Efesios 2:3 - Bible in Tzotzil de Chamula

³ Ja' jech to ox j'elantic jcotoltic ta vo'ne, cac'ojbetic yipal ta spasel ti c'usi ta xal ti o'ntonale, ti naca jsa' no'ox batel jmultic yo' ta xc'ot ta pasel ti c'usi lec ta xa'i ti lum ach'ele. Ti jech taj une, xijtun o ti co'ol xquich'tic tsots tsitsel yu'un Dios jech c'u cha'al ta xich'ic ti yane.

Tzotzil Zinacantan

³ Ti voꞌnee jaꞌ yech ijpastic jcotoltic. Jaꞌ noꞌox ijpastic ti cꞌusi iyal coꞌontique, ti cꞌusi ijnoptic jtuctique. Yechꞌo ti scꞌoplal ox chiyacꞌbotic castico ti Rioxe chac cꞌu chaꞌal chichꞌic ti muchꞌutic mu xchꞌunic ti cꞌusi yaloje.

Bible in Tzotzil de Chenalhó with Deuterocanon

³ Ta vo'onee ja' to'ox jech la jpastic jcotoltic. Ja' no'ox la jpastic li c'usitic tsc'an, li c'usitic lec cha'ay jbec'taltique, xchi'uc li c'usitic ta jnop jtuctique. Jech sc'oplal chbat jtoj jmultic jech chac c'u cha'al li yantic cristianoetique.

Tzotzil San Andres

³ Ta voꞌonee jaꞌ jech la jpastic jcotoltic. Jaꞌ noꞌox la jpastic li cꞌusi ijcꞌan jtuctique, schiꞌuc li cꞌusi ijnop jtuctique. Jaꞌ yuꞌun albil onoꞌox ti coꞌol chba quichꞌtic vocol yuꞌun Dios schiꞌuc scotol li buchꞌutic mu xichꞌic ta mucꞌ li Diose.

Tzotzil de Huixtán

³ Ti vo'one tal hechucutic jcotoltic. Ja' batem ti co'ntontic ti c'usi tsc'an ti jbec'taltique. Ja' no'ox laj jpastic c'usi tsc'an ti jbec'taltique, c'usi tsc'an ti co'ntontique. Hech yu'un co'ol quechel ono'ox quilintaeltic yu'un ti Diose xchi'uc scotol crixchanoetic.

Efesios 2:3 Iomraidhean Croise

Génesis 5:3

Yich'oj xa lajuneb yucvinic (130) jabil ti Adane ti c'alal ja' o voc' ti Set ti ja' xnich'one, ti sjunlej jech loc' jech c'u cha'al ti stuque.

Génesis 6:5

Ti Diose laj yil ti ech'em jelav xchopolalic ti jnaclejetic ta banomile, yu'un ja' no'ox ta snopilanic o ta spasel ti chopole.

Génesis 8:21

C'alal jun yutsil smuil c'ot ti matanal ta stojol ti Diose, xi laj yale: “J'ech'el xa, mu'yuc c'usi ta xcal ta soquesel ti banomil ta scoj smul ti vinique. Yu'un ta xch'iebal no'ox talel ti vinique, ja' no'ox ta snopilan ta spasel ti c'usi chopole. Ja' jech xtoc mi ja'uc xa ta jtubbe sts'unubal scotol ti chon bolometic jech c'u cha'al laj jpas avie.

Job 14:4

Ta stojol ti jsoquesvaneje, mu'yuc buch'u ti oy c'usi lec ta sta loq'uel teye.

Job 25:4

¿Mi xu' van ti uni vinic no'oxe, ti ch'abal smul ta sva'an sba ta stojol ti Diose?

Salmos 51:5

Melel un, quich'oj xa ono'ox jchopolil c'alal livoq'ue; oyun xa ono'ox ta mulil ti chi'inbilun yu'un ti jme'e.

Isaías 53:6

Yu'un jcotoltic lijch'ayotic ta be jech c'u cha'al junuc chij. Laj jtamtic batel ta jujun ti jbetic ti c'u s'elan xal ti co'ntontique. Ja'uc ti Dios une laj scajanbe ta sba scotol ti jmul jcolo'tique.

Marcos 4:19

Ja'uc le' une, bat yo'ntonic yu'un ti c'usi oy ta banomile, lo'labat yo'ntonic yu'un ti c'ulejale xchi'uc ti c'usiuc no'ox oy ta sba banomil ti c'upij yo'ntonic yu'une. Ch'ay ta yo'ntonic ti lequil ach' c'op ti c'u xa yepal laj ya'iique.

