Efesios 2:2 - Bible in Tzotzil de Chamula

² Yu'un ta vo'ne ti vo'oxuque jech laj apasic jech c'u cha'al ta spasic ti jnaclejetic ta banomile, ti ach'unojbeic smantal ti pucuj ti ta ic' ta xanave, ti ta x'abtej ta yo'ntonic ti buch'utic mu xch'unic ti c'usi ta xal ti Diose.

Tzotzil Zinacantan

² Ti voꞌnee jaꞌ yech apasic chac cꞌu chaꞌal tspasic ti muchꞌutic mu to ta xchꞌunic li scꞌop Rioxe. Jaꞌ apasic cꞌusitic tscꞌan ti muchꞌu tspas mantal liꞌ ta sba balamile, jaꞌ ti pucuje, ti jaꞌ ta smul ti mu xchꞌunic scꞌop Riox li crixchanoetique.

Bible in Tzotzil de Chenalhó with Deuterocanon

² Yu'un ta vo'onee ja' laj apasic li c'usi sventa no'ox banamile, jech chac c'u cha'al tsc'an li banquilal ti ta ic' chanove, ti tsots svu'ele, ja' li boch'o mu'yuc sbec'tal ti ch-abtej ta stojol li boch'otic mu sc'an xch'unique.

Tzotzil San Andres

² Yuꞌun ta voꞌonee jech la apasic jech chac cꞌu chaꞌal tspasic li buchꞌutic mu xichꞌic ta mucꞌ li Diose. Jaꞌ toꞌox la apasic li cꞌusi tscꞌan li buchꞌu ta spas mantal liꞌ ta balumile, jaꞌ li pucuje, ti jaꞌ tsocanbe yoꞌonic li buchꞌutic mu scꞌan xichꞌic ta mucꞌ li Diose.

Tzotzil de Huixtán

² Yu'un ti vo'one tale ja' no'ox laj ats'acliic ti crixchanoetique ti c'uc no'ox tspasique. Ja' ach'unojbeic smantal ti ajvalil ti sventainoj ti balumile, ja' ti pucuje, ti yac'oj sba ch-abtej ti stojol ti much'utic mu sc'an xch'umbeic sc'op ti Diose.

Efesios 2:2 Iomraidhean Croise

Job 1:16

Mu to ta stsuts lec slo'il ya'yej ti vinic taje, c'alal c'ot yan vinic ti xi laj yale: —Xc'avluj no'ox vulel ánjel ti toj lajel c'ot yu'un ti jq'uel-chijetique, xchi'uc ti chijetique. Jtuc xa no'ox cuch cu'un jatobal yo' tal calbot ava'ie.

Job 1:19

ta jech to yepal, xjumet talel tsots ic' ti lic talel ta sbajtical banomil ti laj svuq'uilan ta voq'uel xchanjotal spac'obal ti nae, ti jin yalel ta sba ti anich'nabe, lajic scotolic. Jtuc xa no'ox mu'yuc xicham yo' tal cal ava'i une.

Job 1:7

Xi jac'bat yu'un ti Diose: —¿Bu lalic talel le' ec une? Xi laj stac' ti jtic'-mulile: —Xiyal ximuy no'ox ta xaniel ti banomil ta jujujote.

Job 31:7

Mi oy bu laj jch'ac jba ta tuq'uil be ti bu jtamoj batele, mi jq'ueloj xa no'ox jba yu'un ti sc'upijel co'ntone, ti oy c'usi ma'uc xa cu'un laj staic ta jnae,

Salmos 17:14

Ta sventa ti amuc'ul atsatsal une, Dios, pojun ta yoc ta sc'obic, jipo ya'iic loq'uel ta banomil ti c'alal ja' no'ox yuni rextoic c'otem ti sba banomile. Busuluc no'ox avu'un ti sc'ujlejalique, ac'o ve'uc yuch'ic vo' ta st'imesel ti xch'utique, ti xnich'nabique, ti smamobtaque.

Isaías 30:1

Xi ta xal ta jamal ti Diose: “Mu xa ono'ox cha'bel un, ti toyobba alab nich'nabile, ti mu xiyaq'uicun ta ventae, ti ma'uc cac'ojbeic sna'ic ti c'usitic ta xlic xchapanic ta spasele, ti c'ajomal no'ox ta sa'beic xchi'il smulic ti c'alal oy ono'ox ti smulique.

