta yalel ti c'usi mucul to ox snopoj ti Diose.

2 Corintios 11:6

Ac'o mi mu xitojob xavilic ti c'u s'elan ta xic'opoje, ja'uc le'e, mu jechuc ma' ti c'usi sc'an ojtiquinele, ti cac'ojcutic xa ono'ox avilic ta scotol ti c'u s'elan ta jpascutique.

Efesios 1:9

Ta sventa ti mu no'ox albajuc sbijil ti Diose, stuc laj yac' jbijiltic ta sna'el ti c'usi mucul to ox yu'une. Ja' stuc laj sva'an sba ta spasel ti c'usi snopoj ono'ox ta spase.

Efesios 3:3

Ti Diose laj yac'bun quil ti c'usi mu xvinaj to ox ta q'uelel yu'une jech c'u cha'al laj jts'ibaboxuc ta yalel ava'iic ti jbel cha'bel ta jlic jvune.

Efesios 3:9

Ti Buch'u laj smeltsan scotol ti c'usitic oye, laj yac'bun cabtel ta svinajesel ta stojol scotol ti jnaclejetic ta banomil ti c'usi mu to ox xvinaj yu'un ti Dios ta vo'nee.

Efesios 5:32

Ti va'i s'elan taj une, toj chucul ta a'yibel ti smelole. Ta xcal ti vu'une, ja' sc'oplal ti Cristo xchi'uc ti jch'unolajeletique.

Efesios 6:19

C'opojanic ti'inanic ta jventa yo' jech ti Diose ta xiyac'bun ta que ta jti' ti c'usi xu' ta xcale, ti oyuc yip co'nton ta yalel ti colebal lequil ach' c'op ti mucul to oxe.

Colosenses 1:26

ti xcaltique, ja' ti c'usi mu'yuc to ox vinajem talel sc'oplal ta vo'nee, ti oy xa sjaylajun-chopal laj ech'uc ti jnaclejetic ta banomil ti mu'yuc laj svinajes ti Diose. Avi tana une, laj xa yac'be sna' ta yojtiquinel ti buch'utic ja' yu'untaque.

Colosenses 2:2

Jpasoj tsatsal yo' oyuc yip ti yo'ntonique, ti co'oluc c'ux ta xa'i sbaique, ti jamaluc lec ti sba satique, yo' jech ta xojtiquinic lec smelol ti c'usi mucul to ox yu'un ti Diose, ti c'alal ja' sc'oplal ti Cristoe.

Colosenses 4:3

C'oponic Dios ta jtojolcutic yo' jech ti Cajvaltique ta sjam batel jbe ta yalel ti lequil ach' c'op yu'une, sc'oplal ti Jesucristo ti mucul to oxe. Yu'un ja' ta sventa ti li' tiq'uilun ta chuquele.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

1 Timoteo 3:9

Ta sc'an ti j'ech'eluc stsinanojuc yo'nton ta stojol ti c'usi ja' melel ti lij'ac'bat jna'tic ti c'ot xa ta co'ntontic ta xch'unele, ti stuc'ulanoj lec sba xchi'uc ti xcuxlejale.