Daniel 7:1 - Bible in Tzotzil de Chamula

¹ Oy jun ac'ubal, ti c'alal ja' to ox sliqueb jabil yochel ta ajvalil ta Babilonia ti Belsasare, jech ti Daniele vaichinaj ti oy c'usi ac'bat yil ti c'alal jam ti sba sate. C'alal julave, lic sbejan ta vun ti jaytos tsotsic sc'oplal ti c'usi laj svaichintae. Ti c'usi laj sbejan ta vune, jech c'u cha'al li'e:

Bible in Tzotzil de Chenalhó with Deuterocanon

¹ C'alal sba to jabil yochel ta ajvalilal ta Babilonia li Belsasare, li Daniele ivaychin, xchi'uc oy c'usi i'ac'bat yil ta xch'ulel ti c'alal ja'o te mochol ta svayabe. Ta ora la sts'iba ta vun li c'usitic tsotsic sc'oplal laj yil ta xvayeche. Jech la sts'iba:

Daniel 7:1 Iomraidhean Croise

Génesis 15:1

C'alal laj ti va'i s'elan taj une, ti Abrame ta jech to yepal jam sba sat, ja' o xi albat yu'un ti Diose: —Mu xaxi', Abram, yu'un vu'un avajpojobbailun. Yu'un ti matanal ti oy sc'oplal ta xc'ot ta atojole, mu xa ono'ox albajuc yepal ta xbat.

Génesis 46:2

Ja' o ta yac'ubalil, ti Israele jam sba sat laj yil c'oponat talel yu'un Dios ti biiltasat ta sbi Jacobe. Jech ti stuque xi laj staq'ue: —¿C'usi ta xaval?

Job 4:13

Ta ac'ubaltic, c'alal lamal ta vayel ti viniquetique, toj xi'bal sba ti laj quil ta jvaiche.

Isaías 30:8

La' li'e, ts'ibao ta jpech tenel-te'. Bejano comel lec ta ts'ibabil vun yo' ta sq'uelic ti buch'u ts'acal to ta xtale, ti sbateluc osil mu xlaj ta alilanel ti sc'oplal yu'unique.

Isaías 8:1

Ti Diose xi laj yalbune: “Sa'o jpechuc muc'ul tenel-te'. Ta xats'iba letraetic ti xchiquintaj no'ox yu'un ta a'yibel smelol ti buch'uuc no'ox xojtiquin ti xi ta xale: ‘Maher-salal-hasbaz.’

Jeremías 23:28

Mi oy c'usi laj yil ta xvaich ti j'alc'ope, ac'o yal. Mi ta xch'amunbat ye ta yalel ti jc'ope, ta slequiluc yutsiluc yo'nton, ac'o yal. Yu'un ti jc'ope, mu stac' co'oltasel jech c'u cha'al junuc jol trigo xchi'uc ti yacane.

Jeremías 27:7

Scotol ti muc'tiquil lume, ta xac' sbaic ta ventainel ta stojol. Jech ta xlic sventainic ec ti xnich'one, ti smome, ja' to ti c'uxi ta xc'ot sc'ac'alil ventainbil ta xc'ot sjunul slumal yu'un ti yan muc'tiquil lumetique, xchi'uc ti ajvaliletic ti cajal xu' yu'unique.

Jeremías 36:32

Ti Jeremías une laj stam ti yan balbil vune. Laj yac'be jelavel ti Baruc ti ja' yajts'ibajome. Lic sts'iba scotol xtoc ti c'u s'elan loc' ta alel yu'un ti Jeremiase, ti xcaltique, ja' ti c'u s'elan ts'ibabil scotol ta balbil vun ti laj xchic' ti ajvalil Joacime. Ti Jeremiase laj to stic' ochel ta sts'ibael yan ti co'ol ono'ox smelol ta xale.

Jeremías 36:4

Ti Jeremiase laj sta ta iq'uel ti Baruc xnich'on ti Neriase. Lic xchol ta alel scotol ti c'u s'elan albat ya'i yu'un ti Diose. Ti Baruc eque lic xchapan sba ta sts'ibael ti balbil vune.

