Daniel 7:4 - Bible in Tzotzil de Chamula

⁴ Ti bu ba'yel laj quile, co'ol s'elan jcot león yilel. Ja' no'ox un, oy xic' jech c'u cha'al ti xique. C'alal ja' o batem jsat xchi'uc ta sq'uelele, laj quil ti laj yich' loq'uesbel ti xic'taque. Lic stoybeic liquel ti sjole. Laj stec'anbeic lec ti svalopat acan ta lumtique. Va'al lec com yu'unic jech c'u cha'al junuc vinic. Lic ayanuc snopobil yu'un jech c'u cha'al snopobil yu'un jun vinic.

Bible in Tzotzil de Chenalhó with Deuterocanon

⁴ Li sbae xco'laj xchi'uc león, oy xic' jech chac c'u cha'al xic. Te jq'ueloj laj yich' c'ocbel li xiq'ue. Laj yich' va'anel ta sba banamil, iva'i ta yacan jech chac c'u cha'al cristiano. Laj yich' ac'bel sjol yo'nton jech chac c'u cha'al sjol yo'nton cristiano.

Daniel 7:4 Iomraidhean Croise

Jeremías 4:7

Ti jti'oval leone loc' xa talel ta xch'en. Stamoj xa talel sbe ta stsutsesel ti muc'tiquil jteclumetique, yu'un loc' xa talel ta slumal yo' ta stsutses ti muc' ta lum avu'une, ti sts'ijlajan ta xcom yu'une, ti j'ech'el lilijem ta xcom yu'un ti jteclumetic avu'une.

Ezequiel 17:3

Xi xavalbe une: ‘Ti Diose xi s'elan ta xale: Vul muc' ta xic ta Líbano pochol no'ox smuc'ul xiq'ue. Mu tsalbaj ta j'ech'el ti xvililete, ti ep ta tos xlaplun ti sc'uc'umale. Loch'ol c'ot ta sni' ti ch'ut te'e.

San Mateo 24:28

Ti bu oy ti animae, tey chba stsob sba ti xulemetique.

Daniel 4:36

“Ta yorail no'ox ti c'alal jech c'ot ta pasel taje, lic cuxiuc talel ti snopobil cu'une. Vul ti jch'ulele. Lic ayanuc yutsilal ti c'u s'elan ta jpas-mantale, ti cajal c'ot ti jc'oplale, ti jelavem xu' cu'une. Jech ti jtojobtasvanejetic cu'une, xchi'uc ti buch'u cajal yabtelic cu'un ti ta spas mantale, tal sq'uelicun. Va'i un, lic jva'an jba ta pas mantal yu'unic ta stojol ti jteclumale. Lic quich' quip ta ventainvanej ti xjelav to laj jtae, ti ja' mu sta ta ba'yel to oxe.

Ezequiel 28:9

¿Mi jech to van diosot xava'i xcal va'alot ta stojol ti avajcontrae? Uni vinicot no'ox ma' ti oyot xa ta sc'ob ti buch'u ta smilote.

Ezequiel 28:2

“Yojtot, xi xavalbe ya'i ti ajvalil yu'un ti jteclum Tiroe: ‘Xi s'elan ta xal ti Diose: Mu'yuc xa ono'ox buch'u xtaun o laj ava'i xchi'uc ti atoyobbaile, lac'ot ta jun dios laj ava'i aba ti chotolot ta spasob mantal ti diosetic ti joyobtabilot ta nabe. Laj anop ti jech abijil jech c'u cha'al jun diose, naca vinicot no'ox, ma'uc jun dios.

Lamentaciones 4:19

Ti jcontracutique xvilic no'ox ta snutseluncutic ta jujun vitstic, ja' mu sta xvil ma' ti xique. Cotajtic no'ox jpets'alcutic yu'unic ta sbajtical banomil.

Jeremías 48:40

Ti Diose xi ta xale: “Scontra ti Moabe xlich'oj talel xic' jech c'u cha'al junuc xic ti xjipluj talel ta stojole.

