Efesios 1:4 - Bible in Tzotzil de Chamula

⁴ C'alal mu'yuc to ox meltsajem ti banomile, t'ujbilotic xa ono'ox yu'un ti Dios ta sventa ti Cristoe yo' jech mu'yuc jmultic ta xijc'ot ta stojol.

Tzotzil Zinacantan

⁴ Yuꞌun stꞌujojotic onox cꞌalal chꞌabal toꞌox li balamile ti chquichꞌtic ta mucꞌ ti Cristoe yoꞌ chꞌabal o jmultic chiyilotique.

Bible in Tzotzil de Chenalhó with Deuterocanon

⁴ Xchi'uc la st'ujutic ta sventa Cristo ti c'alal mu'yuc to'ox banamile, yu'un jech mu'yuc jmultic, mu'yuc quic'ubaltic chijyilutic, yu'un c'anbilutic ono'ox yu'un.

Tzotzil San Andres

⁴ Jaꞌ ti listꞌujutic li cꞌalal muꞌyuc toꞌox li vinajel balumile yoꞌ jech ta sventa Cristo muꞌyuc jmultic chijyilutic.

Tzotzil de Huixtán

⁴ Ti c'alal mu to chlic spas ti balumile ti Diose, ja' hech yorail lic st'ujucutic yu'un hech ti sventa ti Cristoe toj co'ntontic mu'yuc jmultic chijc'otucutic ti stojol ti Diose.

Efesios 1:4 Iomraidhean Croise

2 Samuel 22:24

Tuc' jol co'nton ta stojol; laj quicta jba ta spasel ti c'usi chopole.

Salmos 135:4

Laj st'uj ti Jacob ti ja' Israele, ti tsots stunel c'ot yu'un ta stojole.

Isaías 42:1

“Li' oy ti cajtunel ti vu'un jventainoje, ti ja' jt'ujoje, ti xlaet no'ox co'nton xchi'uque. Yu'un laj cac'be yich' ti jcuxleje yo' jech ta sta slecubtasel sjol yo'ntonic yu'un ti muc'tiquil lumetique.

Levítico 19:2

“Xi xcholet xavalbe ya'iic scotol ti c'u yepal oy ti israeletic jech c'u cha'al li'e: Oyuc alequilalic avutsilalic, yu'un ti vu'un Ajvalil Diosun avu'unique, jelavem jlequilal cutsilal ta j'ech'el.

Levítico 20:7

“Ta j'ech'eluc, ac'o abaic ta tunel ta jtojol. Oyuc ach'ulelic ta j'ech'el. Yu'un vu'un ti Ajvalil Diosun avu'unique.

San Mateo 24:22

Ti manchucuc ta sbic'tajes vocol ti Diose, mu'yuc buch'u junucal ta xcolic. Oy bu ta sbic'tajes ti vocole ta sventa xc'uxul yo'nton yu'un ti buch'utic ti t'ujbilique.

San Mateo 24:24

Yepal no'ox ta xvul loq'uel jlo'lavanejetic li' ta banomile, ta sbis sbaic ta Cristo, ta sbis sbaic ta j'alc'opetic. Yepal no'ox ta xaq'uic iluc senyailetic, xchi'uc oy c'usi ch'ayal ta xc'ot o'ntonal yu'un, yo' ta slo'laic ya'i ti buch'utic t'ujbilic yu'un ti Diose.

San Mateo 24:31

Ja' ta jpas ta mantal ti caj'ánjeltac ti tsotsuc yoq'uisanic ti yoq'uesique yo' ta stsobic talel ti c'u yepal t'ujbil cu'un ti buyuc no'ox oyic ta xchanjotal ti banomile.

San Mateo 25:34

Ti Ajvalilune xi ta xcalbe ya'i ti oyic ta jbats'i c'obe: ‘La'ic ta jtojol ti vo'oxuc la'ich'atic ta c'ux yu'un ti Jtote. Ochanic ti bu ta xventainvan ti Jtote, yu'un jech ono'ox chapanbil ac'oplalic c'alal mu'yuc to ox bu meltsajem ti banomile.

San Juan 10:16

Oy to yan jchijtac ti mu'yuc to ochem talel ta corral li'e, ti tsots sc'oplal ta xba jtsob talele. Jech ec un, ta sts'etan xchiquinic ta ya'yiel ti jc'ope, ta xch'unic, ta stsob sbaic ta jmoj, jun no'ox ti j'il-chij yu'unique.

San Juan 15:16

Ma'uc vo'oxuc laj at'ujicun, yu'un vu'un laj jt'ujoxuc yo' ta xcac' abainic ta spasel ti c'usi leque, ti staojuc oy yav ta atojolic ta spasel ti c'usi leque, ti mu xlaj sc'oplale. Jech ti Jtote ta xayac'boxuc ti c'usi ta xac'anic ta jventae.

San Juan 17:24

“Tot, yu'un vo'ot laj avac'bun, ta jc'an ti tey oyicuc ti bu oyun eque, yo' jech ta xilic ti jlequilal laj avac'bune, yu'un ac'uxubinojun ono'ox c'alal mu'yuc to meltsaj ti banomile.

