Daniel 4:4 - Bible in Tzotzil de Chamula

⁴ “Ti vu'un Nabucodonosorune, jun to ox co'nton chotolun ta jpasob mantal, ti mu no'ox c'usi jna' ta j'ech'el ta x'ech' cu'un ti jujun c'ac'ale.

Bible in Tzotzil de Chenalhó with Deuterocanon

⁴ “Vu'un li Nabucodonosorune, toj jun no'ox co'nton li' oyun ta jpasubmantal; mu c'u xtal ta co'nton laj ca'ay.

Daniel 4:4 Iomraidhean Croise

Isaías 56:12

Xi ta xalbe sbaique: “Ba jsa' cuch'tic vino ti tsots paseme yo' jech ta xijyacub. Ti c'u s'elan ta jpastic avi tana li'e, jech me jpastic oc'om un, mi xjelav to jutuc.”

Jeremías 48:11

Jun yo'nton nacal ma' ti Moabe. Mu'yuc yiloj ma' ti beq'uel loq'uele. Co'ol s'elan junuc vino ta sts'ab sba yalel ti smats'ile, ti mu xjele-xjele no'ox ti yavil bu ch'amale. Jech o xal un, mu soc ti smuile, ti yutsilale.

Ezequiel 28:17

Laj atoy aba xchi'uc ti avutsile. Ti xatixet no'ox xchi'uc ti alequile, laj soques ti abijile. Laj jipot yalel ta lum un. Laj cac'ot ta lo'il maxil ta sba ta sat ti ajvaliletique.

Ezequiel 29:3

Xi xavalbee: ‘Xi s'elan ta xal ti Diose: Contra xaquil, faraón, ajvalilot yu'un ti Egiptoe, muc' ta chanul vo' xava'i aba xanuxet no'ox ta sti'il avuc'ume, ti xi ta xavale: Cu'un ma' ti muc' ta uc'um Niloe, laj jmeltsan un.

Daniel 2:11

Ti c'usi ta sc'an ta sjac' ti Jcuch abtele, toj vocol, yu'un mu'yuc bu ta tael mi junuc ti buch'u xu' ta xale. Xu' yu'unic ti diosetique, c'u stu un, ti stuquique ch'acal ta stojol ti jnaclejetique.”

Daniel 4:19

“Va'i un, ti Daniele, ti ja' Belsasar ti yan sbie, ts'ijil com jliquel ta snopel. Batem xa xch'ulel ta xi'el ta snopel ti c'usi ta x'ac'bat sna' yu'un ti sjol yo'ntone. Jech ti vu'un ajvalilune xichi laj calbe ya'ie: ‘Ti vo'ote, Belsasar, mu teyuc no'ox xana'et ta yalbel smelol ti jvaich ti c'u s'elan laj quile.’ Va'i un, ti Belsasare xi laj staq'ue: ‘Teque' no'ox ch'a ya'yel un, jc'anticuc ya'yel, Jcuch abtel, ti ja' cajaluc c'otuc ta sba avajcontratac scotol ti smelol ti c'usi ta xac' ta na'el ti avaiche.

Daniel 5:8

Scotol ti bijil viniquetic ti oyic ta yajtunel ti ajvalile, ochic batel ta yut na. C'u stu un, mi junuc ti oy buch'u cuch yu'unic ta yojtiquinel ta yalbel ti ajvalil c'usi smelol ta xac' ta na'el ti c'usi ts'ibabile.

Sofonías 1:12

“Ti jech c'ac'al taje, ta jtsac jlampara yo' jech ta jchaj ta q'uelel ta sa'el ti jteclum Jerusalene. Va'i un, ta jtsits ya'i ti jnaclejetic ti buch'utic mu'yuc c'usi sna'ic ti co'ol s'elan junuc vino ti lec sts'abioj sbae, ti xi ta xalbe sbae: ‘Mu'yuc c'usi ta spas ta j'ech'el ti Diose, mi ja'uc ti leque, mi ja'uc ti chopole.’