Jeremías 25:38

Co'ol s'elan jcot león loc' talel ti bu snac'oj sbae. Ti muc' ta lum yu'unique lilijem com ta j'ech'el. Til sc'ac'al yo'nton ti Diose. Xi'bal sba leto laj stac talel un.

Jeremías 4:13

Q'uelo avilic, ti jcontrainvaneje xvolet no'ox talel jech c'u cha'al junuc toc. Ti scarretaic sventa ti pasob letoe, co'ol s'elan sutub ic' ti sts'otobaj no'ox talele. Ti sca'ique xvilet no'ox talel, ja' mu sta xvil ti muc' ta xique. Mu xa ono'ox cha'bel, ja' to lijlaj un.

Salmos 9:20

Ya'iuc xi'el avu'un un, Dios, ac'bo sna' ti naca vinic no'ox ta banomile.

Job 25:6

ja'uc xa la ti vinique ti c'ajomal no'ox jcot ta uni jlajel xuvite.

2 Samuel 1:23

“Ti Saule, ti Jonatane, c'anbilic, lec ilbilic, jmoj yalel muyelic ti c'alal cuxulique, jmoj chamic xtoc. Xviletic no'ox ta j'ech'el, ja' mu sta ti xiquetique. Ech'em xu' yu'unic, ja' mu sta ti leónetique.

Deuteronomio 28:49

Yu'un ti Diose ta stac' talel jyanlumetic ti co'ol to s'elan junuc muc' ta xic ti xvilil to talel ta xliquic talel ta jot to banomil ti ta stsacoxuc ta letoe. Mu ja'uc jutebuc ta xava'ibeic ti sc'opique.

Apocalipsis 13:2

Ti jti'oval chon loc' talel ta nab laj quile, co'ol s'elan yilel jchop o ta bolom, co'ol s'elan oso ti yoc sc'obe. co'ol s'elan león ti yee. Smuc'ul stsatsal ti muc' ta tsajal jti'oval chone, xchi'uc ti bu ta spas mantale, ti tsots yabtel yich'oje, laj yac'be jelavel ta stojol ti xi'bal sba jti'oval chon ti loc' talel ta nabe.

Daniel 7:5

Ti xcha'cotale, co'ol s'elan jcot oso ti toyol cotol laj quile. Scats'oj oxtel ch'ilte'il ta yee, ti laj ca'i ti xi albate: “Batan, ti'an scotol ti beq'uet ti bu c'alal xu' avu'une.”

Jeremías 49:19

Nax to ti jap xichi talel jech c'u cha'al junuc león ti ta xloc' talel ta pimilal pujtic yu'un ti uc'um Jordane, ti xbitet batel ta anil ta uninal ve'ebal yaxaltique, ti xbitic no'ox loq'uel ta jatobal cu'un ti jnaclejetic yu'un ti Edome. Ta xcac' ochuc ta pas mantal ti buch'u ta jt'uje. Ja' yu'un un cha'e, ¿Buch'u xco'olaj xu' yu'un jech c'u cha'al ti vu'une? ¿Mi oy buch'u xu' yu'un ta stsalelun? ¿Mi oy jun jq'uel-chij xu' yu'un xch'amelun ta be?

Daniel 2:38

Ma'uc no'ox taje, yu'un laj yac'bot ta avoc ta ac'ob scotol ti buyuc no'ox oy ti jnaclejetique, ti chon bolometique, ti jaylajun-tos ti c'usitic oy sc'uc'umal ti stac' ts'unele. Scotol ti va'i yepal taje, laj yac'bot aventain ta sbainel ti vo'ote, Jcuch abtel. Ja' me smelol ti oro laj avil ti sjol ti loc'obbaile.

Daniel 7:12

Ja' jech xtoc ti yan muc'tiquil jti'oval chonetique, laj yich'ic pojbel ti jech jelavem xu' yu'unique. Le' une, cuxul laj yictaic ja' to ti c'uxi ta xc'ot ta tsutsel ti ora yu'unique.