Efesios 1:6 - Bible in Tzotzil de Chamula

⁶ Ti jech taj une, lequil-c'optabiluc cu'untic ti Diose, ti mu no'ox albajuc ti yutsilal slequilal yo'ntone, ti laj yac'botic ti xch'ul lequilal ti jech oyotic ta stojol ti xc'uxubinbil Nich'one.

Bible in Tzotzil de Chenalhó with Deuterocanon

⁶ Yu'un jech ac'o calbetic slequilal, ac'o quich'tic ta muc' ta sventa ti ep slequil yo'ntone, ta sventa ti la xc'uxubinutique, ti lec xa chijyilutic ta sventa li Xnich'on ti lec sc'anoje.

Tzotzil de Huixtán

⁶ Yu'un ti hech laj yic'ucutique, yu'un hech tsc'an ti chich' pasel ti muc' stuc. Hech yu'un yutsil yo'nton laj xc'uxubinucutic, hech laj stsacucutic ti venta ti sventa ti Snich'one, ja' ti lum c'ux ti yo'ntone.

Efesios 1:6 Iomraidhean Croise

Salmos 22:20

Mu aq'uelojuc no'ox ta xicham ta milel ta espada, mu xavac' ave ta xismilic ti ts'i'etic le'e.

Salmos 60:5

Paco sutel un, pojuncutic ta sventa ti amuc'ul atsatsale. C'otuc ta pojel avu'un ti buch'u mu xastuch'ot ta yo'ntone.

Proverbios 16:4

Ti Diose oy smelol ti laj yac' ayanuc ti c'usitic oye, jech ec ti buch'u mu'yuc xch'ulel xa'i sbaique, smalauc xa no'ox xa'i ti tsitsele.

Isaías 42:1

“Li' oy ti cajtunel ti vu'un jventainoje, ti ja' jt'ujoje, ti xlaet no'ox co'nton xchi'uque. Yu'un laj cac'be yich' ti jcuxleje yo' jech ta sta slecubtasel sjol yo'ntonic yu'un ti muc'tiquil lumetique.

Isaías 43:21

Ti jteclum ti chapal cu'une, ta svinajesbeic slequilal yutsilal ti jc'oplale.

Isaías 61:11

Jech c'u cha'al ti oy c'usi ta xvoc' ta banomile, ti potol no'ox ti sq'uelom ta yavil ts'unbil nichime, ja' jech ta xvul ta loq'uel yu'un Dios ti tsalvaneje. Scotol ti muc'tiquil lum une, xlaetic no'ox liquel ta jun lametel q'uejimol.

Isaías 61:3

ta yac'bel sronail sjolic ti buch'u oyic ta vocol ta lum Sión ti q'uelel ta stojolic ta svijbe sbaic ti tanil c'oq'ue, ta yac'bel muil poxil sventa muyubajel ti q'uelel ta stojolic ti oq'uel avanele, ti ta xjoybij ta laetel q'uejimol yu'unic ti lajemic xa ta xa'iic ta banomile. “Jtsalvanej c'an tulan ma' le'e”, xi sc'oplal yu'unic. Ts'unbil yu'un Dios yo' jech ta svinajes ti yutsilal slequilale.

Jeremías 23:6

Ti c'u sjalil ta xventainvane, pojbil chabibil ma' ti jteclum Judae, jun yo'ntonic ta xcuxiic ti Israele. Yorail xa un ti xi ta sbiiltasique: ‘Jpojvanej c'ot cu'untic ti Dios une.’ ”

Jeremías 33:9

Ti Jerusalene, mu'yuc xa buch'u xtaun o ta xca'i yu'un ti ximuyubaje, cutsilal quich'el ta muc' yu'unic ta sba ta sat ti muc'tiquil lumetic ti oy ta banomile. C'alal ta xa'iic ti naca lequilal ta xc'ot ta pasel cu'un ta stojol ti jnaclejetic ta Jerusalene, ti mu'yuc c'usi sna'ique, ta xniquic ta xi'el.”

Levítico 15:15

Va'i un, ti palee ta xac'be yich' svocol jcotuc ta scoj ti mulile. Ja'uc ti jcote, ta xich' chiq'uel. Ta sliques yabtel ta spoquel stusel ta stojol Dios ta sventa ti vinic ti buch'u ta xich' svocol yu'un ti c'usi ta xjelave.

Zacarías 13:7

Ti Dios ti scotol xu' yu'une xi ta xale: “Va'lan, tec'lan un, espada, tsaco ta milel ti caj'il-chije. Tsaco ta milel xtoc ti caj'coltaobbae, milo ti j'il-chije, jech ti jvoc' chijetique, tan puc ta xbatic, yu'un ti vu'un eque ta jcontrain ti uni ch'iom chijetique.

San Mateo 17:5

C'alal yacal ta xc'opoj ti Pedroe, tal voliaticuc ta saquil toc. Ti bu taje, laj ya'iic ti oy Buch'u xi ta xc'opoj talele: —Cuni c'uxubinbil Nich'on ma' li'e, ximuyubaj xa yu'un. A'yibeic ti sc'ope.,

San Mateo 20:9

Tal ti viniquetic ti buch'utic nopol xa vo'ob ora mal c'ac'al ochic ta abtele ti jujun tal laj yich' stojolic ti ts'acal lec jun c'ac'ale.