Ezequiel 1:1

Ta yo'obal (5) c'ac'al yu'un ti xchanibal (4) u ta slajunebal xcha'vinic (30) jabile, chotolun ta ti' uc'um Quebar jmoj xchi'uc ti buch'utic bec'bil loq'uique. Ta jech yepal un, jam ti jba jsat ti laj quil jamal ti vinajele, c'ot ta jsat ti Dios une.

Ezequiel 40:2

Laj quil yilel lic'ot yu'un ti Diose, c'ot sva'anun ta jun toyol vits. Laj quil batel oy c'usi meltsanbil co'ol s'elan jun muc' ta lum yilel ta yeloval ta yolon ti yac'ol xocon sloq'ueb c'ac'ale.

Daniel 1:17

Ti chanib querem viniquetic taje, ac'bat sbijilic yu'un ti Diose, xchi'uc ti xvul no'ox ta sjolic yo' ta xa'ibeic smelol ti ep ta poc vunetic ti naca vocol ta a'yiel ti c'usitic nopbil teye. Yu'un ti Daniele sna' st'unbel smelol ti ep ta tos ti c'usitic ta xich' ilel ti c'alal ta xjam ti ba satile, xchi'uc ti c'usitic ta xvinaj ta vaichile.

Daniel 2:1

C'alal xchibal xa ox jabil yochel ta ajvalilal ti Nabucodonosore, ep ta velta ti c'usitic laj yil ta xvaiche. Ta scoj ti jech taje, lic ta vul o'nton. Mu xa xvay xchi'uc ta snopel.

Daniel 2:26

Va'i un, ti ajvalile xi laj yalbe ti Daniele, ja' ti buch'u Belsasar laj yac'beic sbie: “¿Mi xu' avu'un ta xaval ti c'usi laj jvaichintae, xchi'uc ti c'usi smelol ta xac' ta na'ele?”

Daniel 4:13

“Ta jech to yepal ti c'alal jam ti jba jsate, laj quil jun jchabivanej ánjel ti yal talel ta vinajele.

Daniel 4:5

Ja' no'ox un, oy jun ac'ubal c'alal telel ta jcuxe, livaichinaj, toj xi'bal sba ti c'usi laj quile. C'alal jech lic ta vulvunel ti jol co'nton ti c'usitic ta jnope, lic ochcun ta xi'el yu'un ta j'ech'el. Yu'un yip xa laj sta ya'luc ti c'alal vul ta co'nton ti c'usi li'ac'bat quil ti c'alal jam ti jba jsate.

Daniel 5:1

Ti Belsasar ajvalil yu'un ti jteclum Babiloniae, lic yac' muc' ta ve'el uch'bajel. Laj stac talel ta iq'uel ti buch'utic cajal yabtel yich'oj ta sjunul ti muc' ta jteclume. Mu no'ox albajuc laj stsob sbaic talel ta j'ech'el. C'alal xyaquet xa ti ve'el yu'unique, jech ti ajvalil xchi'uc ti buch'utic ic'bil yu'une, laj sjambeic snuq'uilal ta yuch'el ta j'ech'el ti uch'bajel vinoe.

Daniel 5:22

“Avi tana une, Belsasar, ti vo'ot Jcuch abtelote, ti ja' xnich'onot ti ajvalil taje, scotol ti va'i s'elan c'ot ta stojol taje, laj ana' xa lec ti c'usi c'ot ta pasele. C'u stu un, mi ja'uc ta xabic'tajes aba jutebuc ti c'u a'elan oyot ti vo'ot eque.

Daniel 5:30

Ti jech c'ac'al taje, ta yac'ubalil no'ox, laj smilic ti Belsasar ti ja' ajvalil yu'un ti caldeoetique.