Isaías 57:4

¿Buch'u ta xana'leic ti avalojic une? ¿Buch'u xajim xa ajol ta sbajel stenele? ¿Buch'u ta xapasbe ti xbet'bun xa avoc ta xavac'be yile? Jpas-mulil nich'nabiloxuc, jutc'op jnaclejoxuc.

Jeremías 23:10

Ti jteclume, naca mulil batem ta yo'ntonic. Ti jnaclejetique xbitetic no'ox ta spasel ti c'usi chopole, ti tsatsuneb xa'i sbaic ta ilbajinvaneje. Jech o xal ti Diose laj sbis ta cotol chaval ti banomile, taquij ti banomile. C'oxoxib ta j'ech'el ti yaxaltic ti oy ta sbajtical banomile.

Oseas 10:9

Ti Diose xi ta xale: “Ti Israele mu xquechan sba ta sa'el ti smule, lic talel yu'un c'alal oy ta Gabaa. Stsacoj lec yip ti mulil ta stojolique. Jech o xal un, ti buch'utic toj chopolic taje, ta xc'ot ti leto ta stojolic tey ta Gabaae.

Levítico 11:16

ti j'anilajel-mut ti ja' avestrus sbie, ti cux-cuxe, ti muc' ta sac ichine, ti jujutos xiquetique, c'otuc ta o'ntonal ti albil mu stac' ti'ele.

San Mateo 11:19

Lital ec un, ti vu'un co'ol j'elantic ti jna' xive' xcuch' vo'e, ta xavalic ti yan sba xive' xcuch' vo'e, ti lec xquil jbacutic xchi'uc ti jsa'muliletique xchi'uc ti jc'an-patan-taq'uinetic sventa Romae. Ta sventa sbijil ti Diose, ta xvinaj ti c'u s'elan ta xc'ot ta pasele.”

San Mateo 13:22

Ti ts'unobal c'ot ta ch'ixtique, ta svinajesbe smelol ti oy jlom ta xa'iic ti lequil ach' c'ope. Ja' no'ox un, bat ta yo'ntonic ti c'usi sventa sba banomile, lajic ta lo'lael yu'un ti sc'ulejalique, jelav ti c'usitic ta sc'an ti stuquique. Ch'ay ta yo'ntonic un ti lequil ach' c'ope.

San Mateo 13:38

Ti yav ts'unobale, ja' ti jnaclejetic oyic ta sbejel banomile. Ti lequil ts'unobale, ja' ti buch'utic ta xich'ic ta muc' ti ventainel yu'un ti Diose. Ti trigo t'ule, ja' ti buch'utic ventainbilic yu'un ti pucuje.

Marcos 4:19

Ja'uc le' une, bat yo'ntonic yu'un ti c'usi oy ta banomile, lo'labat yo'ntonic yu'un ti c'ulejale xchi'uc ti c'usiuc no'ox oy ta sba banomil ti c'upij yo'ntonic yu'une. Ch'ay ta yo'ntonic ti lequil ach' c'op ti c'u xa yepal laj ya'iique.

San Lucas 16:8

Ti ajvalile laj yil ti ech'em sbijil ta sventa no'ox banomil ti chopol jbainej abtel ti sna' c'usi xut sba ti c'usi ta xtun yu'une. Yu'un ti li' ta banomile, oy sbijilic, sna'ic lec c'u s'elan ta scolta sbaic ta jujun tal yo' lec oyic. Ja' mu sta sbijilic ti buch'utic ti oyic ta saquilal osile.

San Lucas 22:31

Xi laj yal xtoc ti Cajvaltique: —A'yio ava'i, Simón, Simón, ti pucuje laj xa sc'an ti ac'o avich'ic lilinel jech c'u cha'al ta xich' ic'ael ti trigoe.

San Juan 12:31

Ja' xa yorail avi tana li' une, ta xlic yich' chapanel ti jnaclejetic ta banomile. Ja' xa yorail ta xich' jipel loq'uel ti buch'u ta spas mantal li' ta banomile.

San Juan 13:2

Ti jech yorail xa ta xve'ique, tijbat yo'nton yu'un pucuj ti Judas Iscariotee, xnich'on ti Simone, ti ta xac' ta c'abal ti Jesuse.

San Juan 13:27

C'alal laj stsac pan ti Judase, ta jech yepal ventainbat yo'nton yu'un ti pucuje. Xi albat yu'un ti Jesuse: —Paso me xch'a ti c'usi ta xapas ono'oxe.

