Efesios 2:10 - Bible in Tzotzil de Chamula

¹⁰ Yu'un yabtelotic Dios ti jech oyotic ta stojol ti Jesucristoe yo' ta jpastic ti c'usi leque, ti jech ono'ox snopoj ti Dios ta vo'nee.

Tzotzil Zinacantan

¹⁰ Jaꞌ islecubtas coꞌontic ti cꞌalal iquichꞌtic ta mucꞌ ti Jesucristoe yoꞌ jpastic o li cꞌusitic leque. Voꞌne onox snopoj ti Rioxe ti jaꞌ ta jpastic li cꞌusitic leque.

Bible in Tzotzil de Chenalhó with Deuterocanon

¹⁰ Yu'un ja' stuc la spasutic, ja' laj yac' ayincutic ta sventa li Cristo Jesuse, yu'un ac'o jpastic c'usitic lec. Yu'un jech ono'ox chapal yu'un Dios tsc'an ta jpastic.

Tzotzil San Andres

¹⁰ Jaꞌ yuꞌun stuc la sjeltabutic coꞌontic li Diose. Laj yacꞌbutic cachꞌtaleltic ta sventa li Jesucristoe ti jaꞌ acꞌo jpastic li cꞌustic leque. Yuꞌun jech onoꞌox snopoj Dios ta voꞌone ti jaꞌ ta jpastic li cꞌusi leque.

Tzotzil de Huixtán

¹⁰ Hech yu'un stuc laj xa scoltaucutic. Laj xa yac'bucutic ach' jcuxlejaltic ti sventa ti Cristo Jesuse yu'un hech xu' cu'untic ti jpastic lequil abteletic. Vo'one hech xchapanoj ti Diose ti ta ono'ox jpastic ti lequil abtele.

Efesios 2:10 Iomraidhean Croise

Salmos 100:3

C'otuc ta avo'ntonic, ja' Ajvalil ti Diose. Laj yac' ti jch'ulel canimatic, lijc'ot ta yu'un; lijc'ot ta steclumal ta xchijtac ti xlamet ta yaxaltic yu'une.

Salmos 119:3

ti ma'uc oy ta yo'ntonic ti c'usi ta soquesvane, ti stamojic ech'el bu ta x'iq'ue batel yu'un ti Diose.

Salmos 138:8

Ti Diose, sjunul yo'nton, ta xac' ti c'usi snopoj ta jventae. Cajval, sbatel osil oy syail xc'uxul avo'nton; mu quecheluc ta xcom ta o'lol be ti c'usi aliquesoj ta spasele.

Salmos 51:10

Mesbiluc tusbiluc ti co'nton avu'une, Ch'ul Dios, junuc yutsil ach'ubuc avu'un ti snopbenal cu'une.

Salmos 81:13

Ti lajuc xchiquinta jc'op ti jteclumale, ti j'ech'eluc st'unoj batel ti Israel ti bu jtamoj batele,

Isaías 19:25

Yu'un xi ta xal ti Dios ti scotol xu' yu'une: “Ta jva'an jba ta yac'bel ti yutsilal slequilale. Ta jva'an jba ta stojol ti Egipto ti c'ot ta jlumale, ta stojol ti Asiria ti laj cac'be xch'ulel yanimae, xchi'uc ta stojol ti Israel ti ja' cu'untaque.”

Isaías 29:23

Yu'un ti c'alal ta xlic yil snitilultac ti c'u s'elan ta jpasbe ti slumale, ti Ch'ul Diosun yu'un ti Israele, ta xc'ot ta sjolic, ta xlic xi'taicun.

Isaías 43:21

Ti jteclum ti chapal cu'une, ta svinajesbeic slequilal yutsilal ti jc'oplale.

Isaías 43:7

Ac'bun talel scotolic ti buch'utic yich'ojbeicun xa ti jbie, ti laj cac'beic ti xch'ulel yanimaique, ti chapanbil cu'un ti xtixet no'ox xchi'uc ti jlequilal cutsilale.’

Isaías 44:21

“Israel, steclumal Jacob, vuleso ta ajol ti cajtunelote, yu'un vu'un laj cac' avich' abec'tal. Israel, mu xach'ayun ta avo'nton.

Isaías 60:21

“Scotol ti lum avu'une, ja' jun jnaclejetic ti sna' x'ich'vanic ta muq'ue, ti c'otic ta yajval ti yosil sbanomilic sbatel osile, sq'uelomtac xa ts'unubal ti laj jts'une, ti laj cabtelan ta coc ta jc'obe yo' jech ta xvinaj ti cutsilal jlequilal yu'unique.

