Efesios 1:5 - Bible in Tzotzil de Chamula

⁵ Ta sventa syail xc'uxul yo'nton ti Diose, vo'ne xa ono'ox quich'ojtic talel ti oy sc'oplal ta xijc'ot ta xnich'nab ta sventa ti Jesucristoe jech c'u cha'al snopoj ono'ox ta yo'nton ti stuque.

Tzotzil Zinacantan

^5-6 Yuꞌun snopoj onox ti chixchꞌamalinotique, yuꞌun scꞌanojotic onox ti Rioxe. Scꞌan noꞌox yoꞌon stuc ti lixchꞌamalinotique yoꞌ xcaltic o aꞌyuc ti toj lec yoꞌone, ti ta slequil noꞌox yoꞌon lixcꞌuxubinotic ti iquichꞌtic ta mucꞌ ti Xchꞌamale ti scꞌanoj tajmeque.

Bible in Tzotzil de Chenalhó with Deuterocanon

⁵ Nopbil ono'ox yu'un ti chijc'ot ta mero xnich'on ta sventa li Jesucristoe, yu'un jech la sc'an ta slequil yo'nton stuc.

Tzotzil San Andres

^5-6 Yuꞌun snopoj onoꞌox ti chijꞌochutic ta snichꞌnab ta sventa li Jesucristoe yuꞌun cꞌuxutic ta yoꞌon li Diose. Jaꞌ yuꞌun ta slequil yoꞌon stuc ti snichꞌnabutic xae, yoꞌ jech acꞌo caltic ba li slequilal Dios ta sventa ti ta slequil noꞌox yoꞌon liscꞌuxubinutique, ti lec lijyilutic ta sventa li Snichꞌon ti toj cꞌux ta yoꞌone.

Tzotzil de Huixtán

⁵ Yu'un c'uxucutic ti yo'nton, hech yu'un vo'one hech xchapanoj ti yol snich'onucutic chijc'otucutic ti sventa ti Jesucristoe. Yu'un yutsil yo'nton ti hech laj yic'ucutique.

Efesios 1:5 Iomraidhean Croise

Jeremías 3:19

“Israel, loc' ayan ta co'nton ti laj jbisot ta jnich'one, ti ta xcac'bot ti banomil ti stuc no'ox jun yutsil ta scotole, ti juteb ta o'ntonal yu'unique. Laj jnop ti ta xabisun ta atote, ti j'ech'el mu ta xach'ac aba ta jtojole.

Jeremías 3:4

“Yu'un le'tic to no'ox xachi ta jtojole: ‘Ta cach'il to oxe, lec xavilun, Tot,

Daniel 4:35

Yu'un ta sba ta sat ti stuque, mu'yuc c'usi xu' yu'unic ta xil scotol ti jnaclejetic ta banomile. Yu'un ja' ta xc'ot ta pasel yu'un ti c'usi snopoj stuque. Ja' ta spas mantal ta vinajel xchi'uc li' ta banomile. Mi junuc ti oy buch'u xu' yu'un ta spajesel ti c'usi oy ta yoc ta sc'ob ta spasele. Mi ja'uc oy buch'u xu' ta sjac'be ti c'u yu'un jech ta snop ta spasel ti c'ot ta nopel yu'un jech c'u cha'al le'e.

Oseas 1:10

Oy bu jun c'ac'al, ta xc'ot ta pasel ti co'ol s'elanic yi'al nab yepalic ti israeletique, ti mu xlaj ta bisele, ti mu xlaj ta atele. Ac'o mi albatic: “Ti vo'oxuque ma'uc jteclumaloxuc”, ti xie, yu'un la me ta xal un: “Ti vo'oxuque, yalab xnich'naboxuc ti c'uxul Diose”, xi ti sc'oplalic yu'un ti Diose.

San Mateo 1:25

Ja' to lic sbis sbaic ta yajnil smalal sbaic c'alal voc' ti yole. Ti Josee laj yac'be sbiin Jesús.

San Mateo 11:26

Jechuc, Tot, yu'un jech c'ot ta nopel avu'un.

San Lucas 10:21

Ta jech yepal un, xi laj yal ti Jesús ti xmuyubaj ta j'ech'el ta sventa ti Ch'ul Espíritu oy ta stojole: —Jun avutsil, Tot, yajvalot vinajel banomil, ti laj avac'be sna' scolel ti buch'u mu'yuc sbijilique, ti mu'yuc laj avac'be sna' scolel ti buch'u oy sbijilique, ti jamal sba satic ti yalojique. Jech un, yu'un jech laj ac'an atuc, Tot.

San Lucas 11:32

Ta sva'an sbaic ta chapanvanej ec ti buch'utic nacajtic to ox ta Nínive c'alal ta xich'ic chapanel ti jnaclejetic avi li'e. Yu'un ti stuquique, sutic talel ta stojol Dios c'alal laj ya'iic sc'op ti Jonase. Ti Buch'u li' oy ta atojolique, ja' x'ech' to sc'oplal, ja' mu sta sc'oplal ti Jonase.

San Lucas 12:32

“Uni juteboxuc cuni chijtac, mu xaxi'ic. Ta sventa yutsil slequil yo'nton ti Atotique, c'ot xa ta nopel ti ta xataic ti ventainel yu'une.

San Juan 1:12

Ja'uc ti buch'u ich'vanic ta muq'ue, ti c'ot ta yo'ntonic ta xch'unele, ac'bat stsatsalic ti c'otic ta xnich'nab Dios yu'une.

