Efesios 1:3 - Bible in Tzotzil de Chamula

³ Lequil-c'optabiluc cu'untic ti Jtotic Diose, Stot ti Cajvaltic Jesucristoe, yu'un laj xa yac'botic ep ta tos ch'ul lequilal ti oy ta vinajel ta sventa ti Cristoe.

Tzotzil Zinacantan

³ Coliyalbotic ti Rioxe, jaꞌ ti Yajval ti Cajvaltic Jesucristoe, jaꞌ ti Stote, ti iquilbetic xa cꞌu slequil li yoꞌone. Jaꞌ iquiltic o ti iquichꞌtic ta mucꞌ ti Cristoe.

Bible in Tzotzil de Chenalhó with Deuterocanon

³ Ac'o ich'atuc ta muc' li Diose ja' li Stot Cajvaltic Jesucristoe, ja' li boch'o laj yac'butic scotol li bendición te oy ta vinajel ta sventa ti jun lijc'ot jchi'uctic li Cristoe.

Tzotzil San Andres

³ Acꞌo quichꞌtic ta mucꞌ li Dios yuꞌun li Cajvaltic Jesucristoe, jaꞌ li Stote, yuꞌun yacꞌojbutic xa scotol ti lequilal utsilal li te ta vinajele. Jaꞌ ta sventa Cristo ti laj yacꞌbutique.

Tzotzil de Huixtán

³ Ac'o pasatuc ti muc' ti Diose, ja' ti Dios yu'un ti Cajvaltic Jesucristoe, ja' ti Stot uque, yu'un laj xa yac'bucutic ti sventa ti Cristoe scotol ti bendicione ti oy ti vinajele.

Efesios 1:3 Iomraidhean Croise

Génesis 14:20

Lequil c'optabiluc c'otuc ti Dios ti oy ta toyol ti laj yac' atsal ti avajcontrae.” Va'i ec un, ti Abrame laj yac'be ti Melquisedeque jun ta jujun lajlajuneb ti c'usitic laj sta talele.

Génesis 22:18

Yu'un scotol ti muc'tiquil lumetic oy ta banomile, ta staic xc'uxubinelic ta sventa ti stuquique. Yu'un ti vo'ote laj ach'un ti c'usi laj calbote.”

1 Crónicas 29:20

Xi xcholet lic yal ti David ta stojol scotol ti c'u yepal tsobolique: “Avi tana li' une, lequil c'optaic ti Ajvalil Dios avu'unique.” Va'i un, ti c'u yepal tsobolique, jun no'ox sc'opic laj slequil-c'optaic ti Ajvalil Dios yu'un ti stot sme'ic ta vo'nee, ti xquejeletic snupilanic xa banomil ta stojol ti Diose, xchi'uc ta stojol ti ajvalile.

1 Crónicas 4:10

Ti Jabese lic c'opoj ti'inuc ta stojol Dios yu'un Israel ti xi laj yalbee: “Avocoluc, c'uxubajan cu'un yu'un ti avutsilal alequilale, ti jtauc jamaluc ti cosilale, ti pojun coltaun yu'un ti jti' o'ntone, yo' jech mu jta ti jvocole.” Ac'bat yu'un Dios ti c'usi laj sc'ane.

2 Crónicas 31:8

Ti Ezequías une, xchi'uc ti j'opisialetic ti c'alal bat sq'uelic c'u xa yepal oy ti c'usitic busanbile, laj yalbeic vocol ti Diose, xchi'uc ti jteclum Israele.

Nehemías 9:5

Ta jech yepal un, xi laj yalic ti levitaetique, ti Josuee, ti Cadmiele, ti Binuye, ti Hasabniase, ti Serebiase, ti Hodiase, ti Sebaniase, xchi'uc ti Petaiase: “Licanic, va'lanic xa, sbateluc osil lequil c'optabiluc ta j'ech'el ti Ajvalil Dios avu'unique. ¡Lequil c'optabiluc ta sventa ti c'uxubinel yu'une, ti toybiluc xi'biluc ti stuc no'ox jelavem ti yutsilale, ti smuc'ul stsatsale!”

Salmos 134:3

Ti Diose, ja' yabtel ti vinajel banomile, ta vits Sión to, ta xlic talel ti ac'uxubinel yu'une.