San Juan 14:30

“Jliquel xa li' ta jchi'inoxuc ta lo'ile, yu'un tal xa ti buch'u sbainoj ta spasel mantal li' ta banomile, ac'o mi mu'yuc c'usi xu' yu'un spasel ta jtojol.

San Juan 15:19

Ti co'oluc ta xapasic jech c'u cha'al ta spasic ti jnaclejetic ta banomile, c'ux ta xa'ioxuc jech c'u cha'al c'ux ta xa'i sbaique. Ja'uc le'e, laj jt'ujoxuc loq'uel talel ta stojolic. Jech o xal un, contra ta xayiloxuc, yu'un mu xa co'oluc avo'ntonic xchi'uquic.

San Juan 16:11

Ta x'ac'bat sna'ic ti chapanel yu'un ti Diose, yu'un laj xa yich' chapanel ti buch'u sventainoj ti banomile.

San Juan 7:7

Yu'un ti buch'utic co'ol avo'ntonic xchi'uque, mu'yuc xti'et sjolic ta atojolic. Ja'uc ti vu'une ta xiscontrainicun, ja' ti jamal ta xcalbe ya'iic ti c'usi chopol ta spasique.

San Juan 8:23

Xi laj yal ti Jesuse: —Ti vo'oxuque, ta banomil oyoxuc, yan ti vu'une, ta ac'ol liquemun talel. Ti vo'oxuque, jnaclejoxuc ta banomil. Ja'uc ti vu'une ma'uc c'otem ta jventa ti sba banomile.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

Hechos 19:35

C'alal cuch yu'un spajtsanel jnaclejetic ti jts'ibajome, xi laj yale: —Yajval lum Efeso, sjoylej banomil sna'ojic lec ti vo'otic jbainojtic ta sq'uelel xchabiel xch'ul na ti jalal me'tic Dianae, ti sloc'obbail ti yal talel ta vinajele.

Hechos 5:3

Xi laj yal ti Pedroe: —Ananías, ¿c'u cha'al laj avac' abtejuc ti pucuj ta avo'nton ta sjutel c'op ta stojol ti Ch'ul Espíritu ti laj ach'ac comel o'lol ti taq'uin ti c'u yepal latojbat yu'un ti avosile?

Romanos 12:2

Mu xa jechuc xanopic jech c'u cha'al ta spasic ti jnaclejetic ta banomil ti yan sjol yo'ntonique. Jeluc ti snopbenal avu'unique yo' jech ta x'ach'ub ti acuxlejalique. Jech ta xlic ava'ibeic yo'nton ti Diose, ja' ti c'usi lec ta pasele, ti c'usi xmuyubaj yo'nton yu'une, ti c'usi lec tuc' ta xile.

1 Corintios 5:10

Ti jech taje, ma'uc laj calboxuc ava'iic ti j'ech'el ta xach'ac abaic loq'uel ta stojol ti jnaclejetic ta banomil ti buch'utic ta xmulivajique, ti buch'utic ta xu'nin ya'iic ti c'usi ma'uc yu'unique, ti elc'ajel ta spasique, ti buch'utic ta xrioxin ti c'usitic meltsanbil ta c'abale. Mi ta xaq'uej abaic loq'uel ta stojol ti buch'utic chopol c'usi ta spasique, ja' to mi mu xa li'uc ta xanaquiic ta abanomilique.

1 Corintios 6:11

Na'ic ti jech to ox a'elanic jlom ti vo'oxuque. Avi tana une, pocbil tusbiloxuc xa, yu'un lac'otic ta yajtunel ti Diose. Ch'abal xa amulic, lec xa'ileic ta sventa ti Cajvaltic Jesuse, xchi'uc ta sventa ti Xch'ul Espíritu ti Dios cu'untique.

2 Corintios 4:4

Ti jech mu xc'ot ta yo'ntonic ta xch'unel ti lequil ach' c'op yu'un ti Cristo ti c'alal ja' yutsilal slequilal stuc ti Diose, ja' ta scoj macbil snopbenal, macbil satic yu'un ti sdiosic li' ta banomile.

Gálatas 1:4

Ti Cajvaltic Jesucristoe laj yac' sba ta milel ta scoj ti jmultique, yo' jech tal spojotic loq'uel ta scoj ti toj chopol ti sba banomil avi tana li'e, ti jech ono'ox oy ta yo'nton ti Jtotic Diose.

