Daniel 8:2 - Bible in Tzotzil de Chamula

² Ti c'usi laj quil ti c'alal jam ti jba jsate, co'ol s'elan tey oyun ta jteclum Susa yilel ti oy ta yosilal ti Elame, ta sti'il uc'um ti Ulai sbie.

Bible in Tzotzil de Chenalhó with Deuterocanon

² Ta jvayech te oyun ta muc'ta lum Susa, ja' li muc'ta lum te ta Elam banamile. Te va'alun ta ti' uc'um Elai laj quil.

Daniel 8:2 Iomraidhean Croise

Génesis 10:22

Xnich'nabtac ti Seme, ja' ti Elame, ti Asure, ti Arfaxade, ti Lude, xchi'uc ti Arame.

Génesis 14:1

Ti jech ora ta vo'ne taje, xi s'elan oy chanib ajvaliletic: Ti Amrafele, ja' ajvalil yu'un ti jteclum Sinare. Ti Arioque, ja' ajvalil yu'un ti jteclum Elasare. Ti Quedorlaomere, ja' ajvalil yu'un ti jteclum Elame. Ti Tidale, ja' ajvalil yu'un ti jteclum Goime.

Nehemías 1:1

Li'e, ja' sc'oplal slo'il ya'yejal ti Nehemías xnich'on ti Hacaliase. Ti jtob xa jabil yochel ta ajvalilal ti Artajerjese, ta yual ti sbiinoj Quisleue, ti vu'un Nehemiase, ja' o oyun ta jteclum Susa.

Ester 1:2

Ti jteclum Susae, c'otem ta spasob mantal ta scotol.

Ester 2:8

C'alal vinaj batel mantal ti laj yal ti ajvalile, yepal tojol tsebetic laj yich'ic tsobel batel ta sna ajvalil ti oy ta muc' ta lum Susae, ti bainbil c'otic yu'un Hegai ti sbainoj ta xchabiel ti antsetique. Ta scotol ti tsebetique, capal bat ec ti Estere.

Ester 3:15

Jech ti j'ac'-vunetique loq'uic batel ta spuquel ta sventa smantal ti ajvalile. Ti ts'ibabil mantal taje, lic ta steclumal Susa. Yan ti ajvalile xchi'uc ti Amane, jun yo'nton chotol ta x'uch'obajic. Ja'uc ti jnaclejetic ta Susae mu stac' a'yeluc ta xa'iic yu'un ti va'i s'elan taje.

Ester 7:6

Xi laj stac' ti Estere: —¡Ti jcontrainvanej jti'ovale, ti spajebal xa no'ox mu'yuc xch'ulele, ja' ti vinic Amán li'e! C'alal laj ya'i ti Amán taje, toj alubel c'ot ta xi'el ta stojol ti ajvalile, xchi'uc ta stojol ti me' ajvalile.

Ester 8:15

Ti Mardoqueoe slapoj loc' ech'el lo'in c'u'il sventa ajvalilal ti yax'elan xyaxal xchi'uc saquile, xchi'uc jun muc' ta ronail jolal ti meltsanbil ta oroe, xchi'uc jlic xela mochib c'u' ti yax'elan stsajale. Xmuyubajic lic avanicuc scotol ti jnaclejetic ta muc' ta lum Susae.

Ester 9:11

C'alal laj ya'i ajvalil ti c'u yepal lajic ta milel ta lum Susa ti c'ac'al taje,

Ester 9:15

Ti judíoetic ti nacalic ta muc' ta Susae, lic xcha'tsob sbaic ta xchanlajunebal (14) sc'ac'alil yual ti sbiinoj Adare. Laj to smilic vo'lajunvinic (300) ta vo' viniquetic ti bu taje. Mu'yuc xa laj spicbeic ti c'usitic x'ayan yu'unique.

