Daniel 4:2 - Bible in Tzotzil de Chamula

² Ta jc'an ti ac'o ana'ic ti c'usitic toj jun yutsil ch'ayal ta xc'ot o'ntonal yu'un ti c'usi laj spas ta jtojol ti muc'ul Dios oy ta toyole.

Bible in Tzotzil de Chenalhó with Deuterocanon

² Ta jc'an chana'ic ti toj tsotsic, toj labalic sba sq'uelubiltac stsatsal la spas ta jtojol li Dios te oy ta vinajele.

Daniel 4:2 Iomraidhean Croise

Job 7:14

ta xavac'bun xi'el ti ta jvaiche, ta xasibtasun ti jovil c'opun yu'un ti c'usi ta xquile.

Salmos 51:14

Mu aq'uelojuc un, Ch'ul Dios, ta syalesel ti coc jc'obe, ti jcoltavanejot cu'une, Ch'ul Dios, ta jvinajes ac'oplal ta q'uejimoletic ti oy atuq'uil avutsile.

Salmos 65:9

Abainoj ta stuc'ulanel ti banomile; ta xatacbe tal vo' ta stojol, ta xlic ch'iuc talel avu'un ti c'usi xu' ta xaq'ue, ta sventa ti muc'tic no'ox xbalaq'uin ti yoc uc'um avu'une, ta xch'i ti trigo avu'une. Jech ta x'ayan sbeel ti osil avu'une.

Salmos 66:16

La'ic acotolic ti xana' xaxi'taic ti Diose; chiquintao ava'iic ta xcal ava'iic jlo'il ti c'u s'elan laj spas ta jtojole.

Salmos 71:18

Cajval Dios, mu xajip xatenun mi liyijub xa une, mi sac chijan xa ti jole. Tsots to sc'oplal ta xcalbe ya'iic amuc'ul atsatsal ti jch'iel jc'opojeletic li'e, xchi'uc ti ta to xtale.

Daniel 2:1

C'alal xchibal xa ox jabil yochel ta ajvalilal ti Nabucodonosore, ep ta velta ti c'usitic laj yil ta xvaiche. Ta scoj ti jech taje, lic ta vul o'nton. Mu xa xvay xchi'uc ta snopel.

Daniel 3:26

C'alal jech xa ox laj yale, ti Nabucodonosore nopaj batel ta sti' ti jornoe. Tsots avan ti xi laj yale: “Sadrac, Mesac, Abed-negó, ti vo'oxuc yajtuneloxuc ti muc'ul Dios ti oy ta toyole, loc'anic talel.” Ti oxibique loq'uic talel ti bu ta xtil sleb ti c'oq'ue.

Daniel 4:17

Yu'un ti jchabivanej ch'ul ánjeletique, loc' mantal yu'unic ti ac'o ya'i ti va'i s'elan ta xc'ot ta stojol taje. Ja' to jech ta sna'ic scotol jnaclejetic ti oy smuc'ul stsatsal ta spas mantal ta stojol ajvaliletic ti Dios ti oy ta toyole. Yu'un ti stuque xu' ta stic' ta ajvalil ti buch'u xc'ot o ta xile. Xu' ta xc'ot ta jun banquilal jpas-mantal yu'un ta jun muc' ta lum ti buch'u biq'uit ta xac' sbae, ti mu xco'olaj jech c'u cha'al ti yan viniquetique.’

Daniel 4:24

“ ‘Taje, Jcuch abtel, ja' smelol ta xac' ta na'el ti ja' jech ta xc'ot ta atojol. Loc' ta ye ti xu' jech ta xavich' yu'un ti Dios ti oy ta toyole.

Daniel 4:25

Taj une, Jcuch abtel, ta xc'ot ta pasel ti ch'acal ta xacom xchi'uc ti jnaclejetique, ti xbat capetan xchi'uc ti chon bolometique. Ta xalo' jobel jech c'u cha'al ti vacaxetique. T'iniluc apat ta xalaj ta job ac'ubal. Ja' jech acuxlej ta xc'ot ta atojol vucub jabil taje, Jcuch abtel, ja' to ti mi laj ana' lec ti oy smuc'ul stsatsal ti ta spas mantal ta stojol scotol ajvaliletic ti Dios ti oy ta toyole. Yu'un ja' ta xac' ochuc ta banquilal jpas-mantal ti buch'u ta sc'an ta xac' ochuque.

Daniel 4:34

“C'alal c'ot ta tsutsel ti c'u sjalil chapanbil ta xc'ot ta pasele, ti vu'un Nabucodonosorune lic jtoy jsat. Laj jq'uel muyel ti vinajele. Laj ca'i ti tuq'uib ti snopbenal cu'une. Va'i un, lic lequil c'opojcun ta stojol ti Dios ti oy ta toyole, ti xi s'elan yutsil ti que jti' lic'opoj ta stojol ti Buch'u stalel cuxul ta sbatel osile: “Mu sna' xlaj sbatel osil ti smuc'ul stsatsale. Yu'un ja' no'ox stuc Ajvalil ta spas mantal ta stojol ti jaylajun-coj ti ta xlaj ech'uc ti totil me'iletique.

Daniel 5:18

“Yu'un ti Dios ti oy ta toyole, laj yac' ochuc ta ajvalil, laj yac'be ti jelavem xu' yu'une, ti yutsilal slequilale, ti cajal ich'bil c'ot ta muc' ti Nabucodonosor ti ja' atote, Jcuch abtel.

Daniel 6:27

“Yu'un ti stuque, ja' jcoltavanej, ja' jpojvanej, ti ch'ayal no'ox ta xc'ot o'ntonal yu'un ti c'usi ta xac' ta ilel ti ta vinajele, ti li' ta banomile. Yu'un ja' laj stic' sba ta spojel ti Daniele yo' jech mu'yuc xlaj ta ti'el yu'un ti leonetique.”

Daniel 7:25

Ti jun taje ta xchopol-c'opta ti Dios ti oy ta toyole. Ta naca sta ta stsutsesbe ech'el steclumal ti Diose, ti oy ta yo'nton ta sjel ya'i ti oy jbel ti c'usi tsots albil yu'un ti Diose, ti ta stubbe sc'oplal ti sq'uinaltac ti c'u s'elan ch'unbil yu'unique. Yu'un ja' o'lol xchanibal (3 1/2) jabil sjalil oy ta yoc ta sc'ob ta yilbajinel steclumal ti Diose.

San Juan 4:48

Xi laj stac' ti Jesuse: —Mi mu xcac' avilic ti c'usitic ch'ayal ta xc'ot o'ntonal yu'une, mu xavich'icun ta muc' ta xch'unel.

Josué 7:19

Va'i un, ti Josuee xi laj yalbe ti Acane: —Nich'on, lequil c'optabiluc, ich'biluc ta muc' c'otuc avu'un ti Ajvalil Dios yu'un ti israeletique, ti chapetan albun ca'i ta jamal ti c'usi laj apase. ¡Mu co'ntonuc no'ox xmacmun avu'un!