Daniel 4:3 - Bible in Tzotzil de Chamula

³ Stuc xa no'ox jech ti sbijil ta xac' ta ilele, ti ch'ayal o'ntonal ta xc'ot yu'une. Sbatel osil ja' Ajvalil ta xcom oe. Staoj yav ti smuc'ul stsatsal ti jaylajun-q'uexel chlaj ech'icuc ti totil me'ile.

Bible in Tzotzil de Chenalhó with Deuterocanon

³ ¡Toj muc'tic, toj tsotsic ta jyalel li sq'uelubil stsatsal la spase! Li yabtel ta ajvalilale mu xlaj sc'oplal o sbatel osil. Ja' jpasmantal o ti jayc'ol cristianoetic chjelove.

Daniel 4:3 Iomraidhean Croise

Salmos 104:24

¡Mu xlaj ta albel sc'oplal ti jaytos laj apase, Dios! Meltsaj avu'un scotol ta sventa ti abijile. Noj ta banomil avu'un scotol ti c'usitic laj ameltsane.

Salmos 105:27

Xi s'elan laj yaq'uic ta ilel senyailtac yu'un Dios ta sbajtical banomile; muc'tic no'ox ch'ayal ta xc'ot o'ntonal yu'un ti c'usitic laj spasic ta yosilal ti Came.

Salmos 145:13

Ti avabtel ta ajvalilale, sventa sbatel osil, sbatel osil ti ventainvanej avu'une.

Salmos 66:7

Ta sventa ti smuc'ul stsatsale, ta spas mantal sbatel osil; yac'oj ech'el sat ta stojol ti jujun muc'tiquil lume yo' mu stoy sbaic ti jtoyobbaetic ta stojole.

Salmos 72:18

Lequil c'optabiluc ta j'ech'el ti Diose, ti Ajvalil Dios yu'un ti Israele, ti stuc no'ox oy c'usitic muc'tic ta xc'ot ta pasel yu'une.

Salmos 77:19

Laj ajam ech'el abe ta nab un; yepal no'ox vo' laxani ech'el, le' une, mu'yuc buch'u laj sta ta tunel ti yav avoque.

Salmos 86:10

Vo'ot no'ox ti Diosote, jelavem amuc'ul atsatsal, ti ch'ayal xc'ot o'ntonal yu'un ti c'usi ta xapase.

Salmos 92:5

Ch'ul Dios, ech'em no'ox smuc'tiquil ma' ti avabtel une, j'ech'el mu na'bajuc ti c'u s'elan ta xanope.

Isaías 25:1

Cajval, ti Diosot cu'une, ta xcac'ot ta toyesel ac'oplal, ta xcalbot avutsilal alequilal, yu'un c'ot ta pasel avu'un ti c'usitic jun yutsiquil anopoje, ti vo'ne xa sliquel avu'une, ti j'ech'el mu stselbuje, ti jbel sc'oplal ta xc'ot ta pasele.

Isaías 28:29

Ja' jech xchapanoj yabteltac Dios ti scotol xu' yu'une. Jun yutsil ta j'ech'el ti c'u s'elan snopoj ta spase. Ta xc'ot ta pasel yu'un ta sventa ti mu albajuc ti sbijile.

Isaías 9:7

Ta xchoti ta spasel mantal ti bu choti ti Davide; buyuc no'ox ta xpuc batel sc'oplal ti yich'oj tsots yabtel ta ajvalilale, mu'yuc xlaj sc'oplal ti lamajem ti c'op yu'une. J'ech'el ta xc'ot ta pasel ti tsots yabtel yich'oje; ti yictac yabtel ti bu stsacoj sba lec xchi'uque, ja' ti tuc' ta xchapanvane, ti ta stic' sba ta xchapel ti bu tsots sc'oplal avi tana le'e, jech o sbatel osil. Taje, ta xc'ot ta pasel ta sventa ti mu no'ox albajuc ayanem syail xc'uxul yo'nton ti Dios ti scotol xu' yu'une.

Jeremías 10:10

Ti Ajvalile, ja' ti Bats'i Diose, ti cuxul Diose, ti sbatel osil oy ta Ajvalilale. C'alal mi iline, ta xnic yu'un ti banomile; ta sc'ac'al no'ox yo'nton, ta xtub sc'oplal yu'un ti muc'tiquil lumetique.

Daniel 2:2

Ja' yu'un un, ti ajvalile laj sta talel ta iq'uel ti viniquetic ti xilic cajal toyole, ti jt'unvanejetique, ti buch'utic oy c'usi xu' yu'unic ta yesomtaele, xchi'uc ti bijil viniquetique. Taje, ja' ta sbainic ta yalbel smelol ti jaytos vaichiletique. Jech ti stuquique batic, c'otic ta stojol ti ajvalile.

Daniel 2:44

Ti c'u sjalil ta x'ech'ic ta ajvalilal ti ajvaliletic taje, ti Dios ti oy ta vinajele, ta xlic sva'an jun ajvalil ti mu'yuc buch'u xu' ta xliline yu'une. Mi ja'uc ta spase ta canal yu'un junuc ti yan muc' ta lume. Yu'un ti stuque, c'ajomal no'ox ta stsutses ta j'ech'el scotol ti yan ajvaliletique. Sbatel osil cuchem yu'un.