Isaías 11:11

Ta yorail taje, ta xac' iluc xtoc smuc'ul stsatsal ti Diose. Ta xlic stsob talel ti scomelal slumale, yu'un ta xic' sutel talel ti buch'utic tiq'uilic ta lum Asiriae, ti tiq'uilic ta Egiptoe, ti tiq'uilic ta lum Patrose, ti tiq'uilic ta lum Etiopiae, ti tiq'uilic ta lum Elame, ti tiq'uilic ta lum Sinare, ti tiq'uilic ta lum Hamate, xchi'uc ta lumetic ti oy ta sti'il ti muc' ta nabe.

Isaías 21:2

Xi'bal sba ta j'ech'el ti xi s'elan laj yac'bun quil ti Diose: Ti jpayvaneje ta x'ac'van ta c'abal. Ta x'ac'van ta vocol ti j'ac'vanej ta vocole. Lican va'lan, Elam. Volvananic, medoetic. Ta'lo xa xca'i ti oy buch'u x'ajetique.

Ezequiel 1:1

Ta yo'obal (5) c'ac'al yu'un ti xchanibal (4) u ta slajunebal xcha'vinic (30) jabile, chotolun ta ti' uc'um Quebar jmoj xchi'uc ti buch'utic bec'bil loq'uique. Ta jech yepal un, jam ti jba jsat ti laj quil jamal ti vinajele, c'ot ta jsat ti Dios une.

Ezequiel 32:24

“Le' oy ec ti Elame, volol tal ta spat xocon ta muclej xchi'uc scotol ti yajsoldadotaque. Chamic lajic ta leto scotol ma' le'e. Talic ta muquel ec un ti buch'u yan yajvalic ech'ique. Ti yajsoldadotaque laj yac'beic xi'el ti buch'u cuxulic ta banomile. Laj c'op ma' ti ich'bil ta muc' ti vulic xa ta muquinal ti bu muculic ti yan tana une.

Daniel 10:4

C'alal xchanibal xa ox xcha'vinic (24) c'ac'al ti sliqueb u yu'un ti jabil taje, oyun yilel laj quil ta sti'il ti muc' ta uc'um Tigrise.

Daniel 7:15

Ti vu'un Danielune laj ca'i ti litsaque yu'un ti xi'ele. Vul o'ntonun xa xchi'uc scotol ti c'u s'elan laj quile.

Daniel 7:2

Ti ta jvaiche, laj quil ti xvo'o'et no'ox talel ic' ta xchanjotal ti banomile, ti xyuq'uet no'ox ta jujujot yu'un ti muc' ta nabe.

Daniel 8:1

C'alal yoxibal (3) xa ox jabil yochel ta ajvalilal ti Belsasare, ti vu'un Danielune, c'ot to ta pasel ti jam ti jba jsat xtoque. Ja' slecoj ti ta ba'yel to ox laj quile.

Daniel 8:3

Tey laj jtoy batel jsat ta nom. Tey laj quil jcot tot chij ti cotol ta ti' uc'ume. Chib xulub ti nat va'ajtic muyele. Ja' no'ox un, oy jun ti ta xchibale ti natub to muyel ta j'ech'ele, ti ts'acal ch'i loq'uele.

Números 12:6

xi albatic yu'un ti Diose: “A'yio ava'iic ti xi ta xcalboxuque: C'alal oy jun j'alc'op ti vu'un ta jva'an ta atojolique, jchop o ti c'u s'elan ta xcac' jba iluc ta stojole, xchi'uc ta jc'opon ta xvaich.

Hebreos 1:1

Ti ta vo'nee, ep ta velta, ep ta tos, ti c'u s'elan c'opoj ti Dios ta stojol ti jmolmuc'totic ta sventa ti j'alc'opetique.

Apocalipsis 9:17

Ti li'ac'bat quil ti ca'etique, xchi'uc ti buch'u cajalique, xi s'elane: oy oxtos sbon ti smac sti' yo'ntonique. Ti june chac uban stsajal jech c'u cha'al c'oc'. Ti xchibale yax urantic sba stsajal. Ti yoxibale c'antilan sc'anal jech c'u cha'al azufre. Sjol ti ca'etique, co'ol s'elan sjol león. Ti ta yeique ta xloc' talel c'oc', ch'ail, xchi'uc azufre.