Efesios 1:21

Ti Cristoe ac'bat sbain scotol ti ánjeletic oy ta vinajele, ti yich'oj yabtelique, ti tsots xu' yu'unique, ti jpas-mantaletique. Ac'bat sbain xtoc scotol ti buch'utic xu' yu'un li' ta sba banomile, xchi'uc ti ta xvul ta loq'uele.

Efesios 2:11

Jech o xal un, ti ma'uc sts'unobaloxuc ti Israele, xi ta xal ac'oplalic ti israeletic ti buch'u yich'ojic ti circuncisione: “Le'e, mu'yuc yich'ojic circuncisión. Ti vo'otique lec oyotic, yu'un quich'ojtic ti circuncisione”, xi ta xalbe sbaique.

Efesios 2:13

Avi tana une, ti jech oyoxuc ta stojol ti Cristo Jesuse, lanopajic xa talel ta stojol Dios ta sventa laj smal xch'ich'el ti Cristoe, ac'o mi nom to ox laxanavic.

Efesios 2:3

Ja' jech to ox j'elantic jcotoltic ta vo'ne, cac'ojbetic yipal ta spasel ti c'usi ta xal ti o'ntonale, ti naca jsa' no'ox batel jmultic yo' ta xc'ot ta pasel ti c'usi lec ta xa'i ti lum ach'ele. Ti jech taj une, xijtun o ti co'ol xquich'tic tsots tsitsel yu'un Dios jech c'u cha'al ta xich'ic ti yane.

Efesios 4:17

Jech un cha'e, xi s'elan ta xcalboxuc ava'iic ta sc'ubanbeloxuc ta stojol ti Diose: Lajuc sc'oplal avu'unic ta spasel jech c'u cha'al ta spasic ti buch'utic yan yajvalique, ti ja' no'ox cuxulic ta spasel ti c'usi mu'yuc smelol ta snopique.

Efesios 4:22

Jech o xal un, tsots sc'oplal jipic tenic comel ti c'u s'elan ti lacuxiic talel ta vo'nee, ti soquem ta j'ech'ele, ti naca lo'labiloxuc yu'un ti sc'upijel o'ntonale.

Efesios 5:6

Mu aq'uelojuc xavac' abaic ta lo'lael yu'un mi junuc ti buch'utic naca yesomal sjolic ti c'usitic ta xalique. Ta scoj ti jech taje, q'uelel xa talel ta stojol ti tsots tsitsel yu'un ti Diose.

Efesios 5:8

Ta vo'ne ti vo'oxuque, oyoxuc to ox ta ic'al osil ti naca vocol xale. Avi tana li'e, oyoxuc ta saquilal osil ta sventa ti junoxuc xchi'uc ti Cajvaltique. Jech o xal un, ac'beic yipal ta spasel jech c'u cha'al ti buch'utic oy ta saquilal osile.

Efesios 6:12

Yu'un ma'uc yacalotic ta scontrainel ta stsalel ti jnaclejetic ta banomil ti oy sbec'tal xch'ich'elique. Yu'un ja' yacalotic ta scontrainel ta stsalel ti pucujetic ti oy yipic ta spasel ti c'usi chopole, ti ta ic' ta xanavique, ti ja' ta spas ta mantal ti jnaclejetic ta banomil ti oyic ta ic'al osile.

Colosenses 1:21

Ti ta vo'nee, jyanlumoxuc to ox, acontrainojic Dios ta avo'ntonic ta scoj ti naca chopol ti c'usi ta xapasique.

2 Timoteo 4:10

Yu'un ti Demase laj xa yictaun comel. Ja' lec laj ya'i ti sba banomile, yu'un bat xa ta Tesalónica. Ti Crescente xtoque bat xa ta slumal Galacia. Ti Titoe bat xa ta Dalmacia.

Santiago 1:27

Xi s'elan yutsil ta stojol Jtotic Dios ma' ti oy c'usi ch'unbile, ti mu jutebuc xchopolale: ta stic' sba ta scolta ti me'un ololetique, xchi'uc ta stojol ti me'un antsetic ti oy svocolique, xchi'uc mu soques sba xchi'uc xchopolal ti banomile.

Santiago 1:7

Yu'un ti buch'u jech taje, laj to c'op ta sta ti oy c'usi ta x'ac'bat yu'un ti Cajvaltic Diose.

Santiago 4:4

Mu'yuc atuq'uilic ta j'ech'el jnaclejetic ta banomil. ¿Mi mu xana'ic ya'yel ti buch'u c'upil ta xa'i ti sba banomile, ta xc'ot ta yajcontra Dios? Buch'uuc no'ox ti ta sc'upijel yo'nton ta st'uj ti sba banomile, ta xjoybij ta yajcontra Dios.