Daniel 4:17

Yu'un ti jchabivanej ch'ul ánjeletique, loc' mantal yu'unic ti ac'o ya'i ti va'i s'elan ta xc'ot ta stojol taje. Ja' to jech ta sna'ic scotol jnaclejetic ti oy smuc'ul stsatsal ta spas mantal ta stojol ajvaliletic ti Dios ti oy ta toyole. Yu'un ti stuque xu' ta stic' ta ajvalil ti buch'u xc'ot o ta xile. Xu' ta xc'ot ta jun banquilal jpas-mantal yu'un ta jun muc' ta lum ti buch'u biq'uit ta xac' sbae, ti mu xco'olaj jech c'u cha'al ti yan viniquetique.’

Daniel 7:14

Ac'bat yich' ti jelavem smuc'ul stsatsale, ti yutsilal slequilale, ti ventainel yu'une. Jech o xal ta xac' sbaic ta tunel ta stojol scotol ti jnaclejetic ta jujun muc' ta lume, ti ta jujuchop ti sc'opique. Yu'un jech sbatel osil ti oy smuc'ul stsatsale. Mi jutebuc ta xc'ot ta tubel ti c'u s'elan ta spas mantale.

Daniel 7:27

Ti spasob mantale, ti jelavem xu' yu'une, ti yutsilal slequilal ti oy ta scotol pasob mantaletic li' ta banomile, ja' ta xlic ac'batuc ta yoc ta sc'obic steclumal ti Dios ti oy ta toyole. Mu'yuc stsutseb ti jech ta xchoti ta pasob mantale. Yu'un scotol ti jteclumetic ta banomile, ta xac' sbaic ta tunel ta stojol. Ta xch'unbeic ti c'usi ta xale.”

Romanos 11:33

Bats'i mu albajuc yutsil yo'nton ti Diose. Mu stac' alel bu to c'alal spajeb ti sbijile xchi'uc ti c'usi ta snope. Mu'yuc buch'u xu' ta xal ti c'u s'elan snopoje. Mu jna'tic bu c'alal ti c'usi snopoj spase.

Deuteronomio 4:34

¿Mi yu'un oy bu c'otem ta pasel ya'luc sc'oplal junuc dios ti laj stsob loq'uel jun lum ta stojol yan lum ti ep ta tos ti c'usitic laj spase? Yu'un ti tey ta aba ta asatique, laj cotuc ta pasel yu'un ti jchop o ta q'uelele, ti ch'ayal ta xc'ot o'ntonal yu'une, ti xletovaj no'oxe, ti laj slaman ta bail ti bu xa c'alal xu' yu'une, ti smuc'ul stsatsal ti xi'bal sbae, laj c'otuc ta pasel yu'un ti laj spas ta atojolic ti Ajvalil Dios avu'unic ta Egiptoe.

1 Timoteo 1:17

Sbateluc osil ich'biluc ta muc', albiluc slequilal yutsilal ti Ajvalile, ti jelavem sbijile, ti mu xvinaj ta q'uelele, ti laj to c'op sna' xcham xlaje, ti c'ajomal Dios stuque. Jechuc.

Hebreos 1:8

Ja'uc ti Xnich'on Diose xi ta x'albat ti sc'oplale: “Sbatel osil ta xachoti ta pas mantal, Ch'ul Dios, yu'un tuc' ta xaventainvan ta sventa ti avabtel avich'oje.

Hebreos 2:4

Ja' jech xtoc ti Diose laj svinajes ti ja' sc'oplal stuc ta sventa ti oy c'usitic jchop o ta q'uelele, ti labal ta q'uelele, ti c'usitic ti ch'ayal ta xc'ot o'ntonal yu'un ta sventa ti Ch'ul Espíritu ti yalel toyol laj yac'botic jbijiltic jech c'u cha'al oy ta yo'nton ti Diose.

1 Pedro 4:11

Mi oy buch'u ta xc'opoje, jechuc c'opojuc jech c'u cha'al ta xal ti sc'op Diose. Mi oy buch'u ta xac' sba ta tunele, ac'o spas ta sjunul yip ti bu c'alal ac'bil yu'un ti Diose. Pasic scotol ti c'usi sc'an pasele yo' jech ich'bil ta muc' ta xc'ot ti Dios ta sventa ti Jesucristoe, ti oy ta sventa ti lequilal utsilale, xchi'uc ti smuc'ul stsatsale. Yu'un sbatel osil ta spas mantal. Jechuc.

Apocalipsis 11:15

C'alal laj yoq'uisan yoq'ues ti yucubal anjele, vinaj ti oy buch'utic tsots ta xc'opojic talel ta vinajel ti xi ta xalique: “Laj sc'oplal ta xventainvanic ti ajvaliletic li' ta banomile, ja' xa ta xlic ventainvanuc ti Cajvaltic Diose xchi'uc ti Cristo yu'une, ja' xa ta xlic pasvanuc ta mantal sbatel osil.”