Eclesiastés 2:8 - Bible in Tzotzil de Chamula

⁸ Yepal no'ox oro xchi'uc ti plata laj jtsobe, ti c'ulejal q'uejbil com yu'un ti ajvaliletic laj ech'icuque, xchi'uc ti lic talel ta yan bic'tal jteclumetique. Yepal no'ox oy jq'uejimol vinic ants ti laj cac'be jba bu xa c'alal xal ti lum ach'ele. Yepal no'ox ta j'ech'el ti cajniltaque, ti jts'acal ajniltaque.

Bible in Tzotzil de Chenalhó with Deuterocanon

⁸ Bats'i ep la jbusan ta tsobel c'anal taq'uin, xchi'uc saquil taq'uin; ja' sc'ulejal yantic ajvaliletic xchi'uc yantic banamil. Oy ep jq'uejimol vinic antsetic cu'un, ep cajniltac, ep yan antsetic cu'un noxtoc, yu'un la jc'upin ca'ay c'usitic tsc'upin li cristianoetique.

Eclesiastés 2:8 Iomraidhean Croise

2 Samuel 19:35

Yu'un quich'oj xa chanvinic (80) jabil. Ti c'usi ta jtun ta jlajese, ti c'usi ta xcuch'e, mu xa xca'i mi oy to smuil, mi ch'abal xa. ¿Mi ta to la xca'i avaloj ti c'u s'elan ta xq'uejinic ti jq'uejimoletique, ti me' jq'uejimoletique? Mu xa jc'an xcac'be svocol ti Jcuch abtele.

1 Reyes 10:10

Ti me' ajvalil une laj yac'be jelavel ti ajvalile, cha'vinic sc'an xc'ot ta xchanmilal (3,960) kilo ti oroe, epal muil poxiletic, xchi'uc c'upil sba tonetic ta ts'acal toe. Mi ja'uc oy bu c'otem ta Jerusalén jech yepal muil poxiletic jech c'u cha'al laj sq'uelan ti me' ajvalil yu'un Sabá ta stojol ti ajvalil Salomone.

1 Reyes 10:14

Ti jujun jabil ta xich' oro ti Salomone, ja' nan chibuc xcha'vinic mil (22,000) ta kilo.

1 Reyes 10:21

Ma'uc no'ox taje, scotol sbistac ti ajvalile, naca ta oro. Ti ta stunes ta na ti sbiinoj “Pimilal Te'tic yu'un Libanoe”, naca pulajtic bats'i oro xtoc. Mi junuc ta plata meltsanbil, yu'un tsulul to ox stojol ta j'ech'el ti c'alal ja' o yorail ti tiq'uil ta ajvalil ti Salomone.

1 Reyes 11:3

Yu'un ti sbats'i ajniltac laj yiq'ue, c'ot ta vucub ciento (700) ta vo', xchi'uc vo'lajunvinic (300) ta vo' ti sts'acal ajniltaque, ja' antsetic ti yanijesbat yo'nton yu'un taje.

1 Reyes 14:27

Ti ajvalil Roboame laj yac' ta meltsanbel xq'uexol ti macobbail ti naca xa c'anal taq'uine, ti laj yac'be comel ta sventainel ti j'opisialetic ti ta xchabiic ti ochebal ti'na yu'un ti ajvalile.

1 Reyes 9:14

Ti c'u yepal oro laj yac'be talel Salomón ti Hirame, oy oxmil xchi'uc lajuneb xchanvinic slajunebal ciento (3,960) ta kilo.

1 Reyes 9:28

Va'i un, c'otic ta yosilal Ofir ti bu laj staic jutucuc xa mu chanlajunebuc ta mil (14,000) kilo ti oroe, ti laj yich'beic batel ta stojol ti ajvalil Salomone.

1 Crónicas 25:1

Ts'acal to un, ti Davide, xchi'uc ti banquilaletic yu'un ti buch'utic oyic ta tunele, laj yac'beic yich' cajal yabtelic xnich'nab ti Asafe, ti Hemane, xchi'uc ti Jedutune, ti buch'utic ta scaj'albe smelol ti c'usitic ta x'ac'bat sna'ic yu'un Dios c'alal ta xich' tijel ti arpaetique, ti jtos o ta vobe, xchi'uc ti set-set taq'uinetique. Li' tsacal sbiic ti buch'utic tiq'uilic ta abtel taje.

1 Crónicas 25:6

Scotolic taje, tojobtasbilic yu'un stotic c'alal ta xtunic ta q'uejimol ta sventa ti c'u s'elan liquem yu'unic ta ch'ulna c'alal ta stijic ti set-set taq'uinetique, xchi'uc ti jchop o ta vobetique. Ti Asafe, ti Jedutune, xchi'uc ti Hemane, pasbilic ta mantal yu'un ti ajvalile.

2 Crónicas 9:11

Ti ajvalile, naca ta c'unil te'etic laj smeltsanbe xchac'te'altac ti xch'ulna Diose, xchi'uc xchac'te'altac ta sna ti bu chotol ta spas mantale, xchi'uc laj smeltsan o ta arpa, xchi'uc jtos o ta vobetic ta stunesel ti jtij-vobetique. Ta yosilal ti Judá une, mu'yuc bu xvinaj o ti va'i s'elan taje.

Esdras 2:65

Oy vucmil xchi'uc vuclajuneb yuclajunvinic (7,337) ta vo' ti mu'yuc tsacbilic ta atel ti mosovil viniquetic antsetique. Ja' jech xtoc, oy yu'unic lajunvinic (200) ta vo' jq'uejimol viniquetic antsetic.

Eclesiastés 1:2

Naca pich' o'ntonal, pich' o'ntonal ta xac' no'ox, scotol naca pich' o'ntonal.

Daniel 3:15

C'alal xlomet no'ox liquel ti ta xich' tijel ti c'usiuc no'ox vobale, ¿mi chapaloxuc xa ta xlic anijan abaic ta yich'el ta muc' ti loc'obbail ti laj cac' ta meltsanele? Yu'un mi mu xanijan abaic ta yich'el ta muq'ue, mu jaliltastic, ta ora, ac'o ba avich'ic jipel ta jorno ti bu ta xtil ti sc'ac'ale. Ti mi jech une, ¿c'usi xa diosal xu' ta xaspojic?”

Daniel 3:5

C'alal ta xlic ava'iic ta xich' oq'uisanel ti oq'uese, ti amae, ti citara vobe, ti lira vobe, ti salterio vobe, ti oq'ues pasbil ta nucul ti xvuch'taobile, xchi'uc scotol ti c'usitic xa vobal stac' tijele, calal xnic xa liquel ti musica taje, quejan abaic ta yich'el ta muc' ti loc'obbail oro ti laj yac' ta meltsanel ti ajvalil Nabucodonosore.

Daniel 3:7

Va'i un, ti c'alal xnic no'ox liquel scotol ti c'usiuc no'ox vobal stac' tijele, ti buch'utic tsobolic xae lic squejan sbaic ta yich'el ta muc' ti loc'obbail ti meltsanbil ta oroe.

Amós 6:5

Lec ta xava'iic ta xaloc'taic q'uejimoletic jech c'u cha'al laj spas ti Davide. Ja' no'ox un, mi ja'uc xa a'yibaj lec smelol ti ama ta xavoq'uisanique.