San Juan 1:13

Ti buch'u c'otic ta xnich'nab ti Diose, ja' ta xvoq'uesatic ta ach' yu'un ti Diose. Mu xa xco'olaj xchi'uc jech c'u cha'al ta xvoq'uesatic yu'un ti stot sme'ique, mi ja'uc ti c'usi oy ta yo'nton stuc ti jnaclejetic li' ta banomile.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

Hechos 14:16

Ta vo'ne talele, ti Diose laj yac'be comel ta sba ti jnaclejetic ta spasel ti c'usi sc'an ti yo'ntonique.

Romanos 1:24

Jech o xal ac'bat comel ta sbaic yu'un Dios ta spasel ti sbolil yo'ntonique, ti q'uexlal sba c'usitic lic spasbe sbaic ta jujun tale.

Romanos 11:30

Ta vo'ne ti vo'oxuc jyanlumoxuque, toyobbaoxuc ta stojol ti Diose. Ja'uc avi tana li' une, laj ataic c'uxubinel yu'un ti Dios ta scoj ti israeletic laj sbajic ti c'uxubinele.

Romanos 13:14

Ja' lec, maco abaic ta sventa smuc'ul stsatsal ti Cajvaltic Jesucristoe yo' mu staojuc yav c'upil ta xava'i ta spasel stalel ti lum ach'ele.

Romanos 2:14

Ja'uc ti jyanlumetic ti ch'abal ta yoc ta sc'obic ti oy c'usi tsots sc'oplal albile, oy ta sjol ta yo'ntonic ti mantale. Yu'un ta x'ac'bat sna'ic ta yo'ntonic spasicuc ti oy c'usi tsots albil sc'oplale, yu'un ja' jech smantalil yu'unic.

Romanos 5:10

C'alal yajcontraotic to ox ti Diose, laj jtatic ti jun co'ntontic xchi'uc ta sventa cham ti Xnich'one. Avi tana un ti jech laj xa jtatic ti jun xa co'ntontic xchi'uc ti Diose, oy lec smelol ta j'ech'el ti ta xijcolotic ta sventa ti laj yac' xcuxlejal ta jtojoltique.

Romanos 5:9

Avi tana une, laj xa jtatic ti lec xij'ile yu'un ti Dios ta sventa ti cham ti Jesucristoe. Jech o xal un, oy lec smelol ti mu xba quich'tic tsitsel ta sventa stuc ti ta slajebal c'ac'ale.

Romanos 6:12

Jech o xal un, mu xavac' abaic ta tsalel yu'un ti mulile yo' jech mu xapasic ti c'usi sc'an ti abec'talic ti sna' xchame.

Romanos 7:18

Ac'o mi juteb ta co'nton ta jc'an ta jpas ca'i ti c'usi leque, jna' lec ti mu ono'ox xitojobe. Ti bu jtamoj batel yu'un ti jbec'tal jtacopale, mu'yuc c'usi lec ta xc'ot ta loq'uel cu'un.

Romanos 9:22

Ja' no'ox jech ec ti Diose, oy ta yo'nton ta xac' ta q'uelel ti oy smuc'ul stsatsal xchi'uc ti oy sts'iquemal xcuchemale. Yu'un vo'ne xa sts'icojbe talel sbolilic ti buch'utic ja' xtunic o oy sc'oplal ta xich'ic tsitsele, xchi'uc ti oy sc'oplal ch'ayel ta xbatique.

1 Corintios 4:7

Avi une, ¿mi yu'un ta xanop xana' ti x'ech' to lec oyote, ti ja' mu sta ti yane? Ti bijilile, ¿buch'u laj yac'bot? Mi ja' laj yac'bot ti Diose, ¿c'u cha'al ta xatoy abaic xchi'uc ti c'usi la'ac'bate, ti co'ol s'elan laj avac'be aba atuque?

2 Corintios 7:1

Ti co'ol jchi'il jbatique, ja' jech albil ma' ti jc'oplaltic taje. Jech o xal tsots sc'oplal, la' jq'uel jbatic lec, mu jsoques ti jbec'taltique, mi ja'uc ti co'ntontique, jxi'tatic ti Diose yo' lec ta q'uelel ti jcuxlejaltique.

Gálatas 3:22

Ja'uc ti ch'ul c'ope, ta xal ti jcotoltic chuculotic yu'un ti mulile. Ja' yu'un un, ja' no'ox ti buch'utic ta xc'ot ta yo'ntonic ta xch'unel ti Jesucristoe, xu' ta xich'ic ti oy c'usi yaloj ti Dios ta xaq'ue.

