Daniel 3:1 - Bible in Tzotzil de Chamula

¹ Ti ajvalil Nabucodonosore laj yal mantal ti ac'o yich' meltsanel junuc loc'obbail ti naca oro yich'oje, ti yich'ojuc lajuneb xcha'vinic (30) metro ti snatile, ti yich'ojuc oxib (3) metro smuc'ul ti liquem ta yoque. Laj yal mantal xtoc ti ac'o yich'uc va'anel ta jun stenlej ti sbiinoj Dura ti oy ta yosilal ti jteclum Babiloniae.

Bible in Tzotzil de Chenalhó with Deuterocanon

¹ Li ajvalil Nabucodonosore laj yac' ta pasel jun muc'ta loc'om ta c'anal taq'uin, lajuneb xcha'vinic (30) metro snatil, oxib metro sjamalil; te la sva'anic ta stenlejaltic Dura ta yosilal Babilonia.

Daniel 3:1 Iomraidhean Croise

1 Reyes 12:28

C'alal laj yo'nton ta snopilanel ti va'i s'elan taje, ts'acal to un, ti ajvalile lic yac' ta meltsanel cha'cot sloc'obbail ch'in vacax ti loc'tabil ta oroe, ti xi laj yalbe ti lume: “Ti vo'oxuque, Israel, ep xa ta velta xacujlajetic ta Jerusalén. Li' oy ti adiosic ti laj sloq'uesoxuc talel ta Egiptoe.”

Ester 1:1

Ti lo'il a'yej li'e, c'ot ta pasel c'alal tiq'uil ta yabtel ti Asueroe, ti ja' ajvalil yu'unic ti vucub yucvinic (127) ta chop bic'tal lumetique, ti lic ech'el ta slumal Indiae, ti c'ot c'alal to Etiopiae.

Salmos 135:15

Ti sdiosic ti buch'utic yan yo'ntonique, meltsanbil ta oro, ta plata, ta yabtel yoc sc'obic viniquetic no'ox.

Éxodo 20:23

Mu xaloc'taic ta smeltsanel avajdiosic ta c'anal taq'uin, ta saquil taq'uin, ti ta xanijan abaic ta stojol jech c'u cha'al ta xanijan abaic ta jtojole.

Éxodo 32:31

Jech ti Moisese sut batel ti bu oy ti Diose, ti xi laj yalbe ya'ie: —Ta melel, ti israeletique tsots laj sta smulic ti c'alal laj sva'anic jun dios ti meltsanbil ta oroe.

Isaías 2:20

C'alal jech yorail ta xc'ot ta pasel taje, ti viniquetique ta stelanic comel ta na ch'o, ta na sots' ti c'usitic meltsanbil ta c'abal yu'unique, ti laj smeltsanic ta oroe, ta plata ti dios yu'unic ti lic snijan xchiman sbaic ta stojol ta yich'el ta muq'ue.

Isaías 30:22

Ta xc'ot ta pasel ti mu'yuc xa stu avu'un ta xavil ti loc'obbail ti meltsanbil ta platae, ti loc'obbail ti bonanbil ta oroe. Ta xc'ot ta pasel ti mu'yuc xa stu avu'un ta j'ech'ele. Ta xabis ta c'a'ep liquel.

Isaías 46:6

Oy buch'u naca sloq'ues no'ox epal oro ta yavil, ti sbiseluc xa ta xchechel ti plata ta sbisobile. Ta jech yepal un ta spas trate xchi'uc jun jten-taq'uin yo' jech ta smeltsanbat junuc sdios ti ta xlic snijan xchiman sba ta stojol ta yich'el ta muq'ue.

Jeremías 10:9

Ti yajdiosique, plata no'ox ti ich'bil talel ta jteclum Tarsise, xchi'uc oro ti liquem talel ta jteclum Ufaze. Naca c'usitic no'ox ti ja' pasbil yu'unic ti buch'utic sna'ic sloc'taele, xchi'uc ti buch'utic oy c'usi sna'ic yunijesele, ti yax-yax'elantic xa stsajal ti sc'u'tac yu'unique. Taje, scotolic pasbil yu'unic ti buch'utic xtojobic lec ta sloc'taele.

Jeremías 16:20

Bu la xata ti stac' ta smeltsan cuxul dios ti viniquetique. Ti xu'uque, ma'uc dios ti laj smeltsane.”

Daniel 2:48

Laj taj une, jech ti ajvalile lic yac'be cajal yabtel ti Daniele. Spajeb xa no'ox yutsiquil ti matanaletic laj yac'bee. Ma'uc no'ox taje, yu'un laj yac'be yabtel ti c'ot ta its'inal ajvalil yo' ta sventain yosilal ti jteclum Babiloniae, xchi'uc c'ot ta banquilal jpas-mantal ta stojol scotol ti buch'utic bijil viniquetic ta muc' ta lum taje.

Daniel 2:49

Ac'bat ti c'usi laj sc'an ti Daniele. Jech o xal ti ajvalile laj stic' ta abtel ti Sadraque, ti Mesaque, ti Abed-negoe, cajal yabtelic laj yich'ic ta j'ech'el. Laj sbain ta sq'uelel ti c'usitic oy yu'un ti c'u sjamlej yosilal ti jteclum Babiloniae. Ja'uc ti Daniele com ta jpas-mantal yu'un ti ajvalile.

