Efesios 1:10 - Bible in Tzotzil de Chamula

¹⁰ Ati va'i s'elan taje, yu'un oy bu jun c'ac'al snopoj ono'ox ti Diose ti ta xc'ot ta jun ti ja' ta sventain scotol Cristo ti c'usitic oy ta vinajele, xchi'uc ti c'usitic oy ta banomile.

Tzotzil Zinacantan

¹⁰ Jaꞌ ti snopoj onox ti ta sta yora ti chacꞌbe scuentain vinajel balamil ti Xchꞌamale.

Bible in Tzotzil de Chenalhó with Deuterocanon

¹⁰ Ja' ti nopbil ono'ox chac'be sventain scotol c'usitic oy li Xnich'on c'alal tsta yorail yu'une. Ja' banquilal chc'ot yu'un scotol c'usitic oy ta vinajel xchi'uc c'usitic oy li' ta banamil.

Tzotzil San Andres

¹⁰ Jaꞌ ti snopoj ti jaꞌ chacꞌbe yichꞌ ta venta scotol li Snichꞌone, jech scotol chtuqꞌuib ta sventa li Nichꞌonile.

Tzotzil de Huixtán

¹⁰ Laj xa yac'bucutic jna'tic ti Diose ti ch'acbil xa yu'un ti c'usi ora tsta yorail ti chistsobucutic jcotoltic buc no'ox oyucutic, mi te xa oyucutic ti vinajel, mi li' to oyucutic ti balumil, yu'un hech chispasucutic ti mantal jcotoltic ti Cristoe.

Efesios 1:10 Iomraidhean Croise

Génesis 49:10

Mu'yuc buch'u xu' xpojbat yabtel ti Judá yich'oje, mi ja'uc xpoj yu'unic ti svaxton oy ta sc'obe, ja' to mi vul ta loq'uel yajval stuc ti vaxtone, ti ta xch'unbat smantal yu'un scotol ti jteclume.

Daniel 2:44

Ti c'u sjalil ta x'ech'ic ta ajvalilal ti ajvaliletic taje, ti Dios ti oy ta vinajele, ta xlic sva'an jun ajvalil ti mu'yuc buch'u xu' ta xliline yu'une. Mi ja'uc ta spase ta canal yu'un junuc ti yan muc' ta lume. Yu'un ti stuque, c'ajomal no'ox ta stsutses ta j'ech'el scotol ti yan ajvaliletique. Sbatel osil cuchem yu'un.

Amós 9:11

“Ta xc'ot sc'ac'alil ti ta jcha'va'an ta ach' ti slomemal na ti Davide. Ta jmac ti bu jomemique. Ta ach' ta xlic jva'an ti jech jinemic xae. Ta ach' ta xlic jmeltsan jech c'u cha'al laj yich' meltsanel ta vo'nee,

Malaquías 3:1

Ti Dios ti scotol xu' yu'une xi ta xale: “Ta jtac jelavel talel ti caj'al-mantal j'ich'-c'ope yo' jech ta xchapanbun ti jbee. Ti Dios taje, ja' ti Buch'u yacal ta xasa'ilanique. Mu xa jaluc sc'an ti ta x'och ta xch'ulnae. Ta xvul xa ta loq'uel ti j'al-mantal j'ich-c'op yu'un ti trate ti oy ta avo'ntonic amalaojique.”

San Mateo 25:32

Ta stsob sbaic tal ta jtojol scotol ti jnaclejetic ti oyic ta jujun lume. Ta jch'ac ti jnaclejetic jech c'u cha'al ta spas ti jq'uel-chij ti ta xch'ac loq'uel ti xchij ti capal xchi'uc ti tentsune.

Marcos 1:15

—Sta xa yorail ta xventainvan ti Diose. Sutanic talel ta stojol ti Diose. Tac'aluc c'otuc ta avo'ntonic ti lequil ach' c'op yu'une —xi ti Jesuse.

1 Corintios 10:11

Scotol ti va'i s'elan c'ot ta pasel ta stojol ti jmolmuc'totcutic ta vo'nee, ja' sventa jbijubtaseltic, yu'un ts'ibabil com ta ch'ul c'op ti mu jechuc jpastic ti slajebtic xa batel c'ac'al li' cuxulotique.

