Eclesiastés 2:3 - Bible in Tzotzil de Chamula

³ Ti jtaoj xa ti bijilil caloje, och ta co'nton ta yuch'el ti vinoe. Lic cuch'ilan un yo' ta xca'i mi xloc' venta yu'un ti vinic jech ta spas ti c'u sjalil ta xch'i xc'opoj li' ta banomile.

Bible in Tzotzil de Chenalhó with Deuterocanon

³ La jnop ti ta jpas ca'ay poroval c'u x'elan ta uch'el li poxe, yu'un ta jc'an oy c'usi ta jchan, yu'un ta jc'an ta jna' me ja' jech xcuxet yo'nton cha'yic li cristianoetic ti puru uch' pox tspasic jayib c'ac'al cuxulic li' ta banamile.

Eclesiastés 2:3 Iomraidhean Croise

Génesis 47:9

Xi laj stac' ti Jacobe: —Quich'oj xa lajuneb yucvinic (130) jabil ti yalel muyelune. Jutuc to jabilal, yu'un oy vocol ta banomil. Mu to ta jta jech c'u cha'al laj ech'icuc ti jmolmuc'totaque.

Job 14:14

Mi xcham ti vinique, ¿mi ta to xcuxi talel un? Jmalaoj ca'i c'u sjalil ma' ti jtunel avu'un jechuque, ti xlaetuc to ech'el ech'uc yipal ti jvocole.

Salmos 104:15

X'ech' to c'u cha'al aceite xch'ulet no'ox xchacjapanil sat ti oy yipal yu'un ti lec sve'ele, ti ts'ajal no'ox ta muyubajel yu'un ti vinoe.

Proverbios 20:1

Yabtel ti vinoe, mi juteb xa oy ta na'el yu'un ti c'usi xloc' ta pasele; ti q'uixin uch'bolaletique, liquesej c'op sna', yu'un c'alal stsinet xa ti jolal yu'une, mu'yuc xa tuq'uil melolil.

Eclesiastés 1:17

vinaj xtoc ti bolibel pimubel xal o ti xlaj no'ox xcha'tosale, ti naca vul o'nton sna' ti co'ol s'elan jech c'u cha'al ti buch'u ta smac ta tsaquel ya'i ti iq'ue.”

Eclesiastés 10:19

Yo' x'ech' no'ox ta eal ti c'usi stac' tunel lajesele, xchi'uc ti xq'uixet no'ox banomil yu'un ti uch'bajele, sc'an oyuc xcuchemal ta yuni jelobil.

Eclesiastés 12:13

Tsuts xa yalel ma' ti lo'il a'yeje. Laj xa yich' alel scotol. Xi'tao ti Diose. C'otuc ta pasel avu'un ti smantaltaque, yu'un yac'ojanbe xch'ulel yanima scotol ti jnaclejetique.

Eclesiastés 2:24

Ti c'usi xch'i o ta xa'i ti vinique, ve'uc yuch'uc no'ox vo', ech'uc ta ye ta sti' ti slubel xchamele. Laj ca'ibe smelol ti liquem talel ta stojol ti Dios une.

Eclesiastés 5:18

Ti xloc' venta laj jta ta a'yiele, ti stac' chiquintaele, ve'cutic, cuch'tic vo', xchi'uc ta yet'esel co'ntontic ta stunel slajesel slubel xchamel ti coc jc'obtic c'u sjalil yac'oj ch'iel c'opojel ti Dios li' ta banomile. Albil jc'oplaltic ti jech ta jtatic yu'une.

Eclesiastés 6:12

Ta j'ech'el mu'yuc buch'u sna' c'usi lec ta sta ti vinic c'u sjalil ti xch'iel sc'opojel ta x'ech'e. Naca pich' o'ntonal ta sta. Yu'un ti xch'iel sc'opojele, xtemet no'ox jelavel jech c'u cha'al ti queove. ¿Mi yu'un oy la buch'u ta x'albun c'usi ta xc'ot ta pasel li' ta banomil c'alal mi cham xa oxe?

Eclesiastés 7:18

O'lol xavac' aba xchi'uc taje, yo' mu xastsalot un. Lec ta xloc' xchi'uc scotol taje, ti buch'u ta xi'ta ti Diose.

Eclesiastés 7:25

Va'i un, lic jt'unilan c'u s'elan ta ojtiquinel, ta xchanel, ta sa'el c'u s'elan ta xic'ot ta loq'uel xchi'uc sc'oplal ti bijilile. Lic quil un ti chopol ta j'ech'el ti buch'u pimuneb xa'i sbae, xchi'uc ti chuvajineb ti buch'u ts'i'unebe.

Eclesiastés 8:15

C'ot ta co'nton ec un, ta yalbel sc'oplal ti muyubajele. Ti c'usi lec ta spas ti vinic li' ta banomile, ve'uc yuch'uc vo', yet'esuc yo'nton ta muyubajel, yu'un ja' jech yepal oy ta stojol ti vinic ta sventa yabtel ti c'u sjalil ta x'ac'bat xch'iel sc'opojel yu'un Dios li' ta banomile.

San Mateo 6:24

“Mu'yuc buch'u xu' ta xac' sba ta tunel ta cha'vo' ajvalil. Mu lecuc ta xil ti june, xc'uxubinoj ti june. Jun yo'nton ta stojolal ti june, sjipoj stenoj ti june. Mu stac' ta xatunic yu'un ti Dios ti mi ja' batem avo'ntonic yu'un ti taq'uine.

Efesios 5:18

Mu xayacubic, yu'un ti yacubele mu'yuc xa tuq'uil melolil yu'un. Ja' lec, ventainbiluc avo'ntonic yu'un ti Ch'ul Espíritue.

Jueces 9:13

Ja'uc ti jpets uvae, albatic yu'un ti mo'oje. Yu'un mi ta xc'ot ta ajvalil yu'un ti te'etique, tsots sc'oplal ta xicta sba ta yaq'uel ti sat ti ta xtun ta vinoe, c'alal ja' ta xac'be smuyubajel yo'ntonic ti jnaclejetique xchi'uc ti Diose.

1 Samuel 25:36

C'alal sut ech'el ti Abigail ti bu oy ti Nabale, c'ot sta ti co'ol s'elan junuc ajvalil syaquil ta spas q'uine. Siquet no'ox banomil ta xa'i xchi'uc yacubem ta j'ech'el. Jech o xal un, ti stuque mu'yuc c'usi laj yal. Ta yan to c'ac'al, oy c'usi laj yalbe.