Efesios 1:7 - Bible in Tzotzil de Chamula

⁷ Ti jech mu albajuc syail xc'uxul yo'nton ti Diose, laj spoj laj scoltaotic ta sventa ti laj smal xch'ich'el ti Xnich'one, yo' jech ta jtatic ti ch'aybil ti jmultic ta xc'ote.

Tzotzil Zinacantan

⁷ Jaꞌ iyacꞌ ta milel ta scoj jmultic, ilocꞌ xchꞌichꞌel, yoꞌ mu xa xiꞌochotic o ta cꞌocꞌ ta sbatel osile. Jaꞌ liyacꞌotic o ta pertonal, jaꞌ ti scꞌanojotic tajmeque.

Bible in Tzotzil de Chenalhó with Deuterocanon

⁷ Ja' li Xnich'on ti la smanutic ta xch'ich'al, yu'un jech la jtatic o perdón yu'un li jmultique, yu'un bats'i ep c'uxutic ta yo'nton.

Tzotzil San Andres

⁷ Acꞌo mi toj cꞌux ta yoꞌon li Snichꞌone, pero iyacꞌ ta milel ta jcojtic yuꞌun toj cꞌuxutic ta yoꞌon eꞌuc. Jaꞌ ta sventa li Snichꞌon ti colemutic xae, ti pasbilutic xa perton yuꞌun li jmultique.

Tzotzil de Huixtán

⁷ Yu'un ti lum ep laj xc'uxubinucutique hech yu'un laj yac' ti milel ti cruz ti Snich'one ti jventatic. Hech yu'un ti colemucutic xa ti ora to. Ch'ayem xa jmultic.

Efesios 1:7 Iomraidhean Croise

Job 33:24

ti yich'uc to c'uxubinele, ti xi ta xalbe ya'i ti Diose: “Mu to xavac' chamuc, laj jta ta q'uelel ti tojbil manbile”,

Salmos 130:4

Le' une, ta jtacutic ch'aybil jmulcutic avu'un yo' ta xbat co'ntoncutic yich'elot ta muc'.

Salmos 130:7

Ja' jech, malao ec ti Diose, Israel, yu'un ta sventa ti stuque, oy syail xc'uxul o'ntonal, j'ech'el oy colebal yu'un.

Salmos 86:5

Ti vo'ot une, Cajval, oy yutsil slequil avo'nton, ta xach'ay ti mulil colo'ile; yepal no'ox syail xc'uxul avo'nton ta stojol ti buch'u xvocolet ta atojole.

Éxodo 34:7

Yu'un sbatel osil staoj yav ta xcac' ta ilel ti syail xc'uxul co'ntone. Ta jch'ay ti toyobbail yu'un ti mulil colo'ile. Ja' no'ox un, mu teyuc no'ox jq'ueloj ti buch'u jech ono'ox ti smule. Yu'un ta ono'ox cac'be stoj xtoc ti c'usi chopol ta spasic ti totil me'iletique, ti c'usi ta spasic ti alab nich'nabiletique, ti momiletique, xnich'nab ti momiletique, xchi'uc smom ti momiletique.

Isaías 43:25

“Ja'uc le' une, ti jech Diosun avu'une, c'ot ta tubel ti amilvanejale. Mi ja'uc xa ta jvules ta co'nton ti c'u spimil ti amule.

Jeremías 31:34

Yo' ta xlic yojtiquinicune, ma'uc xa ma' ti talel batel ta stojobtas sbaic ta jujun tal xchi'uc ti buch'u lec xil sbaique, xchi'uc ti yuts' yalal sbaique. Mu'yuc ta alel mi oy sbijilic mi mu'yuc sbijilic, scotolic ta xlic yojtiquinicun. J'ech'el ta jch'aybe ta co'nton ti xchopolalique. Mi ja'uc xa ta jvules ta jol ti smul scolo'ique. Ti vu'un Diosune, mu lo'iluc no'ox ta xcal.”

Daniel 9:19

¡Dios, Cajval, ts'etanbun ani' achiquin ta jtojolcutic, ch'aybun ti jmul jcolo'cutique! ¡Va'lan, tec'lan ta jtojolcutic, Cajval, la' tic'o aba ta jpojelcutic. Mu xajaliltas un, Cajval Dios, tic'o aba atuc ta spojel ti muc' ta lum avu'une, xchi'uc ti ateclumal ti buch'u ta xc'opoj xti'inic ta aventae!”

