Efesios 1:16 - Bible in Tzotzil de Chamula

¹⁶ mu xquicta jba ta yalbel vocol ti Dios ta atojolique, yu'un oyoxuc no'ox ta co'nton c'alal ta jc'opon ti Diose.

Bible in Tzotzil de Chenalhó with Deuterocanon

¹⁶ mu jquechan o stojbel ta vocol li Diose. Te ta jna'oxuc o jujun velta ti c'alal ta jc'opan Diose.

Tzotzil de Huixtán

¹⁶ Hech yu'un c'alal hech laj ca'i, hech lic calbe ti Diose: “Hocol aval ti hech laj xa xch'umbot ac'op ti yanlum crixchanoetique”, xcut ti Diose. Asta ti ora hech chcalbe ti Diose. Scotol c'ac'al chajna'oxuc, ti jc'opon Dios ti atojolic.

Efesios 1:16 Iomraidhean Croise

Génesis 40:14

C'alal jech ta xc'ot ta pasele, vulesun me ta avo'nton. Avocoluc, albun jc'oplal ta stojol ti faraone yo' jech ta xisloq'ues batel ti li' oyune. C'uxubajan cu'un.

Isaías 62:6

Jerusalén, ti ta amoctaque, laj xa jva'an jq'uel-osiletic ti c'ac'al ac'ubal mu xicta sbaic ti xi ta xalique: “Mu xats'ijiic ta sc'oponel sti'inel ti Diose.

Colosenses 1:3

C'alal ta jtacutic ta c'oponel Dios ta aventaique, colaval, xcutcutic ono'ox ti Diose, Stot ti Cajvaltic Jesucristoe.

Colosenses 1:9

Ti c'alal jech laj ca'icutic ti ac'oplalique, jech o xal mu xquicta jbacutic ta sc'oponel ta sc'anbel Dios ti ac'o yac'boxuc avilic ti c'usi ta sc'ane, ti ac'o yac'boxuc ep ta tos abijilique, ti ac'o yac'boxuc sbijil ajol avo'ntonique.

1 Tesalonicenses 1:2

C'alal ta xavul ta co'ntoncutic acotolique, colaval xichicutic ta stojol Dios c'alal ta xic'opoj xiti'incutique.

1 Tesalonicenses 5:17

Mu xavicta abaic ta sc'oponel ti Diose.

2 Tesalonicenses 1:3

Ti jech jchi'il jbatique, colaval, xichicutic ta j'ech'el ta stojol Dios ta aventaic ti xloc' venta ti jech ta jpascutique, ti jech yacal ta x'epaj ta atojolic ti c'ux ta xava'i abaic ta jujun tale, ti yacal ta x'epaj ta atojolic ti c'otem lec ta avo'ntonic ta xch'unel ti Cajvaltique.

1 Samuel 12:23

Dios ac'o sva'an sba ta jtojol yo' jech mu xc'ot ta pasel ta jta jmul ta stojol ti ta xquicta jba ta sc'anbel vocol ta atojolique. Ja' lec ti c'otuc ta pasel ti ta jchanubtasoxuc ti c'usi stac' chiquintaele, ti lec ta pasele.

1 Samuel 7:8

Xi laj yalbeic ti Samuele: “Mu xavicta aba ta sc'anbel vocol ti Ajvalil ti ja' Dios cu'untique yo' jech ta xispojotic ta yoc ta sc'obic ti filisteoetique.”