Daniel 7:2 - Bible in Tzotzil de Chamula

² Ti ta jvaiche, laj quil ti xvo'o'et no'ox talel ic' ta xchanjotal ti banomile, ti xyuq'uet no'ox ta jujujot yu'un ti muc' ta nabe.

Bible in Tzotzil de Chenalhó with Deuterocanon

² “Vu'un li Danielune, oy c'usi laj quil ta jvayech ta ac'ubaltic. Laj quil chanib ic' ital ta vinajel; la syuq'uilan li muc'ta nabe.

Daniel 7:2 Iomraidhean Croise

Isaías 17:12

A'yio ava'i ti xvo'o'et no'ox talel ti epal lumetique, ti co'ol to s'elan nab xvo'o'et talele. Ja' xa xvo'o'et talel ti muc'tiquil lume jech c'u cha'al xvo'o'et no'ox ta j'ech'el ti c'alal ta xac' tsots ti vo'e.

Jeremías 49:36

Ta xchanjotal vinajel banomil, ta xcac' taluc ic' ta stojol ti jteclum li'e, ti tan puc bu bec'bil ta xbatic yu'une. Mu'yuc xa junuc muc'tiquil lumetic ma' ti mu xc'ot ti jnutseletic ta stojole.

Jeremías 51:42

Yu'un ti jteclum Babiloniae, mut'iat xa ta nab. Yu'un volat ochel ti jech natic no'ox xva'i xcoti ti nabe.

Daniel 11:4

Manchuc mi jech un, c'alal cuchem xa ox lec yu'une, ta xlic lilijuc ti jech spasoj xa ox canal ta yu'ninel scotole. Yu'un ta xich' pasel ta chanch'ac ti c'u sjamlej smacoje. Ti jech jelavem xa ox xu' yu'un ti ajvalil taje, mi ja'uc junuc ti jech ta xloc' ti snitilultaque. Mi ja'uc xa ta xvol yu'un jech c'u cha'al ti buch'u ech' ta ba'yel ti jelavem xu' yu'une, ja' ti ta xc'ot ta pasel ti ta spas ta chanch'aque, ti yan o xa ajvaliletic ta x'och ta xq'uexole.

Daniel 2:19

Ti jech ac'ubal taje, ti Daniele jam ti sba sate. Ac'bat yil ti c'usi mucul ti mu xvinaje. C'alal jech ac'bat yile, laj slequil-c'opta ti Dios ti oy ta vinajele.

Daniel 7:13

C'alal yacalun ta sq'uelel ti c'usi jam jsat ti li'ac'bat quil ta ac'ubaltique, ta anil no'ox xi c'ot ta pasele: laj quil ti co'ol s'elan vinic ti tal ta ba toque, ti bat ti bu oy ti Mole. Aq'ue nopajuc batel ta stojol.

Daniel 7:7

Ti xchanibal xi'bal sba jti'oval chon ti li'ac'bat quil ti c'alal jam ti jba jsate, toj ech'em xi'elal ta j'ech'el, ti stuc xa no'ox jech xu' yu'un ta j'ech'ele. Jun to snatiquil stanal ye, ti ja' tsatsal taq'uin yilele, ti naca smilan no'ox scotole. Mu no'ox ta yeuc ta xa'i ti ta slilinane. Ta sju' comel ta teq'uel ti c'u yepal ti scomelale. Ja' jun jti'oval chon ti stuc no'ox yan o ta q'uelel ta scotol ti c'u yepal laj quil ta jvaiche. Yu'un oy lajuneb (10) xulub ta sjol laj quil.

Daniel 8:2

Ti c'usi laj quil ti c'alal jam ti jba jsate, co'ol s'elan tey oyun ta jteclum Susa yilel ti oy ta yosilal ti Elame, ta sti'il uc'um ti Ulai sbie.

Daniel 8:8

Jech ti tot tentsune, yantic no'ox yich' batel yip ta j'ech'el. Ja' no'ox un, c'alal yorail yich'oj xa lec ti yipe, ja' o xa lic c'asuc ti smuc' ta xulube. Jech ti bu c'as loq'uele, tey lic ch'iuc talel chanib xulub ti bichajtic muyel ti sq'ueloj batel ta xchanjechal banomile.

Zacarías 6:5

Xi laj stac'bun ti ánjele: “Le'e, ja'ic ti buch'utic sbainojic ti ic' ti ta xloc' talel ta xchanjotal banomile, ti liquemic talel ta stojol ti Dios yu'un scotol ti banomile.

San Mateo 24:31

Ja' ta jpas ta mantal ti caj'ánjeltac ti tsotsuc yoq'uisanic ti yoq'uesique yo' ta stsobic talel ti c'u yepal t'ujbil cu'un ti buyuc no'ox oyic ta xchanjotal ti banomile.

Apocalipsis 17:15

Ti anjele xi laj yalbun xtoque: “Ti vo' xti'bet laj avil bu chotol ti mulivajel antse, ja' sc'oplal jteclumetic, jnaclejetic ta banomil, ti jujuchop ti sc'opique, ti oyic ta jujun muc'tiquil lume.

Apocalipsis 7:1

Laj taj une, laj quil chanvo' anjeletic va'ajtic ta jujot xchanjotal xchiquin ti banomile, sva'anoj sbaic ta spajesel ic' yo' mu xjelav talel ta banomil, ta nab, mi ja'uc ta te'etic.