Daniel 8:3 - Bible in Tzotzil de Chamula

³ Tey laj jtoy batel jsat ta nom. Tey laj quil jcot tot chij ti cotol ta ti' uc'ume. Chib xulub ti nat va'ajtic muyele. Ja' no'ox un, oy jun ti ta xchibale ti natub to muyel ta j'ech'ele, ti ts'acal ch'i loq'uele.

Bible in Tzotzil de Chenalhó with Deuterocanon

³ C'alal lic jtoy sate, laj quil te oy ta ti' uc'um jcot tot chij, oy chib natic xulub. Li jun xulube xjelov snatil, pero ja' ts'acal ich'i.

Daniel 8:3 Iomraidhean Croise

1 Crónicas 21:16

C'alal laj stoy batel sat ti Davide, laj yil ti yaj'ánjel Dios xtuchoj ta sc'ob ti yespada ti sloq'uesoj ta snae. Sye'oj batel ta stuq'uil ti Jerusalene, ti liquem talel ta vinajele, ti c'otem to c'alal banomile. Va'i ti David une, xchi'uc ti moletique, jatantic xa sc'u'ic slapojic, snupilanic xa banomil laj spatan sbaic ta lumtic.

Esdras 1:2

“Xi xcholet ta xal ti Ciro ajvalil yu'un ti Persiae: Ti Ajvalil Dios yu'un ti vinajele, ti laj yac'bun ta coc ta jc'ob scotol ti ajvaliletic ti oy ta banomile, laj yac'bun jbain ta sva'anel jun ch'ulna ta Jerusalén ti oy ta yosilal ti Judae.

Esdras 4:5

Ma'uc no'ox taje, laj svosesbeic yo'nton ta mich'ob c'abal jun chibuc yajtuneltac ti ajvalile. Lic soquesbeic sc'oplal ti abtel ti staoj yav yo'ntonic c'u sjalil tiq'uil ta ajvalil ta Persia ti Ciroe, ti c'alal och ta ajvalil yu'un Persia ti Daríoe.

Ester 1:3

Ta yoxibal jabil stic'lej ta ajvalilal une, ti ajvalil Asueroe lic spas q'uin sventa yich'el ta muc' scotol ti yajtuneltaque, xchi'uc ti xchi'iltac ta abtel sventa ti ajvalile, ti banquilal soldado yu'un ti Persia xchi'uc ti Mediae, ti its'inal ajvaliletique, xchi'uc ti banquilaletic yu'un ti jujuchop bic'tal lumetique.

Isaías 13:17

“Ti scontraique ta xlic yilic ti ta jliquesbe sjol ti lum medoetique, ti mu ja'uc batem yo'nton yu'un ti platae, ti mi ja'uc jutebuc ta xpich' yo'ntonic yu'un ti oroe.

Isaías 21:2

Xi'bal sba ta j'ech'el ti xi s'elan laj yac'bun quil ti Diose: Ti jpayvaneje ta x'ac'van ta c'abal. Ta x'ac'van ta vocol ti j'ac'vanej ta vocole. Lican va'lan, Elam. Volvananic, medoetic. Ta'lo xa xca'i ti oy buch'u x'ajetique.

Isaías 44:28

Xi ta xcalbe ya'i ti Ciroe: ‘Vo'ot cajq'uel-chijot ta spasel scotol ti c'usi ta jc'ane.’ Xi ta xcalbe ya'i ti jteclum Jerusalene: ‘Ta liclejal ta jcha'va'anot.’ Xi ta xcalbe ya'i sc'oplal ti ch'ulnae: ‘Ta xcac'bot avicobtac.’ ”

Jeremías 51:11

Ti Diose oy ta yo'nton ti ta stubbe sc'oplal ti jteclum Babiloniae. Tijbil xa sjol yo'ntonic yu'un ti ajvaliletic ti ta xliquic talel ta Media ti jech c'otuc ta pasel taje. Taje, ta spac sutel ti Dios ti soquesbat ti xch'ulnae. Chaplanic xa xchi'uc ti ayolobique. Tsaquic lec ti amacobbailique.

Daniel 10:5

Ta jech to yepal, laj jtoy batel jsat. Laj quil jun vinic ti lequil saquil poc' ti sc'u' slapoje. Meltsanbil ta bats'i oro ti xchuque.