Daniel 7:13

C'alal yacalun ta sq'uelel ti c'usi jam jsat ti li'ac'bat quil ta ac'ubaltique, ta anil no'ox xi c'ot ta pasele: laj quil ti co'ol s'elan vinic ti tal ta ba toque, ti bat ti bu oy ti Mole. Aq'ue nopajuc batel ta stojol.

Daniel 7:15

Ti vu'un Danielune laj ca'i ti litsaque yu'un ti xi'ele. Vul o'ntonun xa xchi'uc scotol ti c'u s'elan laj quile.

Daniel 7:7

Ti xchanibal xi'bal sba jti'oval chon ti li'ac'bat quil ti c'alal jam ti jba jsate, toj ech'em xi'elal ta j'ech'el, ti stuc xa no'ox jech xu' yu'un ta j'ech'ele. Jun to snatiquil stanal ye, ti ja' tsatsal taq'uin yilele, ti naca smilan no'ox scotole. Mu no'ox ta yeuc ta xa'i ti ta slilinane. Ta sju' comel ta teq'uel ti c'u yepal ti scomelale. Ja' jun jti'oval chon ti stuc no'ox yan o ta q'uelel ta scotol ti c'u yepal laj quil ta jvaiche. Yu'un oy lajuneb (10) xulub ta sjol laj quil.

Daniel 8:1

C'alal yoxibal (3) xa ox jabil yochel ta ajvalilal ti Belsasare, ti vu'un Danielune, c'ot to ta pasel ti jam ti jba jsat xtoque. Ja' slecoj ti ta ba'yel to ox laj quile.

Joel 2:28

“C'alal mi ech' ti va'i s'elan taje, xi s'elan ta xc'ot ta pasel cu'un ta stojol ti jnaclejetic ta banomil c'alal ta jtic'beic ta sjolic ti jcuxleje: ti aquerem atsebique ta xlic c'opojicuc ta jventa; ti moletique, oy c'usi ta xilic ta xvaichic; jech ti jva'lej viniquetique, oy c'usi ta xilic ti ta xjam ti sba satique.

Amós 3:7

Mu'yuc c'usi ta spas ti Diose ti mi mu'yuc ba'yel ta xac'be yil ti jtunel yaj'alc'optaque.

Habacuc 2:2

Jech ti Diose xi laj stac'bun talele: “Ts'ibao ta junuc pech-pech patbil lum ti c'usi ta xlic cac'bot avile, yo' jech xcholet no'ox ta q'uelel.

Números 12:6

xi albatic yu'un ti Diose: “A'yio ava'iic ti xi ta xcalboxuque: C'alal oy jun j'alc'op ti vu'un ta jva'an ta atojolique, jchop o ti c'u s'elan ta xcac' jba iluc ta stojole, xchi'uc ta jc'opon ta xvaich.

Romanos 15:4

Scotol ti c'usitic laj yich' alel talel ta vo'ne ta ch'ul c'ope, laj yich' ts'ibael ta sventa yo' ta xquich'tic chanubtasel yu'un, yo' bejbunuc ta co'ntontic ta stael batel ti oy c'usi jmalaojtic ta jtatique.

2 Corintios 12:1

Mu'yuc c'usi xloc' o venta yu'un mi ja' no'ox ta xalbe sba ti sc'oplal stuque. Ja'uc le'e, ta xcalboxuc ava'iic oy c'usi li'ac'bat quil, oy c'usi li'ac'bat jna' yu'un ti Cajvaltique.

Apocalipsis 1:19

Ts'ibao ta jpoc vun ti c'usi laj xa avile, ti c'usi syaquil ta xc'ot ta pasele, xchi'uc ti c'usi ta to xc'ot ta pasele.

Apocalipsis 10:4

C'alal laj c'opojic ta c'avlajetel ti vucub chauque, ta ox jtsac ta vun ti c'usi laj yalique, ja'uc le'e, laj ca'i oy buch'u c'opoj talel ta vinajel ti xi laj yalbune: “Mu xatsac ta vun ti c'usi laj yalic ti vucub chauque, ch'an uto, mu'yuc c'usi xaval.”