Efesios 1:11 - Bible in Tzotzil de Chamula

¹¹ Ti jech lijc'ot ta jun xchi'uc ti Cristoe, yu'un vo'ne xa ono'ox t'ujbilotic yu'un ti Diose yo' ta xquich'tic ti rextoil ti albil sc'oplal ta xaq'ue, ti co'ol xchi'uc jech c'u cha'al oy ono'ox ta yo'nton ti Dios ta spas ti c'u s'elan lec ta xil ti stuque.

Tzotzil Zinacantan

^11-12 Voꞌoticotic li jꞌisraeloticotique, jmalaojticotic onox ta xtal ti Cristoe. Lavi iꞌay xae, iquichꞌticotic xa ta mucꞌ, xchꞌamaloticotic xa ti Rioxe. Yuꞌun onox jaꞌ yech snopoj ti Rioxe ti voꞌoticotic chcacꞌticotic ta ichꞌel ta muqꞌue.

Bible in Tzotzil de Chenalhó with Deuterocanon

¹¹ Jech noxtoc ja' ta sventa Cristo ti laj xa yu'uninuncutic ec li Diose, yu'un t'ujbiluncutic ono'ox yu'un ta vo'one, yu'un jech la sc'an yo'nton stuc. Yu'un li stuque tspas scotol c'usitic oy ta yo'nton.

Tzotzil San Andres

^11-12 Joꞌoncutic li jꞌisraeluncutic ti jmalaojcutic onoꞌox chtal li Cristoe, jaꞌ ta sventa li Cristo ti snichꞌnabuncutic xa li Diose. Yuꞌun jech onoꞌox snopoj Dios ta voꞌone yoꞌ jech ta xꞌichꞌe ta mucꞌ ta jventacutic li Diose.

Tzotzil de Huixtán

^11-12 Ho'ontutic ti jmalaojtutic ti chtal ti Jcoltavaneje, ho'ontutic ti judiountutique, ja' ti sventa ti Cristoe ti yu'ununtutic xa ti Diose. Hech xchapanoj ti vo'one hech yu'un ic'ot xa ti pasel. Yu'un hech tspasat ti muc' ti Diose ti jventatutic.

Efesios 1:11 Iomraidhean Croise

Job 12:13

Ja'uc ti Diose jelavem ti sbijile, ech'em ti smuc'ul stsatsale; ti yacal ta snopel ti c'usi ta spase, ta xc'ot ta tsutsel yu'un.

Job 33:29

Xlic xcaj no'ox ti jech ta spasilan ti Dios ta stojol ti viniquetique.

Salmos 37:18

Ti buch'u ta stuc'ulan sbaique, chabibilic yu'un ti Diose; mu'yuc stsutseb ta j'ech'el ma' ti xrextoique.

Proverbios 8:14

Ta xc'ot ta pasel cu'un ti c'usi jnopoje, oy jmuc'ul jtsatsal, tuc' ti snopbenal cu'une.

Isaías 25:1

Cajval, ti Diosot cu'une, ta xcac'ot ta toyesel ac'oplal, ta xcalbot avutsilal alequilal, yu'un c'ot ta pasel avu'un ti c'usitic jun yutsiquil anopoje, ti vo'ne xa sliquel avu'une, ti j'ech'el mu stselbuje, ti jbel sc'oplal ta xc'ot ta pasele.

Isaías 28:29

Ja' jech xchapanoj yabteltac Dios ti scotol xu' yu'une. Jun yutsil ta j'ech'el ti c'u s'elan snopoj ta spase. Ta xc'ot ta pasel yu'un ta sventa ti mu albajuc ti sbijile.

Isaías 5:19

Ti vo'oxuque xachi ta xavalique: “Ac'o me spas xch'a ti Dios ti c'usi snopoj ta spase yo' jech ta xquiltic; c'otuc me ta pasel xch'a yu'un ti ch'ul Dios yu'un Israel ti c'u s'elan snopoj ta spase yo' jech ta xcojtiquintic.”

Jeremías 23:18

Le' une, ¿mi oy la buch'u xojtiquin ti c'usi mucul yu'un ti Diose? ¿Mi oy buch'u ya'yioj, mi xchiquintaoj ti sc'ope? ¿Mi oy la buch'u sts'etanoj lec xchiquin yu'un?

Jeremías 32:19

Jelavem no'ox smuc'tiquil ma' ti c'usitic ta xanope. Mu albajuc smuc'tiquil ma' ti avabtel une. Ti c'usitic ta spasic ti buch'uuc no'oxe, chajal lec ta aba ta asat. Ta jujun, ta xavac'be stoj ti yabtelique.