Daniel 2:39

C'alal mi c'ot ta tsutsel ti avabtele, Jcuch abtel, ta xvul ta loq'uel yan ajvalil ti mu sta jech xu' yu'un jech c'u cha'al ti vo'ote. Mi laj xtoc une, ta xvul ta loq'uel yoxibal ajvalil. Ja' smelol ti c'anal taq'uin ti xch'ute, xchi'uc ti sc'obtac laj avile, ti xu' yu'un ta spasel mantal sbejel ti banomile.

Daniel 5:31

Va'i un, ti Darioe, ti ja' liquem talel ta Mediae, och ta yoc ta sc'ob ti pasob mantale. Ti jech c'ac'al taje, yich'oj xa ox chib xchanvinic (62) jabil ti Darioe.

Daniel 6:28

Ja' yu'un un, ti Daniele jech com o ti tsots yabtel yich'oj ti c'u sjalil tiq'uil ta ajvalilal ti Darioe, xchi'uc ti c'u sjalil tiq'uil ta ajvalilal ti Ciro ti ja' ajvalil yu'un ti jteclum Persiae.

Daniel 7:5

Ti xcha'cotale, co'ol s'elan jcot oso ti toyol cotol laj quile. Scats'oj oxtel ch'ilte'il ta yee, ti laj ca'i ti xi albate: “Batan, ti'an scotol ti beq'uet ti bu c'alal xu' avu'une.”

Daniel 8:2

Ti c'usi laj quil ti c'alal jam ti jba jsate, co'ol s'elan tey oyun ta jteclum Susa yilel ti oy ta yosilal ti Elame, ta sti'il uc'um ti Ulai sbie.

Daniel 8:20

“Ti tot chij ti oy chib xulube, ja' ta sco'oltasbe sc'oplalic ti ajvaliletic yu'un ti jteclum Mediae xchi'uc ti jteclum Persiae.

Zacarías 1:18

Yan to velta laj quil ti jam ti jba sate, laj quil ti vinaj chanib (4) xulubiletique.

Zacarías 2:1

Jam jba jsat xtoc, laj quil jun vinic ti stsacoj batel ta sc'ob ti sbisobile.

Zacarías 5:1

Jam jba jsat no'ox xtoc, laj quil jlic ts'ibabil balbil vun ti xvililete.

Zacarías 5:5

Laj taj une, ti ánjel ti buch'u yacal ta xilo'ilaj xchi'uque, xi laj yalbun ti nopaj talele: “¡Tuc'ulano avil lec ti c'usi ta xvinaj talel tana une!”

Zacarías 5:9

Laj quil no'ox xtoc vul ta loq'uel chib antsetic ti oy xiq'uique, ti cuchbil ta xbatic yu'un ti iq'ue. Jun to xic' muc' ta sac ichin yilel ti xchechet batel yu'unic ta vinajel ti almule.

Zacarías 6:1

Jam jba jsat no'ox xtoc, laj quil ti vul ta loq'uel chanib carreta yu'un ac'ob-leto ta o'lol yu'un chib vitsetic ti xlaplun no'ox ti sc'anale.

Números 24:2

Ti c'alal laj yil ti Balaam ti lamalic ta jujuvoc' ti Israele, tal uninatuc yu'un xcuxlejal ti Diose.

Josué 5:13

Ta nopol Jericó, oy jun c'ac'al ti Josuee laj yil jun vinic ti stsacoj jun yespadae. Nopaj batel ti Josuee, ti xi laj sjac'bee: —¿Mi jchi'ilotcutic, mi ja' junuc cajcontraotcutic?

Apocalipsis 13:11

Ts'acal to un, laj quil yan jti'oval chon ti loc' muyel tal ta banomile. Oy chib xulub co'ol s'elan xulub uni tot chij. Ti sc'opojele co'ol s'elan sc'opojel ti muc' ta tsajal jti'oval chone.

Apocalipsis 5:6

C'alal jech laj yale, ja' o laj quil ta o'lol bu oy ti muc' ta chotlebale, ta o'lol bu oy ti c'usi chanib cuxajtique, ta o'lol bu oy ti moletique, laj quil cotol jcot ta Uni Chij ti oy svinajeb laj yich' milele. Ti Uni chij taje, oy vucub xulub, xchi'uc vucbej sbec' sat ti ja' svinajeb ti vuctos stalel Ch'ul Espíritu yu'un ti Diose, ti yac'oj batel sat ti Dios ta sjoylej ti banomile.