Hechos 13:48

C'alal jech laj ya'iic ti jyanlumetique, xmuyubajic xa laj yalic ti jun yutsil ti sc'op Diose. C'ot ta yo'nton ta xch'unel scotolic ti buch'utic oy sc'oplal ta stael ti xcuxlejalic sbatel osile.

Hechos 15:18

Vo'ne xa laj yac' iluc talel Dios ti vi s'elan ta xc'ot ta pasel tana le'e, c'ot ta pasel yu'un ti sc'op une.’

Hechos 18:10

Li' jva'anoj jba ta atojole. Mu'yuc buch'u xu' ta xayilbajinot yu'un yepal no'ox oy ti jteclumal li' ta jteclume.

Romanos 8:33

¿Mi oy la buch'u xu' ta sa'bat smul ti buch'u t'ujbil yu'un ti Diose ti c'alal laj yal ta jamal ti Dios ti ch'abal xa ti smule?

1 Corintios 1:8

Ti Diose ta xac'boxuc yip avo'ntonic ti c'u sjalil li' oyoxuque yo' mu'yuc c'usi quechel macaloxuc ta xvul staoxuc ti Cajvaltic Jesucristo ti c'alal ta xcha'sut talele.

Gálatas 5:13

Yu'un ti vo'oxuque, Jchi'iltac, tabiloxuc ta iq'uel yo' jech colem ta xac'otic, ma'uc ti ta xayanijes abaic ta spasel c'usi xal avo'ntonic ti jech colemoxuque. Ja' lec, ta syail xc'uxuluc avo'ntonic, ac'o abaic ta tunel ta jujun tal.

Gálatas 5:22

Ja'uc yabtel ti Ch'ul Espíritue, ta xac' syail xc'uxul o'ntonal, muyubajel, smuc'ul o'ntonal, slamajemal o'ntonal, slequil yutsil o'ntonal, jun jol o'ntonal,

Gálatas 5:6

Yu'un ta stojol ti Cristo Jesuse, ma'uc tsots sc'oplal mi ich'bil circuncisión, mi mu'yuc. Ti tsots sc'oplale, c'otuc ta o'ntonal ta xch'unel ti Cajvaltique, ti vinajuc oyuc ti syail xc'uxul o'ntonal ta sventa ti yacal ta x'abtej ti oy c'usi c'otem ta o'ntonal ta xch'unele.

Efesios 2:10

Yu'un yabtelotic Dios ti jech oyotic ta stojol ti Jesucristoe yo' ta jpastic ti c'usi leque, ti jech ono'ox snopoj ti Dios ta vo'nee.

Efesios 3:17

yo' jech ti Cristoe ta xnaqui ta avo'ntonic, ti jech c'otem ta ch'unel avu'unique. Ta jc'anbe ti Diose ti ja'uc yipal avu'unic ti oyuc ti syail xc'uxul avo'ntonique, yo' jech mu'yuc c'usi xana'ic ti jech li' cuxuloxuque,

Efesios 4:2

Nijetan chimetanic no'ox. Oyuc slequilal avo'ntonic. Oyuc smuc'ul syail xc'uxul avo'ntonic ta sts'icbel abaic ta jujun tal.

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

Efesios 5:27

Jech laj spas ti Cristoe yo' jech mu'yuc c'usi quechel macal yu'unic, mi jutebuc xchopolalic, mi jutebuc oy c'usi soquem yu'unic, jun yutsil, jun slequil scotol ti jch'unolajeletic ta xc'ot sva'an sba yu'un ta stojol ti Diose.

Filipenses 2:15

yo' jech mu xatabat amulic achopolalic, yo' jech bats'i xnich'nabucoxuc Dios ta stojol ti jnaclejetic ta banomil ti mu'yuc xch'ulel xa'i sbaique. Co'oluc a'elanic ta stojol jech c'u cha'al junuc c'anal ti xojobin ta ic'al osile,

Colosenses 1:22

Avi tana une, ch'abal xa amulic ta xayiloxuc ti Diose ta sventa ti laj yich' svocol ta sbec'tal stacopal c'alal cham ta curus ti Cristoe. Jech laj spas ti Diose yo' mu'yuc amulic, yo' oy alequil avutsilic ta xc'ot ava'an abaic ta stojol.

Colosenses 2:2

Jpasoj tsatsal yo' oyuc yip ti yo'ntonique, ti co'oluc c'ux ta xa'i sbaique, ti jamaluc lec ti sba satique, yo' jech ta xojtiquinic lec smelol ti c'usi mucul to ox yu'un ti Diose, ti c'alal ja' sc'oplal ti Cristoe.

Colosenses 3:12

Yu'un ti Diose ta xasc'uxubinoxuc, laj st'ujoxuc yo' jech ta xac'otic ta yu'untac. Oyuc ta atojolic ti yutsil slequil avo'ntonique, ti biq'uit ta xavac' abaique, ti lecuc ti ac'opojelique, ti oy smuc'ul avo'ntonique.

