Efesios 1:1 - Bible in Tzotzil de Chamula

¹ Vu'un Pablo, loc' ayan ta yo'nton stuc Dios ti jech lic'ot ta jcholc'op yu'une, ti tacbilun yu'un ti Jesucristoe. Ti vo'oxuc nacaloxuc ta jteclum Efesoe, ta jts'ibaboxuc talel jlic jvun ta atojolic ti vo'oxuc yu'unoxuc xa ti Diose, ti c'otem ta avo'ntonic ta xch'unel ti Cristo Jesuse.

Tzotzil Zinacantan

¹ Voꞌon Pabloon, yajꞌapoxtolon ti Jesucristoe yuꞌun jaꞌ yech iscꞌan ti Rioxe ti chcal aꞌyuc cꞌusi yaloj ti Jesucristoe. Chajcꞌoponic tal ta vun, voꞌoxuc ti slecubtasoj xa avoꞌonic ti Rioxe ti liꞌ nacaloxuc ta jteclum Efesoe, ti sjunul avoꞌonic avichꞌojic ta mucꞌ ti Jesucristoe.

Bible in Tzotzil de Chenalhó with Deuterocanon

¹ Vu'un Pabloun, yajtacbolalun li Jesucristoe, yu'un jech la sc'an yo'nton li Diose. Ta jc'opanoxuc tal, vo'oxuc ti voc'biloxuc xa yu'un Dios te ta lum Éfeso ti jun avo'nton ach'unojic o li Cristo Jesuse.

Tzotzil San Andres

¹ Joꞌon Pabloun, joꞌon chcalbe li scꞌop li Jesucristoe yuꞌun jech la scꞌan li Diose. Chajcꞌoponic batel ta carta, joꞌoxuc li snichꞌnaboxuc Dios li te ta jteclum Efeso li jun avoꞌonic ta stojol li Jesucristoe.

Tzotzil de Huixtán

¹ Ho'on Pabloun, ho'on jcholc'opun yu'un ti Jesucristoe yu'un hech laj sc'an yo'nton ti Diose. Chajc'oponoxuc ti carta, ho'oxuc ti jun avo'ntonic ach'unojbeic sc'op ti Cristo Jesuse te ti jteclum Efesoe.

Efesios 1:1 Iomraidhean Croise

Números 12:7

Ja'uc ti cajtunel Moisese, mu jechuc ta jpas ta stojol. Yu'un ti stuque, c'ajomal no'ox jun ti tuc' sjol yo'nton ta scotol ti cajtuneltaque.

San Lucas 16:10

“Ti buch'u ta slequil yo'nton ta stunes ti c'usi juteb oy yu'une, ta slequil yo'nton xtoc ta stunes ti yepal c'usi oy yu'une. Ja'uc ti buch'u ma'uc ta slequil yo'nton ta stunes ti juteb c'usi oy yu'une, ja' jech xtoc unbi, ma'uc ta slequil yo'nton ta stunes ti c'usi yepal oy yu'une.

Hechos 16:15

Laj yich' vo' xchi'uc ti yalab xnich'nabe. C'un to un xi laj sc'anbuncutic vocole: —Mi ta xavil jch'unolajelun ta melel yu'un ti Cajvaltique, la'ic, comanic ta jna. Laj sujuncutic yo' jech ta xicomcutic ta sna.

Hechos 18:19

C'alal c'otic ta jteclum Efesoe, ti Pabloe laj xch'ac sba ta stojol ti Aquilae, ti Priscilae, bat ta ch'ul na ta sc'oponel ti israeletic ti stsoboj sbaic ti bu taje.

Hechos 18:21

C'ajomal no'ox xi laj yal ti laj sc'oponan comele: —Tsots sc'oplal ta xibat ta Jerusalén ta yet'esel ti q'uin ta xa xtale. Ta xisut talel ta sq'ueloxuc xtoc mi jech ta sc'an ti Diose. Och batel barco ti Pabloe, bat ta Efeso.

Hechos 9:13

C'alal jech laj ya'i taje, ti Ananiase xi laj yale: —Cajval, yepal no'ox yalojbeicun ca'i sc'oplal ti vinic taje. Chopol ta j'ech'el, yu'un ta xilbajin ti ateclumal ti oy ta Jerusalene.

Romanos 1:1

Vu'un Pabloun, yajtunelun ti Jesucristoe. Laj staun ta iq'uel yo' ta xi'och ta yajtacbolal ta yalel batel ti colebal lequil ach' c'op yu'un ti Diose,

Romanos 1:7

Jech o xal ta jts'ibaboxuc talel jvun ti li' nacaloxuc ta Romae, ti c'uxubinbiloxuc yu'un ti Diose, ti t'ujbiloxuc yo' xac'otic ta yu'untaque. Ich'beic slequilal yutsilal yo'nton ti Jtotic Diose xchi'uc ti Cajvaltic Jesucristoe, lamajemuc avo'ntonic.

Romanos 8:1

Avi tana une, mu'yuc xa chba stoj smulic ti buch'utic oyic xa ta stojol ti Jesucristoe.