Zacarías 6:13

Ta xcha'va'anbe xch'ulna ti Diose. Ta sta xtoc ti stuc no'ox cajal ta xc'ot sc'oplal jech c'u cha'al junuc ajvalil. Ta xlic chotiuc ta muc'ul chotlebal yo' ta spasvan ta mantal. Ti ta xocon ti bu chotole, ta xchoti ec ti palee. Mu'yuc c'op yu'unic ti xchibalique.

Hechos 13:48

C'alal jech laj ya'iic ti jyanlumetique, xmuyubajic xa laj yalic ti jun yutsil ti sc'op Diose. C'ot ta yo'nton ta xch'unel scotolic ti buch'utic oy sc'oplal ta stael ti xcuxlejalic sbatel osile.

Hechos 2:23

Ac'o mi jech un, c'alal la'ac'batic ta avoc ta ac'obique, achucojic batel yo' laj avaq'uic ta milel ta curus jmoj xchi'uc ti viniquetic ti mu'yuc xch'ulel xa'i sbaique. Ja' ic'ot ta pasel c'u s'elan snopoj st'ujoj ono'ox ti Diose.

Hechos 20:27

yu'un laj calboxuc ava'iic c'u s'elan snopoj ti Dios ta atojolique, ti mu'yuc laj jmuc jutebuque.

Hechos 20:32

“Avi tana un, ta jc'ubanoxuc comel ta sc'ob ti Diose, ta sventa ti syail xc'uxul yo'ntone. Yu'un oy smuc'ul stsatsal ta xac'boxuc yip avo'ntonic ta stael scotol jech c'u cha'al yalojbe ti buch'u t'ujbilic yu'une.

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

Hechos 4:28

Ti jech taje, ja' c'ot ta pasel yu'unic scotol jech c'u cha'al nopbil avu'un ta xc'ot ta pasele.

Romanos 11:34

¿Mi yu'un oy la buch'u junucal xa'ibe snopben ti Diose? ¿Mi oy la buch'u xu' yu'un ta sbijubtasel?

Romanos 8:17

Ti jech xnich'nabotic ti Diose, ta xquich'tic ec ti rextoil ti yaloj ono'ox ti Dios ta xaq'ue, ti co'ol ta xquich'tic xchi'uc ti Cristoe. Co'ol ta jtatic jlequilaltic xchi'uc Cristo mi co'ol ta xquich' jvocoltic xchi'uque.

Romanos 8:28

Jna'tic lec, ti buch'utic c'ux ta xa'iic ti Diose, ti ic'bilic yu'un jech c'u cha'al oy ta yo'ntone, ja' sventa slequilalic scotol ti c'usi ta xc'ot ta pasele.

Romanos 8:29

Ti buch'utic vo'ne xa ono'ox ojtiquinbilic talel yu'un ti Diose, ta sliquebal ono'ox banomil yich'ojic ono'ox talel ti ta xc'otic jech chac c'u cha'al ti Xnich'one, yo' ta xc'ot ta banquilal yu'unic ti Xnich'on ta sventa ti c'u yepal tsobolotic ti c'otemic ta yits'inabtaque.

Romanos 8:30

Ti buch'utic jech sc'oplalic ta vo'ne yu'un ti Diose, laj yic' ta stojol. Ti buch'utic ic'bilic yu'une, laj staic ti lec x'ileique. Ti jech lec x'ileique, ac'batic yich'ic ti slequilal yutsilal stuque.

Romanos 9:11

Yu'un ta xac' ta na'el ti ta xc'ot ta pasel yu'un ti Dios ti c'u s'elan ta st'ujan ta jujun tale, ti ma'uc ac'bil ta venta ti oy c'usi lec ta pasele, ti ja' no'ox ta sventa ti c'u s'elan ta xtavan ta iq'uel yu'un ti Diose. Yu'un c'alal mu'yuc to ox voq'uemic ti uni vachetique, ti mu sna'ic ta spasel ti c'usi chopole, mi ja'uc ti c'usi leque, yu'un xi ono'ox albat ti Rebecae: “Ti banquilale ta smosovinat yu'un ti its'inale.”

Gálatas 3:18

Ti yu'unuc ta sventa ti oy c'usi tsots sc'oplal albil yu'un ti Moisés ta jtatic ti oy c'usi yaloj ti Diose, mu xa yu'unuc q'uelanbiluc ti oy c'usi yaloj ti Dios ta xaq'ue. Ja'uc le'e, ti c'usi yaloj ti Dios ta xac'be ti Abrahame, ja' jun matanal.

