Efesios 1:9 - Bible in Tzotzil de Chamula

⁹ Ta sventa ti mu no'ox albajuc sbijil ti Diose, stuc laj yac' jbijiltic ta sna'el ti c'usi mucul to ox yu'une. Ja' stuc laj sva'an sba ta spasel ti c'usi snopoj ono'ox ta spase.

Bible in Tzotzil de Chenalhó with Deuterocanon

⁹ Laj xa yac'butic jna'tic li c'usi snopoj ta vo'one ti mu'yuc boch'o la sna'e. Ja' li c'usi chapal ono'ox yu'un stuc chac' c'otuc ta pasele.

Tzotzil de Huixtán

⁹ Yutsil yo'nton ti laj xa yac'bucutic sp'ijil co'ntontique. Scotol laj xa yac'bucutic jna'tic. Ti ora to laj xa yac'bucutic jna'tic ti Diose ti c'usi snopoj ti vo'one yu'un laj xa stac talel ti Snich'one. Ti vo'one mu'yuc much'u i'ac'bat sna'.

Efesios 1:9 Iomraidhean Croise

Salmos 33:11

Ja'uc ti c'usi snopoj ta spas ti Diose, j'ech'el mu xch'ay ta be sbatel osil.

Jeremías 2:29

¿Mi oy c'usi stac' xavalic ta scontrainelun ti c'alal toyobbaoxuc acotolique? Ti vu'un Diosune, mu stselbuj ti jc'ope.

San Mateo 13:11

Ti Jesuse xi laj staq'ue: —Dios ta xac'boxuc ana'ic smelol ti ventainel yu'un Dios ti mu xvinaj to oxe, ja'uc ti yane mu x'ac'bat sna'.

San Lucas 12:32

“Uni juteboxuc cuni chijtac, mu xaxi'ic. Ta sventa yutsil slequil yo'nton ti Atotique, c'ot xa ta nopel ti ta xataic ti ventainel yu'une.

San Lucas 2:14

“Mu albajuc yutsilal slequilal ti Dios oy ta vinajele. Yu'un ti jnaclejetic ti oyic ta banomile, laj xa staic ti lec x'ileic yu'une, ja' ti buch'utic jun yo'nton oyic ta stojole.”

Hechos 13:48

C'alal jech laj ya'iic ti jyanlumetique, xmuyubajic xa laj yalic ti jun yutsil ti sc'op Diose. C'ot ta yo'nton ta xch'unel scotolic ti buch'utic oy sc'oplal ta stael ti xcuxlejalic sbatel osile.

Hechos 2:23

Ac'o mi jech un, c'alal la'ac'batic ta avoc ta ac'obique, achucojic batel yo' laj avaq'uic ta milel ta curus jmoj xchi'uc ti viniquetic ti mu'yuc xch'ulel xa'i sbaique. Ja' ic'ot ta pasel c'u s'elan snopoj st'ujoj ono'ox ti Diose.

Hechos 4:28

Ti jech taje, ja' c'ot ta pasel yu'unic scotol jech c'u cha'al nopbil avu'un ta xc'ot ta pasele.

Romanos 11:25

Ti jech jchi'il jbatique, ta jc'an ta jvinajesboxuc ava'iic ti c'usi snopoj ta spas ti Dios ti mucul to oxe, yo' mu xabis abaic ti bij xava'i abaique: Mi c'ot ta ts'aquiel ti c'u yepal ta sta scolelic ti jyanlumetique, mu jechuc ta xcom o ti yijubtasbat yo'ntonic ti israeletique.

Romanos 8:28

Jna'tic lec, ti buch'utic c'ux ta xa'iic ti Diose, ti ic'bilic yu'un jech c'u cha'al oy ta yo'ntone, ja' sventa slequilalic scotol ti c'usi ta xc'ot ta pasele.

1 Corintios 1:21

Ta sventa ti Diose, c'ot ta nopel yu'un ti mu cha'bel xtae ta ojtiquinel ta sventa sbijil no'ox stuquic ti jnaclejetic ta banomile. Ta sventa sc'op stuc, laj stic' sba ta scoltael ti buch'utic ta spat yo'ntonic ta stojole ac'o mi lo'il c'op no'ox ta xa'iic ti yane.

Gálatas 1:12

Ma'uc jun vinic laj xchanubtasun, laj yac'bun ca'i. Ja' laj yac'bun jna' stuc ti Jesucristoe.

Gálatas 1:15

C'alal mu'yuc to ox voq'uemune, t'ujbilun xa ono'ox yu'un ti Diose. Ta sventa ti yepal no'ox ti syail xc'uxul yo'ntone, laj yic'un ta stojol c'alal c'ot ta nopel yu'une.

Gálatas 1:16

Laj yac'bun cojtiquin ti Xnich'one yo' jech ta xcal batel ti lequil ach' c'op yu'un ta stojol ti jyanlumetique. Mu junuc oy buch'u laj jac'be razon ti c'usi ta jpase,

Efesios 1:11

Ti jech lijc'ot ta jun xchi'uc ti Cristoe, yu'un vo'ne xa ono'ox t'ujbilotic yu'un ti Diose yo' ta xquich'tic ti rextoil ti albil sc'oplal ta xaq'ue, ti co'ol xchi'uc jech c'u cha'al oy ono'ox ta yo'nton ti Dios ta spas ti c'u s'elan lec ta xil ti stuque.

Efesios 1:8

Yu'un ti Diose laj xa yac' quiltic ti mu no'ox albajuc yutsil ti syail xc'uxul yo'ntone.

Efesios 3:11

Taje, co'ol xchi'uc jech c'u cha'al oy ono'ox ta yo'nton ti Dios ti ta xc'ot ta pasel yu'un ta sventa ti Cajvaltic Jesucristoe.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

2 Timoteo 1:9

Ti ta vo'ne ti c'alal mu'yuc to ox meltsajem ti banomile, oy ono'ox jc'oplaltic yu'un Dios ta scoltaelotic, ta yiq'uelotic ta stojol yo' jech ta xijtun yu'un c'alal mi ja'uc jutebuc oy c'usi lec laj jpastique. Yu'un jech ono'ox snopoj stuc ta slequil yutsil yo'nton ti laj xc'uxubinotic ti jech oyotic ta stojol ti Cristo Jesuse.