1 Corintios 11:3

Ta jc'an ti ac'o ava'ibeic smelol li'e. Ti jujun vinique ja' sjolinojbe sjol ti Cristoe. Jech xtoc ti jujun ants ti nupul ts'acale ja' sjolinojbe sjol ti smalale jech c'u cha'al ti Cristo ja' sjolinojbe sjol ti Diose.

Gálatas 4:4

Ja'uc ti c'alal laj sta ti yoraile, ti Diose laj stac talel ti Xnich'one, voc' talel ta stojol jun ants, bats'i israel vul, ventainbil c'ot ta xch'unel ti oy c'usi tsots sc'oplal albil yu'un ti Moisese,

Efesios 1:22

Scotol ti c'usitic oye, ac'bat ta yoc ta sc'ob ti Cristoe, c'ot ta banquilal Ajvalil ta sbainel ti jch'unolajeletique.

Efesios 2:15

Yu'un scotol ti c'usitic ta xalolan ti ta xac' ta na'el ti oy c'usi tsots sc'oplal albile, ja' laj sbain ta sbec'tal stacopal stuc ti Cristoe. Tey c'otic ta jun ta ach' yu'un ti cha'ch'ac jteclum ti mu lecuc xil sbaique, yu'un oyic xa ta stojol ti Jesucristoe. Ja' jech c'ot ta lamajel ti c'ope.

Efesios 3:15

yu'un ja' Totil yu'unic scotol ti oyic ta vinajele, xchi'uc ti oyic ta banomile.

Efesios 3:2

Ava'binojic xa nan, ti ta slequil yutsil yo'nton ti Diose, laj yac'bun cabtel ti ja' sventa alequilal ti vo'oxuque.

Colosenses 1:16

Ta sventa Cristo, meltsaj yu'un Dios scotol ti c'usitic oy ta vinajele, ti c'usitic oy ta banomile, ti c'usitic xvinaj ta q'uelele, ti c'usitic mu xvinaj ta q'uelele. Scotol c'usitic mu xvinaj ta q'uelele jech c'u cha'al ti jpas-mantaletique, ti j'abteletique, ti buch'u tsots xu' yu'unique, scotol meltsaj yu'un Dios ta sventa ti Cristo yo' jech ta xtun yu'un ti stuque.

Colosenses 1:20

yu'un ta sventa Cristo, ti Diose lecub yo'nton xchi'uc scotol ti c'usitic oy li' ta banomile, ti oy ta vinajele, ta sventa ti laj smal xch'ich'el ta curus ti Cristoe.

Colosenses 3:11

Ma'uc xa tsots sc'oplal mi israel mi ma'uc, mi yich'oj circuncisión mi mu'yuc, mi jyanlum, mi mu'yuc chanubtasbil, mi mosovil mi ma'uc. Yu'un ja' tsots sc'oplal ti oyotic ta stojol Cristo ti ta sventainotic jcotoltique.

Hebreos 1:2

Avi tana une, ti slajebtic xa batel ti c'ac'ale, c'opoj ta jtojoltic ta sventa ti Xnich'one. Yu'un ti Diose laj spas scotol ti c'usi oy x'ayan ta sventa ti Xnich'one, xchi'uc laj yac'be yich' scotol ti c'usitic oy x'ayane.

Hebreos 11:40

yu'un oy c'usi lec snopoj ti Dios ti ta spase. Yu'un oy ta yo'nton ti ac'o jtatic jmoj ti jlequilaltic xchi'uquique.

Hebreos 9:10

Yu'un spat xocon no'ox, naca sc'oplal ve'liletic, uch'bolaletic, xchi'uc c'u s'elan ta stus ta spoc sbaic. Yu'un naca mantal ti ja' no'ox itun ti c'u sjalil mu'yuc to ta xc'ot ta jelel yu'un ti Diose.

1 Pedro 1:20

Ti jech taje, c'alal mu'yuc to ox meltsajem ti banomile, jech ono'ox ac'bil talel ti Cristoe, ti ja' to laj yac' sba ta ilel c'alal slajebtic xa batel ti c'ac'ale, ti ja' sventa alequilalique.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.