Daniel 9:9

Ja'uc ti vo'ot une, Diosot cu'uncutic, oy ta atojolal ti syail xc'uxul avo'ntone, ta ora no'ox xana' xach'ay ti mulile. Yu'un ti vu'uncutique, c'ajomal no'ox jelavem ti jtoyobbailcutic ta atojolale.

Jonás 4:2

Xi lic c'opojuc ti'inuc ta stojol ti Diose: “Q'uelo avil, Cajval, yu'un ja' no'ox jech laj cal ti jech ono'ox ta xc'ot ta pasel c'alal tey to ox oyun ta jlumale. Jech o xal ta jc'an ox ta xijatav batel ta anil ti ta jteclum Tarsise. Yu'un jna' lec ti ja' jun Diosot ti oy sts'iquemal xcuchemal avu'une, ti mu xana' xa'ilin ta anile. Ac'o mi xacaj'al xtoc ti ta xatsitsvane, ts'acal to un, ta xasutes aba ta sventa ti mu no'ox albajuc ti syail xc'uxul avo'ntone.

Miqueas 7:18

Mu'yuc xa yan jech c'u cha'al ti vo'ote, Dios, ta xach'ay ti mulil colo'ile, ta xatub ta avo'nton stoyobbail ti vi xa yepal scomelal ti ateclumale, ta xavac' ta ilel ti syail xc'uxul avo'nton ta jtojolcutique. Mu teyuc no'ox staoj yav oy o ti sc'ac'al avo'ntone.

Zacarías 13:1

“Ti jech yorail taje, ta xvul ta t'omel jun sat vo' yo' jech ta spoquic ta smesic loq'uel smulic, ta smesel stusel loq'uel xchopolal snitilultac ti Davide xchi'uc ti jnaclejetic yu'un ti jteclum Jerusalene.

Zacarías 13:7

Ti Dios ti scotol xu' yu'une xi ta xale: “Va'lan, tec'lan un, espada, tsaco ta milel ti caj'il-chije. Tsaco ta milel xtoc ti caj'coltaobbae, milo ti j'il-chije, jech ti jvoc' chijetique, tan puc ta xbatic, yu'un ti vu'un eque ta jcontrain ti uni ch'iom chijetique.

Zacarías 9:11

Xi s'elan ta xal ti Diose: “Jteclum Jerusalén, ti jech laj cac'bot ti jtrate ti oy yip ta sventa xch'ich'el ti milbil mantanale, ja' yu'un un, ta jnitboxuc loq'uel ti jchuqueletic ti tic'ajtic ta joc' ti ch'abal ya'lele.,

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

San Mateo 26:28

yu'un ti ya'lel uva li'e, ja' c'ot xa ta pasel ti ach' trate ta sventa ti ta xmal ti jch'ich'ele, ti ja' ta sventa ti yepal ta staic ti ch'aybil ta xc'ot ti smulic ta jventae.

San Mateo 6:12

Ch'aybuncutic ti c'usi mu lecuc ta jpascutique jech c'u cha'al ta jch'aybecutic ti buch'u ta sa' smul ta jtojolcutique.

Marcos 14:24

Xi laj yal ti Jesuse: —Ti vino laj avuch'ique, ja' c'ot ta pasel ti ach' trate ta sventa ta xmal ti jch'ich'el sventa slequilal ti epal jnaclejetic ta banomile.

San Lucas 1:77

Ta xavac'be sna' ti yalab xnich'nabe ta stael ti ch'aybil ta xc'ot ti smulique, xchi'uc ta staic coltael yu'un.

San Lucas 24:47

Ts'ibabil no'ox xtoc, ti ja' ta jventa licuc ba'yel li' ta Jerusalene, ti xcholetuc yich'uc alanbel ya'i scotol ti muc'tiquil lumetic ti oy ta sbejel banomile, ti ac'o suticuc talel ta stojol ti Diose, yo' jech ta staic ti ch'aybil ta xc'ot ti smul scolo'ique.

San Juan 20:23

Ti buch'u ta xavalbe ch'aybil ti smule, jech ta xc'ot ta pasel ti ch'aybil ta xc'ot ti smulique. Ja'uc ti buch'u ta xavalbe ch'abal ch'aybil ti smule, jech ta xc'ot ta pasel.

Hechos 10:43

Scotol ti j'alc'opetique laj xa ono'ox yalic talel sc'oplal ti Jesuse, xchi'uc laj yalic ti buch'u ta xc'ot ta yo'ntonic ta xch'unele, ta staic ti ch'aybil ta xc'ot ti smulic ta sventa ti Jesuse.