1 Pedro 1:14

Ti jech jch'unej mantal nich'nabiloxuque, mu xa me jechuc staoj yav ta q'uelel acuxlejalic jech c'u cha'al ta vo'ne ti c'alal mu'yuc to ox avojtiquinojic ti Diose.

1 Pedro 4:3

Yu'un jal xa laj apasolanic talel ti c'usi chopole jech c'u cha'al ti buch'utic yan yajvalique. Yu'un ja' to ox atamojic ti c'usi chopole, ti c'usi ta sc'an avo'ntonique, ti yacubele, ti xavochlajetic ta spasel ti q'uine, ti mu bisbiluc ti yacubel laj apasique, ti laj avich'ic ta muc' ti c'usitic meltsanbil ta c'abale.

2 Pedro 2:14

Laj to c'op ma' ti mu'yuc ta yo'ntonic ta sc'upinel ti antsetic ti c'alal ta xilique. Mu x'ech' yo'ntonic ta sa'el ti smulique. Naca svosesbe no'ox yo'nton ti antsetic ti buch'uc naca xa quiquil xa'i sba eque, yu'un sna'ic lec c'u s'elan ta xyacvan xchi'uc ti sc'upijel yo'ntonique. Yu'un ch'ayel sq'uelojic batel.

1 Juan 3:10

Xvinaj lec buch'utic xnich'nabtac ti Diose, xchi'uc buch'utic xnich'nabtac ti pucuje. Ti buch'utic mu'yuc c'usi lec ta spase, ti mu'yuc ta xc'uxubin ti yane, ma'uc xnich'on Dios.

1 Juan 3:8

Ja'uc ti buch'u ta sa'ilan ti smule, ventainbil yu'un ti pucuje, yu'un ti pucuje, ta sliquebal ono'ox talel, laj sa'ilan ti smule. Ja' sventa tal Xnich'on ti Diose yo' jech ta slilinbe yabtel ti pucuje.

1 Juan 4:4

Jnich'nabtac, yu'unoxuc xa ti Diose, atsalojic xa ti jutc'opetic taje. Ti Buch'u oy ta atojolique, jelavem smuc'ul stsatsal, ja' mu sta ti buch'u oy ta stojolic ti buch'u sventainojic ti sba banomile.

1 Juan 5:19

Jna'tic ti yu'unotic ti Diose. Jna'tic ti pasbilic ta mantal yu'un pucuj scotol ti jnaclejetic ta banomile.

1 Juan 5:4

Yu'un ti buch'utic xnich'nabtac ti Diose, laj xa stsalic ti sba banomile. Ti jech stsal cu'untic ti sba banomile, ja' ta sventa ti c'otem ta o'ntonal ta xch'unel ti Jesucristoe.

Apocalipsis 12:9

Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.

Apocalipsis 13:14

Ta sventa ti jech ac'bat spas ti c'usitic ch'ayal ta xc'ot o'ntonal yu'un ta stojol ti jti'oval chon loc' talel ta nabe, laj slo'la ti jnaclejetic ta banomil ti ac'o spasbeic sloc'obbail ti jti'oval chon ti cuxul xa ti jutuc xa mu cham ta scoj ti yayij ta espada ti sjole.

Apocalipsis 13:8

Ti jti'oval chon loc' ta nab taje, ta x'ich'atic ta muc' yu'un ti jnaclejetic ta banomile, ja' ti buch'utic mu'yuc tsacal sbiic ta jpoc vun sventa cuxlejal c'alal mu'yuc to ox meltsajem ti banomile, xchi'uc ta jpoc vun ti oy ta yoc ta sc'ob ti jcot ta Uni Chij ti laj yich' svocol ta milele.

Apocalipsis 16:17

Loc' talel ti yucubal anjele, laj scocan yalel ti sbel sbis ta jamaltic. Ta muc' ta chotlebal to, ti bu oy ti ch'ulna ti ja' sc'oplal ti vinajele, oy Buch'u tsots c'opoj talel ti xi ta xale: “C'ot xa ta pasel ti c'u s'elan albil sc'oplale.”

Apocalipsis 20:2

Ti ánjel taje laj stsac ti tsajal jti'oval chone, ja' ti vo'neal muc' ta jti'oval chone, ja' ti totil pucuje, ti ja' Satanás sbi xtoque. Jmil (1,000) jabil laj xchuc ta carina taq'uin.