San Juan 11:52

Yu'un ma'uc no'ox ta xcham ta sventa ti israeletique, yu'un ja' ta xc'ot ta sventa stsobel scotol xnich'nab ti Dios ti buyuc no'ox tanijemic batele.

San Juan 20:17

Xi laj yal ti Jesuse: —Mu xamacun ta be María, yu'un mu'yuc to muyemun batel bu oy ti Jtote. Batan, ba albo ya'i ti buch'u jun co'ntoncuntic xchi'uque ti ta ximuy batel ta stojol ti Jtote, ti ja' Atotique, ti Dios cu'une, ti ja' Dios avu'unique.

Hechos 13:48

C'alal jech laj ya'iic ti jyanlumetique, xmuyubajic xa laj yalic ti jun yutsil ti sc'op Diose. C'ot ta yo'nton ta xch'unel scotolic ti buch'utic oy sc'oplal ta stael ti xcuxlejalic sbatel osile.

Romanos 8:23

Ma'uc no'ox oyic ta vocol taje, ja' jech oyotic ec manchuc mi quich'ojtic ti Ch'ul Espíritue, ti ja' sliquebal svinajeb ti oy c'usi ta xijyac'botic ti Diose. Yo' ta xijc'ot ta bats'i xnich'nab ti Diose, yo' jech ta xjeltaj ti jbec'taltique, tsots vocol ta malael ta j'ech'el.

1 Corintios 1:1

Vu'un Pablo, ti jech laj sc'an ti Diose, laj yic'un yo' ta xicom ta yajtacbolal ti Jesucristoe. Jmoj xchi'uc ti jchi'il Sóstenese

1 Corintios 1:21

Ta sventa ti Diose, c'ot ta nopel yu'un ti mu cha'bel xtae ta ojtiquinel ta sventa sbijil no'ox stuquic ti jnaclejetic ta banomile. Ta sventa sc'op stuc, laj stic' sba ta scoltael ti buch'utic ta spat yo'ntonic ta stojole ac'o mi lo'il c'op no'ox ta xa'iic ti yane.

2 Corintios 6:18

Ta xic'ot ta Totil avu'unic. Ta xac'otic ta calab jnich'nab ec, xi ti Cajvaltic Dios ti scotol xu' yu'une.”

Gálatas 3:26

Ta sventa ti c'otem ta o'ntonal ta xch'unel ti Jesucristoe, yalab xnich'naboxuc ti Dios ta sventa ti jech oyoxuc xa ta stojol ti Jesucristoe.

Efesios 1:11

Ti jech lijc'ot ta jun xchi'uc ti Cristoe, yu'un vo'ne xa ono'ox t'ujbilotic yu'un ti Diose yo' ta xquich'tic ti rextoil ti albil sc'oplal ta xaq'ue, ti co'ol xchi'uc jech c'u cha'al oy ono'ox ta yo'nton ti Dios ta spas ti c'u s'elan lec ta xil ti stuque.

Efesios 1:9

Ta sventa ti mu no'ox albajuc sbijil ti Diose, stuc laj yac' jbijiltic ta sna'el ti c'usi mucul to ox yu'une. Ja' stuc laj sva'an sba ta spasel ti c'usi snopoj ono'ox ta spase.

Filipenses 2:13

Yu'un ti Diose, ja' ta xac'boxuc yutsilal slequil avo'ntonic yo' jech ta xapasic ti c'usi ta sc'ane, yu'un ja' ta scoltaoxuc ta spasel ti c'usi lec ta xa'ie.

Colosenses 1:19

Scotol stalel yutsil ti Diose, loc' ayan ta yo'nton stuc ti yich'ojuc c'ot ti Cristoe,

2 Tesalonicenses 1:11

Ja' yu'un un, mu xquicta jbacutic ta c'opojel ti'inel ta aventaic. Ta jc'anbecutic ti Diose ti lecuc xayiloxuc ti jech laj staoxuc ta iq'uele, ti ta sventauc smuc'ul stsatsale, ac'o c'otuc ta pasel yu'un ta atojolic ti c'usi lec anopojique, ti yacaloxuc ta spasel avabtelic ti jech c'ot ta avo'ntonic ta xch'unel ti Cajvaltique.

Hebreos 2:4

Ja' jech xtoc ti Diose laj svinajes ti ja' sc'oplal stuc ta sventa ti oy c'usitic jchop o ta q'uelele, ti labal ta q'uelele, ti c'usitic ti ch'ayal ta xc'ot o'ntonal yu'un ta sventa ti Ch'ul Espíritu ti yalel toyol laj yac'botic jbijiltic jech c'u cha'al oy ta yo'nton ti Diose.

1 Juan 3:1

A'yio ava'iic, mu no'ox albajuc yepal syail xc'uxul yo'nton ti Jtotic Diose, ti laj sbisotic ta xnich'one, jech o xal xnich'nabotic ta melel. Jech o xal un, ti buch'utic sventainojic ti sba banomile, mu xa'ibeic smelol ti jech xnich'nabotic ti Diose, yu'un mu xojtiquinic ti Diose.

Apocalipsis 21:7

Ti buch'u mu xlaj ta lo'laele, ti ta stsal yu'un scotole, vu'un ta jva'an jba ta Dios yu'un. Ta xc'ot ta jnich'on ti stuc eque. Ta xcac'be xrextoin scotol taje.