Efesios 3:10 - Bible in Tzotzil de Chamula

¹⁰ Ti jech ic'ot ta pasele, yo' ti Diose ta xac'be yil ti jpas-mantaletic ti oyic ta vinajele, ti yepal oy ta tos sbijil ti Diose, yo' ta xilic ti c'u s'elan ta staic scolelic yu'un Dios ti jch'unolajeletique.

Tzotzil Zinacantan

¹⁰ Lavie icꞌot xa, yuꞌun coꞌol xa xchiꞌinojotic ti Cristoe, voꞌotic ti quichꞌojtic xa ta muqꞌue. Junotic xa ta jcotoltic. Ti anjeletic ta vinajele chilic ti yuꞌun onox lec snopoj ti Rioxe ti cꞌu xꞌelan chcꞌot o ti cꞌusitic ispase.

Bible in Tzotzil de Chenalhó with Deuterocanon

¹⁰ Yu'un jech ta sventa steclumal Dios chlic sna'ic j'almantaletic te oyic ta vinajel ti ep ta chop sbijil li Diose, ja' li j'almantaletic ti tsots svu'elique ti tsots yabtelique.

Tzotzil San Andres

¹⁰ Jech joꞌotic ta jventatic chilic li chꞌul ángeletic ti echꞌem schꞌulpꞌijil ti cꞌu sba isnop li Diose ti jmojutic xa yuꞌun jcotoltic, joꞌotic li quichꞌojtic ta mucꞌ li Cajvaltique, acꞌo mi mu jmojuc li cꞌu sba iꞌabtej ta jtojoltic li Diose.

Tzotzil de Huixtán

¹⁰ Hech yu'un ti ora to yu'un ti jun no'ox nijc'otucutic xa, ho'ucutic ti jch'unojtic ti ja' Jcoltavanej cu'untique, hech yu'un ho'ucutic ti jventatic ti hech laj xa yilic ti totil ch'ul abatetique, ja' ti te tspasic mantal te ti vinajele, ti jelaven sp'ijil ti Diose. Hech laj sna'ic ti mu jtostosuc ti c'usi snopoj ti Diose.

Efesios 3:10 Iomraidhean Croise

Salmos 103:20

Ánjeletic ti jelavem xu' avu'unique, lequil-c'optaic ti Diose, ti ta xc'ot ta pasel avu'unic ti c'u s'elan ta xalboxuque, ti chapalucoxuc ta xch'unbel une.

Salmos 104:24

¡Mu xlaj ta albel sc'oplal ti jaytos laj apase, Dios! Meltsaj avu'un scotol ta sventa ti abijile. Noj ta banomil avu'un scotol ti c'usitic laj ameltsane.

Ezequiel 3:12

Va'i un, smuc'ul stsatsal ti Diose laj xchechun loq'uel. Ti ta jpate, laj ca'i oy c'usi tsots xtininet jech c'u cha'al junuc niquel ya'yel c'alal tots batel yutsilal slequilal ti Dios ti bu oye.

Romanos 11:33

Bats'i mu albajuc yutsil yo'nton ti Diose. Mu stac' alel bu to c'alal spajeb ti sbijile xchi'uc ti c'usi ta snope. Mu'yuc buch'u xu' ta xal ti c'u s'elan snopoje. Mu jna'tic bu c'alal ti c'usi snopoj spase.

Romanos 8:38

Xi s'elan ma' ti c'otem lec ta co'nton ti mu'yuc c'usi xu' yu'un ta xch'acvan loq'uel ta sventa syail xc'uxul yo'nton ti Diose: mi ja'uc ti oy c'usi q'uelel ta jtojoltic ti li' cuxulotique, mi ja'uc ti lajel tubele, mi ja'uc ti ánjeletique, mi ja'uc ti pucujetic ti tsots xu' yu'unique, mi ja'uc ti c'usi xu' ta xc'ot ta jtojoltic avi tana li'e, mi ja'uc ti ta to xtale,

1 Corintios 1:24

Ja'uc ti buch'u ic'bilic yu'un ti Diose, ac'o mi israeletic, mi jyanlumetic, ta xa'ibeic sc'oplal ti ja' ta sventa smuc'ul stsatsal Dios tal chamuc ti Cristoe.