1 Tesalonicenses 3:12

Ja'uc stuc ti Cajvaltique ac'o yepajes ta avo'ntonic ti c'uxuc xava'i abaique, xchi'uc ti c'uxuc xava'iic ti yan jnaclejetic jech c'u cha'al ti c'uxoxuc ta co'ntoncutique.

1 Tesalonicenses 4:7

Yu'un ti Diose laj yic'otic ta spasel ti c'usi leque. Ma'uc laj yic'otic ta spasel ti c'usi chopole.

2 Timoteo 1:9

Ti ta vo'ne ti c'alal mu'yuc to ox meltsajem ti banomile, oy ono'ox jc'oplaltic yu'un Dios ta scoltaelotic, ta yiq'uelotic ta stojol yo' jech ta xijtun yu'un c'alal mi ja'uc jutebuc oy c'usi lec laj jpastique. Yu'un jech ono'ox snopoj stuc ta slequil yutsil yo'nton ti laj xc'uxubinotic ti jech oyotic ta stojol ti Cristo Jesuse.

2 Timoteo 2:10

Jech o xal un, ta jts'ic ta jcuch jvocol yo' jech lec oyic ti buch'utic t'ujbilic yu'un ti Diose, yo' jech ti stuquique ta staic scolelic sventa sbatel osil ti jun yutsil ta j'ech'ele, ta sventa ti oyotic ta stojol ti Cristo Jesuse.

2 Timoteo 2:19

Ac'o mi jech ta xc'ot ta pasel un, ti Diose jbel sc'oplal xi laj sbejan ta alele: “Ti Cajvaltique ta xojtiquin ti buch'utic ja' yu'untaque. Scotol ti buch'utic xvocoletic ta stojol ti Cristoe, tsots sc'oplal ta sjip ta stenic comel ti mulile.”

Santiago 2:5

A'yio ava'iic li'e ti xi ta xcalboxuque, Jchi'iltac: T'ujbilic yu'un Dios ti buch'utic me'unic li' ta banomile yo' jc'ulej ta xc'otic ta sventa yo' ta xc'ot ta yo'ntonic ta xch'unel ti Cajvaltique, yo' ta staic ti ventainel ti jech ono'ox albil sc'oplalic ti buch'utic c'ux ta xa'iic ti Diose.

1 Pedro 1:2

Ti vo'oxuque t'ujbiloxuc yu'un ti Jtotic Dios jech c'u cha'al snopoj ono'ox ta vo'nee. Yu'un ta sventa ti Ch'ul Espíritue, ventainbil lac'otic yu'un yo' jech ta xapasic c'usi ta sc'an ti Diose, xchi'uc ti pocbil tusbiloxuc lac'otic ta sventa xch'ich'el ti Jesucristoe. Yepaluc ac'o sva'an sba ta atojolic, ac'o yac'boxuc slamajemal avo'ntonic.

1 Pedro 1:20

Ti jech taje, c'alal mu'yuc to ox meltsajem ti banomile, jech ono'ox ac'bil talel ti Cristoe, ti ja' to laj yac' sba ta ilel c'alal slajebtic xa batel ti c'ac'ale, ti ja' sventa alequilalique.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

2 Pedro 3:14

Ti jech yacaloxuc ta smalael taje, jech o xal, Jchi'iltac, ti c'uxoxuc ta co'ntone, lecuc scotol ti c'usitic ta xapasique yo' lamajem avo'ntonic ta xvul staoxuc ti Diose, yo' mu'yuc c'usi quechel mac avu'unic, mi ja'uc acuchoj amulic.

1 Juan 4:16

Ti jech taj une, jech ta jna'tic, ta jch'untic ti c'ux ta xijya'iotic ti Diose, yu'un ti Diose c'ux ta x'a'yivan. Ti buch'u oy ta stojol ti syail xc'uxul o'ntonale, oy ta stojol ti Diose, xchi'uc oy ti Dios ta stojol eque.

Apocalipsis 13:8

Ti jti'oval chon loc' ta nab taje, ta x'ich'atic ta muc' yu'un ti jnaclejetic ta banomile, ja' ti buch'utic mu'yuc tsacal sbiic ta jpoc vun sventa cuxlejal c'alal mu'yuc to ox meltsajem ti banomile, xchi'uc ta jpoc vun ti oy ta yoc ta sc'ob ti jcot ta Uni Chij ti laj yich' svocol ta milele.

Apocalipsis 17:8

Ti jti'oval chon laj avil ti cuxul to oxe, ja'uc le'e laj xa sc'oplal avi tana le'e. Ac'o mi laj xa sc'oplal, ta xloc' talel ta xa'ab ti c'alal mu'yuc to ta stsuts o ta j'ech'ele. Ti jnaclejetic ta banomil ti buch'u mu'yuc ono'ox tsacal sbiic ta jpoc vun sventa cuxlejal c'alal lic meltsajuc talel ti banomile, ch'ayal ta xc'ot yo'ntonic, c'alal ta xilic ti tsajal xi'bal sba jti'oval chon ti ta xac' sba iluc xtoque, c'alal albil sc'oplal chamem xae.