Eclesiastés 1:3 - Bible in Tzotzil de Chamula

³ ¿C'usi la ta sbalinbe ti vinic smiloj sba ta abtel ta x'ech' li' ta banomile?

Bible in Tzotzil de Chenalhó with Deuterocanon

³ ¿C'usi lec tsta li boch'o smiloj no'ox sba ta abtel li' ta banamile?

Eclesiastés 1:3 Iomraidhean Croise

Eclesiastés 2:11

Lic jnopilan ti cabteltac ti laj quich' jvocol xchi'uc c'alal lic talel cu'une. Lic quil un ti c'ajomal pich' o'ntonal ta xaq'ue, co'ol s'elan jun ic' ti ta jmactic ca'itic ta tsaquele. Vinaj ti naca no'ox ta x'ech' ta jba ta jsatic ti c'usitic ta jtatic li' ta banomile.

Eclesiastés 2:18

C'ot ta pasel ti mu tsotsuc sc'oplal scotol ti cabtel laj jliques ta yabtelanel li' ta banomile. Scotol taje, ta xlic stunes ti jq'uexole.

Eclesiastés 2:19

Ma' ti bu tac'al c'ot ta co'ntone, xi laj cale: Buch'uuc no'ox ta xlic yich' ta sventa, mi oy lec sbijil, mi pimuneb, ta ono'ox xc'ot ta yu'un scotol c'alal vocol chapaj ta sventa ta jbijil ti c'u yepal laj jta li' ta banomile. Naca pich' o'nton ta xac' un.

Eclesiastés 2:22

Ja' yu'un un, ¿c'usi ta sta o ti vinic ti smiloj sba ta abtele, ti batem ta yo'nton ta snopilanel sventa no'ox ti sba banomile?

Eclesiastés 3:9

¿C'usi xloc' venta ta xa'i ti vinic smiloj sba ta abtel unbi?

Eclesiastés 4:3

Ti buch'u mu'yuc to voq'uemique, lec oyic le'e. Mu'yuc to c'otem ta stojolic ti c'usi chopol li' ta banomile, ja' mu sta sc'oplal ma' ti chib taje.

Eclesiastés 4:7

C'alal laj joybin jba ta sq'uelel batele, xi laj quil ti naca pich' o'ntonal ta xaq'ue:

Eclesiastés 5:16

Yu'un xi s'elan ti vul o'ntonal ta xac' ta j'ech'el une: ti c'u la s'elan vul ta banomile, jech la ta sut batel. ¿C'usi laj sbalin o ti laj smil sba ta abtel xchi'uc une? ch'abal.

Eclesiastés 5:18

Ti xloc' venta laj jta ta a'yiele, ti stac' chiquintaele, ve'cutic, cuch'tic vo', xchi'uc ta yet'esel co'ntontic ta stunel slajesel slubel xchamel ti coc jc'obtic c'u sjalil yac'oj ch'iel c'opojel ti Dios li' ta banomile. Albil jc'oplaltic ti jech ta jtatic yu'une.

Eclesiastés 6:12

Ta j'ech'el mu'yuc buch'u sna' c'usi lec ta sta ti vinic c'u sjalil ti xch'iel sc'opojel ta x'ech'e. Naca pich' o'ntonal ta sta. Yu'un ti xch'iel sc'opojele, xtemet no'ox jelavel jech c'u cha'al ti queove. ¿Mi yu'un oy la buch'u ta x'albun c'usi ta xc'ot ta pasel li' ta banomil c'alal mi cham xa oxe?

Eclesiastés 7:11

Jun yutsil slequil ti bijilil ta sventaic ti buch'u cuxulic li' ta banomile, c'ulejal xal o ta j'ech'el.

Eclesiastés 9:13

Laj quil ti li' ta banomil xtoque, xi s'elan x'ale ti tsots chanubtasele:

Eclesiastés 9:3

Ti c'usi toj vocole, ja' xi s'elan scotol li' ta banomile: mu'yuc bu xbatic ta jelavel, yu'un scotol ta x'ech' ta stojolic. Ti xcaltic ava'i une, scotol me'inem ta yo'ntonic ti c'usi chopol ti c'u sjalil ti ch'iel c'opojele. U'ninbil yu'un ti sbolil sjol yo'ntone, ja' to me xcom ca'itic mi muquinal xa xloc' batel une.

Eclesiastés 9:6

C'ot to me ta tsutsel ti xc'uxul yo'ntone, ti sti'emal scapemale, ti svocol yu'un ti sc'upijel yo'ntone. J'ech'el com o yu'un ma' ti c'u s'elan ech' ta banomil une.

Isaías 55:2

¿C'u cha'al ta xats'ile ataq'uinic yu'un ti c'alal ma'uc ve'lile? ¿C'u cha'al ja' xa abejanoj avuni tojol yu'un ti c'alal mu'yuc c'usi ta x'ech' ta ave ta ati' jutebuque? A'yibeicun ava'iic lec, tunic lajesic atuquic ti lequil ve'liletique. Ech'uc ta ave ta ati'ic ti c'usitic chi' pojique.

Habacuc 2:13

Ti Dios ti scotol xu' yu'une, mu'yuc c'usi xtun o ta xc'ot yu'un ti avabtel ti laj apich' ti avoc ac'ob yu'une; scotol ti avabtele ta xlilij ta c'oc'.

Habacuc 2:18

¿Mi yu'un oy to c'usi xtun o ti c'usitic c'upil sba loc'tabil ti c'alal meltsanbil yu'un ti vinique? ¿Mi yu'un oy c'usi xtun o ti c'usitic loc'tabil c'alal ja' no'ox ta x'ac'van ta jutc'ope? Mu stac' xc'opoj ti c'usitic loc'tabile; ¿c'usi xavut un cha'e, ti xu' xapat avo'nton ta stojolic c'alal naca no'ox meltsanbil yu'un ti viniquetique?

San Mateo 16:26

¿C'usi bal o ti vinique ti mi ch'ayel ta xbat ti xch'ulele? ¿Mi oy c'usi xut ta sman loq'uel ti xch'ulele?

San Juan 6:27

Ma'uc xavabtelanic ta sa'el ti ave'elic ti sna' xlaje. Ja' ac'beic yipal ta sa'el ti ve'lil ti mu sna' xlaje, ti ta xac' cuxlejal sbatel osile. Vu'un ta xcac' ti ve'lile, ti vu'un co'ol j'elantique. C'ot ta jventa yu'un ti Jtot ti ja' Diose.

1 Corintios 16:16

Ti jech jch'unolajeletic taje, ti jech ta x'abtejique, ti jech ta xcoltavanique, ta jc'an ti ac'o ach'unbeic ti c'usi ta xalboxuque.