1 Corintios 2:7

Ti c'usi ta xcalcutique, ja' ti c'usi mucul to ox talel yu'un ti Diose. C'alal mu'yuc to ox meltsajem ti banomile, snopoj ono'ox ti ta xiyac'botic ti slequilal yutsilale.

Efesios 1:21

Ti Cristoe ac'bat sbain scotol ti ánjeletic oy ta vinajele, ti yich'oj yabtelique, ti tsots xu' yu'unique, ti jpas-mantaletique. Ac'bat sbain xtoc scotol ti buch'utic xu' yu'un li' ta sba banomile, xchi'uc ti ta xvul ta loq'uele.

Efesios 1:23

Yu'un ti jch'unolajeletique yich'ojbeic sbec'tal stacopal ti Cristoe, yu'un ta staic ta maquiel stalel ti Cristoe, yu'un scotol ti c'usitic oye, ja' sventa ti Cristoe.

Efesios 1:3

Lequil-c'optabiluc cu'untic ti Jtotic Diose, Stot ti Cajvaltic Jesucristoe, yu'un laj xa yac'botic ep ta tos ch'ul lequilal ti oy ta vinajel ta sventa ti Cristoe.

Efesios 1:8

Yu'un ti Diose laj xa yac' quiltic ti mu no'ox albajuc yutsil ti syail xc'uxul yo'ntone.

Efesios 6:12

Yu'un ma'uc yacalotic ta scontrainel ta stsalel ti jnaclejetic ta banomil ti oy sbec'tal xch'ich'elique. Yu'un ja' yacalotic ta scontrainel ta stsalel ti pucujetic ti oy yipic ta spasel ti c'usi chopole, ti ta ic' ta xanavique, ti ja' ta spas ta mantal ti jnaclejetic ta banomil ti oyic ta ic'al osile.

Colosenses 1:16

Ta sventa Cristo, meltsaj yu'un Dios scotol ti c'usitic oy ta vinajele, ti c'usitic oy ta banomile, ti c'usitic xvinaj ta q'uelele, ti c'usitic mu xvinaj ta q'uelele. Scotol c'usitic mu xvinaj ta q'uelele jech c'u cha'al ti jpas-mantaletique, ti j'abteletique, ti buch'u tsots xu' yu'unique, scotol meltsaj yu'un Dios ta sventa ti Cristo yo' jech ta xtun yu'un ti stuque.

Colosenses 2:10

Ti jech junoxuc xchi'uc ti Cristoe, noj ta atojolalic slequilal yutsilal ti Diose. Yu'un ti stuque ta spas ta mantal scotol ti buch'u tsots xu' yu'unic ti mu xvinaj ta q'uelele xchi'uc ti j'abteletique.

Colosenses 2:15

C'alal cham ta curus ti Cristoe, tsalbil c'otic scotol ti buch'u tsots xu' yu'unic ti mu xvinaj ta q'uelele. Ja' aq'ueic ta q'uexlal ti mu'yuc xa bu c'alal xu' yu'unique. Ic'bil batic jech c'u cha'al junuc jchuqueletic c'alal jech tsalbil c'otique.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

1 Pedro 1:12

Ac'bat sna'ic yu'un Dios ti ma'uc yu'un stuquic ti coltael ta xalbeic sc'oplale, ja' sventa alequilalic. Avi tana une, c'ot xa ta pasel, laj xa avich'ic albel ti lequil ach' c'op yu'un ti jcholc'opetic ti ac'bat stsatsalic yu'un ti Ch'ul Espíritu ti liquem talel ta vinajele. Ti jech taje, yo'ntonuc sc'an sq'uelic ox ya'iic ti ánjeletique.

1 Pedro 3:22

Yu'un muy xa batel ta vinajel. Oy xa ta sts'el sbats'i c'ob ti Diose. Yu'un yich'oj xa ta sventa ti ánjeletique, ti jpas-mantaletique, xchi'uc ti buch'utic tsots xu' yu'unique.