Hechos 2:38

Xi laj yal ti Pedroe: —Sutanic talel ta stojol ti Diose, ich'ic vo' ta jujun tal ta sventa ti Jesucristoe yo' xata ti ch'aybil ta xc'ot ti amulic ta stojol ti Diose, ja' to jech ta xavich'ic ti Ch'ul Espíritu ta sventae.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

Hechos 3:19

Jech o xal un, jchi'iltac, sutanic talel ta stojol ti Diose yo' jech ch'aybil ta xc'ot ti amulique,

Romanos 2:4

Ti yutsilal slequilale xchi'uc ti sts'iquemal xcuchemal yu'un ti Diose, ta xabaj ta xajip ti c'alal ja' ta sventa yutsilal slequilal ac'o asutes aba talel ta stojol.

Romanos 3:24

Ta sventa ti yutsil slequil yo'nton ti Dios une, ta matanal laj jtatic ti pojel colel ta sventa ti c'usi ic'ot ta pasel yu'un ti Cristo Jesuse.

Romanos 3:25

Ja' yu'un un, ti Diose laj yac' ta milel ti Cristo ti laj smal ti xch'ich'ele sventa yo' ch'aybil ta xc'ot ti mulile. Ta stael ti ch'aybil ta xc'ot ti mulile, ja' no'ox ta sventa ti ta xc'ot ta o'ntonale. Jech laj spas ti Diose yo' ta svinajes ti oy slequilal yutsilale, ti laj xch'aybe smulic ti jnaclejetic ti vo'ne sts'icojbe talel ti c'u s'elan laj c'otuc ta pasele.

Romanos 9:23

Avi tana li' une, ti Diose sc'an ta xac' ta na'el ta jtojoltic ti smuc'ule, ti yutsilal slequilale, yu'un laj xc'uxubinotic, xchi'uc chapal yu'un ti ta jchi'intic ta slequilal yutsilale.

1 Corintios 1:30

Yu'un ti Diose laj spasoxuc ta jun xchi'uc ti Cristo Jesuse, ti c'ot ta pasel yu'un ti ja' jbijiltic ti Cristoe. Ta sventa ti Cristoe, laj jtatic ti lec xij'ilee, lijc'ot ta yu'un, laj jtatic pojel colel.

2 Corintios 8:9

Yu'un ti vo'oxuque xana'ic lec, ta sventa ti oy yutsilal slequilal yo'nton ti Cajvaltic Jesucristoe, joybij ta me'un c'alal jc'ulej ono'oxe, yo' jech c'ulej ta xac'otic ta sventa sme'unal ti Cajvaltique.

Efesios 1:14

Ti Ch'ul Espíritu laj quich'tique, ja' svinajeb ti jbel sc'oplal ta xquich'tic ti jrextotic ti yaloj ono'ox ti Dios ta xaq'ue, ti ja' to ta xquich'tic c'alal mi laj xa staic spojel scolelic ta j'ech'el scotol ti buch'utic ja' yu'untaque, yo' jech ta xalbeic yutsilal slequilal smuc'ul stsatsal ti Diose.

Efesios 1:18

Ta jc'anbe ti Diose ti ac'o sjamboxuc ti snopbenal avu'unique yo' jech ta xana'ic c'u s'elan ti spatobil yo'ntonic ta x'ac'batic ti buch'utic ic'bilique, xchi'uc ti oy jun c'ulejal rextoil ti mu albajuc yutsil ta xac' ti Dios ta stojol ti ch'ul jteclumetic yu'une.

Efesios 1:6

Ti jech taj une, lequil-c'optabiluc cu'untic ti Diose, ti mu no'ox albajuc ti yutsilal slequilal yo'ntone, ti laj yac'botic ti xch'ul lequilal ti jech oyotic ta stojol ti xc'uxubinbil Nich'one.

Efesios 1:8

Yu'un ti Diose laj xa yac' quiltic ti mu no'ox albajuc yutsil ti syail xc'uxul yo'ntone.

Efesios 2:4

Ti jech jcuchoj jvocoltic laj yilotic ti Diose, mu jipbaj tenbaj laj ya'iotic, ta sventa ti oy syail xc'uxul yo'ntone, laj xc'uxubinotic,

Efesios 2:7

Ja' jech laj spas ti Diose yo' jech ta xac' iluc batel ti oy syail xc'uxul yo'nton ta jtojoltic ta sventa ti Cristoe.