Efesios 2:2

Yu'un ta vo'ne ti vo'oxuque jech laj apasic jech c'u cha'al ta spasic ti jnaclejetic ta banomile, ti ach'unojbeic smantal ti pucuj ti ta ic' ta xanave, ti ta x'abtej ta yo'ntonic ti buch'utic mu xch'unic ti c'usi ta xal ti Diose.

Efesios 4:22

Jech o xal un, tsots sc'oplal jipic tenic comel ti c'u s'elan ti lacuxiic talel ta vo'nee, ti soquem ta j'ech'ele, ti naca lo'labiloxuc yu'un ti sc'upijel o'ntonale.

Colosenses 1:21

Ti ta vo'nee, jyanlumoxuc to ox, acontrainojic Dios ta avo'ntonic ta scoj ti naca chopol ti c'usi ta xapasique.

1 Tesalonicenses 4:13

Ti jech jchi'il jbatique, ta jc'an ti mu macaluc xcom avo'ntonic yu'un sc'oplal ti buch'u chamemic xae yo' jech mu xavat avo'ntonic jech c'u cha'al ti yan jnaclejetic ta banomil ti mu'yuc spatobil yo'ntonique.

1 Tesalonicenses 5:6

Jech o xal un, ma'ucuc me ti batem jch'uleltic ta vayel jech c'u cha'al ta spas ti yane. Viq'uiluc lec ti jsatique. Cuxuluc lec ti co'ntontique.

1 Timoteo 6:9

Ja'uc ti buch'u ta spas sba ya'i ta jc'uleje, ta xyaque ta pets' ti mu cha'bel stsal yu'un ti ic'bil chechbil yu'un ti sc'upijel yo'nton ta soquesel sba xchi'uque, ja' scoj ti ta xch'ayic ta be ti viniquetic ti ch'ayel sq'uelojic batele.

SUN TITO 3:3

Yu'un ta vo'ne ti vo'otic eque, toj alticotic, toyobbaotic ta stojol ti Diose. Ch'ayemotic ta be. Ochemotic ta mosovil yu'un ti c'usi lec ta xa'i ti co'ntontique. Ja' cuxulotic ta spasel ti c'usi chopole, ti it'ix o'ntone, ti soquet to ox ti joltique, ti chopol xquilan jbatic ta jujun tale.

1 Pedro 1:14

Ti jech jch'unej mantal nich'nabiloxuque, mu xa me jechuc staoj yav ta q'uelel acuxlejalic jech c'u cha'al ta vo'ne ti c'alal mu'yuc to ox avojtiquinojic ti Diose.

2 Pedro 2:14

Laj to c'op ma' ti mu'yuc ta yo'ntonic ta sc'upinel ti antsetic ti c'alal ta xilique. Mu x'ech' yo'ntonic ta sa'el ti smulique. Naca svosesbe no'ox yo'nton ti antsetic ti buch'uc naca xa quiquil xa'i sba eque, yu'un sna'ic lec c'u s'elan ta xyacvan xchi'uc ti sc'upijel yo'ntonique. Yu'un ch'ayel sq'uelojic batel.

2 Pedro 2:18

Yu'un cajal xa ye sti' xa'i sba xchi'uquic ti c'usi xloc' ta yeic ti c'alal mu'yuc c'usi ta xich' tael yu'une. Ta scoj ti bic'tajem yo'ntonic ta pasel ti c'usi sc'an ti lum ach'ele, naca sc'unibtasbe yo'nton ti buch'utic ta xictaic ya'iic comel ti bu chopol stamojic batele.

1 Juan 2:16

Yu'un ma'uc liquem talel ta stojol Dios ti c'usi ta xac' ti sba banomile, yu'un liquel talel ta stojol ti sba banomil ono'oxe. Xi s'elan ta xac' sc'upijel ti banomile: ja' ti sc'upijel o'ntonale, ti c'usi lec ta xil ti satile, ti xijtoyet xa yu'un ti c'usi oy x'ayan li' ta banomile.

1 Juan 2:8

Manchuc mi jech un, co'ol s'elan ach' mantal ta jts'ibaboxuc talel ta atojolic. Yu'un jbel sc'oplal vinaj ta stojol ti Cristo jech c'u cha'al ta xvinaj ta atojolique. Yu'un xojobin xa talel ti saquilal osil ta atojolique, laj xa avictaic comel ti ic'al osile.