Efesios 1:14

Ti Ch'ul Espíritu laj quich'tique, ja' svinajeb ti jbel sc'oplal ta xquich'tic ti jrextotic ti yaloj ono'ox ti Dios ta xaq'ue, ti ja' to ta xquich'tic c'alal mi laj xa staic spojel scolelic ta j'ech'el scotol ti buch'utic ja' yu'untaque, yo' jech ta xalbeic yutsilal slequilal smuc'ul stsatsal ti Diose.

Efesios 1:18

Ta jc'anbe ti Diose ti ac'o sjamboxuc ti snopbenal avu'unique yo' jech ta xana'ic c'u s'elan ti spatobil yo'ntonic ta x'ac'batic ti buch'utic ic'bilique, xchi'uc ti oy jun c'ulejal rextoil ti mu albajuc yutsil ta xac' ti Dios ta stojol ti ch'ul jteclumetic yu'une.

Efesios 1:5

Ta sventa syail xc'uxul yo'nton ti Diose, vo'ne xa ono'ox quich'ojtic talel ti oy sc'oplal ta xijc'ot ta xnich'nab ta sventa ti Jesucristoe jech c'u cha'al snopoj ono'ox ta yo'nton ti stuque.

Efesios 1:8

Yu'un ti Diose laj xa yac' quiltic ti mu no'ox albajuc yutsil ti syail xc'uxul yo'ntone.

Efesios 1:9

Ta sventa ti mu no'ox albajuc sbijil ti Diose, stuc laj yac' jbijiltic ta sna'el ti c'usi mucul to ox yu'une. Ja' stuc laj sva'an sba ta spasel ti c'usi snopoj ono'ox ta spase.

Efesios 3:11

Taje, co'ol xchi'uc jech c'u cha'al oy ono'ox ta yo'nton ti Dios ti ta xc'ot ta pasel yu'un ta sventa ti Cajvaltic Jesucristoe.

Deuteronomio 4:20

Ja'uc ti vo'oxuc une, laj stsoboxuc ti Diose. Laj sloq'uesoxuc ti bu co'ol s'elan yunijesel taq'uin horno ti ja' sc'oplal ti Egiptoe. C'ot ta pasel ti xi ac'oplalic yu'un avi tana li' une: jteclum ti ja' yu'une.

Colosenses 1:12

yo' jech xavalbeic no'ox vocol ti Jtotic Diose ti ta sventa stuc ti chapal xa c'oplaltic ta yich'el ti oy c'usi ta x'ac'batic ti buch'utic yu'untac ti oyic ta saquilal osile.

Colosenses 3:24

Yu'un xana'ic lec ti c'alal ta xa'ac'bat amotonic yu'un ti Cajvaltique, ja' arextoic. Yu'un avac'oj abaic ta tunel yu'un ti Cristoe, ti ja' Avajvalic ta melele.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

SUN TITO 3:7

yo' jech ta sventa xc'uxul yo'nton ti Diose, lec ta xijyilotic yo' jech ta xquich'tic ti cuxlejal sbatel osil ti jmalaojtique.

Hebreos 6:17

Lec un cha'e, ja' jech ti Diose jbel sc'oplal sc'an svinajes ti jech bejel com o ti c'u s'elan laj sva'an sba ta rextico ta yalel ti oy c'usi ta xac'be yich'ic ti buch'utic ta xich'ic ti rextoil ti laj sva'an sba ta yalele.

Santiago 2:5

A'yio ava'iic li'e ti xi ta xcalboxuque, Jchi'iltac: T'ujbilic yu'un Dios ti buch'utic me'unic li' ta banomile yo' jc'ulej ta xc'otic ta sventa yo' ta xc'ot ta yo'ntonic ta xch'unel ti Cajvaltique, yo' ta staic ti ventainel ti jech ono'ox albil sc'oplalic ti buch'utic c'ux ta xa'iic ti Diose.

1 Pedro 1:4

ti ta xc'ot ta pasel yu'un ti ta xac' avich'ic ti arextoic ti q'uejbil ta vinajel yu'un ti Diose, ti mu xc'a'e, ti mu xlaje, ti mu xnucultaj jech c'u cha'al ti nichime.

1 Pedro 3:9

Mi oy buch'u oy c'usi chopol laj spasbote, mu jechuc xapacbe sutel ec. Mi oy buch'u oy c'usi chopol laj yalbote, mu jechuc xapacbe sutel ec. Ja' lec c'anbo slequilal Dios ta stojol. Yu'un ti Diose laj yic'oxuc ta stojol ta yich'bel ti slequilale.