Isaías 61:3

ta yac'bel sronail sjolic ti buch'u oyic ta vocol ta lum Sión ti q'uelel ta stojolic ta svijbe sbaic ti tanil c'oq'ue, ta yac'bel muil poxil sventa muyubajel ti q'uelel ta stojolic ti oq'uel avanele, ti ta xjoybij ta laetel q'uejimol yu'unic ti lajemic xa ta xa'iic ta banomile. “Jtsalvanej c'an tulan ma' le'e”, xi sc'oplal yu'unic. Ts'unbil yu'un Dios yo' jech ta svinajes ti yutsilal slequilale.

Jeremías 31:33

C'alal mi sta yoraile, xi s'elan ti jtrate ta jpas ta stojolic ti Israele: Ta jbejanbe ta yo'nton, xchi'uc ti jts'ibabe ta sjol ti c'usi jbel tsots albil cu'une. Ta xic'ot ta Dios yu'unic. Calab jnich'nab ta xc'otic ti stuquique. Ti vu'un Diosune, mu lo'iluc no'ox ta xcal.

San Mateo 5:16

Ac'beic yipal, vinajuc xojobinel aluzic ta stojol ti yane. C'alal ta xilic ti lec c'usitic ta xapasique, ta slequil-c'optaic ti Dios avu'unic ti oy ta vinajele.

San Juan 3:21

Ja'uc ti buch'u co'ol yo'ntonic xchi'uc ti bu ja' melele, ta xnopajic ta stojol ti luze yo' jech ta xvinaj sva'anoj sba ti Dios ta stojolic ti c'usi ta spasique.”

Hechos 9:31

Va'i un, ti jch'unolajeletic ti oyic ta Judeae, ta Galileae, ta Samariae, lamaj ti sc'oplalic ta ilbajinele. Ta sventa ti xi'taojic ti Cajvaltique, laj yich' yip yo'ntonic xchi'uc ta sventa ti coltabilic yu'un ti Ch'ul Espiritue, yacal ta x'epajic batel.

Hechos 9:36

Ti jech yorail taje, tey nacal ta jteclum Jope jun jch'unolajel ants ti Tabita sbie, Dorcas xi ta griego c'ope. Ti ants taje, yac'ojbe yipal ta spasel ti c'usi leque, yu'un ta scolta ti buch'u abol sbaique.

Romanos 8:1

Avi tana une, mu'yuc xa chba stoj smulic ti buch'utic oyic xa ta stojol ti Jesucristoe.

Romanos 8:29

Ti buch'utic vo'ne xa ono'ox ojtiquinbilic talel yu'un ti Diose, ta sliquebal ono'ox banomil yich'ojic ono'ox talel ti ta xc'otic jech chac c'u cha'al ti Xnich'one, yo' ta xc'ot ta banquilal yu'unic ti Xnich'on ta sventa ti c'u yepal tsobolotic ti c'otemic ta yits'inabtaque.

1 Corintios 3:9

Co'ol jchi'il jbacutic ta abtel, yajtuneluncutic ti Diose. Ti vo'oxuque c'otemoxuc jech c'u cha'al sbanomil Dios ti yacal ta x'abtej ta atojolique, co'ol a'elanic jech c'u cha'al jbej na ti yacal ta smeltsan ti Diose.

2 Corintios 5:17

Ja' yu'un un, ti buch'u junic xa xchi'uc ti Cristoe, c'ot xa ta ach', ach' snopbenal yu'un. Yu'un naca ach' scotol ti c'usi ta spase. Laj, ech' sc'oplal yu'un ti c'usi naca chopol laj snop talel ta ba'yele.

2 Corintios 5:5

Ti jech jc'oplaltic taje, ja' laj xa xchapan stuc ti Diose, yu'un laj yac'botic ti Ch'ul Espiritue, svinajeb ti oy c'usi ta xac'botic ti Diose.

2 Corintios 9:8

Yu'un ti Diose, yepal no'ox xu' ta xayac'boxuc ep ta tos alequilalic yo' oy ono'ox ti c'usi ta xtun avu'unique, xchi'uc yo' yepal no'ox oy avu'unic ta coltavanej ta spasel ti lequil abteletique.

Gálatas 6:15

Mi junotic xchi'uc ti Cristo Jesuse, co'ol no'ox sba mi quich'ojtic, mi mu'yuc quich'ojtic ti circuncisione. Ti bu tsots sc'oplale, ja'uc ti voc'cuticuc ta ach'e.