San Mateo 3:17

Ja' o vinaj talel ti oy Buch'u c'opoj ta vinajel ti xi laj yale: —Le'e, ja' Jnich'on ti c'ux ta xca'ie, ximuyubaj yu'un.

San Lucas 2:14

“Mu albajuc yutsilal slequilal ti Dios oy ta vinajele. Yu'un ti jnaclejetic ti oyic ta banomile, laj xa staic ti lec x'ileic yu'une, ja' ti buch'utic jun yo'nton oyic ta stojole.”

San Juan 10:17

“C'uxun ta yo'nton ti Jtote, yu'un ta xcac' jol jbaquil yo' ta jcha'ich' ti jcuxleje.

San Juan 3:35

Ti Totile c'ux ta xa'i ti Xnich'one. Laj xa yac'be yip stsatsal ta sbainel scotol ti c'usitic oye.

Romanos 8:1

Avi tana une, mu'yuc xa chba stoj smulic ti buch'utic oyic xa ta stojol ti Jesucristoe.

2 Corintios 4:15

Ti jech taje, ja' sventa alequilalic yo' avepalic no'ox ta xatabeic slequilal yutsilal ti Diose, xchi'uc yepal no'ox oy buch'utic ta xalbeic vocol ti Diose, ti ja' sventa yutsilal slequilal stuc ti Diose.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

Efesios 1:12

Ti jech laj spas ti Dios ta jtojoltique, yo' jech lequil-c'optabil ti smuc'ul stsatsal cu'uncutique, yu'un ba'yel laj jpat co'ntoncutic ta smalael Cristo ti vu'uncutic israeluncutique.

Efesios 1:14

Ti Ch'ul Espíritu laj quich'tique, ja' svinajeb ti jbel sc'oplal ta xquich'tic ti jrextotic ti yaloj ono'ox ti Dios ta xaq'ue, ti ja' to ta xquich'tic c'alal mi laj xa staic spojel scolelic ta j'ech'el scotol ti buch'utic ja' yu'untaque, yo' jech ta xalbeic yutsilal slequilal smuc'ul stsatsal ti Diose.

Efesios 1:18

Ta jc'anbe ti Diose ti ac'o sjamboxuc ti snopbenal avu'unique yo' jech ta xana'ic c'u s'elan ti spatobil yo'ntonic ta x'ac'batic ti buch'utic ic'bilique, xchi'uc ti oy jun c'ulejal rextoil ti mu albajuc yutsil ta xac' ti Dios ta stojol ti ch'ul jteclumetic yu'une.

Efesios 2:7

Ja' jech laj spas ti Diose yo' jech ta xac' iluc batel ti oy syail xc'uxul yo'nton ta jtojoltic ta sventa ti Cristoe.

Filipenses 1:11

Ti jech ta x'abtej ti Jesucristo ta atojolique, yo' ta x'ayan ti oyuc yutsil slequil ti c'usi ta xapasique, sventa yich'el ta muc', yo' lec sc'oplal avu'unic ti Diose.

Filipenses 3:9

yo' jech jun co'nton jchi'uc. Ti jech oyun ta stojole, mi ja'uc ta sventa jlequilal cutsilal jtuc, mi ja'uc ta sventa mantal ti mu'yuc xa jcuchoj ti jmule. Yu'un laj jta ti jlequilal ta sventa ti c'ot ta co'nton ta xch'unel ti Cristoe. Ch'abal xa jcuchoj jmul ta stojol Dios ta sventa ti c'ot ta co'nton ta xch'unel ti Cristoe.

Filipenses 4:19

Ja' yu'un un, ti Dios cu'une ta xac'boxuc scotol ti c'usi ta xtun avu'unique, co'ol xchi'uc ti lequil c'ulejal ti oy ta stojol ti Cristo Jesuse.

Colosenses 1:13

Yu'un ti Diose laj spojotic loq'uel ta yoc ta sc'ob ti ic'al osil ti q'uelel ta jtojoltique. Laj xa yic'otic ochel ti bu ta xventainvan ti xc'uxubinbil Nich'one,

1 Pedro 2:5

Ti jech taj une, ti vo'oxuque, co'ol a'elanic ton ti cuxule, ti ta xavac' abaic ta tunel yu'un ti Diose, yo' jech ta xac'otic ta xch'ul ch'ulna ti t'ujbiloxuc yu'une, yo' jech ta xacomic ta paleal yu'un ti Diose, ti ta sventa ti Jesucristoe, ta xavaq'uic ch'ul matanal ti lec ta xil ti Diose.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

1 Pedro 4:11

Mi oy buch'u ta xc'opoje, jechuc c'opojuc jech c'u cha'al ta xal ti sc'op Diose. Mi oy buch'u ta xac' sba ta tunele, ac'o spas ta sjunul yip ti bu c'alal ac'bil yu'un ti Diose. Pasic scotol ti c'usi sc'an pasele yo' jech ich'bil ta muc' ta xc'ot ti Dios ta sventa ti Jesucristoe, ti oy ta sventa ti lequilal utsilale, xchi'uc ti smuc'ul stsatsale. Yu'un sbatel osil ta spas mantal. Jechuc.