Daniel 3:14

ja' yu'un un, xi jac'batique: “¿Mi ja' melel mu xanijan abaic ta yich'el ta muc' ti diosetic cu'une, xchi'uc ti loc'obbail oro ti vu'un laj cal mantal ti ac'o yich' meltsanele?

Daniel 3:30

Ts'acal to un, ti oxib querem viniquetic taje, ac'bat cajal yabtelic yu'un ti ajvalile, ti sbainicuc ta sventainel c'u yepal ti bic'tal lumetic yu'un ti jteclum Babiloniae.

Daniel 5:23

Yu'un le' une, Jcuch abtel, c'ajomal no'ox ta xavac' ta labanel ti Dios ti oy ta vinajele. Yu'un laj aval mantal ti ac'o atunes ta amexa ti bisetique, ti lech-lech taq'uinetic ti jtunel yu'un ti ch'ulnae. Jmoj laj avuch'ic o vino xchi'uc ti c'u yepal ic'bil talel avu'une. Jmoj tey laj apasic stoyel xi'el ti diosetic ti meltsanbil ta oroe, ti ta platae, ti ta c'anal taq'uine, ti ta tsatsal taq'uine, ti ta te'e, ti ta tone, ti ja' diosetic ti mu x'ilvane, ti mu xa'i ti c'usi ta xich' alele, ti mu'yuc c'usi xu' ta spasic jset'uque. Yan le' une, ma'uc ta xapasbeic stoyel xi'el ti Dios ti ja' oy ta yoc ta sc'ob ti acuxlejale, Jcuch abtel, ti ja' sbainoj scotol ti c'usi xu' ta xapase. Laj xa yich' bisel ti bu c'alal oye, pec'tsaj xa ti bu to ox c'oteme.

Daniel 5:4

Scotolic sts'abetic no'ox ta yuch'el vino, ta spasbeic stoyel xi'el ti loc'tabil diosetic yu'unique, ti ja' meltsanbil ta oroe, ti ta platae, ti ta c'anal taq'uine, ti ta tsatsal taq'uine, ti ta te'e, ti ta tone.

Oseas 2:8

“Ja' no'ox un, ti stuque mu'yuc laj stuc'ulan lec ti vu'un ta xcac'be ti trigoe, ti vinoe, ti aceitee, ti vu'un ta jbolesbe ti platae, ti oro ti ja' lic smeltsan o ti sloc'tabil sdiostaque.

Oseas 8:4

“Mi ja'uc laj yich'bun que jti' ti c'alal laj sva'ananic ti ajvaliletique. Mi ja'uc laj jna' c'alal yac'beic yich' yabtel ti banquilaletic yu'unique. Ti platae xchi'uc ti oro ti oy yu'unique, ja' laj smeltsanic o ta dios yu'unic yo' jech ta soques sba xchi'uquic.

Habacuc 2:19

Mu xa ono'ox cha'belucot un, ti ta xavalbe ya'i ti c'usi meltsanbil ta te' ti ac'o julavuque, ti jbej ton xtoc ti mu sna' xc'opoje, ti ac'o sva'an stec'an sbae. ¿Mi yu'un xu' yu'unic ta xchanubtasvanic ec? Mi ja'uc, yu'un mi ja'uc cuxulic ac'o mi bonbilic lec ta oro, ta plata xtoc.

Hechos 17:29

Yu'un ti jech yalab xnich'nabotic ti Diose, ma'uc xtal ta joltic ta snopel ja' Dios ti c'usitic loc'tabil ta oroe, ta platae, ta tone, ti xvul no'ox ta sjolic c'u s'elan pasbil yu'un ti jnaclejetique.

Hechos 19:26

Ava'yiojic avilojic ti vo'oxuque, ti ma'uc la diosetic ti c'usitic meltsanbil ta c'abal ta xalolan ti Pabloe. Ep xa c'ot ta sjol yu'un ti jnaclejetique, ti ma'uc no'ox li' ta Efesoe, yu'un buyuc no'ox li' ta Asia banomile.

Deuteronomio 7:25

Ta xachic'beic ya'iic ti sloc'obbail sdiosique. Ja'uc le' une, mu me x'och ta avo'ntonic ta yich'bel comel ti oroe xchi'uc ti plata ti ja' c'otem ta sbontaque. Mu me ja'uc ti xbic'taj avo'nton yu'une. Yu'un ta xatic' abaic ta spasel ti chopol ta xc'ot ta stojol ti Diose.

Apocalipsis 9:20

Ja'uc le'e, ti c'u yepal com ti jnaclejetic ti buch'utic mu'yuc xchamic yu'un ti oxtos cuxul j'ilbajinvanej vocole, mu'yuc xicta sbaic ta spasel ti c'usi chopole, mi ja'uc laj yicta sbaic ta yich'el ta muc' ti pucuje, xchi'uc ti c'usitic meltsanbil ta c'abale, ti meltsanbil ta oroe, ta platae, ta tsatsal c'anal taq'uine, ta tone, ta te'e, ti c'alal mu x'ilvane, mu xa'i c'oponel, ti mu stac' xanave.