Efesios 1:1

Vu'un Pablo, loc' ayan ta yo'nton stuc Dios ti jech lic'ot ta jcholc'op yu'une, ti tacbilun yu'un ti Jesucristoe. Ti vo'oxuc nacaloxuc ta jteclum Efesoe, ta jts'ibaboxuc talel jlic jvun ta atojolic ti vo'oxuc yu'unoxuc xa ti Diose, ti c'otem ta avo'ntonic ta xch'unel ti Cristo Jesuse.

Efesios 1:4

C'alal mu'yuc to ox meltsajem ti banomile, t'ujbilotic xa ono'ox yu'un ti Dios ta sventa ti Cristoe yo' jech mu'yuc jmultic ta xijc'ot ta stojol.

Efesios 2:13

Avi tana une, ti jech oyoxuc ta stojol ti Cristo Jesuse, lanopajic xa talel ta stojol Dios ta sventa laj smal xch'ich'el ti Cristoe, ac'o mi nom to ox laxanavic.

Efesios 2:15

Yu'un scotol ti c'usitic ta xalolan ti ta xac' ta na'el ti oy c'usi tsots sc'oplal albile, ja' laj sbain ta sbec'tal stacopal stuc ti Cristoe. Tey c'otic ta jun ta ach' yu'un ti cha'ch'ac jteclum ti mu lecuc xil sbaique, yu'un oyic xa ta stojol ti Jesucristoe. Ja' jech c'ot ta lamajel ti c'ope.

Efesios 2:2

Yu'un ta vo'ne ti vo'oxuque jech laj apasic jech c'u cha'al ta spasic ti jnaclejetic ta banomile, ti ach'unojbeic smantal ti pucuj ti ta ic' ta xanave, ti ta x'abtej ta yo'ntonic ti buch'utic mu xch'unic ti c'usi ta xal ti Diose.

Efesios 2:6

Yu'un ti Diose jmoj laj xcha'cuxesotic xchi'uc ti Jesucristoe, ti jmoj xa chotolotic xchi'uc ti Cristo ta vinajele.

Efesios 4:1

Ja' yu'un un, ti vu'un tiq'uilun ta chuquel ta sventa ti Cajvaltique, ta jc'anboxuc vocol ta atojolic, ti tuc'ulano abaic jech c'u cha'al laj snop ac'oplalic ti Dios c'alal laj staoxuc ta iq'uele.

Efesios 4:24

C'u'inic ti ach' cuxlejale jech c'u cha'al oy ta yo'nton ti Diose, ti oy stuq'uile, ti co'ol xchi'uc ti bu ja' melele.

Deuteronomio 32:6

¿Mi ja' jech ta xatojbeic ta xapacbeic sutel ti Diose? Pimil jteclum, mi ja'uc jutebuc oy abijilic, ¿mi yu'un ma'uc atot ti Buch'u laj yac' ach'ulele, ti laj smeltsanote? Ja' laj smeltsanot, laj yac'bot ach'ulel.

Deuteronomio 5:33

Ja' tamic ech'el sbelel ti c'u s'elan laj xchanubtasoxuc ti Ajvalil Dios avu'unique yo' jech lec ac'oplalic, ti jal jabil ta xach'i xac'opojic ta banomil ti bu ta xayac'boxuc ti arextoique.

Filipenses 1:6

Yu'un c'otem lec ta co'nton ti j'ech'el ta stsutses ti lequil abtel laj sliques ta atojolic ti Diose, ti jna' ti lec xvul staoxuc ti Cajvaltic c'alal ta xcha'sut talele.

Filipenses 2:13

Yu'un ti Diose, ja' ta xac'boxuc yutsilal slequil avo'ntonic yo' jech ta xapasic ti c'usi ta sc'ane, yu'un ja' ta scoltaoxuc ta spasel ti c'usi lec ta xa'ie.

Colosenses 1:10

Yu'un ja' to jech xu' avu'unic ta spasel jech c'u cha'al ti buch'utic ja' yu'untac ti Cajvaltique, ti yacaloxuc ta spasel ti c'usi lec ta xile, ti yepal no'ox oy ep ta tos slequil yutsil avo'ntonic ta spasel ti c'usi leque, xchi'uc ta yojtiquinel ti Diose.