Salmos 72:17

J'ech'eluc oyuc ta eil ti'il sc'oplal ti ajvalile; jechuc s'elan c'ac'al jalijuc ta xvinaj ti cuchem yu'une. Ja'uc ta sventa staicuc ti mu'yucuc c'usi sna'ic scotol ti muc'tiquil lumetic ta banomile. Stuc xa no'ox jech ta j'ech'el xiicuc yu'un ti muc'tiquil lumetique.

Salmos 72:19

Ti sbateluc osil lequil c'optabiluc ta sventa ti yutsilale; nojuc ta scotol banomil ti xojobin no'ox ti yutsilale. Jech c'otuc ta pasel un.

Isaías 61:9

Ti snitilultaque, stuc no'ox ti cajal sc'oplalic ta xc'ot ta stojol ti yan muc'tiquil lume. Scotolic ti buch'utic ta xile, ta xlic ya'i ta yo'ntonic ti ja' jun lum sva'anoj sba ti Dios ta stojolique.

Daniel 4:34

“C'alal c'ot ta tsutsel ti c'u sjalil chapanbil ta xc'ot ta pasele, ti vu'un Nabucodonosorune lic jtoy jsat. Laj jq'uel muyel ti vinajele. Laj ca'i ti tuq'uib ti snopbenal cu'une. Va'i un, lic lequil c'opojcun ta stojol ti Dios ti oy ta toyole, ti xi s'elan yutsil ti que jti' lic'opoj ta stojol ti Buch'u stalel cuxul ta sbatel osile: “Mu sna' xlaj sbatel osil ti smuc'ul stsatsale. Yu'un ja' no'ox stuc Ajvalil ta spas mantal ta stojol ti jaylajun-coj ti ta xlaj ech'uc ti totil me'iletique.

San Lucas 2:28

ti Simeone pet xut ti olole, ti xlequil-c'opoj xa ta stojol Dios ti xi laj yale:

San Juan 14:20

Ti jech c'ac'al taje, ta xlic ana'ic ti oyun ta stojol ti Jtote, ti oyoxuc ta jtojole, ti oyun ta atojolic eque.

San Juan 17:21

Ta jc'ubanbot ta atojol ti co'oluc yo'ntonic scotolique, jech c'u cha'al, Tot, ti jun avo'nton ta jtojole, ti jun co'nton ta atojole, ti co'oluc ti yo'ntonic ta jtojoltic yo' jech ta xc'ot ta yo'ntonic ti jnaclejetic ta banomil ti vo'ot laj atacun talele.

San Juan 20:17

Xi laj yal ti Jesuse: —Mu xamacun ta be María, yu'un mu'yuc to muyemun batel bu oy ti Jtote. Batan, ba albo ya'i ti buch'u jun co'ntoncuntic xchi'uque ti ta ximuy batel ta stojol ti Jtote, ti ja' Atotique, ti Dios cu'une, ti ja' Dios avu'unique.

Romanos 12:5

Jech ti vo'otique, ac'o mi yepal oyotic, jun no'ox c'otemotic ta stojol ti Cristoe. Junotic ta jcotoltic jech c'u cha'al ti jbec'taltic ti oy c'usi ep ta tos oy yu'une.

Romanos 15:6

yo' jech jun no'ox ac'opic acotolic ta slequil-c'optael ti Diose, Stot ti Cajvaltic Jesucristoe.

1 Corintios 1:30

Yu'un ti Diose laj spasoxuc ta jun xchi'uc ti Cristo Jesuse, ti c'ot ta pasel yu'un ti ja' jbijiltic ti Cristoe. Ta sventa ti Cristoe, laj jtatic ti lec xij'ilee, lijc'ot ta yu'un, laj jtatic pojel colel.

1 Corintios 12:12

Ti jbec'tal jtacopaltique, jun no'ox, ac'o mi yepal no'ox ti c'u s'elan stsacanojan sbae. Ja' jech oyotic ec ta stojol ti Cristoe.

2 Corintios 1:3

La' jlequil-c'opontic ti Diose, Stot ti Cajvaltic Jesucristoe, yu'un ti Jtotique, stalel c'uxotic ta yo'nton, ta spatbotic ti co'ntontique.