1 Corintios 4:12

Xlub xcham xa coc jc'obcutic ta abtel yo' ta jmalq'uin jbacutic. Mi ta xibisecutic ta cotol chavale, ta lequilal ta jtac'cutic sutel. Ilbajinbiluncutic, sc'a'epal satuncutic, ts'iquem cuchem cu'uncutic un.

1 Corintios 4:17

Ti jech taj une, ta jtacboxuc talel ta atojolic ti Timoteoe, ti ja' jun jc'uxubinbil nich'on ta sventa ti jun yo'nton ta stojol ti Cajvaltique. Ta xtal svulesboxuc ta avo'ntonic ti c'u s'elan cuxulun ti c'otem ta co'nton ta xch'unel ti Cristo Jesuse, ti ja' jech ta jchanubtas ti jch'unolajeletic ta jujun tsobobbail ti buyuc no'ox ta xi'ech'e.

2 Corintios 1:1

Vu'un Pablo, loc' ayan ta yo'nton Dios ti jech jcholc'opun yu'un ti Jesucristoe. Ti vu'une xchi'uc ti jchi'il ta abtel Timoteoe ta jts'ibaboxuc talel ti jvun li'e, ti vo'oxuc yu'unoxuc xa ti Dios ti oyoxuc ta jteclum Corintoe xchi'uc ti c'u avepalic buyuc no'ox oyoxuc ta Acayae.

Gálatas 1:1

Vu'un Pabloun, jcholc'opun. Ma'uc t'ujbilun tacbilun yu'un ti jnaclejetique, yu'un ja' laj st'ujun stuc ti Jesucristoe, xchi'uc ti Jtotic Dios ti Buch'u laj xcha'cuxes ti Jesucristoe.

Gálatas 3:26

Ta sventa ti c'otem ta o'ntonal ta xch'unel ti Jesucristoe, yalab xnich'naboxuc ti Dios ta sventa ti jech oyoxuc xa ta stojol ti Jesucristoe.

Gálatas 3:28

Ti jech oyoxuc ta stojol ti Cristoe, junoxuc xa, laj xa sc'oplal ti ta xavalbe abaic mi israele, mi jyanlum, mi mosovil, mi colem, mi vinic, mi ants.

Gálatas 3:9

Jech o xal un, buch'uuc no'ox ti ta xc'ot ta yo'ntonic ta xch'unele, co'ol ta staic slequilalic jech c'u cha'al laj sta ti Abrahame, yu'un c'ot ta yo'nton ta xch'unel.

Efesios 1:15

C'alal laj ca'i ti c'otem ta avo'ntonic ta xch'unel ti Cajvaltic Jesuse, ti c'ux ta xava'iic scotol ti buch'utic yu'untac ti Diose,

Efesios 2:10

Yu'un yabtelotic Dios ti jech oyotic ta stojol ti Jesucristoe yo' ta jpastic ti c'usi leque, ti jech ono'ox snopoj ti Dios ta vo'nee.

Efesios 2:13

Avi tana une, ti jech oyoxuc ta stojol ti Cristo Jesuse, lanopajic xa talel ta stojol Dios ta sventa laj smal xch'ich'el ti Cristoe, ac'o mi nom to ox laxanavic.

Efesios 2:6

Yu'un ti Diose jmoj laj xcha'cuxesotic xchi'uc ti Jesucristoe, ti jmoj xa chotolotic xchi'uc ti Cristo ta vinajele.

Efesios 6:21

Ti jchi'iltic Tíquicoe, ti jun yo'nton ta xiscolta ta sventa yabtel ti Cajvaltique, ja' ta xalboxuc ava'iic ti c'u j'elane, ti c'usi ta jpase.

Colosenses 1:2

ta jts'ibaboxuc talel ti jvuncutic ta atojolic ti co'ol jchi'il jbatique, ti jun avo'ntonic ta stojol ti Cristoe, ti yu'unoxuc xa Dios ti li' nacaloxuc ta jteclum Colosase. Ac'o sva'an sba ta atojolic ti Jtotic Diose, xchi'uc ac'o yac'boxuc ti slamajemal yo'nton ta atojolique.

Apocalipsis 17:14

Jech ta stsaquic ta leto xchi'uc ti jcot ta Uni Chije. Tsalbil ta xc'otic ti c'alal ta stsaquic ta leto ti jcot ta Uni Chij ti Buch'u c'otem ta Banquilal yu'un ti banquilal ajvalile, xchi'uc ti banquilal ajvalil yu'un ti its'inal ajvaliletique. Yu'un oy ta stojol ti jcot ta Uni Chije ti buch'utic ic'bilic talel yu'un ti Diose, ti t'ujbilic yu'une, ti jun yo'ntonique.”

Apocalipsis 2:10

Mu xaxi' yu'un ti avocol ta xc'ot ta atojole, yu'un oy jlom avu'unic ta xatiq'ueic ta chuquel yu'un ti pucuje, yo' jech ta xich' q'uelel ti avo'ntonique. Yu'un ta xavich' avocolic lajuneb c'ac'al. Staojuc yav avo'ntonic xacham xalajic, ta xcac'boxuc ti acuxlejalic ti ja' amotonique.

Apocalipsis 2:13

Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.