Colosenses 3:10

Yu'un xi s'elan lac'otic xae: laj xa ac'u'inic ti ach' cuxlejale, ti yacal ta x'ach'ub batel ta stael jech c'u cha'al stalel ti Dios ti j'ac'-ch'ulelal xcuxlejal avu'unique, xchi'uc ta yojtiquinel batel ti c'u s'elan ti stuque.

1 Timoteo 2:10

Ti antsetique ja'uc c'otuc ta xch'alobil ta sventa ti oyuc c'usi lec ta spasique, ti yalojic ta xtunic yu'un ti Diose.

1 Timoteo 5:10

Sc'an ojtiquinbilic lec c'usi laj spasic xtoc. Mi lec laj sts'itesan ti yalabique, mi xmuyubaj yo'nton yu'un yulo' ta xc'ot ta snae, mi oy laj yac' sbaic ta tunel yu'un ti jch'unolajeletique, mi laj scolta ti buch'u ta xich' svocole, mi yan ti oy c'usi lec laj spase, xu' xatic'be ta vun sbiic ti buch'u taje.

1 Timoteo 5:25

Jech ec ti c'usitic lec ta xich' pasele, lec xvinaj ta q'uelel. Ti yan ti mu xvinaj ta q'uelele, ma'uc ma' ti mucul ta xcom oe, ta ono'ox xvinaj.

1 Timoteo 6:18

Albo ya'iic mantal ti ac'o spasic ti c'usi leque yo' jech ta xc'otic ta jc'ulej ta sventa ti lequil abtel ta spasique, ti ta slequilaluc yo'ntonic ac'o coltavanicuc xchi'uc ti c'usi oy x'ayan yu'unique.

2 Timoteo 2:21

Mi ta jc'antic lec ta xijtun yu'un ti Cajvaltique, sc'an mu xcac' jbatic ta bolibtasel. Ja' to jech ta xijtunotic ta spasel ti c'usi leque.

2 Timoteo 3:17

yo' jech ti buch'utic c'otem ta yu'untac ti Diose, bijubtasbilic, chapalic lec ta spasel scotol ti c'usitic oy stuq'uil smelole.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

SUN TITO 2:7

Baino scotol ta yac'bel yil ti c'usi lec ta pasele yo' jech ta xc'ot ta yo'ntonic ta spasel. C'alal ta xachanubtase, ta slequil ta yutsiluc avo'nton.

SUN TITO 3:1

Vulesbo ta yo'ntonic ti jch'unolajeletique ti ac'o yich'ic ta muc' ti ajvaliletique, ti j'opisialetique. Ac'o xch'unbeic ti smantale, ti chapalicuc ta spasel ti c'usiticuc leque.

SUN TITO 3:14

Ti c'u yepal oy ta jtojoltique, ac'o xchanic ta spasel ti c'usi leque yo' jech xu' ta xcoltavanic c'alal oy bu tsots sc'oplal ta xtune, yo' jech jtunelicuc ti li' cuxulique.

SUN TITO 3:8

Taje, melel ono'ox, ja' yu'un un, ta jc'an paso tsatsal ta yalolanel yo' jech ti buch'utic ta xc'ot ta yo'ntonic ta xch'unel ti Diose, batuc yo'ntonic ta spasel ti c'usi leque. Taje, toj lec, ta xtun cu'untic jcotoltic.

Hebreos 10:24

Jsa'ilantic c'u s'elan yo' ta jcoltaan jbatic ta jujun tal, yo' jech c'ux ta xca'i jbatic, xchi'uc ta spasel ti c'usi leque.

Hebreos 13:21

Ti Dios taje, ti ta xac' jun o'ntonale, ac'o xastojobtasoxuc yo' jech ta xapasic scotol ti c'usi lec ta xile, ti c'otuc ta pasel yu'un ta jtojoltic ti c'usi lec ta xa'i ti stuc ta sventa ti Jesucristoe. Ich'biluc ta muc' sbatel osil ti Jesucristoe. Jechuc.

1 Pedro 2:12

Oyuc slequil stuq'uil ajolic ta stojol ti buch'utic yan yajvalique, ac'o mi yacal ta yalel ta atojolic ti jun to chopol jnaclejoxuque. Yu'un ti c'alal ta xilic ti c'usi lec ta xapasique, ta xlic lequil-c'opojicuc ta stojol Dios c'alal ta sta sc'ac'alil ta x'ich'bat ti yeique.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.

1 Juan 2:6

Ti buch'u ta xal ti junic xchi'uc ti Diose, jechuc cuxiuc jech c'u cha'al cuxi ti Jesucristoe.