Eclesiastés 2:5 - Bible in Tzotzil de Chamula

⁵ Lic cabtelan yav jts'unubaltac xchi'uc yav jnichimtac. Lic jts'un ep ta tos lo'bolal te'etic.

Bible in Tzotzil de Chenalhó with Deuterocanon

⁵ la jpas lec ts'unubaltic cu'un jtuc; te la jts'un scotol li jaychop jsatinom te'etique.

Eclesiastés 2:5 Iomraidhean Croise

Nehemías 2:8

Laj jc'anbe yan ts'ibabil vun xtoc ti ja' ta xich' ti Asafe jchabiej muc'tic te'tic yu'un ti ajvalile, yo' jech ta xiyac'bun ti te'etic ta sventa ta jcha'meltsan ti ti'naetic ta jteclum yu'un ti ch'ulnae, jech c'u cha'al ti ta xtun ta sventa ti ta xich' pasel smocal ti jteclume, xchi'uc ti ta xtun cu'un ta jna ti bu ta xinaquie. Jech ti ajvalile laj yac'bun scotol, ja' ti coltabilun ta sventa yutsil yo'nton ti Dios cu'un ti c'u s'elan laj jchapbe ya'ie.

Cantares 4:12

Ti vo'ote, uni tseb, cuni lecom, yavil nichimot ti bajal leque, tuquem vo' ti macbil leque, sat vo' ti pac'bil leque,

Cantares 4:13

jun yav ts'unubal ti bu cuchajtic no'ox liquel sat ti granada ti c'upil sba ta lo'ele, jun yav nichim ti tuquemic no'ox xnich ti alheñae,

Cantares 4:16

Jumetel ic' ti oyot ta yolon ti yolon xocon sloq'ueb c'ac'ale, jumetan liquel. Jumetel ic' ti oyot ta yolon ti yac'ol xocon sloq'ueb c'ac'ale, jumetan talel li'e. Jumetan liquel ta stojol ti yavil jts'unubale, tanijuc batel avu'unic ti xpaq'uet smuil ti muil poxil yu'une. La' li' ta ts'unubaltic avu'une, snup cuni ch'ulel, tuno ta slajesel ava'i ti c'upil sba sat te'etic yu'une.

Cantares 5:1

Uni tseb, cuni lecom, li'och xa batel ta yavil cuni ts'unubal. Laj jtic' jc'ob ta stunesel ti cuni mirrae, xchi'uc ti uni muil poxiletic cu'une; laj xa ca'i c'u yutsil yuni pomal sc'olol c'ol ti cuni ajapome, laj xa jc'upin ta yuch'el ti cuni vinoe, xchi'uc ti cuni chu' vacaxe. Jchi'iltac ti lec xquil jbatique, ve'anic, uch'obajanic. ¡Uch'ic scotol ti c'usi xa xal ti avo'ntonique!

Cantares 6:2

Ti snup cuni ch'ulele bat ta smalq'uinel yuni chij, ta xtuch'el yuni roxatac ta sts'unobil yuni nichim, ti bu xpaq'uet no'ox smuil ti nichimetic yu'un ta yavile.

Jeremías 39:4

C'alal laj yil ti ajvalil Sedequías xchi'uc yajsoldadotac ti jech ta xc'ot ta pasele, jatavic loq'uel ta jteclum un. Loq'uic ech'el ta ac'ubaltic un, ech'ic ta sbelel ts'unubal nichimtic yu'un ti ajvalile, ti xc'ot ta jun ti'na ti cacal ta o'lol yu'un ti chib moque. Laj stamic batel be ti xc'ot ta stenlejal yu'un ti Jordane.