Efesios 3:16

Ta sventa ti mu no'ox albajuc xch'ul c'ulejal ti Jtotic Diose, ta jc'anbe ti ac'o yac'boxuc yip avo'ntonic ta sventa ti Ch'ul Espíritu yu'une,

Efesios 3:8

Ta scotol ti buch'u c'otemic ta yu'untac ti Diose, ja' slajeb xa peq'uel ti jc'oplale. Ja'uc ti Diose laj yac'bun cabtel ta yalel ti lequil ach' c'op ta stojol ti jyanlumetique yo' jech ta xcalbe ya'iic sc'oplal ti Cristo ti mu no'ox albajuc yutsilal ti sc'ulejale.

Filipenses 4:19

Ja' yu'un un, ti Dios cu'une ta xac'boxuc scotol ti c'usi ta xtun avu'unique, co'ol xchi'uc ti lequil c'ulejal ti oy ta stojol ti Cristo Jesuse.

Colosenses 1:14

ti ja' ta sventa laj jtatic pojel colele, xchi'uc laj jtatic ti ch'aybil c'ot ti jmultic yu'une.

Colosenses 1:27

Ti stuquique ac'bat sna'ic yu'un Dios ti c'usi mucul to ox ti c'otem ta sventa yutsil sc'ulejal ti muc'tiquil lum jyanlumetique, ti ja' tey xa oy ta avo'ntonic ti Cristoe, ti ja' ta sventa amalojic ti c'usi toj jun yutsil ta to xataique.

Colosenses 2:13

Ta vo'ne ti vo'oxuque chamemoxuc ta sba ta sat ti Diose ta scoj ti amulique, yu'un mu'yuc avich'ojic ti circuncisione. Avi tana li' une, ti Diose laj xa yac'boxuc acuxlejalic jmoj xchi'uc ti Cristoe, yu'un laj xa ataic ti ch'aybil c'ot ti amulique.

Colosenses 2:2

Jpasoj tsatsal yo' oyuc yip ti yo'ntonique, ti co'oluc c'ux ta xa'i sbaique, ti jamaluc lec ti sba satique, yo' jech ta xojtiquinic lec smelol ti c'usi mucul to ox yu'un ti Diose, ti c'alal ja' sc'oplal ti Cristoe.

1 Timoteo 2:6

Yu'un ti Jesucristoe laj yac' sba ta milel yo' jech ta stojbe spojel scolel scotol ti jnaclejetic ta banomile, ti sta xa yorail laj yac' ta na'el ti Dios avi tana li'e.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

SUN TITO 3:6

Yu'un ta sventa ti Jcoltavanej Jesucristoe, mu bisbiluc laj yac'botic ti Xch'ul Espíritu ti Diose

Hebreos 9:22

Ta sventa ti mantale, ta xal ti jutuc mu scotoluc ta xich' poquel ta ch'ich'. Mi mu'yuc ta xich' malel ti ch'ich'e, mu'yuc ta xich' tael ti ch'aybil ta xc'ot ti mulile.

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

1 Juan 2:12

Ti jech ta jts'ibaboxuc talel li'e, Jnich'nabtac, yu'un ti Diose laj xa xch'ay stub amulic ta sventa ti Jesucristoe.

1 Juan 2:2

Ti jech laj yac' sba ta milel ti Jesucristoe, laj jtatic yu'un ti ch'aybil c'ot ti jmultique. Ma'uc no'ox ti vo'otique, ja' jech c'ot ta stojol scotol ti jnaclejetic ta sjoylej banomile.

1 Juan 4:10

Ti syail c'uxul o'ntonale, xi s'elane: yu'un ma'uc vo'otic ba'yel c'ux laj ca'itic ti Diose, yu'un ja' stuc ba'yel laj xc'uxubinotic ta sventa ti laj stac talel ti Xnich'one, yo' jech ta jtatic ti ch'aybil ta xc'ot ti jmultic ta sventae.

Apocalipsis 14:4

Taje, ja'ic ti buch'utic laj stuc'ulan sbaic ti mu'yuc laj soques sc'oplalic ta stojol ti yan antsetique, ti laj sts'acliic ti buyuc no'ox ta xbat ti jcot ta Uni Chije. C'otic ta ba'yel matanal ta stojol Dios xchi'uc ta stojol ti jcot ta Uni Chije, ta sventa ti ch'aqueic loq'uel ta stojol ti buch'utic oyic li' ta banomile, jech laj staic ti coltaele.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.