2 Corintios 11:31

Melel ti jech xcale, yu'un yiloj ti Diose, Stot ti Cajvaltic Jesucristo cu'untic ti ich'bil ta muc' sc'an sbatel osile.

2 Corintios 5:17

Ja' yu'un un, ti buch'u junic xa xchi'uc ti Cristoe, c'ot xa ta ach', ach' snopbenal yu'un. Yu'un naca ach' scotol ti c'usi ta spase. Laj, ech' sc'oplal yu'un ti c'usi naca chopol laj snop talel ta ba'yele.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

Gálatas 3:9

Jech o xal un, buch'uuc no'ox ti ta xc'ot ta yo'ntonic ta xch'unele, co'ol ta staic slequilalic jech c'u cha'al laj sta ti Abrahame, yu'un c'ot ta yo'nton ta xch'unel.

Efesios 1:10

Ati va'i s'elan taje, yu'un oy bu jun c'ac'al snopoj ono'ox ti Diose ti ta xc'ot ta jun ti ja' ta sventain scotol Cristo ti c'usitic oy ta vinajele, xchi'uc ti c'usitic oy ta banomile.

Efesios 1:17

Ta aventaic chcalbe vocol Dios yu'un ti Cajvaltic Jesucristoe, ti Jch'ul Totic ti mu albajuc ti yutsilal slequilal ta j'ech'ele. Ta jc'anbe ti ac'o xayac'boxuc abijilic ta yojtiquinel yo' ta xava'iic lec ta avo'ntonic stalel ti Diose.

Efesios 1:20

Yu'un ti smuc'ul stsatsal ti Dios taje, ja' ono'ox ti smuc'ul stsatsal laj yac' iluc c'alal laj xcha'cuxes ti Jesucristoe yo' jech c'ot ta pasel yu'un ti laj yac' chotluc ta sts'el sbats'i c'ob ti oy ta vinajele.

Efesios 2:6

Yu'un ti Diose jmoj laj xcha'cuxesotic xchi'uc ti Jesucristoe, ti jmoj xa chotolotic xchi'uc ti Cristo ta vinajele.

Efesios 3:10

Ti jech ic'ot ta pasele, yo' ti Diose ta xac'be yil ti jpas-mantaletic ti oyic ta vinajele, ti yepal oy ta tos sbijil ti Diose, yo' ta xilic ti c'u s'elan ta staic scolelic yu'un Dios ti jch'unolajeletique.

Efesios 6:12

Yu'un ma'uc yacalotic ta scontrainel ta stsalel ti jnaclejetic ta banomil ti oy sbec'tal xch'ich'elique. Yu'un ja' yacalotic ta scontrainel ta stsalel ti pucujetic ti oy yipic ta spasel ti c'usi chopole, ti ta ic' ta xanavique, ti ja' ta spas ta mantal ti jnaclejetic ta banomil ti oyic ta ic'al osile.

Filipenses 2:11

Scotol jamal ta xalic ti ja' Ajvalil ti Jesucristoe, yo' jech ich'bil ta muc' ta xc'ot ti Dios Totile.

Hebreos 8:5

Yabtel ti paleetic ti va'anbilic ta sventa smantal ti Moisese, naca squeoval ti c'usitic oy ta vinajele. Jna'tic lec ti naca svinajeb une, yu'un xi albat yu'un Dios ti Moisés c'alal oy sc'oplal ta smeltsan ti ch'ulna ti naca ta nucul ta xva'i ti yaxibe: “Jech me xameltsan ti ch'ulna jech c'u cha'al laj cac'bot avil ti svinajeb ta vitse.”

Hebreos 9:23

Ti xcaltic taj une, tsots sc'oplal laj yich' poquel tusel ta ch'ich' scotol ti c'usitic naca sloc'obbail no'ox ti c'usitic oy ta vinajele. Ja'uc ti c'usitic oy ta vinajele, x'ech' to yutsil ch'ich' ta sc'an.

1 Pedro 1:3

Lequil c'optabiluc cu'untic ti Diose, Stot ti Cajvaltic Jesucristoe. Yu'un ta sventa ti mu no'ox albajuc ti xc'uxul yo'ntone, laj svoq'uesotic ta ach' ta sventa ti cham cha'cuxi ti Jesucristoe. Ti jech taje, ta xac' spatobil co'ntontic ti ta xquich'tic ti jcuxlejaltique,