Eclesiastés 2:10 - Bible in Tzotzil de Chamula

¹⁰ J'ech'el mu'yuc c'usi laj jmacbe jba jtosuc ti c'usi ta jc'ane. Mu'yuc laj jmacbe c'usi xal ti lum ach'ele. Ximuyubaj no'ox laj jc'upin scotol ti jlubel jchamele. Ja' jech yepal laj jta un.

Bible in Tzotzil de Chenalhó with Deuterocanon

¹⁰ Me jchopuc mu'yuc la jalanbe li c'usi la sc'an co'ntone; laj jc'upin ca'ay scotol li c'usi lec laj quile. Yu'un toj xcuxet no'ox co'nton yu'un scotol li cabtele, ja' stojol cabtel laj ca'ay.

Eclesiastés 2:10 Iomraidhean Croise

Génesis 3:6

Ti antse c'upil sba laj yil ti sat te'e. Yo'ntonuc xa slo' ya'i yo' jech ta xbijub. Laj xtuch' jbej ti sat te'e, laj slo'. Ts'acal to laj yac'be ti smalale, laj slo' ec.

Génesis 6:2

Jech ti buch'utic c'otic xa ta bats'i xnich'nab ti Diose, laj yilic ti toj c'upil sba ti antsetique. Ja' yu'un un, tey lic st'ujic ti bu junucal ta sc'an ta xiq'uic ta scotole. Laj yic' sbaic xchi'uc ti bu c'ot ta yo'ntonique.

Job 31:1

Calojbe jba mantal ta j'ech'el ti mu xc'upij co'nton yu'un ti tsebal antsetique.

Salmos 119:37

Mu teyuc aq'ueloj ta xbat co'nton ta stojol ti loc'tabil diosetique, vulubtasbun jch'ulel yo' ta jtam batel ti lequil be avu'une.

Salmos 128:2

Lec ta x'ech' ta ave ta ati' ti alubel achamele; mu'yuc c'usi xana' ta x'ech' avu'un ti jujun c'ac'ale.

Proverbios 23:5

Ta xlic avil ti ch'abal ac'ulejal mi ta xanop leque, co'ol s'elan oy xic', ech'el no'ox ta x'ech' jech c'u cha'al xvilet jelavel ti muc' ta xique.

Eclesiastés 11:9

Querem, c'upino ti ach'iel ac'opojel ti oy to yipal avu'une. Ti c'u yepal ataoj avie, c'upino ta stunesel. Ac'bo aba ti bu xa c'alal xal ti avo'nton ti aviloj ta aba ta sate. Ja' no'ox, na'o ava'i un, Dios ta xich'bot ave ta sventa scotol ma' taje.

Eclesiastés 2:1

“Ta jloq'ues co'nton ta sc'upinel jba, ta yac'bel jba ti bu xa c'alal xal ti co'ntone”, xichi laj calbe jbae. Le' une, c'ajomal laj jta ti naca pich' o'nton ta xaq'ue.

Eclesiastés 2:22

Ja' yu'un un, ¿c'usi ta sta o ti vinic ti smiloj sba ta abtele, ti batem ta yo'nton ta snopilanel sventa no'ox ti sba banomile?

Eclesiastés 2:24

Ti c'usi xch'i o ta xa'i ti vinique, ve'uc yuch'uc no'ox vo', ech'uc ta ye ta sti' ti slubel xchamele. Laj ca'ibe smelol ti liquem talel ta stojol ti Dios une.

Eclesiastés 3:22

Laj quil un, ti c'usi stac' spas ti vinique, ja' ti stunuc slajesuc ti slubel xchamel ti yoc sc'obe, ja' jech yepal laj sta. Mu'yuc xa buch'u ta x'ac'bun yil ti c'usi ta to xc'ot ta pasele.

Eclesiastés 5:10

Mu no'ox xpaj ta xa'i ma' ti buch'u bic'tajem yo'nton yu'un ti taq'uine. Mu'yuc no'ox c'usi staoj ta xa'i ti buch'u bic'tajem yo'nton yu'un ti c'ulejale. Taje, naca no'ox pich' o'ntonal ta xac'.

Eclesiastés 5:17

Ic'uneb osil banomil laj ya'i ti c'u sjalil ch'i c'opoje. Yepal no'ox ti c'usitic chopol c'ot ta stojole. Ti vul o'ntonale, ti x'oc' x'avan no'ox xchi'uc ti svocole, quere, mu ch'ayel xal o ma' taj une.

Eclesiastés 5:18

Ti xloc' venta laj jta ta a'yiele, ti stac' chiquintaele, ve'cutic, cuch'tic vo', xchi'uc ta yet'esel co'ntontic ta stunel slajesel slubel xchamel ti coc jc'obtic c'u sjalil yac'oj ch'iel c'opojel ti Dios li' ta banomile. Albil jc'oplaltic ti jech ta jtatic yu'une.

Eclesiastés 6:2

Oy buch'u yepal no'ox ac'bilic sc'ulejalic slequilalic yu'un ti Diose, ti oy ta ye ta sti'ic scotol ti c'usi ta sc'anique. Le' une, mu xilbeic stsutseb ta sc'upinel scotol. Yan xa ti buch'u ta sc'upin ta stunesel stsutsele. Taje, naca pich' o'ntonal ta xac', jcha'na'tic xa ta j'ech'el un.

Eclesiastés 6:9

Ja' stac' to ma' ti quilojtic ta jsatic ti c'usi jtaojtique, ja' mu sta ma' ti co'ol xa s'elan c'otem ta pasel ya'yele. Le' une, naca pich' o'ntonal ta xac', co'ol s'elan ic' ta jtsac ca'itic.

Eclesiastés 8:15

C'ot ta co'nton ec un, ta yalbel sc'oplal ti muyubajele. Ti c'usi lec ta spas ti vinic li' ta banomile, ve'uc yuch'uc vo', yet'esuc yo'nton ta muyubajel, yu'un ja' jech yepal oy ta stojol ti vinic ta sventa yabtel ti c'u sjalil ta x'ac'bat xch'iel sc'opojel yu'un Dios li' ta banomile.

Eclesiastés 9:6

C'ot to me ta tsutsel ti xc'uxul yo'ntone, ti sti'emal scapemale, ti svocol yu'un ti sc'upijel yo'ntone. J'ech'el com o yu'un ma' ti c'u s'elan ech' ta banomil une.

Eclesiastés 9:9

C'upino ti ach'iel ac'opojel xchi'uc ti ants ti snup ach'ulel ta xava'ie. J'ech'el no'ox ta x'ech' ta atojol ta sc'upinel ti c'usi yac'ojbot ti Dios li' ta banomile. Ja' no'ox jech yepal laj ata ti avac'oj avocol ta abtel xchi'uc li' ta banomile.

1 Juan 2:16

Yu'un ma'uc liquem talel ta stojol Dios ti c'usi ta xac' ti sba banomile, yu'un liquel talel ta stojol ti sba banomil ono'oxe. Xi s'elan ta xac' sc'upijel ti banomile: ja' ti sc'upijel o'ntonale, ti c'usi lec ta xil ti satile, ti xijtoyet xa yu'un ti c'usi oy x'ayan li' ta banomile.

Jueces 14:2

C'alal sut talel ta snae, xi vul yalbe ya'i ti stot sme'e: —Avocolicuc, ta jc'an xachapanbeicun scotol ti c'usitic ta xtune yo' jech ta xinupi ta xits'aqui xchi'uc jun filistea ants ti c'ot ta jsat ta Timnate.